رُواْمَاوَا 14
14
كَدَ كَطُواْرَ وَطَنْعُوَنْكَ لَيْڢِ
1كُكَرْٻِ مُتُمِنْ دَ بَنْغَسْكِيَرْسَ بَتَيِ ڧَرْڢِيبَ، عَمَّا كَدَ كُنٜىٰمٜىٰشِ دَ لَيْڢِے عِدَنْ رَعَيِنْسَ دَبَمْ يَكٜىٰدَ نَاكُ؞ 2بَنْغَسْكِيَرْ وَنِ مُتُمْ ذَاتَ يَرْدَ مَسَ يَثِ دُكْ أَبِنْدَ يَغَ دَامَ، عَمَّا مُتُمِنْ دَ بَا شِ دَ ڧَرْڢِے ثِكِنْ بَنْغَسْكِيَرْسَ، سَيْ كَايَنْ لَمْبُو كَوَيْ يَكٜىٰثِ؞ 3مُتُمِنْ دَيَكٜىٰ ثِنْ دُكْ إِرِنْ عَبِنْثِنْدَ يَغَ دَامَ كَدَ يَرٜىٰنَ شِے وَنْدَ بَايَ ثِنْ كُواْوَنٜىٰ إِرِنْ عَبِنْثِ؞ كُمَ وَنْدَ بَايَ ثِنْ كُواْوَنٜىٰ إِرِنْ عَبِنْثِ، كَدَ يَطُواْرَ لَيْڢِے عَكَنْ وَنْدَ يَكٜىٰ ثِنْ كُواْوَنٜىٰ إِرِنْ عَبِنْثِ، دُوانْ اللَّهْ يَارِغَا يَكَرْٻٜىٰشِ؞ 4كَيْ وَنٜىٰنٜىٰ دَ ذَاكَ طُواْرَ لَيْڢِے عَكَنْ بَاوَنْ وَنِ؟ كُواْ بَاوَنْ يَيِ عَيْكِ مَيْݣَوْ، كُواْ يَكَاسَ، أَيْ، وَنَّنْ ضُوً مَيْغِدَنْسَ نٜىٰ؞ حَڧِيڧَ ذَاعَ ڧَرْڢَڢَ شِ يَڟَيَ، غَمَا عُبَنْغِجِ يَ عِيَ سَا شِ يَيِنَصَرَا؞
5وَنِ يَكَنْ غَ وَتَرَانَ دَ مُهِمَّنْثِ ڢِيٜىٰدَ سَوْرَنْ رَانَكُو؞ أَغَنِنْ وَنِ كُوَ دُكَنْ رَانَكُو دَيْدَيْنٜىٰ؞ كُواْوَ دَيْ يَسَامِ نَاسَ ثِكَكّٜىٰنْ تَبَّثِ عَثِكِنْ ذُوثِيَارْسَ؞ 6دُكْ مَيْ غَنِنْ وَتَرَانَ دَ مُهِمَّنْثِ يَنَ يِنْ حَكَنٜىٰ دُواْمِنْ أَغِرْمَمَ عُبَنْغِجِ؞ دُكْ مَيْ ثِنْ كُواْوَنٜىٰ إِرِنْ عَبِنْثِ يَنَ يِنْ حَكَنٜىٰ دُواْمِنْ أَغِرْمَمَ عُبَنْغِجِ، غَمَا يَكَنْ بَادَ غُواْدِيَ غَ اللَّهْ سَبُواْدَ عَبِنْثِنْ؞ دُكْ وَنْدَ بَايَ ثِنْ كُواْوَنٜىٰ إِرِنْ عَبِنْثِ شِے مَا يَنَ يِنْ حَكَنٜىٰ دُواْمِنْ أَغِرْمَمَ عُبَنْغِجِ، غَمَا شِيمَا يَكَنْيِ وَ اللَّهْ غُواْدِيَ؞ #كُوالْ 2.16 7عَثِكِنْمُ، بَ دُواْمِنْ أَمْڢَانِنْ كَنْسَ مُتُمْ يَكٜىٰ رَايُوَا بَ؞ بَا دُواْمِنْ أَمْڢَانِنْ كَنْسَ كُمَ يَكٜىٰ مُتُوَبَ؞ 8عِدَنْ مُنَ رَايُوَا، سَبُواْدَ عُبَنْغِجِ نٜىٰ مُكٜىٰيِ، إِنْكُمَ مُتُوَ ذَامُيِ، سَبُواْدَ عُبَنْغِجِ نٜىٰ مُكٜىٰيِ؞ سَبُواْدَ حَكَ كُواْ رَايُوَا نٜىٰ مُكٜىٰيِ كُواْ مُتُوَ، مُو نَ عُبَنْغِجِ نٜىٰ؞ 9غَمَا أَلْمَسِيحُ يَامُتُ يَاكُمَ تَاشِ دَ رَيْ دُواْمِنْ يَذَمَ عُبَنْغِجِ نَوَطَنْدَ سُكٜىٰ مَتَتُّو دَ كُمَ نَوَطَنْدَ سُكٜىٰ مَاسُ رَيْ؞ 10كَيْ ڢَا، مٜىٰيَسَا كَكٜىٰ غَنِنْ طَنْعُوَنْكَ دَ لَيْڢِے؟ كَيْ كُمَ مٜىٰيَسَا كَكٜىٰ رٜىٰنَ طَنْعُوَنْكَ؟ دُكَنْمُ دَيْ ذَامُ ڟَيَ أَغَبَنْ اللَّهْ وَنْدَ شِينٜىٰ مَيْيِ مَنَ شَرِيعَ؞ #2 كُوارْ 5.10 11غَمَا أَرُبُوثٜىٰ يَكٜىٰ ثِكِنْ رُبُوتَثِّيَرْ مَغَنَرْ اللَّهْ ثٜىٰوَ
«حَڧِيڧَ دَ يَكٜىٰ نِنٜىٰ عُبَنْغِجِ اللَّهْ مَيْ رَيْ، نَاثٜىٰ،
‹كُواْوَثٜىٰ ڠُوِوَ ذَاتَ دُرْڧُسَ أَغَبَنَ،
كُواْوَنٜىٰ هَرْشٜىٰ ذَيْ شَيْدَ ثٜىٰوَ نِنٜىٰ اللَّهْ؞› »#عِشـ 45.23
12تُواْ، كُواْوَنٜىٰ طَيَنْمُ ذَيْبَادَ لِسَّڢِنْ رَايُوَرْسَ غَ اللَّهْ؞
كَدَ كَسَا وَطَنْعُوَنْكَ أَبِنْ تُنْتُٻٜىٰ
13سَبُواْدَ حَكَ سَيْ مُدَيْنَ حَلِنَّنْ نَغَنِنْ لَيْڢِنْ جُونَ؞ أَ مَيْمَكُوانْ حَكَ سَيْ كُواْوَ يَطَوْكِ نِيَّ ثٜىٰوَ بَذَيْ ذَمَ دَلِيلِنْ تُنْتُٻٜىٰ كُواْ أَبِنْسَا ذُنُوبِ غَ طَنْعُوَنْسَبَ؞ 14نَا سَنِ، إِنَ كُمَ دَ ثِكَكّٜىٰنْ تَبَّثِ ثِكِنْ عُبَنْغِجِ عِيسَىٰ ثٜىٰوَ بَابُوَنِ أَبُ وَنْدَ يَكٜىٰدَ ڧَظَنْتَا أَعَسَلِنْسَ؞ عَمَّا عِدَنْ وَنِ يَطَوْكَ ثٜىٰوَ وَنِ أَبُ مَيْ ڧَظَنْتَا نٜىٰ، تُواْ، أَغَرٜىٰشِنٜىٰ أَبِنْ يَكٜىٰدَ ڧَظَنْتَا؞ 15عِدَنْ أَبِنْدَ كَنَثِ يَكَٰوُاْ وَطَنْعُوَنْكَ دَامُوَ، بَذَمَنْ ڧَوْنَ كَكٜىٰيِبَ كٜىٰنَنْ؞ كَدَ عَبِنْثِنْ دَ كَكٜىٰ ثِ يَذَمَ حَنْيَرْ لَلَتَرْدَ طَنْعُوَنْكَ وَنْدَ أَلْمَسِيحُ يَمُتُ دُواْمِنْسَ؞ 16كَدَ أَبِنْدَ يَكٜىٰ مَيْݣَوْ أَغَنِنْكَ يَذَمَ أَبِنْ زَرْغِ غَ وَطَنْسُ؞ 17غَمَا مُلْكٍ اللَّهْ بَذَنْثٜىٰنْ ثِ دَ شَا بَنٜىٰ، عَمَّا ذَنْثٜىٰنْ أَدَلْثِے نٜىٰ دَ سَلَمَ دَ ڢَضٍ ثِكِ عَثِكِنْ رُوحُ مَيْ ڟَرْكِے؞ 18كُمَ دُكْ وَنْدَ يَكٜىٰيِ وَ أَلْمَسِيحُ بَوْتَا تَوَنَّنْ حَنْيَ، شِے مَيْ ڢَرَنْتَاوَا اللَّهْ رَيْ نٜىٰ، مَيْ سَامُنْ يَرْدَ كُمَ أَوَجٜىٰنْ مُتَنٜىٰ؞
19سَبُواْدَ حَكَ بَرِ مُيِ إِيَاكَثِنْ ڧُواْڧَرِنْمُ دُوانْ مُعَيْكَتَ أَبِنْدَ ذَيْ كَٰوُاْ سَلَمَ دَ ڧَرْڢَڢَاوَرْ جُونَ؞ 20كَدَ كُرُشٜىٰ عَيْكِنْ اللَّهْ سَبُواْدَ شَعَنِنْ ثِنْ عَبِنْثِ؞ لَلَّيْ كُواْوَنٜىٰ إِرِنْ عَبِنْثِ مَيْ ڟَرْكِے نٜىٰ، عَمَّا مُوغُنْ أَبُ نٜىٰ عِدَنْ عَبِنْثِنْ دَ عَكٜىٰ ثِ يَذَمَ أَبِنْ سَا وَوَنِ تُنْتُٻٜىٰ؞ 21يَڢِ ݣَوْ كَدَ كَثِ نَامَ، كُواْ كَشَا ضُوً إِنَبِے، كُواْ كَعَيْكَتَ كُواْوَنٜىٰ إِرِنْ أَبُ عِدَنْ ذَيْسَا طَنْعُوَنْكَ يَڢَاطِ؞ 22بَرِ دُكْ رَعَيِنْ دَ كَكٜىٰ دَشِ غَمٜىٰدَ وَنَّنْ شَعَنِ يَكَسَنْثٜىٰ ڟَكَانِنْكَ دَ اللَّهْ؞ مَيْ أَلْبَرْكَ نٜىٰ وَنْدَ ذُوثِيَارْسَ بَتَبَا شِ لَيْڢِے بَ غَمٜىٰدَ أَبِنْدَ شِے دَ كَنْسَ يَطَوْكَ ثٜىٰوَ مَيْݣَوْ نٜىٰ؞ 23عَمَّا مُتُمِنْ دَ يَكٜىٰدَ شَكَّ عَكَنْ أَبِنْدَ يَكٜىٰثِ، يَنَ جَٰوُاْ وَكَنْسَ حُكُنْثِنْ اللَّهْ نٜىٰ عِدَنْ يَا ثِ، دُوانْ حَلِنَّنْ دَ يَكٜىٰيِ بَيْ دُواْغَضَ غَ بَنْغَسْكِيَابَ؞ كُمَ دُكْ أَبِنْدَ بَيْ دُواْغَضَ غَ بَنْغَسْكِيَابَ، ذُنُوبِ نٜىٰ؞
Currently Selected:
رُواْمَاوَا 14: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
