مَتِيُ 21
21
عِيسَىٰ يَشِغَ عُرُوشَلِيمَ
﴿مَرْ 11.1-11؛ لُكْ 19.28-40؛ يَحـ 12.12-19﴾
1سَعَدَّ عِيسَىٰ دَ أَلْمَجِرَنْسَ سُكَ كَيْ ڧَوْيٜىٰنْ بٜىٰتَڢَجِ كُسَدَ عُرُوشَلِيمَ، وَجٜىٰنْ تُدُنْ عِتَتُوَنْ ظَيْتُنْ، سَيْ يَعَيْكِ أَلْمَجِرَيْ بِيُ، 2يَثٜىٰ مُسُ «كُشِغَ ڧَوْيٜىٰنَّنْ نَغَبَنْكُ؞ دَ شِغَرْكُ ذَاكُغَ وَتَ جَكَ أَطَوْرٜىٰ تَرٜىٰدَ طَنْتَ؞ كُكُنْثٜىٰسُ كُكَٰوُاْ مِنِ؞ 3عِدَنْ وَنِ يَيِ مُكُ مَغَنَ كُثٜىٰ، ‹عُبَنْغِجِ نٜىٰ يَكٜىٰ بُڧَاتَرْسُ؞› ذَيْ كُوَ مَيْدَسُو أَنْجِمَ؞»
4وَنَّنْ يَڢَرُ نٜىٰ دُواْمِنْ عَثِكَ أَبِنْدَ أَنَّبِے يَڢَطَا ثٜىٰوَ
5«كُثٜىٰ وَذُوثِيَاتَ عُرُوشَلِيمَ،
‹غَا سَرْكِنْكُ نَنْ ذُوَا غَرٜىٰكُ!
مَيْ سَوْڧِنْ كَيْنٜىٰ شِ؞
يَنَ تَڢِيَ عَكَنْ جَاكِ،
عَكَنْ طَنْ جَاكِ نٜىٰ يَكٜىٰ تَڢِيَ؞› »#زَكْ 9.9
6سَيْ أَلْمَجِرَنْ سُكَجٜىٰ، سُكَيِ يَدَّ عِيسَىٰ يَثٜىٰ سُيِ؞ 7سُكَ كَٰوُاْ جَكَرْ دَ طَنْتَ، سُكَ شِمْڢِطَا مُسُ رِيغُنَنْسُ، شِيكُوَ يَهَوْ يَذَوْنَ؞ 8مُتَنٜىٰ دَيَوَ سُكَ شِمْڢِطَا رِيغُنَنْسُ عَكَنْ حَنْيَ، وَطَنْسُ كُمَ سُكَ كَرْيَ غَنْيٜىٰ دَغَ عِتَتُوَ سُكَ شِمْڢِطَا عَكَنْ حَنْيَ؞ 9مُتَنٜىٰنْ دَسُكٜىٰ غَبَنْسَ دَ وَطَنْدَ سُكٜىٰبِنْسَ عَبَايَ سُكَ طَغَ مُرْيَ سُنَ ثٜىٰوَ
«هُواْسَنَّ#21.9 هُواْسَنَّ: دَ إِبْرَانِيَنْثِ، مَعَنَرْ كَلْمَرْ نَنْ عِتَثٜىٰ ثٜىٰثٜىٰمُ! دَغَ بَايَ تَذَمَ كَلْمَرْ يَبُواْ؞ غَ طَنْ دَاوُدَ!
أَلْبَرْكَ تَا تَبَّتَا
غَ مَيْ ذُوَا ثِكِنْ سُونَنْ عُبَنْغِجِ!
