رُواْمَاوَا 11
11
اللَّهْ بَيْ ڧِ إِسْرَٰٓءِيلَ غَبَاطَيَبَ
1تُواْ، إِنَ تَمْبَيَ، اللَّهْ يَڧِ مُتَنٜىٰنْسَ كٜىٰنَنْ؟ إِنَا! كُواْ كَطَنْ! نِے دَكَيْنَ مُتُمِنْ إِسْرَٰٓءِيلَ نٜىٰ دَغَ ذُرِيَرْ إِبْرَٰهِيمْ، كُمَ مُتُمِنْ ذُرِيَرْ بِلِيَامِنُ؞ #ڢِلِبْ 3.5 2اللَّهْ بَيْڧِ مُتَنٜىٰنْسَ وَطَنْدَ يَذَاٻَا تُنْدَغَ ڢَرْكُواْبَ؞ كُنْ دَيْ سَنْ أَبِنْدَ رُبُوتَثِّيَرْ مَغَنَرْ اللَّهْ تَڢَطَا غَمٜىٰدَ إِلْيَاسُ، وَتُواْ يَدَّ شِ إِلْيَاسُ يَكَيْ كُوكَا غَ اللَّهْ عَكَنْ إِسْرَٰٓءِيلَ ثٜىٰوَ 3«عُبَنْغِجِ، سُنْ كَكَّشٜىٰ أَنَّبَاوَنْكَ، سُنْ كُمَ رُرُّشٜىٰ بَغَدَنْكَ؞ نِنٜىٰ كَطَيْ نَضَغٜىٰ، كُمَ سُنَ نٜىٰمَ سُكَشٜىٰنِ؞» #1 سَرْ 19.10،14 4وَثٜىٰ أَمْسَ ثٜىٰ اللَّهْ يَبَاشِ؟ يَأَمْسَ دَ ثٜىٰوَ «نَايِ وَكَيْنَ أَجِيَرْ مُتَنٜىٰ دُبُو بَݣَويْ وَطَنْدَ بَسُ دُرْڧُسَ سُيِ وَ اللَّهْ نَّنْ بَعَلْ بَوْتَبَ؞» #1 سَرْ 19.18 5حَكَ وَنَّنْ يَكَسَنْثٜىٰ عَيَنْظُ مَا؞ أَݣَويْ ضَغُواْوَرْ مُتَنٜىٰ وَطَنْدَ اللَّهْ يَذَاٻَا بِسَغَ أَلْحٜىٰرِنْسَ؞ 6ذَاٻٜىٰنَّنْ دَ اللَّهْ يَيِ كُوَ يَدُواْغَرَ غَ أَلْحٜىٰرِنْسَنٜىٰ، بَا غَ أَيُّكَنْ دَ مُتَنٜىٰنْ سُكَيِبَ؞ غَمَا إِنْ بَهَكَبَ، أَلْحٜىٰرِ بَيْ ذَمَ أَلْحٜىٰرِ نَغَسْكٜىٰبَ؞
7تُواْ، يَيَ كٜىٰنَنْ؟ أَيْ، إِسْرَٰٓءِيلَاوَا سُنْ كَاسَ سَامُنْ أَبِنْدَ سُكٜىٰ نٜىٰمَ؞ سَيْ دَيْ وَطَنْسُ كَطَنْ دَ عَكَ ذَاٻَا عَثِكِنْسُ نٜىٰ سُنْ سَامُ، عَمَّا سَوْرَنْ سُنْ ذَمَ مَاسُ تَوْرِنْ كَيْ؞ 8كَمَرْ يَدَّ يَكٜىٰ أَرُبُوثٜىٰ ثٜىٰوَ
«اللَّهْيَبَاسُ رُوحٌ رَشِنْ غَانٜىٰوَ،
دَ إِدَانُنْ دَ بَاسَ غَنِ،
دَ كُنُّوَنْ دَ بَاسَجِ؞
وَنَّنْ كُوَ يَثِيغَبَ هَرْوَيَوْ؞» #مَيْ شَـ 29.4؛ عِشـ 29.10
