رُواْمَاوَا 13
13
يِنْ بِيَيَّ غَ شُوغَبَنِّنْ ڠُومْنَتِ
1دُواْلٜىٰنٜىٰ كُواْوَ يَيِ بِيَيَّ غَ شُوغَبَنِّنْ ڠُومْنَتِ، غَمَا بَابُوَنِ إِيكُوانْ شُوغَبَنْثِ سَيْدَيْ دَغَ وُرِنْ اللَّهْ؞ كُمَ دُكْ مَاسُ إِيكُوانْ شُوغَبَنْثِنْ دَمُكٜىٰ دَسُو، اللَّهْ نٜىٰ يَكَڢَسُ؞ 2سَبُواْدَ حَكَ دُكْ وَنْدَ يَڧِيِنْ بِيَيَّ غَ شُوغَبَنِّنْ ڠُومْنَتِ، يَڧِ يِنْ بِيَيَّ دَ أَبِنْدَ اللَّهْ يَكَڢَ نٜىٰ؞ مَاسُ عَيْكَتَ حَكَ كُوَ ذَاسُ جَٰوُاْ وَكَنْسُ حُكُنْثِ نٜىٰ؞ 3غَمَا شُوغَبَنِّ بَا أَبِنْ ڟُواْرُواْ بَنٜىٰ غَ وَطَنْدَ سُكٜىٰيِنْ أَبِنْدَ يَكٜىٰ دَيْدَيْ، سَيْدَيْ غَ وَطَنْدَ سُكٜىٰيِنْ أَبِنْدَ يَكٜىٰ مُوغُ؞ كَنَ سُواْ كَرَبُ دَ ڟُواْرُوانْ مُتُمِنْ دَ يَكٜىٰدَ إِيكُوانْ شُوغَبَنْثِ؟ تُواْ، سَيْ كَعَيْكَتَ أَبِنْدَ يَكٜىٰ دَيْدَيْ، شِيكُوَ ذَيْ يَبٜىٰكَ، 4غَمَا شِے مَيْ حِدِمَرْ اللَّهْ نٜىٰ سَبُواْدَ أَمْڢَانِنْكَ؞ عَمَّا عِدَنْ كَيْ مَيْيِنْ مُغُنْتَا نٜىٰ، سَيْ كَجِڟُواْرُواْ، دُواْمِنْ بَعَبَنْظَ نٜىٰ شُوغَبَنَّنْ يَكٜىٰ رِڧٜىٰ دَ تَكُواْبِنْ حُكُنْثِبَ؞ شِے مَيْ حِدِمَرْ اللَّهْ نٜىٰ، كُمَ تَوُرِنْسَ ڢُشِنْ اللَّهْ يَكَنْ تَبَّتَا دُواْمِنْ أَ حُكُنْتَ مَيْ مُغُنْتَا؞ 5سَبُواْدَ حَكَ دُواْلٜىٰنٜىٰ كُيِ بِيَيَّ غَ شُوغَبَنِّنْ ڠُومْنَتِ؞ بَا دُوانْ كُغُجٜىٰ وَڢُشِنْ اللَّهْ كَطَيْبَ، عَمَّا دُوانْ تُنَانِنْكُ يَكَسَنْثٜىٰ بَابُ لَيْڢِے؞
6وَنَّنْ نٜىٰ كُمَ يَسَا كُكٜىٰبِيَنْ هَرَاجِ، دُوانْ شُوغَبَنِّنْ ڠُومْنَتِ مَعَيْكَتَنْ اللَّهْ نٜىٰ وَطَنْدَ سُكٜىٰ بَادَدُكْ لُواْكَثِنْسُ سَبُواْدَ عَيْكِنْ شُوغَبَنْثِ؞ 7كُبِيَ وَكُواْوَ دُكْ أَبِنْدَ يَكٜىٰبِنْكُ؞ عِدَنْ هَرَاجِنْ كَنْكُ نٜىٰ يَا كَمَاتَ كُبِيَ، سَيْ كُبِيَ، عِدَنْ مَا هَرَاجِنْ كَيَنْكُنٜىٰ، سَيْ كُبِيَ؞ كُجِڟُواْرُوانْ وَنْدَ يَ إِسَ أَجِڟُواْرُوانْسَ، كُكُمَ غِرْمَمَ وَنْدَ يَ إِسَ أَغِرْمَمَاشِ؞#مَتْ 22.21؛ مَرْ 12.17؛ لُكْ 20.25
