مَتِيُ 19
19
كُواْيَرْوَرْ عِيسَىٰ عَكَنْ كَشٜىٰ عَوْرٜىٰ
﴿مَرْ 10.1-12﴾
1دَ عِيسَىٰ يَغَمَ ڢَطِنْ وَطَنَّنْ أَبُبُوَ، يَبَرْ يَنْكِنْ غَلِيلِ يَشِغَ يَنْكِنْ يَهُودِيَ، وَنْدَ يَكٜىٰ عَڧٜىٰتَرٜىٰنْ كُواْغِنْ يُواْدَنْ؞ 2مُتَنٜىٰ دَيَوَ سُكَبِيشِ، يَكُوَ وَرْكَرْدَ مَاسُثِيوُاْ عَثَنْ؞
3أَ نَنْ، وَطَنْسُ ڢَرِسِيَاوَا سُكَذُواْ وُرِنْسَ دُواْمِنْ سُڠُودَاشِ، سَيْ سُكَ تَمْبَيٜىٰشِ سُكَثٜىٰ «بِسَغَ كُواْيَرْوَرْ مُوسَٰى دَيْدَيْنٜىٰ مُتُمْ يَسَكِ مَاتَرْسَ عَكَنْ كُواْوَنٜىٰ إِرِنْ دَلِيلِ؟»
4يَأَمْسَ مُسُ يَثٜىٰ «أَشٜىٰ، بَكُ كَرَنْتَبَ ثٜىٰوَ شِ مَحَلِثِّنْ دَ يَيِسُ تُنْ ڢَرْكُواْ ‹يَيِ سُونٜىٰ نَمِجِ دَ تَمَثٜىٰ؟› يَكُمَثٜىٰ،#ڢَارْ 1.27؛ 5.2 5‹دُواْمِنْ حَكَ ڢَا، مُتُمْ ذَيْ بَرْ بَابَنْسَ دَ مَامَرْسَ يَمَنّٜىٰوَ مَاتَرْسَ، سُو بِيُنْ كُمَ سُذَمَ طَيَ؞›#ڢَارْ 2.24 6حَرْ نَنْ غَبَ بَذَاسُ ذَمَ مُتُمْ بِيُبَ، سَيْدَيْ سُذَمَ كَمَرْ مُتُمْ طَيَ؞ سَبُواْدَ حَكَ، أَبِنْدَ اللَّهْ يَهَطَ، كَدَ وَنِ يَرَبَ؞»
7سَيْ سُكَثٜىٰ مَسَ «تُواْ، دُوانْمٜىٰ أَنَّبِے مُوسَٰى يَيِ دُواْكَا عَبَادَ تَكَرْدَرْ كَشٜىٰ عَوْرٜىٰ، عَكُمَ سَكِ مَاتَرْ؟»#مَيْ شَـ 24.1-4؛ مَتْ 5.31
8سَيْ عِيسَىٰ يَثٜىٰ مُسُ «سَبُواْدَ كُنَدَ تَوْرِنْ ذُوثِيَا شِے يَسَا مُوسَٰى يَيَرْدَ مُكُ كُسَكِ مَاتَنْكُ، عَمَّا دَغَ ڢَرْكُواْ بَهَكَ بَنٜىٰ؞ 9إِنَ كُمَ غَيَ مُكُ، دُكْ وَنْدَ يَسَكِ مَاتَرْسَ، عِدَنْ دَيْ بَ سَبُواْدَ أَنْسَامٜىٰتَ دَ يِنْ ظِنَبَ، يَكُمَ عَوْرِ وَتَ، يَيِ ظِنَ؞»#مَتْ 5.32؛ 1 كُوارْ 7.10-11
10سَيْ أَلْمَجِرَنْ سُكَثٜىٰ مَسَ «عِدَنْ حَكَ يَكٜىٰ ڟَكَانِنْ مُتُمْ دَ مَاتَرْسَ، أَشٜىٰ مَا رَشِنْ عَوْرٜىٰ يَڢِ؞»
