مَتِيُ 20
20
مَعَيْكَتَ أَ غُواْنَرْ إِنَبِے
1«مُلْكٍ سَمَ كَمَرْ وَنِ مَيْغِدَا نٜىٰ وَنْدَ يَڢِتَ دَ سَسَّڢٜىٰ دُواْمِنْ يَيِ هَيَرْ وَطَنْدَ ذَاسُيِ مَسَ عَيْكِ أَغُواْنَرْسَ تَ عِتَتُوَنْ إِنَبِے؞ 2دَ سُكَ شِرْيَ عَكَنْ كُطِنْ دَ عَكٜىٰ بِيَنْ لٜىٰبُرَ عَيِنِ،#20.2 كُطِنْ دَ عَكٜىٰ بِيَنْ لٜىٰبُرَ عَيِنِ: دَ هٜىٰلٜىٰنَنْثِ أَنْرُبُوتَ دِنَرِ نٜىٰ أَنَنْ؞ سَيْ يَعَيْكٜىٰسُ غُواْنَرْسَ؞ 3وَجٜىٰنْ ڧَرْڢٜىٰ تَرَ كُمَ دَ يَڢِتَ، سَيْ يَغَ وَطَنْسُ سُنَ ذَمَنْ بَنْظَ كَوَيْ عَبَاكِنْ كَاسُوَ، 4سَيْيَثٜىٰ مُسُ، ‹كُو مَا كُجٜىٰ غُواْنَتَ، ذَنْبِيَكُ أَبِنْدَ يَكَمَاتَ؞› سَيْ سُكَ تَڢِے؞ 5دَ يَسَاكٜىٰ ڢِتَ دَ رَانَ دَ كُمَ وَجٜىٰنْ ڧَرْڢٜىٰ عُكُ، يَطَوْكِ مَاسُ عَيْكِ؞ 6حَرْ يَنْذُ وَجٜىٰنْ ڧَرْڢٜىٰ بِيَرْ يَسَاكٜىٰ ڢِتَ يَغَ وَطَنْسُ سُنَ ڟَيٜىٰ بَاسَيِنْ كُواْمٜىٰ، سَيْيَثٜىٰمُسُ، ‹دُوانْمٜىٰ كُكٜىٰ ذَمَنْ بَنْظَ دُكْ يِنِ؟›
7«سُكَثٜىٰ مَسَ، ‹غَمَا بَاوَنْدَ يَبَامُ عَيْكِنْيِ؞›
«سَيْ يَثٜىٰ مُسُ، ‹كُو مَا كُجٜىٰ غُواْنَتَ؞›
8«دَ يَمَّ تَيِ، سَيْ مَيْ غُواْنَرْ يَثٜىٰ وَمَيْ تَيْمَكُوانْسَ لُورَ دَ عَيْكِنْ غُواْنَرْ، ‹كَكِرَا مَعَيْكَتَنْ كَبِيَسُ، كَڢَارَ دَغَ نَڧَرْشٜىٰ ذُوَا نَڢَرْكُواْ؞›#لِـ ڢِرْ 19.13؛ مَيْ شَـ 24.15 9وَطَنْدَ سُكَجٜىٰ وَجٜىٰنْ ڧَرْڢٜىٰ بِيَرْ سُكَذُواْ، كُواْوَنّٜىٰنْسُ يَكَرْٻِ أَبِنْدَ يَكَمَاتَ عَبِيَشِ عَيِنِ؞ 10تُواْ، وَطَنْدَ سُكَ ڢَارَ ذُوَا سُنْيِ ڟَمَّنِ ذَاعَ بِيَسُ ڢِيٜىٰدَ سَوْرَنْ، عَمَّا سُو مَا كُواْوَنّٜىٰنْسُ يَكَرْٻِ أَبِنْدَ يَكَمَاتَ عَبِيَشِ عَيِنِ؞ 11دَ سُكَ كَرْٻَ، سُكَيِ وَمَيْغِدَنْ غُنَغُنِ، 12سُنَ ثٜىٰوَ ‹وَطَنْدَ سُكَذُواْ دَغَ ڧَرْشٜىٰ، عَيْكِنْ أَوَ طَيَ كَوَيْ سُكَيِ، كَمَيْدَسُو دَيْدَيْ دَمُو، مُو دَ مُكَيِنِ مُنَ عَيْكِ، غَا شَنْ رَانَ؞›
