مَتِيُ 23

عِيسَىٰ يَتُواْنَ أَسِيرِنْ مَلَمً كُواْيَرْوَرْ مُوسَٰى دَ ڢَرِسِيَاوَا

﴿مَرْ 12‏.38‏-39؛ لُكْ 11‏.43‏،46؛ 20‏.45‏-47﴾

1دَ مُتَنٜىٰ سُكَ تَارُ دَيَوَ تَرٜىٰدَ أَلْمَجِرَنْسَ، سَيْ عِيسَىٰ يَثٜىٰ مُسُ، 2‏«‏مَلَمً كُواْيَرْوَرْ مُوسَٰى دَ ڢَرِسِيَاوَا سُونٜىٰ عَكَبَاسُ إِيكُوانْ كُواْيَرْ دَ كُواْيَرْوَرْ مُوسَٰى؞ 3سَبُواْدَ حَكَ كُيِ دُكْ أَبِنْدَ سُكٜىٰ كُواْيَ مُكُ، كُكُمَبِے، عَمَّا كَدَ كُيِ يَدَّ سُكٜىٰيِ، غَمَا بَاسَ يِنْ أَبِنْدَ سُكٜىٰ كُواْيَرْوَا؞ 4سُكَنْ طَوْرَ كَايَ مَاسُ نَوْيِ، مَاسُ وُيَرْ طَوْكَ، سُسَا وَمُتَنٜىٰ عَكَڢَطَ، عَمَّا سُو كَنْسُ بَاسَ تَيْمَكَ مُسُ كُواْ دَ طَنْ يَڟَ؞ 5سُنَيِنْ أَيُّكَنْسُ دُواْمِنْ مُتَنٜىٰ سُغَنِ نٜىٰ، سُنَ طَوْرَ مَنْيَ مَنْيَنْ ڧُنْشِنْ أَيُواْيِنْ مَغَنَرْ اللَّهْ أَغُواْشِنْسُ، سُنَيِنْ دُواْغَيٜىٰنْ ظَرٜىٰ مَاسُ لِلُواْ عَبَاكِنْ رِيغُنَنْسُ؞#23‏.5 بَاكِنْ رِيغُنَنْسُ: إِسْرَٰٓءِيلَاوَا سُكَنْ ڧَارَ ڟَوُانْ رِيغُنَنْسُ دَغَ بَاكِنْ رِغَرْ دُواْمِنْ يَذَمَ عَلَمَرْ كٜىٰٻٜىٰ كَنْسُ غَ اللَّهْ؞ دُوبِے لِـ ڧِدْ 15‏.37‏-41؞#مَتْ 6‏.1؛ لِـ ڧِدْ 15‏.38؛ مَيْ شَـ 6‏.8

6‏«‏سُنْ ثِكَ سُواْ عَبَاسُ وُرِنْ ذَمَنْ مَنْيَ أَوُرِنْ بِكِ دَ كُمَ وُرَارٜىٰنْ ذَمَ مَاسُ دَرَجَ أَ مَجَمِعُ، 7عَكُمَ دِنْ‌غَ غَيْشٜىٰسُ عَكَاسُوَ، عَكُمَ دِنْ‌غَثٜىٰ مُسُ، ‏‹‏مَلَم›‏؞ 8عَمَّا كُو دَيْ، كَدَ عَثٜىٰمُكُ ‏‹‏مَلَم›‏، دُواْمِنْ مَلَمِنْكُ طَيَ نٜىٰ، دُكَنْكُ كُوَ یَنْعُوَ نٜىٰ؞ 9كَدَ كُثٜىٰ دَ كُواْوَ ‏‹‏عُبَا›‏ عَدُونِيَا، دُواْمِنْ عُبَا طَيَ غَرٜىٰكُ شِينٜىٰ وَنْدَ يَكٜىٰ ثِكِنْ سَمَ؞ 10كَدَ كُمَ عَثٜىٰ دَكُو ‏‹‏شُوغَبَا›‏، دُواْمِنْ شُوغَبَا طَيَ غَرٜىٰكُ، وَتُواْ أَلْمَسِيحُ؞ 11وَنْدَ يَكٜىٰ بَبَّ عَثِكِنْكُ سَيْ يَذَمَ مَيْيِ مُكُ حِدِمَ؞#مَتْ 20‏.26‏-27؛ مَرْ 9‏.35؛ 10‏.43‏-44؛ لُكْ 22‏.26 12دُكْ وَنْدَ يَطَوْكَكَ كَنْسَ، ذَاعَ ڧَسْڧَنْتَرْ دَشِ؞ عَمَّا دُكْ وَنْدَ يَڧَسْڧَنْتَرْ دَكَنْسَ، ذَاعَ طَوْكَكَاشِ؞#لُكْ 14‏.11؛ 18‏.14

