مَتِيُ 17

سَاكٜىٰوَرْ كَمَنِّنْ عِيسَىٰ

﴿مَرْ 9‏.2‏-13؛ لُكْ 9‏.28‏-36﴾

1بَايَنْ ݣُونَ شِدَ سَيْ عِيسَىٰ يَطَوْكِ بِتْرُسْ دَ يَعْڧُوبَ دَ طَنْعُوَنْ يَعْڧُوبَ، وَتُواْ يَحْيَى، يَكَيْسُ كَنْ وَنِ تُدُ مَيْ ڟَوُاْ، عِنْدَ سُكَ كَسَنْثٜىٰ سُو كَطَيْ؞ 2سَيْ كَمَنِّنْسَ يَثَنْجَ أَغَبَنْسُ، ڢُسْكَرْسَ تَيِ حَصْكٜىٰ كَمَرْ رَانَ، سَيْ رِيغُنَنْدَ يَسَا سُكَيِ ڢَرِ ڢَتْ؞ 3نَنْ دَنَنْ سَيْ أَنَّبِے مُوسَٰى دَ أَنَّبِے إِلْيَاسُ سُكَ بَيَّنَ أَغَرٜىٰسُ، سُنَ مَغَنَ دَ عِيسَىٰ؞

4سَيْ بِتْرُسْ يَثٜىٰ وَ عِيسَىٰ ‏«‏عُبَنْ‌غِجِ، يَيِݣَوْ دَمُكٜىٰ أَنَنْ وُرِنْ؞ عِدَنْ كَنَ سُواْ ذَنْ كَڢَ بُكُّواْكِ غُدَا عُكُ أَنَنْ، طَيَ دُواْمِنْكَ، طَيَ دُواْمِنْ أَنَّبِے مُوسَٰى، طَيَ كُمَ دُواْمِنْ أَنَّبِے إِلْيَاسُ؞»‏

5يَنَ مَغَنَ كٜىٰنَنْ سَيْغَا وَنِ غِرْغِجٜىٰ مَيْ حَصْكٜىٰ يَرُڢٜىٰسُ، عَكَ كُمَ جِ وَتَ مُرْيَ دَغَ ثِكِنْ غِرْغِجٜىٰنْ تَثٜىٰ ‏«‏وَنَّنْ شِينٜىٰ طَانَ، وَنْدَ نَكٜىٰ ڧَوْنَ، إِنَ جِنْ دَاطِنْسَ ڨُورَيْ؞ كُسَوْرَرٜىٰشِ!‏»‏#2 بِتْ 1‏.17‏-18#ڢَارْ 22‏.2؛ مَيْ شَـ 18‏.15؛ زَبُو 2‏.7؛ عِشـ 42‏.1؛ مَتْ 3‏.17؛ 12‏.18؛ مَرْ 1‏.11؛ لُكْ 3‏.22

6دَ أَلْمَجِرَنْ سُكَجِ حَكَ سَيْ ڟُواْرُواْ يَكَامَسُ سُواْسَيْ، حَرْ سُكَ ڢَاطِ ڧَسَا؞ 7سَيْ عِيسَىٰ يَذُواْ يَتَٻَسُ يَثٜىٰ ‏«‏كُتَاشِ، كَدَ كُجِڟُواْرُواْ؞»‏ 8دَ سُكَ طَغَ كَيْ، بَسُغَ كُواْوَبَ سَيْ عِيسَىٰ شِ كَطَيْ؞

9دَ سُكٜىٰ سَوْكُواْوَ دَغَ تُدُنْ، عِيسَىٰ يَجَا مُسُ كُنّٜىٰ يَثٜىٰ ‏«‏كَدَ كُغَيَ وَكُواْوَ أَبِنْدَ كُكَ غَنِ، سَيْ أَنْتَادَ طَنْ مُتُمْ دَغَ مَتَتُّو؞»‏

