Abakuku 3
3
Lawa a sii dadaran
1Lawa a boo gii-dali Abakuku a Lawa nyankɔ goon nə́ ke. A na á lɔ ka bɛ̀ dɛ ǹ màn nɛ#3.1 Wɔ bɛa boo kɛ lɛ a woo ǹ bǎã yɛ taãn wa. Min tɛnɛn man taasɛ mà a n bɛ̀ dɛ ǹ màn boo diɛ, ǹ tɛnɛn dɔn man taasɛ mà a n boo diɛ gɛ̀ loe a paǹ li..
2Dɛnaa Lawa, má n boo ma.
Ma gɔ̀nɔn nə bìn diɛ ǹ nyɛɛnɛ,
n sii dadaran zɛnaa a lɛa,
Dɛnaa Lawa.
Wɔa yiikoonaabaa gɔ́ɔ̃ nɛ,
bɛa siin kɛn kɔnboe nyaa wɔ nɛ!
Wɔa yiikoonaabaa gɔ́ɔ̃ nɛ,
toa ǹ nə n dɔ̃!
Ta n foo na á yoo,
n yiri kɔ
n din a makara doɛ̃ kɛ nɛ.
3Lawa n boe Temaa,
Lawa sonbore lɛ n boe
Paran a kelen la.
*Doa
A golebaa lon pã,
a tɔ laakalaa tán pã.
4A n tɛ pii ka wɔlɔ fúlu bɛ́ lɔn.
Tɛ fúlu n boe a gɔn nɛ,
a Pàã lɛ a duru ǹ bǎã n ka bɛ nɛ.
5Piɛ̃ busu n tɔ we a nyɛɛnɛ,
gɔ̀nɔn woɛ̃ n tɔ we a kio.
6Bɛ̀ á gole, tán nə bìn diɛ.
Bɛ̀ á ga tɔrɔn ganaa,
bɛn man nyɛ́ɛ biɛ nɛ.
Kelen mɛnɛn bɛ́ ǹ tan duduu,
bɛn man wɔsɛ kɔn.
Tentenən mɛnɛn bɛ́ ǹ tan lɛlɛ,
bɛn man kiɛ,
ǹsɛn mɛnɛn nə goã
a kiɛ̃ ǹ zii lɛa lɛlɛ.
7Ma yii n Kuusan gána a zìãn
ganaa tɔtoɛ̃ nɛ,
Madiã gána a giã ǹ bǎã ziziɛ̃ nɛ.
8Dɛnaa Lawa,
n foo n yoo-n tàn li?
N foo n yoo-n tàn li sonbore?
Bɛ̀ n tá kiɛ̃ n gɔ̀lɔ̀baa ǹ
wotoro kɛ nɛ ka n sùin ni,
n foo n busi yìsi mu gole kɛ li?
9N nə́ n sa dii,
n lɛ gɔ́ɔ̃ ǹ boon kɛn,
bɛn manə n kiɛn lɛa.
Doa
Man tán wɔsɛ, ka mu ziin ni.
10Kelen yii tá n ganaa.
Maǹ bìn diɛ nyɛ́ɛ gɔn.
Mu n kiɛ tán ka we ne,
Yìsi mu gole n gini
a ná a mu zuĩ lon.
11Wasa laanka mui n golee-n
bǎã goon ne
n kiɛn kɛn zuĩ a tɛ fúlu nyɛɛnɛ
ka n sɛmiɛ̃ kɛa tɛ fúlu ni.
12Man tɔ we tán la ka foo-yoo ne.
Man tɔrɔn yɔyɔrɛ
ka foo-yoo baraa nɛ.
13N soo n tá n zaman kirisibiɛ,
ka min mɛn bɛ́ n bɔ n koa
n wɔ lɛa.
Man min baraan kiã yɔyɔrɛ,
n na a kion ziziɛ̃ lenlen.
Doa
14Ma nə n zɔ́ɔn kiãn mìi foɛ̃
ka ǹ dinin gɔn kiɛ nɛ:
Maǹ die ka baa nɛ
ka piɛ̃ gole bɛ́ lɔn,
ǹ nə́ wɔ lui paǹ yii li.
Maǹ nə n lɛ dii
ka foo kɔɔ̃nbaa nɛ,
ǹ yɔrɔ n boe ne
durii a minin dɛ taman yii.
15Man woe nyɛɛnɛ yìsi mu li
ka n sùin ni,
mu ginii wole pàãdɛnaa kɛ bii.
16Má bɛa bìn diɛ kɛ tumaa ma,
ma foo ziziɛ̃.
Ma lɛ n bìn diɛ nyɛ́ɛ gɔn,
ma pàã nya.
Ma a boe la ma á gole
ma goãn la wa.
Tɔrɔ mɛn yoo wɔ ganaa,
ma nə n yii diɛ koe lɛawaa kɛ la
kiĩn ni,
Dɛnaa Lawa bɛ́ re die yui
ǹ gialaa ǹ mɛn pinaa.
17Á ke,
gɔ́rɔ dan ba buũ koe doo wa.
*Rezɛ̃ da ba nɛ koe doo wa.
Nɛ ba *olivie da la doo wa.
Màn-bii kɔn ba boe wurun ni wa.
Sère goon din ba sèren kion wa.
Dii ba zìã-n wa.
18Sɛnɛ,
masɛ n maa foo kɔɔ̃nbaa yii
Dɛnaa Lawa li.
Lawa mɛn bɛ́ ma kirisibiɛ,
ma nə n nyɛnyɛɛ a din taman yii.
19 #
SAM2 22.34; LOE 18.34. Dɛnaa Lawa n ma pàã lɛa.
Á ma gù kaa ka yuùn bɛ́ lɔn.
A n toɛ ma á tɔ woe kelen mìi ni.
Ǹ loe mɛn lɔ LOE-saalin goledɛnaa wɔ lɛa, ǹ nə́ da zii ka loe lɔ ǹ mànan nɛ, biɛn nə́ ǹ ganaa.
Currently Selected:
Abakuku 3: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