13«سَيْ يَأَمْسَا وَ طَيَ دَغَ ثِكِنْسُ يَثٜىٰ، ‹أَبُواْكِينَ، أَيْ، بَنْثُوثٜىٰكَبَ؞ بَمُشِرْيَ عَكَنْ ثٜىٰوَ ذَنْ بِيَاكَ أَبِنْدَ عَكَنْبِيَ عَيِنِبَ؟ 14كَكَرْٻِ أَبِنْدَ يَكٜىٰ نَاكَ كَتَڢِے؞ نِے نَغَ دَامَ إِنْبِيَ وَطَنْدَ سُكَذُواْ دَغَ بَايَ دَيْدَيْ دَ أَبِنْدَ نَبِيَاكَ؞ 15بَانِ دَ إِيكُواْ إِنْيِ أَبِنْدَ نَغَ دَامَ دَ أَبِنْدَ يَكٜىٰ نَوَ؟ كُواْ كَنَ جِنْ كِيشِنٜىٰ سَبُواْدَ إِنَدَ أَلْحٜىٰرِ عَيَلْوَثٜىٰ؟›
16«حَكَ نَڧَرْشٜىٰ ذَاسُ ذَمَ نَڢَرْكُواْ، نَڢَرْكُواْ كُمَ ذَاسُ ذَمَ نَڧَرْشٜىٰ؞»#مَتْ 19.30؛ مَرْ 10.31؛ لُكْ 13.30
عِيسَىٰ يَسَاكٜىٰ يِنْمَغَنَ غَمٜىٰدَ مُتُوَرْسَ
﴿مَرْ 10.32-34؛ لُكْ 18.31-34﴾
17دَ عِيسَىٰ دَ أَلْمَجِرَنْسَ سُنَ هَوْرَاوَا ذُوَا عُرُوشَلِيمَ، سَيْ عِيسَىٰ يَجَاسُ غٜىٰڢٜىٰنْ حَنْيَ يَثٜىٰ مُسُ، 18«غَاشِ، ذَامُجٜىٰ عُرُوشَلِيمَ؞ ذَاعَبَادَ طَنْ مُتُمْ أَ حَنُّنْ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى، ذَاسُ كُمَ يَنْكٜىٰ مَسَ حُكُنْثِنْ كِسَا؞ 19سَعَنً سُبَادَشِ غَ وَطَنْدَ بَا يَهُودَاوَا بَ، سُيِ مَسَ بَعَ، سُيِ مَسَ بُلَلَ، سُكُمَ غِثِّيٜىٰشِ، أَ رَانَ تَ عُكُ كُمَ ذَاعَ تَاشٜىٰشِ؞»
ضُواْڧُوانْ مَامَرْ يَعْڧُوبَ دَ يَحْيَى
﴿مَرْ 10.35-45﴾
20سَعَنً سَيْ مَامَرْ یَیَنْ ظَبَدِ تَذُواْ وُرِنْ عِيسَىٰ دَ یَیَنْتَ، تَدُرْڧُسَ أَغَبَنْسَ تَاضُواْڧٜىٰشِ وَنِ أَبُ؞
21سَيْ يَثٜىٰ مَتَ «مٜىٰ كِكٜىٰسُواْ؟»
تَاثٜىٰ مَسَ «كَسَا وَطَنَّنْ یَیَنَ بِيُ سُذَوْنَ، طَيَ أَدَمَنْكَ، طَيَ أَ هَغُنْكَ، عَثِكِنْ مُلْكِنْكَ؞»
22عَمَّا عِيسَىٰ، يَثٜىٰ وَیَیَنْ «بَكُسَنْ أَبِنْدَ كُكٜىٰ ضُواْڧُواْبَ، ذَاكُ عِيَشَا عَݣُوڢْ نَوَهَلَرْ دَ ذَنْشَا؟»
سُكَثٜىٰ مَسَ «ذَامُ عِيَ؞»