11عَمَّا يَثٜىٰ مُسُ «بَا كُواْوَنٜىٰ ذَيْ عِيَ طَوْكَ مَغَنَرْنَنْبَ، سَيْدَيْ وَطَنْدَ اللَّهْ يَيَرْدَ مُسُ؞ 12أَݣَويْ وَطَنْدَ عَكَ حَيْڢَ دَ بَذَاسُ عِيَيِنْ عَوْرٜىٰبَ؞ أَݣَويْ وَطَنْدَ مُتَنٜىٰنٜىٰ سُكَ مَيْدَسُو حَكَ؞ أَݣَويْ كُمَ وَطَنْدَ سُكَ يَرْدَ بَذَاسُيِ عَوْرٜىٰبَ دُواْمِنْ ڧَوْنَرْ مُلْكٍ سَمَ؞ دُكْ مَيْ عِيَ طَوْكَرْ مَغَنَرْ نَنْ يَطَوْكَ؞»
عِيسَىٰ يَسَا وَیَنْ يَارَا أَلْبَرْكَ
﴿مَرْ 10.13-16؛ لُكْ 18.15-17﴾
13سَعَنً عَكَ كَٰوُاْوَ عِيسَىٰ يَارَا ڧَنَانَا دُواْمِنْ يَسَا مُسُ أَلْبَرْكَ، يَكُمَيِ مُسُ أَدُّعَ، عَمَّا أَلْمَجِرَنْسَ سُكَ ڟَاوَتَا وَ وَطَنْدَ سُكَ كَٰوُاْ يَارَنْ؞ 14عَمَّا عِيسَىٰ يَثٜىٰ مُسُ «كُبَرْ يَارَا ڧَنَانَا سُذُواْ وُرِينَ؞ كَدَ كُهَنَاسُ، غَمَا مُلْكٍ سَمَ نَ إِرِنْسُنٜىٰ؞»
15سَيْ يَسَا مُسُ حَنُّ أَلْبَرْكَ، سَعَنً يَتَڢِے؞
سَوْرَيِ مَيْ دُوكِيَ
﴿مَرْ 10.17-31؛ لُكْ 18.18-30﴾
16أَنَانً سَيْ وَنِ يَذُواْ وُرِنْ عِيسَىٰ يَثٜىٰ «مَلَمْ، وَنٜىٰ أَبُ مَيْݣَوْ نٜىٰ ذَنْيِ دُواْمِنْ إِنْسَامِ رَيْ نَهَرْ أَبَدَا؟»
17 عِيسَىٰ يَثٜىٰ مَسَ «دُوانْمٜىٰ كَكٜىٰ تَمْبَيَنَ عَكَنْ أَبِنْدَ يَكٜىٰدَݣَوْ؟ أَيْ، اللَّهْ كَطَيْ نٜىٰ مَيْݣَوْ؞ عِدَنْ كُوَ كَنَ سُواْ كَسَامِ رَيْ نَهَرْ أَبَدَا، سَيْ كَكِيَايٜىٰ دُواْكُواْكِنَّنْ؞»
18سَيْيَثٜىٰ وَ عِيسَىٰ «وَطَنّٜىٰ دُواْكُواْكِ؟» سَيْ عِيسَىٰ يَثٜىٰ «كَدَ كَيِ كِسَنْكَيْ، كَدَ كَيِ ظِنَ، كَدَ كَيِسَاتَا، كَدَ كَيِ شَيْدَرْ ڧَضْيَا،#ڢِتْ 20.13-16؛ مَيْ شَـ 5.17-20 19كَبَادَ غِرْمَ غَ بَابَنْكَ دَ مَامَرْكَ؞ كَكُمَ ڧَوْنَثِ مَڨُوبْثِنْكَ كَمَرْ يَدَّ كَكٜىٰ ڧَوْنَرْ كَنْكَ؞»#ڢِتْ 20.12؛ مَيْ شَـ 5.16؛ لِـ ڢِرْ 19.18
20سَيْ سَوْرَيِنْ يَثٜىٰ مَسَ «أَيْ، نَا كِيَايٜىٰ وَطَنَّنْ دُكَ، مٜىٰيَضَغٜىٰ مِنِ؟»
