مَتِيُ 18

وَيَڢِ غِرْمَ؟

﴿مَرْ 9‏.33‏-37؛ لُكْ 9‏.46‏-48﴾

1أَ لُواْكَثِنَّنْ أَلْمَجِرَنْ سُكَذُواْ وُرِنْ عِيسَىٰ سُكَ تَمْبَيٜىٰشِ، سُكَثٜىٰ ‏«‏وَيَڢِ غِرْمَ دُكَ عَثِكِنْ مُلْكٍ سَمَ؟»‏#لُكْ 22‏.24

2سَيْ يَكِرَا وَنِ ڧَرَمِنْ يَرُواْ، يَسَا شِ أَڟَكِيَرْسُ، 3يَثٜىٰ ‏«‏حَڧِيڧَ إِنَ غَيَ مُكُ، عِدَنْ بَ كُنْ سَاكٜىٰ، كُنْ ذَمَ كَمَرْ ڧأَنَانً يَارَابَ، بَذَاكُ تَٻَ شِغَ مُلْكٍ سَمَبَ؞#مَرْ 10‏.15؛ لُكْ 18‏.17 4دُكْ وَنْدَ يَطَوْكِ كَنْسَ بَعَبَاكِنْ كُواْمٜىٰ بَكَمَرْ ڧَرَمِنْ يَرُواْنَّنْ، شِينٜىٰ يَڢِ غِرْمَ أَمُلْكٍ سَمَ؞ 5دُكْ وَنْدَ يَكَرْٻِ ڧَرَمِنْ يَرُواْ كَمَرْ وَنَّنْ سَبُواْدَنِ، نِنٜىٰ يَكَرْٻَ؞»‏

أَبُبُوَ مَاسُ سَا تُنْتُٻٜىٰ

﴿مَرْ 9‏.42‏-48؛ لُكْ 17‏.1‏-2﴾

6‏«‏عَمَّا ڢَا، دُكْ وَنْدَ يَسَا طَيَ دَغَ ثِكِنْ يَارَا ڧَنَانَنَّنْ دَ سُكَ غَسْكَتَادَنِے يَيِ ذُنُوبِ، ذَيْڢِوَ مُتُمِنْ أَ رَاتَيَ بَبَّنْ دُوڟٜىٰنْ نِڧَ أَوُيَنْسَ، عَكُمَ نُڟَرْ دَشِ عَتٜىٰكُ مَيْ ظُرْڢِ؞ 7كَيْتُوانْ دُونِيَا سَبُواْدَ دَلِيلَنْ يِنْ ذُنُوبِ!‏ دُواْلٜىٰنٜىٰ دَلِيلَنْ يِنْ ذُنُوبِ سُذُواْ، عَمَّا كَيْتُوانْ وَنْدَ شِينٜىٰ دَلِيلِنْ؞

8‏«‏عِدَنْ كُوَ حَنُّنْكَ كُواْ ڧَڢَرْكَ يَنَ سَاكَ كَيِ ذُنُوبِ، كَيَنْكٜىٰشِ كَيَرْ؞ ذَيْڢِ مَكَ كَشِغَ رَيْ نَهَرْ أَبَدَا دَ حَنُّ كُواْ ڧَڢَا طَيَ كُواْ غُرْغُ دَ أَجٜىٰڢَكَ ثِكِنْ وُتَرْ دَ بَاتَتَٻَ مُتُوَ دَ حَنُّوَ بِيُ كُواْ ڧَڢَاڢُ بِيُ؞ #مَتْ 5‏.30 9عِدَنْ كُمَ عِدُوانْكَ يَنَسَاكَ كَيِ ذُنُوبِ، سَيْ كَثِرٜىٰشِ كَيَرْ؞ ذَيْڢِ مَكَ كَشِغَ رَيْ نَهَرْ أَبَدَا دَ عِدُواْ طَيَ دَ أَ جٜىٰڢَكَ ثِكِنْ غِدَنْ وُتَرْ دَ بَاتَتَٻَ مُتُوَ دَ إِدَانُو بِيُ؞»‏ #مَتْ 5‏.29

مِصَالِ نَتُنْكِيَرْ دَتَٻَثٜىٰ

﴿لُكْ 15‏.3‏-7﴾

10‏«‏كُكُلَ، كَدَ كُرٜىٰنَ كُواْ طَيَ دَغَ ثِكِنْ يَارَا ڧَنَانَنَّنْ، غَمَا إِنَ ڢَطَا مُكُ، مَلاَىِٕكُنْسُ أَ سَمَ كُلُّمْ سُنَ غَنِنْ ڢُسْكَرْ عُبَانَ وَنْدَ يَكٜىٰ ثِكِنْ سَمَ؞ 11غَمَا طَنْ مُتُمْ يَا ذُواْ نٜىٰ يَثٜىٰثِ وَطَنْدَ سُكَ ٻَتَ؞#18‏.11 وَطَنْسُ رُبُوثٜىٰ رُبُوثٜىٰ نَدَا بَاسُدَ وَنَّنْ أَيَ؞#لُكْ 19‏.10

