أَيُّكَنْ مَنْذَنِّے 16

تِمُواْتِ يَبِے بُلُسْ دَ سِيلَ

1سَيْ بُلُسْ يَجٜىٰ دَرْبٜىٰ دَ لِسْتِرَ؞ أَݣَويْ وَنِ أَلْمَجِرِ أَ لِسْتِرَ مَيْ سُونَ تِمُواْتِ، طَنْ وَتَ بَيَهُودِيَ مَيْبِے؞ بَابَنْسَ كُوَ بَهٜىٰلٜىٰنٜىٰ نٜىٰ؞ 2مَاسُبِنْ دَسُكٜىٰ أَ لِسْتِرَ دَ إِيكُواْنِيَ كُوَ سُنَ يَبُوانْ تِمُواْتِ؞ 3بُلُسْ يَسُواْ تِمُواْتِ يَرَكَ شِ؞ دُواْمِنْ حَكَ يَطَوْكٜىٰشِ يَيِ مَسَ كَاثِيَ سَبُواْدَ يَهُودَاوَنْ دَسُكٜىٰ وَطَنَّنْ وُرَارٜىٰنْ دُكْ سُنْ سَنْ بَابَنْسَ بَهٜىٰلٜىٰنٜىٰ نٜىٰ؞

4لُواْكَثِنْ دَ بُلُسْ دَ سِيلَ سُكٜىٰ تَڢِيَ سُنَ بِنْ غَرِ غَرِ، سُكَ دِنْ‌غَ بَيَّنَ وَ جَمَعَ ڧَٰعِدُواْدِنْ دَ مَنْذَنِّے دَ دَتَّاوَنْ جَمَعَرْ مَاسُبِے سُكَ يَرْدَ عَكَيْ أَ عُرُوشَلِيمَ، سُكَ غَيَ وَ مَاسُبِے سُكِيَايٜىٰسُ؞ 5تَهَكَ جَمَعَرْ مَاسُبِے سُكَڧَارَ ڧَرْڢِے ثِكِنْ بَنْ‌غَسْكِيَ، سُنَ ڧَارَ يَوَ كُواْوَثٜىٰ رَانَ؞

بُلُسْ يَغَ رُعُيَ عَكَنْ مَكِدُواْنِيَ

6سَيْ سُكَ ظَظْذَاغَ ڧَسَاشٜىٰنْ ڢِرِجِيَ دَ غَلَتِيَ، دُوانْ رُوحُ مَيْ ڟَرْكِے يَهَنَاسُ يِنْ مَغَنَرْ عُبَنْ‌غِجِ أَعَسِيَ؞ 7دَ سُكَذُواْ كَنْ إِيَاكَرْ ڧَسَرْ مِسِيَ، سُكَيِ ڧُواْڧَرِ سُجٜىٰ ڧَسَرْ بِتِنِيَ، عَمَّا رُوحٌ عِيسَىٰ بَيْ يَرْدَ مُسُبَ؞ 8سُكَ كُوَ بِے تَغٜىٰڢٜىٰنْ ڧَسَرْ مِسِيَ، سُكَ غَنْ‌غَرَ ذُوَا تُواْرُوَسْ؞ 9دَ دَرٜىٰ بُلُسْ يَغَ رُعُيَ؞ أَ رُعُيَرْ كُوَ يَغَ وَنِ مُتُمِنْ ڧَسَرْ مَكِدُواْنِيَ يَنَ ڟَيٜىٰ، يَنَ ضُواْڧُوانْسَ يَنَ ثٜىٰوَ ‏«‏كَذُواْ مَكِدُواْنِيَ كَتَيْمَكٜىٰمُ؞»‏ 10دَ بُلُسْ يَغَ رُعُيَرْ نَنْ كُوَ، نَنْ تَكٜىٰ مُكَيِ ڧُواْڧَرِ مُڧٜىٰتَرٜىٰ ذُوَا مَكِدُواْنِيَ، دُوانْ مُنْ تَبَّتَرْ ثٜىٰوَ اللَّهْ نٜىٰ يَكِرَامُ مُيِ مُسُ وَعَظِنْ لَابَرِ مَيْ دَاطِے؞

