مَتِيُ 22
22
مِصَالِ نَبِكٍ عَوْرٜىٰ
﴿لُكْ 14.15-24﴾
1سَيْ عِيسَىٰ يَسَاكٜىٰيِ مُسُ مَغَنَ دَ مِصَالِ يَثٜىٰ، 2«ذَاعَ عِيَ ݣُوتَنْتَا مُلْكٍ سَمَ دَ وَنِ سَرْكِنْ دَ يَيِ وَطَنْسَ بِكٍ عَوْرٜىٰ؞ 3يَعَيْكِ بَايِنْسَ سُكِرَا مُتَنٜىٰنْ دَ عَكَ غَيَّثٜىٰسُ بِكٍ، عَمَّا مُتَنٜىٰنْ دَ عَكَ غَيَّتُواْ بَسُ ذُوابَ؞ 4يَسَاكٜىٰ عَيْكٜىٰنْ وَطَنْسُ بَايِنْ يَثٜىٰ، ‹كُڢَطَا وَمُتَنٜىٰنْ دَ عَكَ غَيَّتَ ثٜىٰوَ «غَاشِ نَشِرْيَ عَبِنْثِ، أَنْيَنْكَ شَانُو مَاسُ ڧِبَ دَ عَكَ ثِيَرْ دَسُو مُسَمَّنْ؞ دُكْ أَنْغَمَ شِرْيَ كُواْمٜىٰ؞ كُذُواْ بِكٍ مَنَ!» › 5عَمَّا بَسُ كُلَبَ؞ سُكَ تَڢِے أَبِنْسُ، وَنِ يَتَڢِے غُواْنَرْسَ، وَنِ يَتَڢِے كَاسُوَنْثِنْسَ، 6وَطَنْسُ كُمَ سُكَ كَامَ بَايِنْ سُكَيِ مُسُ دُوكَ، حَرْ سُكَ كَشٜىٰسُ؞ 7سَرْكِنْ كُوَ يَيِ ڢُشِے سُواْسَيْ؞ يَعَيْكَ سُواْجُواْجِنْسَ سُكَ كَكَّشٜىٰ مَاسُ كِسَنْ كَنَّنْ، حَرْ سُكَ ڧُواْنٜىٰ غَرِنْسُ تَسْ؞ 8سَعَنً يَثٜىٰ وَبَايِنْسَ، ‹أَنْغَمَ شِرِنْ بِكٍ، عَمَّا وَطَنْدَ عَكَ غَيَّتَ بَسُ ثَنْثَنْتَبَ؞ 9سَبُواْدَ حَكَ كُبِے تِيتِ تِيتِ كُثٜىٰ وَدُكْ وَطَنْدَ كُكَ سَامُ سُذُواْ بِكٍ؞› 10بَايِنَّنْ كُوَ سُكَبِے تِيتِ تِيتِ سُكَ تَتَّارُواْ دُكْ وَطَنْدَ سُكَ سَامُ، نَكِرْكِ دَ وَطَنْدَ بَ نَكِرْكِبَ، حَرْ وُرِنْ بِكٍ يَا ثِكَ دَ بَاڧِ؞
11«عَمَّا دَ سَرْكِنْ يَشِغُواْ دُواْمِنْ يَغَ بَڧِنْ، سَيْ يَغَ وَنِ مُتُمْ بَيْ سَا رِغَرْ بِكِبَ؞ 12سَيْ يَثٜىٰ وَمُتُمِنْ، ‹أَبُواْكِ، يَيَ عَكَيِ كَشِغُواْ نَنْ بَاتَرٜىٰدَ كَسَا رِغَرْ بِكِبَ؟› عَمَّا مُتُمِنْ يَرَسَ أَبِنْدَ ذَيْ ڢَطَا؞ 13سَيْ سَرْكِنْ يَثٜىٰ وَمَاسُ يِمَسَ حِدِمَ، ‹كُطَوْرٜىٰ حَنُّوَنْسَ دَ ڧَڢَاڢُنْسَ، كُجٜىٰڢَ شِ ثِكِنْ مُوغُنْ دُهُ، عِنْدَ ذَاعَيِ كُوكَا دَ ثِظُوانْ هَڧُواْرَ؞›#مَتْ 8.12؛ 25.30؛ لُكْ 13.28
14«أَيْ، أَنْكِرَا مُتَنٜىٰ دَيَوَ، عَمَّا كَطَنْ نٜىٰ عَكَ ذَاٻَا؞»
تَمْبَيَ غَمٜىٰدَ بِيَنْ هَرَاجِ غَ كَيْسَرْ
﴿مَرْ 12.13-17؛ لُكْ 20.20-26﴾
