رُواْمَاوَا 10
10
1تُواْ، یَنْعُوَنَ، أَبِنْدَ نَڢِ سُواْ ڢِيٜىٰ دَكُواْمٜىٰ شِينٜىٰ إِسْرَٰٓءِيلَاوَا سُسَامِ ثٜىٰتُواْ؞ أَدُّعَرْ دَ نَكٜىٰيِ وَ اللَّهْ سَبُواْدَسُو كٜىٰنَنْ؞ 2نَا دَيْ شَيْدَ ثٜىٰوَ سُنَدَ كِيشِنْ بَوْتَرْ اللَّهْ، عَمَّا وَنَّنْ كُوَ بَاتَرٜىٰدَ ثِكَكّٜىٰنْ سَنِبَ؞ 3تُنْدَيَكٜىٰ بَسُ سَنْ حَنْيَرْ دَ اللَّهْ يَكٜىٰسَا مُتَنٜىٰ سُذَمَ مَاسُ أَدَلْثِبَ، كُمَ سُنَ ڧُواْڧَرِ سُكَڢَ تَاسُ حَنْيَرْ ذَمَ مَاسُ أَدَلْثِے أَغَبَنْ اللَّهْ، سَيْ وَنَّنْ يَسَا بَسُ مِيڧَ كَنْسُ غَ حَنْيَرْ دَ اللَّهْ يَكٜىٰسَا مُتَنٜىٰ سُذَمَ مَاسُ أَدَلْثِبَ؞ 4غَمَا أَلْمَسِيحُ شِينٜىٰ ڧَرْشٜىٰنْ كُواْيَرْوَرْ مُوسَٰى، دُواْمِنْ دُكْ مَيْ بَادَ غَسْكِيَ يَسَامِ ذَمَنْ مَيْ أَدَلْثِے أَغَبَنْ اللَّهْ؞
ثٜىٰتُواْ نَكُواْوَ نٜىٰ
5مُوسَٰى يَيِ رُبُوتُو غَمٜىٰدَ أَدَلْثِنْ دَ عَكٜىٰ سَامُوَ تَوُرِنْ بِنْ كُواْيَرْوَرْسَ ثٜىٰوَ «دُكْ وَنْدَ يَبِے كُواْيَرْوَرْ نَنْ ذَيْ رَايُ تَوُرِنْتَ؞» #لِـ ڢِرْ 18.5 6عَمَّا غَ أَبِنْدَ رُبُوتَثِّيَرْ كَلْمَرْ اللَّهْ تَثٜىٰ غَمٜىٰدَ أَدَلْثِنْ دَ عَكٜىٰ سَامُوَ تَوُرِنْ بَنْغَسْكِيَ «كَدَ كَثٜىٰ عَثِكِنْ ذُوثِيَارْكَ، ‹وَنٜىٰنٜىٰ ذَيْ هَوْ سَمَ؟› » وَتُواْ، دُواْمِنْ يَسَوْكُواْ دَ أَلْمَسِيحُ؞ 7«كُواْ كُوَ كَثٜىٰ، ‹وَنٜىٰنٜىٰ ذَيْ سَوْكُواْ حَرْ وُرِنْ ذَمَنْ مَتَتُّو؟› » وَتُواْ، دُواْمِنْ يَتَادَ أَلْمَسِيحُ دَغَ مَتَتُّو؞ #مَيْ شَـ 30.12-13 8أَبِنْ دَ رُبُوتَثِّيَرْ مَغَنَرْ اللَّهْ تَكٜىٰ ڢَطِنْ شِينٜىٰ «مَغَنَرْ اللَّهْ تَنَ كُسَدَكَيْ، تَنَ عَبَاكِنْكَ دَ كُمَ عَثِكِنْ ذُوثِيَارْكَ؞» مَغَنَرْ نَنْ كُوَ عِتَثٜىٰ سَڧُوانْ بَنْغَسْكِيَرْ دَمُكٜىٰ وَعَظِنْتَ؞ #مَيْ شَـ 30.12-14 9عِدَنْ كَا شَيْدَ دَ بَاكِنْكَ ثٜىٰوَ عِيسَىٰ شِينٜىٰ عُبَنْغِجِ، كَكُمَ بَادَ غَسْكِيَ ثِكِنْ ذُوثِيَارْكَ ثٜىٰوَ اللَّهْ يَتَادَ شِ دَغَ مَتَتُّو، ذَاعَ ثٜىٰثٜىٰكَ؞ 10غَمَا دَ ذُوثِيَا نٜىٰ عَكَنْ بَادَ غَسْكِيَ أَ سَامِ ذَمَ مَرَرْ لَيْڢِے أَغَبَنْ اللَّهْ، كُمَ دَ بَاكِ نٜىٰ عَكَنْ بَادَ شَيْدَ أَ سَامِ ثٜىٰتُواْ؞ 11كَمَرْ يَدَّ رُبُوتَثِّيَرْ مَغَنَرْ اللَّهْ تَثٜىٰ،
«دُكْ مَيْ بَادَ غَسْكِيَ غَرٜىٰشِ