لِدِيَ تَا بَادَ غَسْكِيَ

11سَيْ مُكَتَاشِ عَثِكِنْ جِضْغٍ ضُوَ دَغَ تُواْرُوَسْ مُكَ مِيڧٜىٰ حَرْ سَمُواْتِرَسْ؞ وَشٜىٰغَرِ كُمَ سَيْ نِيَڢُواْلِسْ؞ 12دَغَ نَنْ كُمَ سَيْ مُكَ وُثٜىٰ تَڧَسَا ذُوَا بِرْنِنْ ڢِلِبِے عَتَيَنْكِنْ مَكِدُواْنِيَ، وَدَّ تَكٜىٰ ڧَرْڧَشِنْ مُلْكٍ رُواْمَ؞ مُكَيِ یَنْ ݣُونَكِے أَنَنْ؞ 13رَانَرْ هُوتُ تَمَكُواْ مُكَ ڢِتَ ڧُواْڢَرْ غَرِ، مُكَجٜىٰ بَاكِنْ كُواْغِ عِنْدَ مُكٜىٰ ڟَمَّنِ أَݣَويْ وُرِنْ يِنْ أَدُّعَ نَ يَهُودَاوَا، مُكَ ذَوْنَ مُكَيِ مَغَنَ وَ مَاتَانْدَ سُكَ تَارُ أَوُرِنْ؞ 14أَݣَويْ وَتَ مَثٜىٰ مَيْ سُونَ لِدِيَ، مَيْ بَوْتَرْ اللَّهْ، تَنَ سَوْرَرُوانْمُ؞ عِتَ یَرْ غَرِنْ تَيَتِرَ ثٜىٰ، تَنَ سَيَرْ دَ يَدُنَنْ جَرْ غَرُورَا مَاسُ ڟَادَ؞ عُبَنْ‌غِجِ يَبُوطٜىٰ ذُوثِيَارْتَ، حَرْ تَسَا حَنْكَلِ تَسَوْرَرِ أَبِنْدَ بُلُسْ يَڢَطَا؞ 15دَ عَكَيِ مَتَ بَڢْتِسْمَ تَرٜىٰدَ مُتَنٜىٰنْ غِدَنْتَ، سَيْ تَاضُواْڧٜىٰمُ تَثٜىٰ ‏«‏عِدَنْ كُنْ يَرْدَ نِے مَيْ بَادَ غَسْكِيَ غَ عُبَنْ‌غِجِ ثٜىٰ، تُواْ، سَيْ كُذُواْ غِدَانَ كُسَوْكَ؞»‏ تَا لَلَّشٜىٰمُ، سَيْ مُكَ يَرْدَ؞

أَنْ كُلّٜىٰ بُلُسْ دَ سِيلَ عَثِكِنْ كُرْكُكُ

16وَتَرَانَ ذَامُجٜىٰ وُرِنْ يِنْ أَدُّعَ سَيْ مُكَ غَمُ دَ وَتَ يَارِنْيَ مَيْ أَلْجَنِ مَيْ دُوبَا؞ مَاسُ يَارِنْيَرْ كُوَ سُنَ سَامُنْ كُطِ سُواْسَيْ تَوُرِنْ دُوبَانْدَ تَكٜىٰيِ؞ 17سَيْ تَدِنْ‌غَ بِنْمُ، مُو دَ بُلُسْ، تَنَ إِيهُ تَنَثٜىٰوَ ‏«‏مُتَنٜىٰنَّنْ بَايِنْ اللَّهْ مَڢِے طَوْكَكَ نٜىٰ، سُنَ سَنَرْدَكُو حَنْيَرْ ثٜىٰتُواْ!‏»‏

18تَايِ تَيِنْ حَكَ ݣُونَكِے دَيَوَ؞ سَيْ بُلُسْ يَٻَاتَ رَيْ سُواْسَيْ، يَجُويَ يَثٜىٰ وَ أَلْجَنِنْ ‏«‏نَعُمَرْثٜىٰكَ ثِكِنْ سُونَنْ عِيسَىٰ أَلْمَسِيحُ، كَرَبُ دَ عِتَ؞»‏ نَنْ تَكٜىٰ كُوَ يَرَبُ دَ عِتَ؞

