Amɔɔsi 6
6
Là nyantoro babaraa
1Amɔɔsi tɔn pɛ:
Kasɛn mɛnɛn bɛ́ giã-n *Siɔn,
yii-nyɛɛ la,
kasɛn mɛnɛn bɛ́ là nyantoro gɔ́ɔ̃ nɛ,
Samarii kele kɛ la,
bɔ̀n na á ka yɛ.
Ka dinin lɛn man
tɔrɔn tumaa a nyɛɛnaandɛnan
goledɛnan lɛa.
E, Izirayeli tɔrɔn man baa sii
die kasɛn kɛn lɛn miãn li!
2«Ka bɔ Kalnee kiwi ka ga a ganaa.
Ka n toa walan
ka wo Hamati#6.2 Kalnee ne ka Gaati ni ka Hamati ni, maǹ kiwi dadaran lɛa zia nə́ ǹ ziziɛ̃. kiwi gole kɛ nɛ,
bɛ kio, ka n bɔyaa ka da Gaati,
Filisiti minin kiwi kɛ nɛ.
Bɛa kiwin lɛn man soɛ
kasɛn wɔn lɛn manɛ?
Ǹ gána lɛ n gole á la kaa wɔ nɛ?»
3Ka bɛ́ ká mà ka nə n nyɛnɛɛ bɔ̀n nɛ,
ka á re kakaarɛbaa baɛ̃ ka da nɛ.
4Ka n wɛɛ piìn la,
ǹ nə ǹ mɛnɛn nyaǹ kɔ
ka don a díi sɔn nɛ,
ka n giɛ̃ dankanan la,
ǹ mɛnɛn bɛ́ mumuu.
Ka dinin lɛn man
tɔɔ kuru lɛ a sère ten sonboren soɛ̃,
ka dinin lɛn man
zìã lɛ a dii ten kasiɛ̃ wolen soɛ̃.
5Ka n loe kankanbiɛ
bɛ̀ ka da tùtu wuu li.
Ka n bɛ̀ dɛ ǹ màn diin zɛnɛɛ
ka dinin wɔ lɛa,
ká Davida bɛ́ á goã zɛnɛɛ lɔn.
6Ka n duvɛ̃ kɛ mii màn dadaran nɛ,
ka n nyɔɔ gìĩ kɔɔ̃n kɛ loe,
sɛnɛ, sii mɛn bɛ́ re Zozɛfu tɔrɔn kɛn yii,
bɛa taasiɛ diɛ ka ganaa wa.
7Bɛ lɛ n ke sisia kəni,
ka dinin lɛn man die woe
bɛ̀rɛbaa ǹ bǎã nɛ,
ka miãn nyɛɛnɛ.
Ka gɔn bɔ ma din ganaa wolen kɛn,
kaa zɔ́n zɛnaan lɛn tá re sàabiɛ!
Samarii kiwi a ziziɛ̃
8Dɛnaa Lawa Pàãyiidɛnaa nə́ n liɛ
ka a din tɔ nɛ á pɛ kɛnɛn:
Zakɔba tɔrɔn kɛn din gole kɔ kɛ tìĩ bɔ
ma nyin ni,
ǹ kion sonboren kɛn
sii goon ba ma-a wa.
Ma á re kiwi lɛ we a zɔ́ɔn gɔn,
kɔnlɛ ka a gɔ́ɔ̃gɔɔ̃ ǹ mànan tumaa nɛ.
9Bɛ̀ sumu mɛn a minin nə́ n zɔ̃
ǹ nə́ goã fù,
bɛa min fù lɛ dɔ á re giɛ̃.
10Ǹ dɔɔ̃n goon tá re die
ǹ geren goɛ,
a ǹ bɔ kion lɛ nɛ, a wo ǹ tã.
Min mɛn yii bɛ́ tɔn koo,
durii-n kion lɛ gɔ́ɔ̃ li,
á re nɔ̀n diɛ bɛa dɛnaa la:
«Min kɔsɔ tá kunun n ni ya?»
Bɛ á re a lɛ sii:
«Min kɔsɔ banban!»
Á re pii-n dɔn:
«N lɛ tã koe! A giala,
Dɛnaa Lawa tɔ kɛ a n pii pelo wa.»
11Sonbore, á ke:
Bɛ̀ Dɛnaa Lawa boo da,
kion dadaran kɛn man kiɛ.
Kion bisinin kɛn man pupuri.
Gɔ̀lɔ̀baa mɛn bɛ́ là ba-a wa
12Ka bin nə́ sùi yɛ baa sii gɛ̀fu la?
Ka bin nə́ ǹ yɛ gɛ̀fu kɔsɛ
ka diin kána nɛ?
Wàa na a baa,
ká taãn-pɛ sɛ bɔyaa ká baa
sèwò lɛa,
ká peperebaa bɔyaa ká baa kɔɔsɛ.
13Lodebaara kiwi kɛ lɛ a ná
a màn kɔn lɛa wa,
ka nə n nyɛnyɛɛ mà kasɛn nə́
bɛ lɛ kũ.
Karnayimu kiwi ke pàã ná a lon,
ká mà kasɛn nə́ bɛ si
ka ka dinin pàã nɛ.
14Bɛ lɛ nɛ, pàã tumaa
a Dɛnaa Lawa
tɔ́n pɛ kɛnɛn:
Izirayeli tɔrɔn lɛn,
man die tɔrɔ kɔsɔ diɛ ka-a.
Bɛ á re boe ka yii ni,
a saa Lebo-Amaati kiwi lɛkoro ganaa
gɔsɛ a lɛ̀gɔn la,
a wo yǎa nyankɔrɔ lɛ kɛ nɛ
tà kɛ lɛkoro-a gusin a lɛ̀gɔn la.
Currently Selected:
Amɔɔsi 6: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.