21 عِيسَىٰ يَثٜىٰ مَسَ «عِدَنْ كَنَ سُواْ كَذَمَ ثِكَكّٜىٰ، كَجٜىٰ كَسَيَرْ دَ دُكْ أَبِنْدَ كَكٜىٰ دَشِ، كَبَا تَلَكَاوَا كُطِنْ، ذَاكَسَامِ لَادَ أَ سَمَ؞ سَعَنً كَذُواْ كَبِينِ؞»
22دَ سَوْرَيِنْ يَجِ حَكَ، سَيْ يَتَڢِے يَنَ بَڧِنْ ثِكِ، غَمَا يَنَدَ أَرْزِڧِ سُواْسَيْ؞
23سَيْ عِيسَىٰ يَثٜىٰ وَ أَلْمَجِرَنْسَ «حَڧِيڧَ إِنَ غَيَ مُكُ، ذَيْذَمَ دَ وُيَ مَيْ أَرْزِڧِ يَشِغَ مُلْكٍ سَمَ؞ 24إِنَ سَاكٜىٰ غَيَ مُكُ؞ ذَيْڢِوَ رَاڧُمِ سَوْڧِ يَبِے تَرَامِنْ أَلُّورَ دَ مَيْ أَرْزِڧِ يَشِغَ مُلْكٍ اللَّهْ؞»
25دَ أَلْمَجِرَنْ سُكَجِ حَكَ سَيْ سُكَيِ مَامَاكِ سُواْسَيْ، سُكَثٜىٰ «عِدَنْ حَكَنٜىٰ، تُواْ، وَ ذَيْسَامِ ثٜىٰتُواْ؟»
26عَمَّا عِيسَىٰ يَدُوبٜىٰسُ يَثٜىٰ «غَ مُتَنٜىٰ كَمْ، بَذَيْ يِوُبَ، عَمَّا غَ اللَّهْ كُواْوَنٜىٰ أَبُ مَيْيِوُوَ نٜىٰ؞»
27سَيْ بِتْرُسْ يَثٜىٰ «غَاشِ مُنْ بَرْ كُواْمٜىٰ دُواْمِنْ مُبِيكَ، تُواْ، مٜىٰ ذَامُسَامُ؟»
28 عِيسَىٰ يَثٜىٰ مُسُ «حَڧِيڧَ إِنَ غَيَ مُكُ، أَ زَامَانِ مَيْ ذُوَا، لُواْكَثِنْ دَ طَنْ مُتُمْ ذَيْ ذَوْنَ عَكُجٜىٰرَرْ مُلْكِنْسَ مَيْ طَوْكَكَ، كُو دَكُكَبِينِ، كُونٜىٰ كُمَ ذَاكُ ذَوْنَ عَكُجٜىٰرُنْ مُلْكِ غُواْمَشَا بِيُ، كُيِ مُلْكٍ ذُرِيَ غُواْمَشَا بِيُنَّنْ نَ إِسْرَٰٓءِيلَ؞#مَتْ 25.31؛ لُكْ 22.30 29كُمَ دُكْ وَنْدَ يَبَرْ غِدَاجٜىٰ، كُواْ یَنْعُوَ مَظَا، كُواْ یَنْعُوَ مَتَ، كُواْ بَابَ، كُواْ مَامَا، كُواْ يَارَا، كُواْ غُواْنَكِ، دُواْمِنْ يَغِرْمَمَ سُونَنَ، ذَيْسَامِ ڢِيٜىٰدَ حَكَ سَوْ طَرِے، يَكُمَ غَاجِ رَيْ نَهَرْ أَبَدَا؞ 30عَمَّا مُتَنٜىٰ دَيَوَ وَطَنْدَ سُكٜىٰ نَڢَرْكُواْ، ذَاسُذَمَ نَڧَرْشٜىٰ، نَڧَرْشٜىٰ كُمَ ذَاسُذَمَ نَڢَرْكُواْ؞»#مَتْ 20.16؛ لُكْ 13.30
Currently Selected:
مَتِيُ 19: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