15أَنَانً سَيْ ڢَرِسِيَاوَا سُكَجٜىٰ سُكَيِ شَوَرَا يَدَّ ذَاسُيِ مَسَ تَرْكُواْ ثِكِنْ أَبِنْدَ ذَيْ ڢَطَا؞ 16سَيْ سُكَ عَيْكُواْ دَ أَلْمَجِرَنْسُ تَرٜىٰدَ وَطَنْسُ مُتَنٜىٰنْ هِرُدُسْ سُكَثٜىٰ «مَلَمْ، مُنْ سَنِ كَيْ مَيْ غَسْكِيَانٜىٰ، كَنَ كُمَ كُواْيَرْ دَ حَنْيَرْ اللَّهْ ثِكِنْ غَسْكِيَ، دُواْمِنْ مُتَنٜىٰ دُكْ طَيَ نٜىٰ أَغَرٜىٰكَ، غَمَا بَاكَ نُونَ بَمْبَنْثِ ڟَكَانِنْ مُتَنٜىٰ؞ 17تُواْ، كَغَيَ مَنَ، كَنَ غَنِ دَيْدَيْنٜىٰ مُبِيَ وَ كَيْسَرْ بَبَّنْ سَرْكِنْ رُواْمَ هَرَاجِ، كُواْ أَعَ؟»
18عَمَّا سَبُواْدَ عِيسَىٰ يَغَانٜىٰ ڧِيَيَّرْ ذُوثِيَارْسُ سَيْيَثٜىٰ «دُوانْمٜىٰ كُكٜىٰ ڠُودَانِ، كُو مُنَاڢُكَيْ؟ 19كُنُونَ مِنِ كُطِنْ دَ عَكٜىٰ بِيَنْ هَرَاجِنْ دَشِ؞»
سَيْ سُكَ كَٰوُاْ مَسَ دِنَرِ؞ 20سَيْ يَثٜىٰ مُسُ «حُواْتُواْنَّنْ دَ سُونَنَّنْ نَوَنٜىٰنٜىٰ؟»
21سُكَ أَمْسَ سُكَثٜىٰ «نَ كَيْسَرْ نٜىٰ؞»
سَيْ عِيسَىٰ يَثٜىٰ مُسُ «تُواْ، سَيْ كُبَا كَيْسَرْ أَبِنْدَ يَكٜىٰ نَ كَيْسَرْ، كُكُمَبَا اللَّهْ أَبِنْدَ يَكٜىٰ نَ اللَّهْ؞»
22دَ سُكَجِ حَكَ، سَيْ سُكَ كَامَ بَاكِ سُنَ مَامَاكِ، سُكَ بَرْشِ، سُكَ تَڢِے؞
تَمْبَيَ عَكَنْ تَاشِنْ مَتَتُّو
﴿مَرْ 12.18-27؛ لُكْ 20.27-40﴾
23أَ رَانَرْ نَنْ كُوَ، وَطَنْسُ سَدُوكِيَاوَا سُكَذُواْ وُرِنْ عِيسَىٰ؞ سُونٜىٰ سُكٜىٰثٜىٰوَ وَيْ بَابُ تَاشِنْ مَتَتُّو؞ سُكَ تَمْبَيٜىٰشِ،#أَيُّكَنْ 23.8 24سُكَثٜىٰ «مَلَمْ، مُوسَٰى يَثٜىٰ، ‹عِدَنْ مُتُمْ يَمُتُ بَاشِ دَ طَا، سَيْ طَنْعُوَنْسَ يَ عَوْرِ مَاتَرْ دُواْمِنْ يَحَيْڢَ وَطَنْعُوَنْسَ یَیَ؞›#مَيْ شَـ 25.5 25تُواْ، أَݣَويْ وَطَنْسُ یَنْعُوَ غُدَا بَݣَويْ عَثِكِنْمُ؞ نَڢَرْكُوانْ يَيِ عَوْرٜىٰ، يَمُتُ بَيْ حَيْڢُبَ، يَبَرْ وَطَنْعُوَنْسَ مَاتَرْسَ؞ 26حَكَ يَڢَرُ دَ نَبِيُنْ دَ نَعُكُنْ، حَرْ يَكَيْ كَنْ نَبَݣَويْ طِنْ؞ 27دَغَ ڧَرْشٜىٰ، سَيْ مَاتَرْ تَمُتُ؞ 28تُواْ، عَتَاشِنْ مَتَتُّو، مَاتَرْ وَ ذَاتَ ذَمَ عَثِكِنْسُ؟ غَمَا دُكَنْسُ سُنْ عَوْرٜىٰتَ؞»