13‏«‏عَمَّا كَيْتُوانْكُ، كُو مَلَمً كُواْيَرْوَرْ مُوسَٰى دَ ڢَرِسِيَاوَا، مُنَاڢُكَيْ!‏ كُنْ رُڢٜىٰوَ مُتَنٜىٰ ڧُواْڢَرْ شِغَ مُلْكٍ سَمَ؞ كُو كَنْكُ بَكُ شِغَبَ، كُمَ كُنَ حَنَ مَاسُسُواْ سُشِغَ دَامَرْ شِغَ؞ 14كَيْتُوانْكُ مَلَمً كُواْيَرْوَرْ مُوسَٰى دَ ڢَرِسِيَاوَا، مُنَاڢُكَيْ!‏ كُكَنْثِ كَايَنْ مَاتَانْدَ مَذَنْسُ سُكَ مُتُ، سَعَنً كُكَنْيِ دُواْغُوَرْ أَدُّعَ دُواْمِنْ أَغَنْكُ؞ سَبُواْدَ حَكَ ذَاعَيِ مُكُ حُكُنْثِ مَڢِے ڟَنَنِ؞#23‏.14 وَطَنْسُ رُبُوثٜىٰ رُبُوثٜىٰ نَدَا بَاسُدَ وَنَّنْ أَيَ؞

15‏«‏كَيْتُوانْكُ مَلَمً كُواْيَرْوَرْ مُوسَٰى دَ ڢَرِسِيَاوَا، مُنَاڢُكَيْ!‏ غَمَا كُكَنْ ڧٜىٰتَرٜىٰ تٜىٰكُ، كُكَنْ كَيْ ڧَسَاشٜىٰ مَاسُ نِيسَ دُواْمِنْ سَامُنْ مَيْ تُوبَ طَيَ؞ عِدَنْ كُوَ كُكَ سَامُ، سَيْ كُمَيْدَشِ طَنْ غِدَنْ وُتَا ڢِيٜىٰ دَكُو سَوْ بِيُ؞

16‏«‏كَيْتُوانْكُ، مَكَاڢِنْ جَغُواْرَ!‏ كُكَنْثٜىٰ، ‏‹‏دُكْ وَنْدَ يَرَنْڟٜىٰ دَ هَيْكَلِ، بَ دَامُوَ، عَمَّا دُكْ وَنْدَ يَرَنْڟٜىٰ دَ ظِينَارِيَرْ هَيْكَلِنْ، دُواْلٜىٰ يَيِ أَبِنْدَ يَرَنْڟٜىٰ ذَيْ يِ؞›‏ 17كُو وَوَيٜىٰنْ مَكَڢِ!‏ وَنٜىٰ يَڢِ غِرْمَ، ظِينَارِيَرْ، كُواْ هَيْكَلِنْدَ يَڟَرْكَكٜىٰ ظِينَارِيَرْ؟ 18كُكَنْ كُمَثٜىٰ، ‏‹‏دُكْ وَنْدَ يَرَنْڟٜىٰ دَ بَغَدٜىٰ، بَ دَامُوَ، عَمَّا دُكْ وَنْدَ يَرَنْڟٜىٰ دَ بَيْكُوانْ دَ عَكَسَا عَكَنْ بَغَدٜىٰنْ، دُواْلٜىٰ يَيِ أَبِنْدَ يَرَنْڟٜىٰ ذَيْ يِ؞›‏ 19كُو مَكَڢِ!‏ وَنٜىٰنٜىٰ يَڢِ غِرْمَ، بَيْكُوانْ نٜىٰ كُواْ بَغَدٜىٰنْ هَدَايَ وَنْدَ يَكٜىٰ ڟَرْكَكٜىٰ بَيْكُوانْ؟ 20سَبُواْدَ حَكَ دُكْ وَنْدَ يَرَنْڟٜىٰ دَ بَغَدٜىٰنْ هَدَايَ، يَرَنْڟٜىٰ دَشِ دَ دُكْ أَبِنْدَ يَكٜىٰ كَنْسَ كٜىٰنَنْ؞ 21دُكْ كُمَ وَنْدَ يَرَنْڟٜىٰ دَ هَيْكَلِنْ، يَرَنْڟٜىٰ دَشِ دَ كُمَ اللَّهْ وَنْدَ يَكٜىٰ ظَوْنٜىٰ عَثِكِنْسَ؞ 22دُكْ وَنْدَ كُمَ يَرَنْڟٜىٰ دَسَمَ، يَرَنْڟٜىٰ دَ كُجٜىٰرَرْ مُلْكٍ اللَّهْ دَ كُمَ وَنْدَ يَكٜىٰ ظَوْنٜىٰ عَكَنْ كُجٜىٰرَرْ مُلْكٍ؞#عِشـ 66‏.1؛ مَتْ 5‏.34