ڧَوْنَرْ جُونَ
8كَدَ كُرِڧٜىٰ حَكِّنْ كُواْوَ، سَيْدَيْ حَكِّنَّنْ وَنْدَ يَذَمَ مُكُ دُواْلٜىٰ كُيِ، وَتُواْ، حَكِّنْ ڧَوْنَرْ جُونَ، غَمَا وَنْدَ يَكٜىٰ ڧَوْنَرْ وَنِ يَثِكَ كُواْيَرْوَرْ مُوسَٰى كٜىٰنَنْ؞ 9وَطَنَّنْ عُمَرْنَيْ، وَتُواْ «بَذَاكَيِ ظِنَبَ، بَذَاكَيِ كِسَنْ كَيْبَ، بَذَاكَيِسَاتَا بَ، بَذَاكَيِ ݣُوطَيِبَ،» دَ دُكْ سَوْرَنْ عُمَرْنَنْ دَ عَكٜىٰ دَسُو، دُكْ سُنْ سَامِ ثِكَا ثِكِنْ مَغَنَرْنَنْ دَتَثٜىٰ «كَڧَوْنَثِ كُواْوَ كَمَرْ كَنْكَ؞»#ڢِتْ 20.13-15،17؛ مَيْ شَـ 5.17-19،21؛ لِـ ڢِرْ 19.18 10عِدَنْ كَنَ ڧَوْنَرْ وَنِ، بَذَاكَ تَٻَيِ مَسَ مُغُنْتَابَ؞ سَبُواْدَ حَكَ ڧَوْنَ عِتَثٜىٰ ثِكَاوَرْ كُواْيَرْوَرْ؞
11تُواْ، كُعَيْكَتَ وَنَّنْ دُواْمِنْ كُنْ غَانٜىٰ إِرِنْ زَامَانِنْ دَمُكٜىٰ ثِكِ؞ لُواْكَثِ يَيِ دَ ذَاكُ تَاشِ دَغَ بَرْثِنْكُ، دُوانْ لُواْكَثِنْ دَ ذَاعَ ثٜىٰثٜىٰمُ يَيِ كُسَ يَنْذُ ڢِيٜىٰدَ أَ لُواْكَثِنْ دَ مُكَ تُوبَ؞ 12دَرٜىٰ يَكُسَنْ ڧَارٜىٰوَ، كُمَ سَوْرَنْ لُواْكَثِ كَطَنْ غَرِ يَوَايٜىٰ؞ سَبُواْدَ حَكَ بَرِ مُوَاڟَرْدَ أَيُّكَنْ دَسُكٜىٰ نَدُهُ، مُسَا كَايَنْ يَاڧِنْمُ نَحَصْكٜىٰ؞ 13بَرِ مُيِ رَايُوَا تَكِرْكِ يَدَّ يَدَاثٜىٰ دَ وَطَنْدَ سُكٜىٰ ذَمَ عَثِكِنْ حَصْكٜىٰ، بَاتَرٜىٰدَ بُكُكُوَنْ شَيٜىٰ شَيٜىٰ دَ بُغُوَ دَ حَلِنْ لَلَتَ دَ حَلِنْ نٜىٰمَنْ جِنْ دَاطِے نَرَشِنْ كُنْيَا دَ ڢَطَ دَ كُمَ كِيشِبَ؞ 14أَ مَيْمَكُوانْ حَكَ سَيْ كُطَوْكِ حَلِنْ عُبَنْغِجِ عِيسَىٰ أَلْمَسِيحُ، كَدَ كُمَ كُيَرْدَ دَ حَلِنْ مُتُنْتَكَرْ دَ ذَيْبِدَكُو بِسَغَ مُوغُوَرْ شَعَوَرْسَ؞
Currently Selected:
رُواْمَاوَا 13: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