23يَثٜىٰ مُسُ «لَلَّيْ ذَاكُشَا عَݣُوڢْ نَوَ، عَمَّا ذَمَ أَدَمَنَ كُواْ هَغُنَ بَنِے نَكٜىٰ دَ إِيكُوانْ بَايَرْوَبَ؞ عُبَانَ نَسَمَ يَشِرْيَ مَڟَيِنَّنْ دُوانْ وَطَنْدَ يَذَاٻَا؞»
24دَ سَوْرَنْ أَلْمَجِرَنْ غُواْمَ سُكَجِ حَكَ، سَيْ سُكَجِ هَوْشِنْ یَنْعُوَنَّنْ غُدَا بِيُ؞ 25عَمَّا عِيسَىٰ يَكِرَاسُ دُكَ يَثٜىٰ «كُنْ سَنْ يَدَّ سَرَاكُنَنْ وَطَنْدَ بَا يَهُودَاوَا بَ سُكَنْ نُونَ إِيكُواْ عَكَنْ مُتَنٜىٰنْسُ، مَنْيَنْسُ مَا سُنَ نُونَاوَ مُتَنٜىٰنْسُ إِيكُواْ؞ 26بَذَيْ ذَمَ حَكَ عَثِكِنْكُبَ؞ أَ مَيْمَكُوانْ حَكَ دُكْ وَنْدَ يَكٜىٰسُواْ يَذَمَ بَبَّ عَثِكِنْكُ دُواْلٜىٰنٜىٰ يَذَمَ مَيْيِ وَسَوْرَنْ حِدِمَ؞#لُكْ 22.25-26 27كُمَ وَنْدَ يَكٜىٰسُواْ يَذَمَ شُوغَبَا عَثِكِنْكُ، دُواْلٜىٰنٜىٰ يَذَمَ بَاوَنْكُ؞#مَتْ 23.11؛ مَرْ 9.35؛ لُكْ 22.26 28حَكَكُمَ طَنْ مُتُمْ بَيْذُواْ دُواْمِنْ عَبَوْتَا مَسَبَ، سَيْدَيْ دُواْمِنْ يَيِ بَوْتَا، يَكُمَ بَادَ رَنْسَ دُواْمِنْ ثٜىٰتُوانْ مُتَنٜىٰ دَيَوَ؞»
مَكَڢِ بِيُ سُنْ سَامِ غَنِنْ غَرِ
﴿مَرْ 10.46-52؛ لُكْ 18.35-43﴾
29دَ عِيسَىٰ دَ أَلْمَجِرَنْسَ ذَاسُبَرْ يٜىٰرِكُواْ، مُتَنٜىٰ دَيَوَ سُكَبِيشِ؞ 30سَيْغَا وَطَنْسُ مَكَڢِ بِيُ سُنَ ظَوْنٜىٰ أَغٜىٰڢٜىٰنْ حَنْيَ؞ دَ سُكَجِ عِيسَىٰ يَنَ وُثٜىٰوَ سَيْ سُكَ طَغَ مُرْيَ سُكَثٜىٰ «مَيْغِرْمَ، طَنْ دَاوُدَ! كَجِ تَوْسَيِنْمُ!»
31مُتَنٜىٰ سُكَيِ مُسُ ڢَطَ سُيِ شِضُ؞ سَيْ سُكَڧَارَ طَغَ مُرْيَ سُكَثٜىٰ «مَيْغِرْمَ، طَنْ دَاوُدَ! كَيِ مَنَ جِنْڧَيْ!»
32سَيْ عِيسَىٰ يَڟَيَ يَثٜىٰمُسُ «مٜىٰ كُكٜىٰسُواْ إِنْيِ مُكُ؟»
33سُكَثٜىٰ مَسَ «مَيْغِرْمَ، بَرِ مُسَامِ غَنِنْ غَرِ؞»
34سَبُواْدَ تَوْسَيِ، سَيْ عِيسَىٰ يَتَٻَ عِدَنُونْسُ؞ نَنْ دَنَنْ كُوَ سُكَ ڢَارَ غَنِ، سُكَبِيشِ؞
Currently Selected:
مَتِيُ 20: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