12‏«‏مٜىٰكُكٜىٰ ڟَمَّنِ، عِدَنْ مَكِيَايِ يَنَدَ تُمَكِ غُدَا طَرِے، سَيْ طَيَ دَغَ ثِكِنْسُ تَٻَتَ، بَذَيْ بَرْ سَوْرَنْ ثَسَعِنْ دَ تَرَنْ عَتُدَّيْ سُنَ كِيوُاْ يَجٜىٰ نٜىٰمَنْ طَيَرْسُ دَ تَٻَتَبَ؟ 13كُمَ عِدَنْ يَاسَامٜىٰتَ، غَسْكِيَ إِنَ ڢَطَا مُكُ، مُرْنَرْ دَ يَكٜىٰيِ عَكَنْتَ، تَاڢِ تَثَسَعِنْ دَ تَرَنْ دَ بَسُ ٻَتَبَ؞ 14حَكَ مَا، بَنُڢِنْ عُبَنْكُ وَنْدَ يَكٜىٰ ثِكِنْ سَمَ بَنٜىٰ طَيَ دَغَ ثِكِنْ يَارَا ڧَنَانَنَّنْ يَٻَتَ؞»‏

عِدَنْ طَنْعُوَ يَيِلَيْڢِ

﴿لُكْ 17‏.3﴾

15‏«‏عِدَنْ طَنْعُوَنْكَ يَيِ مَكَ لَيْڢِے، كَجٜىٰ كَنُونَ مَسَ يَيِ مَكَ لَيْڢِے، كَيْ دَشِ كَطَيْ؞ عِدَنْ طَنْعُوَنْ يَسَوْرَرٜىٰكَ، كَسَاكٜىٰ مَيْدُواْ دَ طَنْعُوَنْكَ كٜىٰنَنْ؞ #لِـ ڢِرْ 19‏.17؛ لُكْ 17‏.3 16عَمَّا عِدَنْ بَيْ سَوْرَرٜىٰكَبَ، سَيْ كَسَاكٜىٰ ذُوَا وُرِنْسَ تَرٜىٰدَ مُتُمْ طَيَ كُواْ بِيُ دُواْمِنْ عَتَبَّتَرْ دَ كُواْوَثٜىٰ مَغَنَ دَغَ بَاكِنْ شَيْدُ بِيُ كُواْ عُكُ؞ #مَيْ شَـ 19‏.15 17عِدَنْ طَنْعُوَنْ يَڧِ سَوْرَرُوانْسُ، سَيْ كَڢَطَا وَجَمَعَرْ مَاسُبِے، عِدَنْ كُمَ حَرْ يَڧِ سَوْرَرِ جَمَعَرْ مَاسُبِے، كَمَيْدَشِ كَمَرْ وَنْدَ بَيْ سَنْ اللَّهْ بَ، كُواْ مَيْ ذُنُوبِ وَنْدَ يَڧِ تُوبَ؞

18‏«‏حَڧِيڧَ إِنَ غَيَ مُكُ، دُكْ أَبِنْدَ كُكَ طَوْرٜىٰ عَدُونِيَا، أَطَوْرٜىٰ يَكٜىٰ أَ سَمَ؞ دُكْ أَبِنْدَ كُكَ كُنْثٜىٰ عَدُونِيَا كُمَ عَكُنْثٜىٰ يَكٜىٰ أَ سَمَ؞ #مَتْ 16‏.19؛ يَحـ 20‏.23

19‏«‏إِنَ سَاكٜىٰ غَيَ مُكُ، عِدَنْ مُتُمْ بِيُ دَغَ ثِكِنْكُ عَدُونِيَا سُكَ يَرْدَ سُضُواْڧِ وَنِ أَبُ، عُبَانَ وَنْدَ يَكٜىٰ ثِكِنْ سَمَ ذَيْ يِمُسُ؞ 20غَمَا دُكْ عِنْدَ مُتُمْ بِيُ كُواْ عُكُ سُكَ تَارُ ثِكِنْ سُونَنَ، إِنَ تَرٜىٰدَسُو؞»‏

مِصَالِ نَوَكِيلِ وَنْدَ بَايَ يَڢٜىٰوَ

21أَنَانً سَيْ بِتْرُسْ يَذُواْ يَثٜىٰ وَ عِيسَىٰ عُبَنْ‌غِجِ، سَوْ نَوَ طَنْعُوَنَ ذَيْ يِمِنِ لَيْڢِے إِنْ يَاڢٜىٰمَسَ؟ سَوْ بَݣَويْ؟