23‏«‏كَيْتُوانْكُ، مَلَمً كُواْيَرْوَرْ مُوسَٰى دَ ڢَرِسِيَاوَا، مُنَاڢُكَيْ!‏ كُكَنْ بَادَ زَكَّرْ كَايَنْ يَجِ نَغَنْيٜىٰ عَمَّا كُنْ ڨَلٜىٰ أَبُبُوَنْ دَ سُكَڢِے مُهِمَّنْثِ عَثِكِنْ دُواْكُواْكِ، وَتُواْ غَسْكِيَ دَ جِنْڧَيْ دَ أَمِنْثِ؞ وَطَنَّنْ نٜىٰ يَا كَمَاتَ كُيِ بَاتَرٜىٰدَ ڨَلٜىٰ سَوْرَنْ بَ؞#لِـ ڢِرْ 27‏.30 24كُو مَكَاڢِنْ جَغُواْرَ، كُكَنْ تَاثٜىٰ طَنْ ڧَرَمِ ڨُورُواْ، عَمَّا كُكَنْ حَطِيٜىٰ رَاڧُمِ!‏

25‏«‏كَيْتُوانْكُ، مَلَمً كُواْيَرْوَرْ مُوسَٰى دَ ڢَرِسِيَاوَا، مُنَاڢُكَيْ!‏ كُكَنْ وَنْكٜىٰ بَايَنْ ݣُوڢْ دَ نَݣُونُواْ، عَمَّا عَثِكِ سُنَ ثِكٜىٰ دَ أَيُّكَ مَرَسَ ݣَوْ نَثُوثٜىٰ ثُوثٜىٰ دَ سُوانْكَيْ؞ 26كَيْ مَكَهُوانْ بَڢَرِسِيٜىٰ!‏ سَيْكَڢَارَ وَنْكٜىٰ ثِكِنْ ݣُوڢْ دَ نَݣُونُواْ، دُواْمِنْ بَايَنْسُ مَا يَذَمَ دَڟَبْتَ؞

27‏«‏كَيْتُوانْكُ، مَلَمً كُواْيَرْوَرْ مُوسَٰى دَ ڢَرِسِيَاوَا، مُنَاڢُكَيْ!‏ كُنَ كَمَرْ كَبُرْبُرَنْ دَ عَكَ شَاڢَ مُسُ ڢَضٍ ڢٜىٰنْتِ، مَاسُ ݣَنْ غَنِ دَغَ وَجٜىٰ، عَمَّا عَثِكِ سَيْ ڧَسُسُوَنْ مَتَتُّو دَ دَتِّ إِرِ إِرِ؞#أَيُّكَنْ 23‏.3 28حَكَ كُو كُمَ كُكٜىٰ، أَوَجٜىٰ مُتَنٜىٰ سُكَنْ غَ كَمَرْ كُو مَاسُ أَدَلْثِنٜىٰ، عَمَّا دَغَ ثِكِ، ثِكٜىٰ كُكٜىٰ دَ مُنَاڢُنْثِ دَ مُوغَيٜىٰنْ أَيُّكَ؞

