Proverb 20
20
1Divin fer twa vinn tapazer, lalkol fer twa rod lager;
dimounn ki dan soulezon zame vinn saz.
2Kan lerwa ankoler li kouma enn lion ki pe grogne;
pa ogmant so koler, to pou fini sis pie anba later.
3Ninport ki fezer kapav lev lager;
me li enn loner pou dimounn ki konn evit lager.
4Planter pares pa prepar karo dan bon sezon;
ler rekolt vini, zero plonbaz.
5Panse dan leker enn dimounn, li profon kouma dilo kler anba later;
bizin enn lespri fite pou fer li monte.
6Tou dimounn lor later dir ki zot sinser;
an-verite, pena boukou ki to kapav vremem fer konfians.
7Bienere bann zanfan,
si zot paran amenn enn lavi san repros.
8Enn vre dirizan, li enn bon ziz;
li konn detekte seki move.
9Personn pa kapav dir ki so konsians kler;
personn pa kapav pretann ki li pena pese.
10Kan pwa ek mizir trike,
LESEGNER deteste.
11Mem enn zanfan montre ki li ete par so konportman;
fasil pou kone si li bon, si li onet.
12 LESEGNER finn donn nou lizie pou gete,
ek zorey pou ekoute.
13Si to pas letan dormi, to pou lor lapay,
me to katora#20:13 Katora: Gardmanze. pou plin si to leve, to al travay.
14kliyan plengne kan aste;
me kan fini aste li blage.
15Bann parol konesans pli presie
ki boukou lor ek pier presie.
16Si kikenn ase bet pou garanti det enn etranze,
li merite kan ipotek so dibien kouma garanti.
17Manze kokin, li bien dou dan labous,
me bien vit li vinn gravie anba ledan.
18Swiv bon konsey si to anvi to proze reisi;
reflesi bien avan to azir.
19Palabrer pa konn gard sekre.
Pa frekant dimounn ki nek blage.
20Si to modi to paran,
to lavi pou tengn avan ler, kouma enn lalanp dan lanwit.
21Lamone fasil, mal gagne;
li pa pou profit twa plitar.
22Pa pran lalwa dan to lame;
met dan lame LESEGNER, limem Ziz.
23LESEGNER pa kontan kan trik balans;
li malonet kan fos mizir.
24 LESEGNER, limem ki diriz nou pa;
akoz sa, souvan nou pa konpran kot nou pe ale.
25Pans bien avan to promet LESEGNER enn lofrand.
Pa fer enn serman ki to pou regrete! Li bien danzere!
26Enn bon dirizan kone kisann-la ki move;
li pou pini zot san pitie.
27 LESEGNER finn donn nou enn konsians kouma enn lalanp;
li explor nou leker.
28Enn lerwa res opouvwar kan li bon ek onet;
so fidelite rann so tronn pli solid.
29Fierte zenes dan zot lafors;
me seve blan fer bote gran-dimounn.
30Parfwa bizin gagn bate pou nou manier sanze;
souvan bizin gagn dimal pou leker transforme.
Currently Selected:
Proverb 20: KMNT
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