هُواْسَنَّ غَ مَڢِے طَوْكَكَ!»#زَبُو 118.25-26
10دَ عِيسَىٰ يَشِغَ عُرُوشَلِيمَ، دُكْ بِرْنِنْ يَرُوطٜىٰ، أَنَ تَتَمْبَيَ أَنَ ثٜىٰوَ «وَنٜىٰنٜىٰ وَنَّنْ؟»
11سَيْ مُتَنٜىٰنْ دَسُكٜىٰبِنْ عِيسَىٰ سُكَثٜىٰ «أَيْ، وَنَّنْ شِينٜىٰ أَنَّبِے عِيسَىٰ دَغَ نَظَرٜىٰتْ نَ غَلِيلِ؞»
عِيسَىٰ يَڟَبْتَثٜىٰ هَيْكَلِ
﴿مَرْ 11.15-19؛ لُكْ 19.45-48؛ يَحـ 2.13-22﴾
12سَيْ عِيسَىٰ يَشِغَ هَيْكَلِ يَكُواْرِ دُكَنْ مَاسُ سَيَ دَ سَيَرْوَ عَثِكِ، يَتُتُّرٜىٰ تٜىٰبُرَنْ مَاسُ ثَنْجِنْ كُطِ دَ كُجٜىٰرُنْ مَاسُ سَيَرْ دَ تَتَّبَرُ؞ 13يَثٜىٰ مُسُ «أَ رُبُوثٜىٰ يَكٜىٰ،
« ‹ذَاعَ ثٜىٰ دَ غِدَانَ غِدَنْ أَدُّعَ،›#عِشـ 56.7
عَمَّا كُنْ مَيْدَشِ وُرِنْ ٻُيَنْ یَنْ ڢَشِ؞»#إِرْمِ 7.11
14سَيْ مَكَڢِ دَ غُرَغُ سُكَذُواْ وُرِنْسَ أَ هَيْكَلِنْ، يَكُوَ وَرْكَرْ دَسُو؞ 15عَمَّا دَ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى سُكَغَ أَيُّكَنْ بَنْ مَامَاكِ دَ يَيِ، حَرْ يَارَا سُنَ إِيهُ ثِكِنْ هَيْكَلِنْ سُنَ ثٜىٰوَ «هُواْسَنَّ غَ طَنْ دَاوُدَ!» سَيْ سُكَجِ ڢُشِے؞ 16سُكَثٜىٰ مَسَ «كَنَ جِنْ أَبِنْدَ وَطَنَّنْ سُكٜىٰثٜىٰوَ كُوَ؟»
عِيسَىٰ يَأَمْسَ يَثٜىٰ «عِ، أَشٜىٰ، بَكُ تَٻَ كَرَنْتَ ثِكِنْ رُبُوتَثِّيَرْ مَغَنَرْ اللَّهْ بَ ثٜىٰوَ
« ‹دَغَ بَاكِنْ يَارَا دَ جَرِرَيْ
كَسَا يَبُوانْكَ يَڢِتَ؟› »#زَبُو 8.2
17دَغَ نَنْ سَيْ يَبَرْسُ يَڢِتَ دَغَ بِرْنِنْ، يَتَڢِے بٜىٰتَنِ، يَݣُونَ عَثَنْ؞
عِيسَىٰ يَلَعَنْتَ إِتَاثٜىٰنْ ٻَوْرٜىٰ
﴿مَرْ 11.12-14،20-24﴾
18دَ غَرِ يَوَايٜىٰ يَنَ دَاوُاْوَ، سَيْ يُنْوَ تَكَامَ شِ؞ 19دَ يَغَ وَنِ إِتَاثٜىٰنْ ٻَوْرٜىٰ أَغٜىٰڢٜىٰنْ حَنْيَ، سَيْ يَجٜىٰ وُرِنْ إِتَاثٜىٰنْ، عَمَّا بَيْ سَامِ كُواْمٜىٰبَ سَيْ غَنْيٜىٰ؞ يَثٜىٰ وَ إِتَاثٜىٰنْ «كَدَ كَڧَارَ يِنْ یَیَ حَرْ أَبَدَا؞» نَنْ تَكٜىٰ كُوَ إِتَاثٜىٰنْ يَبُوشٜىٰ؞