29‏«‏كَيْتُوانْكُ، مَلَمً كُواْيَرْوَرْ مُوسَٰى دَ ڢَرِسِيَاوَا، مُنَاڢُكَيْ!‏ غَمَا كُكَنْ غِنَا كَبُرْبُرَ مَاسُ ݣَوْ دُواْمِنْ أَنَّبَاوَا، كُكُمَيِ وَكَبُرْبُرَنْ مَاسُ أَدَلْثِے أَدُواْ؞ 30كُكَنْثٜىٰ، ‏‹‏دَ مُنَانَنْ ݣُونَكِنْ كَاكَنِّنْمُ دَ بَمُ تَيْمَكٜىٰسُ ظُبْدَ جِنِنْ أَنَّبَاوَابَ؞›‏ 31تَهَكَ كُكَ نُونَ ثٜىٰوَ كُونٜىٰ یَیَنْ وَطَنْدَ سُكَ كَشٜىٰ أَنَّبَاوَا؞ 32تُواْ، سَيْ كُثِكَ مُودُنْ مُوغَيٜىٰنْ أَيُّكَنْ دَ كَاكَنِّنْكُ سُكَ ڢَارَ!‏ 33كُو مَثِيظَيْ، كُو ڧُنْ‌غِيَرْ مُوغَيٜىٰنْ مَثِيظَيْ!‏ يَيَ ذَاكُ عِيَ غُجٜىٰ وَحُكُنْثِنْ غِدَنْ وُتَا؟#مَتْ 3‏.7؛ 12‏.34؛ لُكْ 3‏.7 34سَبُواْدَ حَكَ إِنَ عَيْكَ مُكُ دَ أَنَّبَاوَا دَ مَاسُ حِكِمَ دَ مَلَمً كُواْيَرْوَرْ مُوسَٰى؞ ذَاكُ كَشٜىٰ وَطَنْسُ، كُغِثِّيٜىٰ وَطَنْسُ، كُكُمَيِ وَ وَطَنْسُ بُلَلَ أَ مَجَمِعُنْكُ، كُنَ بِنْسُ غَرِ غَرِ كُنَ ڟَنَنْتَ مُسُ؞ 35ذَنْ عَيْكُواْ دَ وَطَنَّنْ مُتَنٜىٰ دُواْمِنْ أَلْحَكِنْ جِنِنْ مَاسُ أَدَلْثِے وَطَنْدَ عَكَ كَشٜىٰ عَدُونِيَا يَكُواْمَ كَنْكُ، تُنْدَغَ جِنِنْ هَبِيلَ مَيْ أَدَلْثِے، حَرْ ذُوَا نَ زَكَرِيَّا طَنْ بٜىٰرٜىٰكِيَ، وَنْدَ كُكَ كَشٜىٰ ڟَكَانِنْ وُرِے مَيْ ڟَرْكِے دَ بَغَدٜىٰنْ هَدَايَ؞#ڢِتْ 4‏.8؛ 2 تَارْ 24‏.20‏-21 36حَڧِيڧَ إِنَغَيَ مُكُ، دُكْ وَنَّنْ ذَيْڢَرُ دَ مُتَنٜىٰنْ وَنَّنْ زَامَانِ؞»‏

عِيسَىٰ يَدَامُ عَكَنْ عُرُوشَلِيمَ

﴿لُكْ 13‏.34‏-35﴾

37‏«‏أَيَّ عُرُوشَلِيمَ، عُرُوشَلِيمَ!‏ مَاسُ كَشٜىٰ أَنَّبَاوَا، مَاسُ جِڢَرْ وَطَنْدَ عَكَ عَيْكُواْ أَغَرٜىٰكِ!‏ سَوْ نَوَ نَسُواْ إِنْتَتَّرَاكُ كَمَرْ يَدَّ كَاظَا تَكٜىٰ تَتَّارَ یَیَنْتَ عَثِكِنْ ڢِكَڢِكَنْتَ، عَمَّا كُنْڧِ؞ 38غَاشِ يَنْذُ، أَنْبَرْ مُكُ غِدَنْكُ كُڢَيْ!‏#إِرْمِ 22‏.5 39غَمَا إِنَغَيَ مُكُ، بَذَاكُ سَاكٜىٰ غَنِينَ بَ، سَيْ رَنْ دَ كُكَثٜىٰ، ‏‹‏مَيْ أَلْبَرْكَ نٜىٰ وَنْدَ يَكٜىٰ ذُوَا ثِكِنْ سُونَنْ عُبَنْ‌غِجِ؞›‏ »‏#زَبُو 118‏.26

Currently Selected:

مَتِيُ 23: hauAS

Highlight

Copy