رُواْمَاوَا 12
12
هَدَايَ مَيْ رَيْ
1سَبُواْدَ حَكَ إِنَ ضُواْڧُوانْكُ، یَنْعُوَ، سَبُواْدَ يَوَنْ جِنْڧَنَّنْ نَ اللَّهْ، كُمِيڧَ كَنْكُ هَدَايَ وَدَّ تَكٜىٰ مَيْ رَيْ، مَيْ ڟَرْكِے دَ كُمَ أَبِنْ كَرْٻَ غَ اللَّهْ؞ وَنَّنْ كُوَ عِتَثٜىٰ حَنْيَرْ دَ ذَاكُيِ وَ اللَّهْ حِدِمَ تَعَّيْنِحِ؞ 2كَدَ كُيَرْدَ تُنَانِ إِرِنْ نَظَامَانِنَّنْ يَبِے دَ حَنْكَلِنْكُ، عَمَّا كُيَرْدَ اللَّهْ يَثَنْجَكُ يَسَابُنْتَ تُنَانِنْكُ دَ حَنْكَلِنْكُ؞ تَهَكَ ذَاكُ عِيَ تَبَّتَرْ دَ أَبِنْدَ يَكٜىٰ نُڢِنْ اللَّهْ، وَتُواْ أَبِنْدَ يَكٜىٰ مَيْݣَوْ، أَبِنْ كَرْٻَ غَ اللَّهْ دَ كُمَ أَبِنْدَ يَكٜىٰ ثِكَكّٜىٰ؞
3بِسَغَ أَلْحٜىٰرِنَّنْ دَ عَكَيِ مِنِ، إِنَيِ وَكُواْوَنٜىٰ طَيَنْكُ غَرْغَطِے ثٜىٰوَ كَدَ كُواْوَ يَطَوْكِ كَنْسَ دَ غِرْمَ ڢِيٜىٰدَ يَدَّ يَا كَمَاتَ يَيِ؞ أَ مَيْمَكُوانْ حَكَ كُواْوَ يَمَيْدَ حَنْكَلِ غَمٜىٰدَ يَدَّ يَكٜىٰ غَنِنْ كَنْسَ، وَتُواْ يَدِنْغَ غَنِنْ كَنْسَ دَيْدَيْ ڠُورْڠُودُوانْ بَنْغَسْكِيَرْ دَ اللَّهْ يَبَاشِ؞ 4مُنَدَ غَٻُواْٻِ دَيَوَ ثِكِنْ جِكِے غُدَا، كُمَ دُكْ غَٻُواْٻِنَّنْ سُنَدَ عَيْكِنْسُ دَبَمْ دَبَمْ؞ 5حَكَكُمَ، مُو دَمُكٜىٰ مُتَنٜىٰ مَاسُيَوَ، مُنْ ذَمَ جِكِے طَيَ ثِكِنْ أَلْمَسِيحُ، كُواْوَنٜىٰ طَيَنْمُ كُوَ غَٻَرْ طَنْعُوَنْسَ نٜىٰ؞ #1 كُوارْ 12.12 6دَيَكٜىٰ مُنَدَ بَيٜىٰ بَيٜىٰنَّنْ إِرِ إِرِ دَيْدَيْ ڠُورْڠُودُوانْ أَلْحٜىٰرِنْ دَ اللَّهْ يَيِ مَنَ، تُواْ، سَيْ مُيِ أَمْڢَانِ دَسُو؞ عِدَنْ بَيْوَرْمُ تَيِنْ أَنَّبْثِ ثٜىٰ، سَيْ مُيِ أَنَّبْثِ دَيْدَيْ ڠُورْڠُودُوانْ بَنْغَسْكِيَرْمُ؞ 7عِدَنْ بَيْوَرْمُ كُوَ تَيِنْ حِدِمَ ثٜىٰ، سَيْ مُيِ حِدِمَ؞ عِدَنْ تَيِنْ كُواْيَرْوَا ثٜىٰ، مُيِ كُواْيَرْوَا؞ 8عِدَنْ تَڧَرْڢَڢَوَرْ جُونَ ثٜىٰ، بَرِ مُكَسَنْثٜىٰ مَاسُ ڧَرْڢَڢَاوَا؞ عِدَنْ كُمَ بَيْوَرْمُ تَبِيَنْ بُڧَاتَرْ یَنْعُوَ ثٜىٰ، سَيْ مُيِ حَكَ طِنْ حَنُّ سَكٜىٰ؞ عِدَنْ تَشُوغَبَنْثِ ثٜىٰ، سَيْ مُيِشِ دَ ڨُوذُواْ؞ عِدَنْ تَنُونَ تَوْسَيِ ثٜىٰ، سَيْ مُيِ حَكَ دَ ڢَضٍ ثِكِ؞ #1 كُوارْ 12.4-11
يَدَّ ذَعَ غَانٜىٰ دَ مَيْبِے نَغَسْكٜىٰ
