Sofonii Da yiri-a ǹ boo
Da yiri-a ǹ boo
Lawa a boo gii-dali Sofonii n Lawa a boon kɛn pii Zudaan kii Zoziasi a tá pàã la waáraa.
Lawa a boo gii-dali lɛ n pii mà Dɛnaa Lawa a lɛawaa lɛ diri. Bɛa lɛawaa lɛ li, bɔ̀n tá re minbuiin nɛn yii, bɛ kio, ǹ tɔn nə n gɔ́ɔ̃ binyəə. Bɛa lɛawaa lɛ li, Dɛnaa Lawa n die kiri kuri minbuiin nɛn la. A n goon dɔn ka yiikoonaabaa dii nə n giala koe.
Zeruzalɛmu minin sã bɛ́ ka màn mɛn nɛ, bɛ á ke: Ǹ ga Dɛnaa Lawa li wa: Ǹ nə́ toa walan ǹ nə́ dì kooroo guguru kɔ. Ǹ wɔa pàãmabaa laanka ǹ dinin gole kɔ nə́ ǹ da sii kɔkɔrɔn laanka pàã zɛnaa ganaa. Zeruzalɛmu nə́ n baa ka a lɛkoro-a kiwin kɛn bɛ́ lɔn. Zeruzalɛmu minin dinin ba doɛ̃ doo mà Lawa tá kun ka ǹsɛn nɛ wa.
Lawa a boo gii-dali pɛ ǹ nɛ foaã nɛ, mà gɔ́ɔ̃ binyəə lɛ n die boe "din-gisiĩ wolen li ka doobaan" nɛ.
Sɛ́wɔ lɛ a boo mìi dadaran:
Dɛnaa Lawa a lɛawaa gole a die, 1.1—2.3
Kiri á re n we ǹ miãkɛnɛn ganaa, 2.4-15
Zeruzalɛmu sii baraa zɛnaa sɛnɛ á re kirisibiɛ, 3.1-20.
Currently Selected:
Sofonii Da yiri-a ǹ boo: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.