Popular Bible Verses from رُواْمَاوَا 13

Share

أَ مَيْمَكُوانْ حَكَ سَيْ كُطَوْكِ حَلِنْ عُبَنْ‌غِجِ عِيسَىٰ أَلْمَسِيحُ، كَدَ كُمَ كُيَرْدَ دَ حَلِنْ مُتُنْتَكَرْ دَ ذَيْبِدَكُو بِسَغَ مُوغُوَرْ شَعَوَرْسَ؞

كَدَ كُرِڧٜىٰ حَكِّنْ كُواْوَ، سَيْدَيْ حَكِّنَّنْ وَنْدَ يَذَمَ مُكُ دُواْلٜىٰ كُيِ، وَتُواْ، حَكِّنْ ڧَوْنَرْ جُونَ، غَمَا وَنْدَ يَكٜىٰ ڧَوْنَرْ وَنِ يَثِكَ كُواْيَرْوَرْ مُوسَٰى كٜىٰنَنْ؞

دُواْلٜىٰنٜىٰ كُواْوَ يَيِ بِيَيَّ غَ شُوغَبَنِّنْ ڠُومْنَتِ، غَمَا بَابُوَنِ إِيكُوانْ شُوغَبَنْثِ سَيْدَيْ دَغَ وُرِنْ اللَّهْ؞ كُمَ دُكْ مَاسُ إِيكُوانْ شُوغَبَنْثِنْ دَمُكٜىٰ دَسُو، اللَّهْ نٜىٰ يَكَڢَسُ؞

دَرٜىٰ يَكُسَنْ ڧَارٜىٰوَ، كُمَ سَوْرَنْ لُواْكَثِ كَطَنْ غَرِ يَوَايٜىٰ؞ سَبُواْدَ حَكَ بَرِ مُوَاڟَرْدَ أَيُّكَنْ دَسُكٜىٰ نَدُهُ، مُسَا كَايَنْ يَاڧِنْمُ نَحَصْكٜىٰ؞

عِدَنْ كَنَ ڧَوْنَرْ وَنِ، بَذَاكَ تَٻَيِ مَسَ مُغُنْتَابَ؞ سَبُواْدَ حَكَ ڧَوْنَ عِتَثٜىٰ ثِكَاوَرْ كُواْيَرْوَرْ؞

كُبِيَ وَكُواْوَ دُكْ أَبِنْدَ يَكٜىٰبِنْكُ؞ عِدَنْ هَرَاجِنْ كَنْكُ نٜىٰ يَا كَمَاتَ كُبِيَ، سَيْ كُبِيَ، عِدَنْ مَا هَرَاجِنْ كَيَنْكُنٜىٰ، سَيْ كُبِيَ؞ كُجِڟُواْرُوانْ وَنْدَ يَ إِسَ أَجِڟُواْرُوانْسَ، كُكُمَ غِرْمَمَ وَنْدَ يَ إِسَ أَغِرْمَمَاشِ؞