9كُمَ دَاوُدَ يَثٜىٰ،
«بَرِ بِكِنْسُ يَذَمَ مُسُ تَرْكُواْ،
أَبِنْ جَٰوُاْ مُسُ حَڟَرِ؞
بَرِ يَسَا سُيِ تُنْتُٻٜىٰ
يَجَٰوُاْ مُسُ حُكُنْثِ؞
10بَرِ عِدَنُونْسُ سُيِ دُهُ حَرْ سُكَاسَ غَنِ،
نَوْيِنْ وَهَلَ كُمَ يَظُبُواْ مُسُ نَوْيِ حَرْ أَبَدَا؞» #زَبُو 69.22-23
ثٜىٰتُوانْ وَطَنْدَ بَا يَهُودَاوَا بَ
11حَرْ يَنْذُ إِنَ تَمْبَيَ؞ دَ إِسْرَٰٓءِيلَاوَا سُكَيِ تُنْتُٻٜىٰ، سُنْ ڢَاطِ حَرْ بَذَاسُ تَاشِبَ كٜىٰنَنْ؟ إِنَا! كُواْ كَطَنْ! سَبُواْدَ ذُنُوبِنْسُ ثٜىٰتُواْ يَكَيْ غَ وَطَنْدَ بَا يَهُودَاوَا بَ، دُوانْ أَ سَا إِسْرَٰٓءِيلَاوَا سُجِ كِيشِنْسُ؞ 12إِنْ كُوَ ذُنُوبِنْ دَ سُكَيِ يَكَٰوُاْ وَ دُونِيَا أَلْبَرْكَ، إِنْكُمَ كَاسَوَرْسُ تَكَٰوُاْ أَلْبَرْكُ غَ وَطَنْدَ بَا يَهُودَاوَا بَ، تُواْ، يَيَ ڢَا أَلْبَرْكَرْ نَنْ ذَاتَ ذَمَ أَ لُواْكَثِنْ دَ يَوَنْ إِسْرَٰٓءِيلَاوَا يَثِكَ طُنْغُمْ؟
13يَنْذُ دَ كُو وَطَنْدَ بَا يَهُودَاوَا بَ نَكٜىٰ مَغَنَ؞ تُنْدَ يَكٜىٰ نِے مَنْذُوانْ عِيسَىٰ نٜىٰ غَ وَطَنْدَ بَا يَهُودَاوَا بَ، ذَنْيِ طَنْ تَاڧَمَ دَ عَيْكِنَّنْ نَوَ؞ 14تَيِنْ حَكَ إِنَ ڢَاتَا ثٜىٰوَ ذَنْعِيَ سَا جَمَعَتَ إِسْرَٰٓءِيلَ سُجِ كِيشِ، حَرْ مَا وَنَّنْ يَسَا عَثٜىٰثِ وَطَنْسُنْسُ؞ 15غَمَا عِدَنْ ڧِنْسُ دَ عَكَيِ، يَذَمَ أَبِنْ بُوطٜىٰ حَنْيَرْ شِرْيَ ڟَكَانِنْ اللَّهْ دَ دُونِيَا، أَ سَعَدَّ ذَاعَ كَرْٻٜىٰسُ ڢَا، بَا سَامُنْ رَيْ دَغَ مَتَتُّو نٜىٰ وَنَّنْ ذَيْ كَٰوُاْبَ؟
16عِدَنْ أَنْكٜىٰٻٜىٰ سَاشٜىٰ طَيَ نَغُرَاسَرْ حَڟِنْ نُونً ڢَارِ تَهَنْيَرْ مِيڧَشِ غَ اللَّهْ، أَنْكٜىٰٻٜىٰ دُكَنْ غُرَاسَرْ دَ ڟَرْكِے كٜىٰنَنْ؞ عِدَنْ كُمَ عَكَ كٜىٰٻٜىٰوَ اللَّهْ سَيْوَرْ إِتَاثٜىٰ، دُكَنْ رَسَّنْ إِتَاثٜىٰنْ مَا أَنْكٜىٰٻٜىٰسُ دَ ڟَرْكِے كٜىٰنَنْ؞#لِـ ڧِدْ 15.17-21