بَذَيْ شَا كُنْيَابَ؞»#عِشـ 28.16
12غَمَا بَا بَمْبَنْثِ ڟَكَانِنْ يَهُودَاوَا دَ وَطَنْدَ بَا يَهُودَاوَا بَ؞ عُبَنْغِجِنْ نَنْ طَيَ شِينٜىٰ عُبَنْغِجِنْ كُواْوَ، شِينٜىٰ كُمَ يَكَنْ بَادَ أَلْبَرْكُ مَاسُيَوَ غَ دُكْ مَاسُ كِرَا غَرٜىٰشِ؞ 13كَمَرْ يَدَّ رُبُوتَثِّيَرْ مَغَنَرْ اللَّهْ تَثٜىٰ «دُكْ وَنْدَ يَكِرَا غَ سُونَنْ عُبَنْغِجِ ذَيْسَامِ ثٜىٰتُواْ؞» #يُواوْ 2.32
14عَمَّا تَيَيَا ذَاسُ كِرَا غَ وَنْدَ بَسُ غَسْكَتَادَشِيبَ؟ تَيَيَا ذَاسُ غَسْكَتَادَ وَنْدَ بَسُ تَٻَ جِنْ لَابَرِنْسَبَ؟ تَيَيَا كُمَ ذَاسُجِ إِنْ بَابُوَنْدَ ذَيْ يِمُسُ وَعَظِ؟ 15تَيَيَا كُمَ مَاسُ وَعَظِ ذَاسُيِ وَعَظِ إِنْ بَعَعَيْكٜىٰسُبَ؟ كَمَرْ يَدَّ يَكٜىٰ أَرُبُوثٜىٰ ثٜىٰوَ «إِنَا مِصَالِنْ بَنْ شَعَوَرْ مَاسُ كَٰوُاْ لَابَرِ مَيْ دَاطِے!» #عِشـ 52.7
16عَمَّا بَ دُكَنْ إِسْرَٰٓءِيلَاوَا نٜىٰ سُكَ يَرْدَ دَ لَابَرِ مَيْ دَاطِنْ بَ؞ كَمَرْ يَدَّ عِشَايَ يَثٜىٰ «يَا عُبَنْغِجِ، وَ يَغَسْكَتَادَ سَڧُوانْدَ يَجِ دَغَ غَرٜىٰمُ؟» #عِشـ 53.1 17سَبُواْدَ حَكَ عَكَنْ بَادَ غَسْكِيَ تَوُرِنْ جِنْ سَڧُوانْ نٜىٰ، كُمَ عَكَنْ جِ سَڧُوانْ تَوَعَظِ عَكَنْ أَلْمَسِيحُ نٜىٰ؞
18عَمَّا إِنَ تَمْبَيَ «وَيْ غَسْكِيَ نٜىٰ بَسُجِبَ؟» أَيْ، سُنْجِ؞ غَمَا رُبُوتَثِّيَرْ مَغَنَرْ اللَّهْ تَثٜىٰ،
«مُرْيَرْ سَڧُوانْسُ تَبِے تَدُونِيَا دُكَ،
كَلْمُواْمِنْسُ سُنْ كَيْ إِيَاكَرْ دُونِيَا؞» #زَبُو 19.4
19إِنَ سَاكٜىٰ تَمْبَيَ؞ «وَيْ إِسْرَٰٓءِيلَاوَا بَسُ غَانٜىٰبَنٜىٰ؟» دَ ڢَرْكُواْ، مُوسَٰى يَأَمْسَ ثٜىٰوَ اللَّهْ يَثٜىٰ،
«ذَنْ سَاكُ كُيِ كِيشِنْ جَمَعَرْ دَ بَ أَلْعُمَّ بَثٜىٰ،
تَوُرِنْ أَلْعُمَّ مَرَرْ وَيُواْ ذَنْ سَاكُ كُيِ ڢُشِے؞» #مَيْ شَـ 32.21
20سَعَنً كُمَ عِشَايَ يَيِ ڧَرْڢِنْ حَلِ حَرْ دَ ثٜىٰوَ اللَّهْ يَثٜىٰ،
«وَطَنْدَ بَسُ نٜىٰمٜىٰنِبَ،
سُونٜىٰ نَسَا سُكَ سَامٜىٰنِ؞
غَ وَطَنْدَ بَسُ تَمْبَيٜىٰنِبَ،
نَبَيَّنَ كَيْنَ؞» #عِشـ 65.1
21عَمَّا غَمٜىٰدَ إِسْرَٰٓءِيلَ، اللَّهْ كُمَ يَثٜىٰ،
«دُكْ يِنِ نَمِيڧَ حَنُّوَنَ
غَ جَمَعَ مَاسُ رَشِنْ بِيَيَّ دَ مَاسُ ڧِنْجِ؞» #عِشـ 65.2
Currently Selected:
رُواْمَاوَا 10: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