10أَلْمَجِرَنْ سُكَ تَمْبَيٜىٰشِ سُكَثٜىٰ ‏«‏تُواْ، دُوانْ مٜىٰ مَلَمً كُواْيَرْوَرْ مُوسَٰى سُكٜىٰثٜىٰوَ دُواْلٜىٰ سَيْ أَنَّبِے إِلْيَاسُ يَڢَارَ ذُوَا؟»‏#مَلْ 4‏.5

11يَأَمْسَ يَثٜىٰ ‏«‏لَلَّيْ إِلْيَاسُ ذَيْذُواْ، ذَيْ كُمَ ڠَرَ كُواْمٜىٰ؞ 12عَمَّا إِنَ غَيَ مُكُ، إِلْيَاسُ يَا رِغَا يَا ذُواْ، بَسُ كُوَ غَانٜىٰ شِيبَ، حَرْ مَا سُكَيِ مَسَ أَبِنْدَ سُكَغَ دَامَ؞ حَكَكُمَ طَنْ مُتُمْ ذَيْ شَا وُيَ أَهَنُّنْسُ؞»‏#مَتْ 11‏.14

13سَيْ أَلْمَجِرَنْ سُكَ غَانٜىٰ ثٜىٰوَ يَنَيِ مُسُ مَغَنَ عَكَنْ يَحْيَى مَيْ بَڢْتِسْمَ نٜىٰ؞

عِيسَىٰ يَا وَرْكَرْ دَ يَرُواْ مَيْ أَلْجَنِ

﴿مَرْ 9‏.14‏-29؛ لُكْ 9‏.37‏-43﴾

14دَ سُكَ كَيْ وَجٜىٰنْ تَارُوانْ جَمَعَ، سَيْ وَنِ مُتُمْ يَذُواْ وُرِنْ عِيسَىٰ يَدُرْڧُسَ أَغَبَنْسَ يَثٜىٰ، 15‏«‏عُبَنْ‌غِجِ، كَجِ تَوْسَيِنْ طَانَ، يَنَ ڢَرْڢَاطِيَ، كُمَ يَنَ شَنْ وُيَ سُواْسَيْ؞ سَوْ دَيَوَ يَكَنْ ڢَاطَ ثِكِنْ وُتَادَ كُمَ ثِكِنْ ضُوَ؞ 16نَاكُوَ كَيْشِ وُرِنْ أَلْمَجِرَنْكَ، عَمَّا بَسُ عِيَ وَرْكَرْ دَشِيبَ؞»‏

17سَيْ عِيسَىٰ يَأَمْسَ يَثٜىٰ ‏«‏كُو مُتَنٜىٰنْ ڟَارَرْ نَنْ، مَرَسَ بَنْ‌غَسْكِيَ كُمَ مَاسُ مُغُنْتَا، حَرْ ذُوَا يَوْشٜىٰ ذَنْ ذَوْنَ تَرٜىٰدَكُو؟ حَرْ يَوْشٜىٰ ذَنْ جِمْرٜىٰ دَكُو؟ كُكَٰوُاْ مِنِ شِ نَنْ؞»‏ 18سَيْ عِيسَىٰ يَڟَاوَتَاوَ أَلْجَنِنْ، أَلْجَنِنْ كُوَ يَبَرْ يَرُوانْ؞ نَنْ تَكٜىٰ يَرُوانْ يَوَرْكٜىٰ؞

19سَيْ أَلْمَجِرَنْ سُكَذُواْ وُرِنْ عِيسَىٰ أَ لُواْكَثِنْ دَ بَا كُواْوَ تَرٜىٰ دَشِ، سُكَثٜىٰ مَسَ ‏«‏دُوانْمٜىٰ مُو مُكَ كَاسَ ڢِتَرْدَ أَلْجَنِنْ؟»‏

20 عِيسَىٰ يَثٜىٰ مُسُ ‏«‏سَبُواْدَ بَنْ‌غَسْكِيَرْكُ ڧَرَمَ ثٜىٰ؞ حَڧِيڧَ إِنَ غَيَ مُكُ، عِدَنْ كُنَدَ بَنْ‌غَسْكِيَرْ دَ تَيِ ڧَنْڧَنْتَ كَمَرْ ڨُويَرْ مَسْتَدْ، ذَاكُ عِيَثٜىٰ وَتُدُنَّنْ يَتَاشِ دَغَ نَنْ ذُوَا ثَنْ، كُمَ ذَيْ تَاشِ؞ بَ كُوَ أَبِنْدَ ذَيْ غَغَرٜىٰكُ؞#17‏.20 وَطَنْسُ رُبُوثٜىٰ رُبُوثٜىٰ نَدَا بَاسُدَ وَنَّنْ أَيَ؞#مَتْ 21‏.21؛ مَرْ 11‏.23؛ 1 كُوارْ 13‏.2 21أَيْ، إِرِنْ وَنَّنْ بَايَ ڢِتَ سَيْ دَ أَدُّعَ دَ أَظُمِ؞»‏

عِيسَىٰ يَسَاكٜىٰ يِنْ مَغَنَ غَمٜىٰدَ مُتُوَرْسَ

﴿مَرْ 9‏.30‏-32؛ لُكْ 9‏.43‏-45﴾

22دَ أَلْمَجِرَنْ سُكَ تَارُ عَيَنْكِنْ غَلِيلِ، سَيْ عِيسَىٰ يَثٜىٰ مُسُ ‏«‏ذَاعَ بَادَ طَنْ مُتُمْ غَ حَنُّنْ مُتَنٜىٰ، 23ذَاسُ كُمَ كَشٜىٰشِ؞ أَ رَانَ تَ عُكُ كُمَ ذَاعَ تَاشٜىٰشِ؞»‏ سَيْ أَلْمَجِرَنْ سُكَ دَامُ سُواْسَيْ؞

بِيَنْ هَرَاجِنْ هَيْكَلِ

24دَ عِيسَىٰ دَ أَلْمَجِرَنْسَ سُكَ إِسَ كَڢَرْنَهُمْ، مَاسُ كَرْٻَرْ هَرَاجِ دُواْمِنْ هَيْكَلِ سُكَ سَامِ بِتْرُسْ سُكَثٜىٰ مَسَ ‏«‏مَلَمِنْكُ بَايَ بِيَنْ هَرَاجِنْ هَيْكَلِ نٜىٰ؟»‏#ڢِتْ 30‏.13؛ 38‏.26

25يَثٜىٰ ‏«‏يَنَ بِيَ مَنَ؞»‏ دَ بِتْرُسْ يَدَاوُاْ غِدَا، سَيْ عِيسَىٰ يَڢَارَ يِمَسَ مَغَنَ يَثٜىٰ ‏«‏مٜىٰكَغَنِ غَمٜىٰدَ وَنَّنْ تَمْبَيَ؟ دَغَ وُرِنْ وَ سَرَاكُنَ سُكٜىٰ كَرْٻَرْ كُطِنْ هَرَاجِ دَغَ وُرِنْ یَیَنْسُ، كُواْ دَغَ وُرِنْ وَطَنْسُ؟»‏

26دَ بِتْرُسْ يَأَمْسَ ‏«‏دَغَ وُرِنْ وَطَنْسُ،»‏ سَيْ عِيسَىٰ يَثٜىٰ ‏«‏وَتُواْ، یَیَنْسُ بَاسَبِيَ كٜىٰنَنْ؞ 27دُكْدَهَكَ، دُواْمِنْ كَدَ مُتَنٜىٰنَّنْ سُجِ هَوْشِنْمُ، كَجٜىٰ تٜىٰكُ كَجٜىٰڢَ ڧُوغِيَ، كَبُوطٜىٰ بَاكِنْ كِيڢِنْدَ كَڢَارَ كَمَاوَا، ذَاكَسَامِ أَظُرْڢَرْ دَ ذَيْ إِسَ، سَيْ كَطَوْكِ أَظُرْڢَا طِنْ كَبِيَ هَرَاجِنْكَ دَ نَوَ؞»‏

Currently Selected:

مَتِيُ 17: hauAS

Highlight

Copy