17تُواْ، أَنْسَسَّرٜىٰ وَطَنْسُ رَسَّنْ إِتَاثٜىٰنْ ظَيْتُنْ إِرِنْ وَنْدَ عَكَ نُواْمٜىٰ، سَيْ عَكَ طَوْكِ وَنِ رٜىٰشٜىٰنْ إِتَاثٜىٰنْ ظَيْتُنْ إِرِنْ نَدَاجِ، عَكَ كُمَيِ مُسُ عَوْرٜىٰ؞ كُو وَطَنْدَ بَا يَهُودَاوَا بَ كُوَ، كَمَرْ رٜىٰشٜىٰنْ إِتَاثٜىٰنْ ظَيْتُنْ نَدَاجِ كُكٜىٰ، كُونٜىٰ عَكَ حَطَكُ دَ تُوشٜىٰنَّنْ، وَتُواْ يَهُودَاوَا، وَطَنْدَ دَغَ غَرٜىٰسُنٜىٰ كُكٜىٰ سَامُنْ أَلْبَرْكُنْ اللَّهْ؞ 18سَبُواْدَ حَكَ كَدَ كُيِ تَاڧَمَ عَكَنْ ثٜىٰوَ كُنْڢِے وَطَنْثَنْ رَسَّنْ دَ عَكَ سَسَّارٜىٰ؞ عِدَنْ كُوَ كُنَ تَاڧَمَ، سَيْ كُتُنَ ثٜىٰوَ بَا تُوشٜىٰنْ نٜىٰ يَكٜىٰ دُواْغَضَ أَغَرٜىٰكُبَ، سَيْدَيْ كُونٜىٰ كُكٜىٰ دُواْغَضَ غَ تُوشٜىٰنْ؞
19عَمَّا كَنَ عِيَ ثٜىٰوَ «أَيْ، أَنْسَسَّرٜىٰ رَسَّنْ نٜىٰ دُواْمِنْ أَ سَامِ دَامَ أَ حَطَ نِے دَ تُوشٜىٰنْ؞» 20ڨُورَيْ كُوَ! عَمَّا سَبُواْدَ رَشِنْ بَنْغَسْكِيَ نٜىٰ عَكَ سَسَّارٜىٰسُ دَغَ تُوشٜىٰنْ، كَيْ كُمَ بِسَغَ بَنْغَسْكِيَ نٜىٰ كَكٜىٰ دَ ظَرَڢِنْ ذَمَ حَطٜىٰ دَ تُوشٜىٰنْ؞ سَبُواْدَ حَكَ كَدَ كَيِ تَاڧَمَ، أَمَيْمَكُوانْ حَكَ، كَجِڟُواْرُواْ؞ 21غَمَا عِدَنْ اللَّهْ بَيْ بَرْ رَسَّنَّنْ وَطَنْدَ سُونٜىٰ عَيْنِحِنْ نَتُوشٜىٰنْبَ، كَيْ مَا بَذَيْ بَرْ كَبَ؞ 22أَ نَنْ مُنَ عِيَ غَنِنْ يَدَّ اللَّهْ يَكٜىٰدَ أَلْحٜىٰرِ دَ كُمَ ڟَنَنِ؞ يَنُونَ ڟَنَنِنْسَ غَ وَطَنْدَ سُكَ ڢَاطِ، عَمَّا يَنُونَ أَلْحٜىٰرِنْسَ أَغَرٜىٰكَ، وَتُواْ، عِدَنْ كَا ثِيغَبَدَ ذَمَ ثِكِنْ أَلْحٜىٰرِنْسَ؞ عِدَنْ كُوَ بَكَ ثِيغَبَدَ حَكَبَ، كَيْ مَا ذَاعَ سَارٜىٰكَ دَغَ تُوشٜىٰنْ كٜىٰنَنْ؞ 23عِدَنْ كُوَ سُو إِسْرَٰٓءِيلَاوَا بَسُ ثِيغَبَدَ رَشِنْ بَنْغَسْكِيَابَ، ذَاعَ حَطَسُ دَ تُوشٜىٰنْ، دُوانْ اللَّهْ يَنَ عِيَ يَسَاكٜىٰ مَيْدَسُو عَتُوشٜىٰنْ؞ 24كُو وَطَنْدَ بَا يَهُودَاوَا بَ دَيْ، كُنَ كَمَرْ إِتَاثٜىٰنْ ظَيْتُنَّنْ إِرِنْ نَدَاجِ وَنْدَ بَايَنْدَ عَكَ سَارُواْشِ، سَيْ عَكَ حَطَ مَسَ عَوْرٜىٰ دَ إِتَاثٜىٰنْ ظَيْتُنْ إِرِنْ وَنْدَ عَكَ نُواْمٜىٰ؞ وَنَّنْ كُوَ دَ عَكَيِبَ بِسَغَ ڧَٰعِدَرْ عَوْرٜىٰنْ عِتَتُوَ بَنٜىٰ؞ تُواْ، تُنْدَيَكٜىٰ سُو إِسْرَٰٓءِيلَاوَا سُونٜىٰ كَمَرْ إِرِنْ إِتَاثٜىٰنْ ظَيْتُنْ وَنْدَ عَكَ نُواْمٜىٰ، ذَيْ ذَمَ أَبُ مَيْ سَوْڧِ سُواْسَيْ غَا اللَّهْ يَسَاكٜىٰ مَيْدَ رَسَّنَّنْ دَ عَكَ سَارٜىٰ عَ إِتَاثٜىٰنَّنْ وَنْدَ شِينٜىٰ أَصَلِنْسُ؞
اللَّهْ يَنَ نُونَ جِنْڧَيْ غَ كُواْوَ
25بَانَ سُواْ كُكَسَنْثٜىٰ دَ رَشِنْ سَنِنْ وَنَّنْ أَسِيرِ یَنْعُوَ، دُواْمِنْ كَدَ كُطَوْكِ كَنْكُ كُو مَاسُ حِكِمَ نٜىٰ؞ تَوْرِنْ ذُوثِيَا يَڢَرُ غَ سَاشٜىٰ نَ إِسْرَٰٓءِيلَ حَرْ دُكَنْ يَوَنْ وَطَنْدَ بَا يَهُودَاوَا بَ دَ ذَاسُ شِغَ وُرِنْ اللَّهْ يَثِكَ؞ 26تَهَكَ ذَاعَ ثٜىٰثِ دُكَنْ إِسْرَٰٓءِيلَ؞ كَمَرْ يَدَّ يَكٜىٰ أَرُبُوثٜىٰ ثٜىٰوَ
«مَيْ ثٜىٰتُواْ ذَيْذُواْ دَغَ سِهِيُواْنَ؞
ذَيْ كَوَرْدَ دُكْ ڧِنْ بِنْ اللَّهْ دَغَ ذُرِيَرْ يَعْڧُوبَ؞ #عِشـ 59.20-21
27وَنَّنْ عِتَثٜىٰ يَرْجٜىٰجٜىٰنِيَتَ دَسُو،
أَ سَعَدَّ ذَنْ طَوْكٜىٰ مُسُ ذُنُبَنْسُ؞» #إِرْمِ 31.33-34