29 عِيسَىٰ يَأَمْسَ مُسُ يَثٜىٰ «تُنَانِنْكُ بَ دَيْدَيْ بَنٜىٰ، غَمَا بَكُسَنْ رُبُوتَثِّيَرْ مَغَنَرْ اللَّهْ بَ، كُمَ بَكُسَنْ إِيكُوانْ اللَّهْ بَ؞ 30أَيْ، عَتَاشِنْ مَتَتُّو، مَظَا بَذَاسُيِ عَوْرٜىٰبَ، مَتَ كُمَ بَذَاعَ بَادَسُو غَ عَوْرٜىٰبَ، سَيْدَيْ ذَاسُ ذَمَ كَمَرْ مَلاَىِٕكُنْ اللَّهْ؞ 31كُمَ غَمٜىٰدَ تَاشِنْ مَتَتُّو، بَكُ كَرَنْتَ أَبِنْدَ اللَّهْ يَڢَطَا مُكُبَ؟ أَنْرُبُوتَ ثٜىٰوَ 32‹نِنٜىٰ اللَّهْ نَ إِبْرَٰهِيمْ، اللَّهْ نَ إِسْحَٰڧَ دَ كُمَ اللَّهْ نَ يَعْڧُوبَ؞› شِ اللَّهْ نَمَاسُ رَيْ نٜىٰ، بَنَمَتَتُّوبَ؞»#ڢِتْ 3.6
33دَ مُتَنٜىٰ سُكَجِ حَكَ، سَيْ سُكَيِ مَامَاكِنْ كُواْيَرْوَرْسَ؞
دُواْكَا مَڢِے غِرْمَ
﴿مَرْ 12.28-34؛ لُكْ 10.25-28﴾
34دَ ڢَرِسِيَاوَا سُكَجِ يَڧُرٜىٰ سَدُوكِيَاوَا، سَيْ سُكَ تَارُ؞ 35وَنِ مَلَمِنْ كُواْيَرْوَرْ مُوسَٰى عَثِكِنْسُ يَيِ وَ عِيسَىٰ تَمْبَيَ دُواْمِنْ يَڠُودَاشِ؞ 36يَثٜىٰ «مَلَمْ، وَثٜىٰ دُواْكَاثٜىٰ تَڢِے غِرْمَ عَثِكِنْ دُواْكُواْكِ؟»
37 عِيسَىٰ يَأَمْسَ مَسَ يَثٜىٰ « ‹كَڧَوْنَثِ عُبَنْغِجِ اللَّهْ نْكَ دَ دُكَنْ ذُوثِيَارْكَ دَ دُكَنْ رَنْكَ دَ دُكَنْ حَنْكَلِنْكَ؞›#مَيْ شَـ 6.5 38وَنَّنْ عِتَثٜىٰ دُواْكَا تَڢَرْكُواْ، كُمَ مَڢِے غِرْمَ؞ 39تَبِيُنْ مَا كَمَرْ تَڢَرْكُوانْ تَكٜىٰ، ‹كَڧَوْنَثِ مَڨُوبْثِنْكَ كَمَرْ يَدَّ كَكٜىٰ ڧَوْنَرْ كَنْكَ؞›#لِـ ڢِرْ 19.18 40دُكَنْ كُواْيَرْوَرْ مُوسَٰى دَ تَأَنَّبَوَ سُنْ رَاتَيَ عَكَنْ وَطَنَّنْ دُواْكُواْكِ بِيُ؞»#لُكْ 10.25-28
تَمْبَيَ عَكَنْ أَلْمَسِيحُ
﴿مَرْ 12.35-37؛ لُكْ 20.41-44﴾
41دَ ڢَرِسِيَاوَا سُكَ تَارُ وُرِے طَيَ، سَيْ عِيسَىٰ يَتَمْبَيٜىٰسُ 42يَثٜىٰ «مٜىٰنٜىٰنٜىٰ تُنَانِنْكُ غَمٜىٰدَ أَلْمَسِيحُ؟ طَنْ وَنٜىٰنٜىٰ شِ؟»
سَيْ سُكَثٜىٰ مَسَ «طَنْ دَاوُدَ نٜىٰ؞»
43سَيْ عِيسَىٰ يَثٜىٰ مُسُ «تُواْ، يَيَ دَاوُدَ تَ إِيكُوانْ رُوحُ يَكٜىٰثٜىٰ دَشِ ‹عُبَنْغِجِ›؟ غَمَا دَاوُدَ يَثٜىٰ،
44« ‹عُبَنْغِجِ يَثٜىٰ وَ عُبَنْغِجِنَ،
«ذَوْنَ نَنْ أَ حَنُّنْ دَامَنَ
سَيْ نَسَا أَبُواْكَنْ غَابَنْكَ
عَڧَرْڧَشِنْ ڧَڢَاڢُنْكَ؞» ›#زَبُو 110.1
45«عِدَنْ دَاوُدَ يَنَثٜىٰ دَ أَلْمَسِيحُ ‹عُبَنْغِجِ›، تُواْ، يَيَ أَلْمَسِيحُ يَذَمَ طَنْسَ؟»
46بَاوَنْدَ يَ عِيَ بَاشِ أَمْسَ؞ دَغَ رَانَرْ نَنْ كُوَ بَاوَنْدَ يَيِ ڧَرْڢِنْ حَلِنْ يَسَاكٜىٰيِ مَسَ تَمْبَيَ؞
Currently Selected:
مَتِيُ 22: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