9يَا كَمَاتَ ڧَوْنَرْكُ تَذَمَ تَغَسْكِيَ؞ كُڧِ دُكْ أَبِنْدَ يَكٜىٰ مُوغُ، عَمَّا كُرِڧٜىٰ أَبِنْدَ يَكٜىٰ مَيْݣَوْ دَ ڧَرْڢِے سُواْسَيْ؞ 10كُبَادَ كَنْكُ غَ جُونَ دَ ڧَوْنَ إِرِنْ تَیَنْعُوَ؞ كُواْوَ يَيِ سَوْرِنْ غِرْمَمَ وَنِ ڢِيٜىٰدَ كَنْسَ؞ 11كَدَ كُتَٻَ ذَمَ دَ رَشِنْ ڨُوذُواْ، عَمَّا كُطَوْكِ نِيَّ سُواْسَيْ أَ ظُكَاتَنْكُ كُنَيِ وَ اللَّهْ حِدِمَ؞ 12كُيِ ڢَضٍ ثِكِ عَثِكِنْ سَا ذُوثِيَارْكُ، كُيِ حَڧُرِ عَثِكِنْ عَذَابَ، كُيِ أَمِنْثِ كُمَ عَثِكِنْ أَدُّعَرْكُ؞ 13كُدِنْغَ رَبَ أَبِنْدَ كُكٜىٰ دَشِ دَ ڟَرْكَكَنْ اللَّهْ وَطَنْدَ سُكٜىٰ دَ بُڧَاتَ؞ كُدِنْغَ كَرْٻَرْ بَاڧِ حَنُّ بِيُ بِيُ؞
14كُسَا وَ وَطَنْدَ سُكٜىٰ ڟَنَنْتَ مُكُ أَلْبَرْكَ؞ كُسَا مُسُ أَلْبَرْكَ، كَدَ كُلَعَنْتَسُ؞ #مَتْ 5.44؛ لُكْ 6.28 15كُيِ ڢَضٍ ثِكِ تَرٜىٰدَ مَاسُ ڢَضٍ ثِكِ، كُيِ كُوكَا تَرٜىٰدَ مَاسُ كُكَ؞ 16كُيِ ذَمَنْ لَاڢِيَ دَ جُونَ؞ كَدَ كُنُونَ حَلِنْ طَغَ كَيْ، عَمَّا كُمَيْدَ كَنْكُ أَبُواْكَيْ غَ وَطَنْدَ بَعَطَوْكٜىٰسُ عَبَاكِنْ كُواْمٜىٰبَ؞#12.16 كُمَيْدَ كَنْكُ أَبُواْكَيْ غَ وَطَنْدَ بَعَطَوْكٜىٰسُ عَبَاكِنْ كُواْمٜىٰبَ: وَنِ جُويِ نَوَطَنَّنْ كَلْمُواْمِ شِينٜىٰ «كُيَرْدَ دَ يِنْ إِرِنْ عَيْكِنْ دَ بَعَغَنِ دَ دَرَجَ؞» كَدَ كُطَوْكِ كَنْكُ كَمَرْ كُنْڢِے سَوْرَنْ مُتَنٜىٰ وَيُواْ؞ #كَـ مَغْـ 3.7
17عِدَنْ وَنِ يَيِمُكُ مُغُنْتَا، كَدَ كُسَاكَ مَسَ دَ مُغُنْتَا؞ كُلُورَ دُوانْ كُعَيْكَتَ أَبِنْدَ كُواْوَ ذَيْ عِيَ غَنِ ثٜىٰوَ دَيْدَيْنٜىٰ؞ 18كُيِ إِيَاكَرْ ڧُواْڧَرِنْكُ، إِنْ ذَيْ يِوُ، كُيِ ذَمَنْ لَاڢِيَ دَ كُواْوَ؞ 19كَدَ كُذَمَ مَاسُ رَامُوَا، یَنْعُوَنَ، سَيْدَيْ كُبَرْ وَ اللَّهْ يَرَامَ مُكُ دَ ڢُشِنْسَ؞ دُوانْ كُوَ أَرُبُوثٜىٰ يَكٜىٰ ثِكِنْ مَغَنَرْ اللَّهْ ثٜىٰوَ
«رَامُوَا تَاوَ ثٜىٰ،
نِے كُوَ ذَنْ رَامَ، إِنْجِ عُبَنْغِجِ؞» #مَيْ شَـ 32.35
20رُبُوتَثِّيَرْ مَغَنَرْ اللَّهْ تَسَاكٜىٰ ثٜىٰوَ
«عِدَنْ أَبُواْكِنْ غَابَنْكَ يَنَ جِنْ يُنْوَ،
سَيْ كَبَاشِ عَبِنْثِ؞
عِدَنْ يَنَ جِنْ ڧِشِنْ ضُوَ،
سَيْ كَبَاشِ ضُوً شَا؞
تَيِنْ حَكَ كَنَ تَارَ غَرْوَشِنْ وُتَا عَكَنْسَ نٜىٰ؞» #كَـ مَغْـ 25.21-22
21كَدَ كُبَرْ مُغُنْتَا تَيِ نَصَرَا عَكَنْكُ، أَمَيْمَكُوانْ حَكَ كُيِ نَصَرَا عَكَنْ مُغُنْتَا تَوُرِنْ عَيْكَتَ أَبِنْدَ يَكٜىٰ مَيْݣَوْ؞
Currently Selected:
رُواْمَاوَا 12: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