28غَمٜىٰ دَ ڧِنْ لَابَرِ مَيْ دَاطِنْ دَ سُكَيِ، يَهُودَاوَا سُكَ ذَمَ مَاسُ غَابَادَ اللَّهْ؞ وَنَّنْ كُمَ دُواْمِنْ أَمْڢَانِنْكُ نٜىٰ؞ عَمَّا غَمٜىٰدَ ذَاٻٜىٰنْسُ دَ عَكَيِ، سُو مُتَنٜىٰنٜىٰ دَ اللَّهْ يَكٜىٰ ڧَوْنَ؞ وَنَّنْ كُوَ أَلْبَرْكَثِنْ كَاكَنِّنْ كَاكَنِّنْسُ نٜىٰ؞ 29غَمَا ݣَوْتَيْ نَ اللَّهْ دَ كِرَنْسَبَ أَبُبُوَ نٜىٰ دَ اللَّهْ ذَيْ جَنْيٜىٰبَ؞ 30أَ دَا كُو وَطَنْدَ بَا يَهُودَاوَا بَ، كُو مَاسُ رَشِنْ بِيَيَّ غَ اللَّهْ نٜىٰ، عَمَّا يَنْذُ كَمْ كُنْ سَامِ جِنْڧَيْ تَوُرِنْ رَشِنْ بِيَيَّرْ يَهُودَاوَا؞ 31حَكَكُمَ سُو يَهُودَاوَا سُنْ ذَمَ مَاسُ رَشِنْ بِيَيَّ غَ اللَّهْ عَيَنْظُ؞#11.31 عَيَنْظُ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا بَاسُدَ وَنَّنْ كَلْمَرْ؞ وَنَّنْ كُوَ دُواْمِنْ سُسَامِ جِنْڧَيْ نٜىٰ تَوُرِنْ جِنْڧَنَّنْ دَ اللَّهْ يَنُونَ مُكُ؞ 32غَمَا اللَّهْ يَا مَيْدَ دُكَنْ مُتَنٜىٰ كَمَرْ یَنْ كُرْكُكُ نَرَشِنْ بِيَيَّرْسُ؞ يَيِ حَكَ دُواْمِنْ يَنُونَ جِنْڧَيْ غَ دُكَنْسُ؞
يَبُواْ غَ اللَّهْ
33إِنَا مِصَالِنْ ظُرْڢِنْ يَوَنْ حِكِمَرْ اللَّهْ!
ظُرْڢِنْ سَنِنْسَ كُمَ مَرَرْ إِيَاكَ نٜىٰ!
حُكُنْثٜىٰ حُكُنْثٜىٰنْسَ سُنْڢِے غَبَنْ بِنْثِكٜىٰ،
هَنْيُواْيِنْ أَلْعَمُرَنْسَ سُنْ وُثٜىٰ غَبَنْ غَانٜىٰوَ! #عِشـ 55.8
34«وَيَتَٻَ سَنِنْ ذُوثِيَارْ عُبَنْغِجِ؟
وَيَتَٻَ ذَمَ أَبُواْكِنْ شَوَرَرْسَ؟» #عِشـ 40.13
35«وَيَتَٻَ بَا اللَّهْ وَنِ أَبُ
حَرْ دَ ذَيْ ذَمَ دُواْلٜىٰ اللَّهْ يَمَيَرْ مَسَ؟» #أَيُو 41.11
36غَمَا شِينٜىٰ يَحَلِثِّ دُكَنْ أَبُبُوَ،
كُمَ أَبُبُوَنَّنْ دُكَ
سُنَ كَسَنْثٜىٰوَ تَوُرِنْسَ نٜىٰ كُمَ دُواْمِنْسَ؞
بَرِ طَوْكَكَ تَتَبَّتَا غَ اللَّهْ حَرْ أَبَدَا! أَمِينْ؞ #1 كُوارْ 8.6
Currently Selected:
رُواْمَاوَا 11: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