20دَ أَلْمَجِرَنْ سُكَغَ حَكَ، سُكَيِ مَامَاكِ سُواْسَيْ؞ سُكَثٜىٰ «يَيَ إِتَاثٜىٰنْ يَبُوشٜىٰ حَكَنَنْ تَكٜىٰ؟»
21 عِيسَىٰ يَأَمْسَ مُسُ يَثٜىٰ «حَڧِيڧَ إِنَ غَيَ مُكُ، عِدَنْ كُنَدَ بَنْغَسْكِيَ، كُمَ بَ كُيِ شَكَّ بَ كُواْ كَطَنْ، ذَاكُ عِيَيِنْ ڢِيٜىٰدَ أَبِنْدَ نَيِ وَوَنَّنْ ٻَوْرٜىٰ، حَرْ مَا عِدَنْ كُكَثٜىٰ وَبَبَّنْ تُدُنَّنْ، ‹تَاشِ كَڢَاطَ ثِكِنْ تٜىٰكُ،› ذَيْ ڢَرُ؞#مَتْ 17.20؛ 1 كُوارْ 13.2 22عِدَنْ كُنْ بَادَ غَسْكِيَ، دُكْ إِيَاكَرْ أَبِنْدَ كُكَ ضُواْڧِ اللَّهْ ثِكِنْ أَدُّعَ، ذَاكُ سَامُ؞»
أَنَ شَكَّرْ إِظْنِنْ عِيسَىٰ
﴿مَرْ 11.27-33؛ لُكْ 20.1-8﴾
23سَعَدَّ عِيسَىٰ يَشِغَ هَيْكَلِ، يَنَ ثِكِنْ كُواْيَرْوَا كٜىٰنَنْ، سَيْ مَنْيَنْ ڢِرِسْتُواْثِے دَ شُوغَبَنِّنْ جَمَعَ سُكَذُواْ وُرِنْسَ سُكَثٜىٰ «دَ وَنٜىٰ إِظْنِ كَكٜىٰيِنْ أَبُبُوَنَّنْ، كُمَ وَيَبَاكَ وَنَّنْ إِظْنِ؟»
24سَيْ عِيسَىٰ يَأَمْسَ مُسُ يَثٜىٰ «نِے مَا ذَنْيِ مُكُ وَتَ تَمْبَيَ؞ عِدَنْ كُنْ بَانِ أَمْسَ، نِے مَا ذَنْ ڢَطَا مُكُ كُواْ دَ وَنٜىٰ إِيكُواْ نَكٜىٰيِنْ أَبُبُوَنَّنْ؞ 25دَغَ إِنَا نٜىٰ يَحْيَى يَسَامِ إِظْنِنْ بَڢْتِسْمَرْ دَ يَيِ، اللَّهْ نٜىٰ يَبَاشِ كُواْ مُتُمْ؟»
سَيْ سُكَ ڢَارَ غَرْدَمَ أَڟَكَانِنْسُ سُنَ ثٜىٰوَ «عِدَنْ مُكَثٜىٰ دَغَ وُرِنْ اللَّهْ نٜىٰ، ذَيْثٜىٰ مَنَ، ‹تُواْ، دُوانْمٜىٰ بَكُ غَسْكَتَ شِيبَ؟› 26عَمَّا عِدَنْ مُكَثٜىٰ، ‹دَغَ وُرِنْ مُتُمْ نٜىٰ›، مُنَ جِنْ ڟُواْرُوانْ أَبِنْدَ مُتَنٜىٰ ذَاسُيِ مَنَ، غَمَا كُواْوَ يَطَوْكِ يَحْيَى أَنَّبِے نٜىٰ؞» 27سَيْ سُكَ أَمْسَ وَ عِيسَىٰ سُكَثٜىٰ «بَمُ سَنِبَ؞»
سَيْ يَثٜىٰ مُسُ «نِے مَا بَذَنْ ڢَطَا مُكُ كُواْ دَ وَنٜىٰ إِظْنِ نَكٜىٰيِنْ أَبُبُوَنَّنْبَ؞»