22 عِيسَىٰ يَثٜىٰ مَسَ ‏«‏بَ سَوْ بَݣَويْبَ، عَمَّا دَيْ بَݣَويْ سَوْ سَبَعِنْ؞#18‏.22 بَݣَويْ سَوْ سَبَعِنْ: وَنِ جُويِ نَوَطَنَّنْ كَلْمُواْمِ شِينٜىٰ ‏«‏سَوْ سَبَعِنْ دَ بَݣَويْ،»‏ وَتُواْ، بَ إِيَاكَ كٜىٰنَنْ؞ #لُكْ 17‏.3‏-4 23سَبُواْدَ حَكَ، ذَاعَ ݣُوتَنْتَا مُلْكٍ سَمَ دَ وَنِ سَرْكِنْ دَ يَكٜىٰسُواْ يَڧِرْغَ دُوكِيَرْسَ دَتَكٜىٰ حَنُّنْ بَايِنْسَ؞ 24دَ سَرْكِنْ يَڢَارَ ڧِرْغَوَ، سَيْ عَكَ كَٰوُاْ مَسَ وَنِ مُتُمْ وَنْدَ يَكٜىٰبِنْ بَاشِنْ أَظُرْڢَا وَنْدَ مُتُمِنْ بَذَيْ عِيَ بِيَ أَدُكْ رَايُوَرْسَبَ؞ 25دَ يَكَاسَ بِيَ، سَيْ سَرْكِنْ يَسَا أَ سَيَرْ دَشِ دَ مَاتَرْسَ دَ یَیَنْسَ دَ دُكْ أَبِنْدَ يَكٜىٰدَشِ دُواْمِنْ عَبِيَ كُطِنْ؞ 26سَيْ بَاوَنْ يَدُرْڧُسَ أَغَبَنْسَ يَنَ ضُواْڧُواْ يَثٜىٰ، ‏‹‏كَيِ حَڧُرِ، ذَنْ بِيَاكَ كُواْمٜىٰ؞›‏ 27سَيْ سَرْكِنْ يَجِ تَوْسَيِنْ بَاوَنْ، يَسَكٜىٰشِ، يَيَاڢٜىٰمَسَ بَاشِنْ؞

28‏«‏عَمَّا وَنَّنْ بَاوَنْ دَغَ ڢِتَرْسَ، سَيْ يَتَرَرْ دَ وَنِ أَبُواْكِنْ عَيْكِنْسَ دَ يَكٜىٰبِنْ بَاشِنْ أَظُرْڢَا كَطَنْ كَوَيْ، يَشَڧٜىٰ مَسَ وُيَ يَثٜىٰ، ‏‹‏كَبِيَانِ أَبِنْدَ نَكٜىٰبِنْكَ؞›‏ 29سَيْ أَبُواْكِنْ عَيْكِنْسَ يَدُرْڧُسَ يَضُواْڧٜىٰشِ يَثٜىٰ، ‏‹‏كَيِ مِنِ حَڧُرِ، ذَنْ بِيَاكَ؞›‏ 30عَمَّا بَاوَنْ يَڧِ، يَكُمَ جٜىٰ يَسَا شِ عَكُرْكُكُ، سَيْ يَبِيَ بَاشِنْ؞ 31دَ أَبُواْكَنْ عَيْكِنْسَ سُكَجِ أَبِنْدَ يَڢَرُ، سَيْ بَسُجِ دَاطِبَ؞ سَيْ سُكَجٜىٰ سُكَ ڢَطَا وَسَرْكِنْ دُكْ أَبِنْدَ يَڢَرُ؞ 32سَيْ سَرْكِنْ كُوَ يَكِرَا بَاوَنْ يَثٜىٰ مَسَ، ‏‹‏كَيْ مُوغُنْ بَاوَ نٜىٰ؞ نَيَاڢٜىٰمَكَ دُكْ بَاشِنَّنْ سَبُواْدَ كَضُواْڧٜىٰنِ؞ 33أَشٜىٰ، بَيْ كَمَاتَ كَجِ تَوْسَيِنْ أَبُواْكِنْ عَيْكِنْكَ كَمَرْ يَدَّ نَجِ تَوْسَيِنْكَ بَ؟›‏ 34سَرْكِنْ يَجِ هَوْشِ سُواْسَيْ، يَسَا عَبَاشِ وُيَ حَرْ سَيْ يَبِيَ دُكَنْ بَاشِنْ؞ 35حَكَ كُوَ عُبَانَ وَنْدَ يَكٜىٰ ثِكِنْ سَمَ ذَيْ يِوَ كُواْوَنّٜىٰنْكُ دَ يَڧِ يَاڢٜىٰ وَطَنْعُوَنْسَ دَ ذُوثِيَا طَيَ؞»‏

Currently Selected:

مَتِيُ 18: hauAS

Highlight

Copy