مِصَالِ نَمَيْ یَیَ بِيُ مَظَا
28«تُواْ، مٜىٰ كُكَ غَنِ؟ أَݣَويْ وَنِ مُتُمْ يَنَدَ یَیَ بِيُ مَظَا، يَجٜىٰ وُرِنْ نَڢَرْكُوانْ يَثٜىٰ، ‹طَانَ، يَوْ كَجٜىٰ كَيِ عَيْكِ أَغُواْنَرْ إِنَبِے؞› 29سَيْ طَنْ يَثٜىٰ، ‹بَذَنْ جٜىٰبَ،› عَمَّا دَغَ بَايَ يَسَاكٜىٰ تُنَانِ يَجٜىٰ؞ 30سَيْ بَابَنْ يَجٜىٰ وُرِنْ نَبِيُنْ، يَڢَطَا مَسَ أَبِنْدَ يَڢَطَا وَنَڢَرْكُوانْ؞ سَيْ طَنْ يَأَمْسَ يَثٜىٰ، ‹تُواْ، ذَنْجٜىٰ، بَابَ،› عَمَّا بَيْجٜىٰبَ؞ 31ثِكِنْسُ بِيُنَّنْ، وَنٜىٰنٜىٰ يَيِ أَبِنْدَ بَابَنْسَ يَكٜىٰسُواْ؟»
سَيْ سُكَثٜىٰ «نَڢَرْكُوانْ؞»
عِيسَىٰ كُوَ يَثٜىٰ مُسُ «حَڧِيڧَ إِنَ غَيَ مُكُ مَاسُ كَرْٻَرْ هَرَاجِ دَ كَارُوَيْ سُنَ رِغَاكُ شِغَ مُلْكٍ سَمَ؞ 32غَمَا يَحْيَى يَاذُواْ يَنُونَ مُكُ حَنْيَرْ أَدَلْثِے، بَكُ بَادَ غَسْكِيَابَ؞ عَمَّا مَاسُ كَرْٻَرْ هَرَاجِ دَ كَارُوَيْ سُنْ بَادَ غَسْكِيَ غَرٜىٰشِ؞ دُكْ دَ غَنِنْ حَكَمَا دَغَ بَايَ بَكُ تُوبَ كُنْ غَسْكَتَ شِيبَ؞»#لُكْ 3.12؛ 7.29-30
مِصَالِ نَمَاسُ كَرْٻَرْ هَيَرْ غُواْنَرْ إِنَبِے
﴿مَرْ 12.1-12؛ لُكْ 20.9-19﴾
33«تُواْ، غَ وَنِ مِصَالِ كُمَ؞ أَݣَويْ وَنِ مُتُمِنْ دَ يَيِ غُواْنَرْ إِنَبِے، يَكٜىٰوَيٜىٰتَ دَ كَتَنْغَ، يَحَڧَ وُرِنْ مَڟٜىٰوَرْ یَیَنْ إِنَبِے عَثِكِ، يَكُمَ غِنَا رُمْڢَرْ مَيْغَادِ؞ يَبَا وَطَنْسُ مَنُواْمَ هَيَرْ غُواْنَرْ، سَعَنً يَتَڢِے وَتَ ڧَسَا؞#عِشـ 5.1-2 34دَ لُواْكَثِنْ غِرْبِے يَيِ، سَيْ يَعَيْكِ بَايِنْسَ سُجٜىٰ وُرِنْ وَطَنْدَ سُكَ كَرْٻِ هَيَرْ غُواْنَرْ سُكَرْٻُواْ مَسَ نَاسَ رَبُوانْ أَمْڢَانِنْ غُواْنَرْ؞ 35عَمَّا مَاسُ هَيَرْ سُكَ كَامَ بَايِنْ، سُكَيِ وَطَيَ دُوكَ، سُكَ كَشٜىٰ طَيَ، سُكَ كُمَ جٜىٰجّٜىٰڢِ طَيَ؞ 36سَيْ يَسَاكٜىٰ عَيْكَ وَطَنْسُ بَايِ ڢِيٜىٰدَ نَڢَرْكُواْ؞ مَاسُ هَيَرْ غُواْنَرْ سُكَيِ مُسُ يَدَّ سُكَيِ وَنَڢَرْكُوانْ؞ 37دَغَ ڧَرْشٜىٰ سَيْ مَيْ غُواْنَرْ يَعَيْكِ طَنْسَ ذُوَا وُرِنْسُ يَنَ ثٜىٰوَ ‹بَاشَكَّ ذَاسُ بَا طَانَ غِرْمَ؞› 38عَمَّا دَ مَاسُ هَيَرْ سُكَغَ طَنْ، سَيْ سُكَثٜىٰ وَجُونَنْسُ، ‹يَوَّ! أَيْ، وَنَّنْ شِينٜىٰ ذَيْ غَاجِ غُواْنَرْ؞ مُكَشٜىٰشِ، غَادُوانْسَ يَذَمَ نَامُ!› 39سَيْ سُكَ كَامَ شِ، سُكَ جٜىٰڢَشِ بَايَنْ كَتَنْغَرْ غُواْنَرْ، سُكَ كَشٜىٰشِ؞
40«تُواْ، عِدَنْ مَيْ غُواْنَرْ نَنْ يَذُواْ، مٜىٰ ذَيْ يِوَمَاسُ هَيَرْ نَنْ؟»
41سَيْ سُكَثٜىٰ مَسَ «أَيْ، لَلَّيْ ذَيْ كَكَّشٜىٰ مُوغَيٜىٰنَّنْ، يَبَا وَطَنْسُ هَيَرْ غُواْنَرْ، وَطَنْدَ ذَاسُدِنْغَ بَاشِ نَاسَ رَبُوانْ أَمْڢَانِنْ غُواْنَرْ؞»
42 عِيسَىٰ يَثٜىٰ مُسُ «أَشٜىٰ، بَكُ تَٻَ كَرَنْتَاوَا أَ رُبُوتَثِّيَرْ مَغَنَرْ اللَّهْ بَ؟ ثٜىٰوَ،
« ‹دُوڟٜىٰنْ دَ مَاسُ غِنِ سُكَڧِ،
شِينٜىٰ يَذَمَ دُوڟٜىٰ مَڢِے أَمْڢَانِ أَغِنِ؞
وَنَّنْ عَيْكِنْ عُبَنْغِجِ نٜىٰ،
أَبِنْ مَامَاكِ نٜىٰ كُوَ أَعِدَنُونْمُ؞› »#زَبُو 118.22-23
43«سَبُواْدَ حَكَ إِنَ غَيَ مُكُ، ذَاعَ كَرْٻِ مُلْكٍ اللَّهْ دَغَ وُرِنْكُ، عَبَا وَتَ أَلْعُمَّرْدَ ذَاتَ حَيْڢَرْ دَ هَلَيٜىٰ مَاسُ ݣَوْ نَمُلْكٍ؞ 44وَنْدَ يَڢَاطِ عَكَنْ وَنَّنْ دُوڟٜىٰ ذَيْ هَلَّكَ، كُمَ وَنْدَ دُوڟٜىٰنَّنْ يَڢَاطَ مَسَ، ذَيْ نِڧَشِ كَمَرْ غَارِ؞»#21.44: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا بَاسُدَ أَيَ 44؞ دُوبِے لُكْ 20.18؞
45دَ مَنْيَنْ ڢِرِسْتُواْثِے دَ ڢَرِسِيَاوَا سُكَجِ مِصَلَنَّنْ دَ يَبَايَرْ، سَيْ سُكَ غَانٜىٰ ثٜىٰوَ يَنَ مَغَنَ عَكَنْسُنٜىٰ؞ 46سُنْسُواْ سُكَامَشِ، عَمَّا سُنَ ڟُواْرُوانْ جَمَعَ، غَمَا جَمَعَ سُنْ طَوْكَ شِے أَنَّبِنٜىٰ؞
Currently Selected:
مَتِيُ 21: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