19دَ مَاسُ يَارِنْيَرْ سُكَغَ حَنْيَرْ دَسُكٜىٰ سَامُنْ كُطِ تَتُواْشٜىٰ، سَيْ سُكَ كَامَ بُلُسْ دَ سِيلَ، سُكَ جَاسُ حَرْ ثِكِنْ كَاسُوَ غَبَنْ مَاسُ شَرِيعَ؞ 20دَ سُكَ كَيْسُ غَبَنْ أَلْڧَلَيْ، سُكَثٜىٰ ‏«‏وَطَنَّنْ يَهُودَاوَا نٜىٰ ڢَا، كُمَ سُنَ رِكِتَرْدَ غَرِنْمُ؞ 21سُنَ كُواْيَرْ دَ أَلْعَادُنْ دَ بَيْ كَمَاتَ مُكَرْٻَ كُواْ مُبِبَ، غَمَا مُو رُواْمَاوَا نٜىٰ؞»‏ 22سَيْ جَمَعَ سُكَ تَارُ عَكَنْسُ غَبَاطَيَ، أَلْڧَلَنْ كُمَ سُكَ يَيَّاغٜىٰ مُسُ تُڢَاڢِنْسُ، سُكَ تُتُّوٻٜىٰسُ، سُكَ بَادَ عُمَرْنِ أَدُوكٜىٰسُ؞ 23دَ عَكَ دُوكٜىٰسُ سُواْسَيْ، عَكَسَاسُ ثِكِنْ كُرْكُكُ، عَكَ عُمَرْثِ مَيْغَادِنْ كُرْكُكُنْ يَيِ غَادِنْسُ دَݣَوْ؞ 24شِے كُوَ دَ يَكَرْٻِ وَنَّنْ عُمَرْنِ، سَيْ يَسَاسُ ثَنْ ثِكِ ثِكِنْ كُرْكُكُ، يَسَا ڧَڢَاڢُنْسُ عَثِكِنْ كَتَكُوانْ رِڧٜىٰ ڧَڢَاڢُ يَكُلّٜىٰ؞

25وَجٜىٰنْ ڟَكَرْ دَرٜىٰ، بُلُسْ دَ سِيلَ سُنَ أَدُّعَ سُنَ وَاڧُواْڧِنْ يَبُوانْ اللَّهْ، سَوْرَنْ یَنْ كُرْكُكُنْ كُوَ سُنَ سَوْرَرُوانْسُ؞ 26بَا لَابَرِ سَيْ عَكَيِ وَتَ بَبَّرْ ضَوَرْ ڧَسَا، حَرْ تُوشٜىٰنْ غِنِنْ كُرْكُكُنْ يَغِرْغِظَ؞ نَنْ دَ نَنْ ڧُواْڢُواْڢِنْ دُكَ سُكَ بُوطٜىٰ، سَرْڧُواْڧِنْ دُكَنْ یَنْ كُرْكُكُنْ سُكَ كُنْثٜىٰ؞ 27دَ مَيْغَادِنْ یَنْ كُرْكُكُنْ يَتَاشِ دَغَ بَرْثِ يَغَ ڧُواْڢُواْڢِنْ كُرْكُكُنْ عَبُوطٜىٰ، سَيْ يَظَرُواْ تَكُواْبِنْسَ، يَنَ شِرِ يَكَشٜىٰ كَنْسَ، دُواْمِنْ يَنَ ڟَمَّنِ یَنْ كُرْكُكُنْ سُنْ غُدُ؞ 28عَمَّا بُلُسْ يَطَغَ مُرْيَ دَ ڧَرْڢِے يَثٜىٰ ‏«‏كَدَ كَيِ وَكَنْكَ ثِيوُاْ، أَيْ، دُكَنْمُ مُنَانَنْ!‏»‏

29سَيْ مَيْغَادِنْ یَنْ كُرْكُكُ يَثٜىٰ عَكَٰوُاْ ڢِتِلُ؞ سَيْ يَيِ وُڢْ يَشِغَ ثِكِ، يَڢَاطِ أَغَبَنْ بُلُسْ دَ سِيلَ، يَنَ ضَوَرْ جِكِے دُوانْ ڟُواْرُواْ؞ 30سَعَنً يَڢِتُواْ دَسُو وَجٜىٰ يَثٜىٰ ‏«‏شُوغَبَنِّ، مٜىٰ ذَنْيِ إِنْسَامِ ثٜىٰتُواْ؟»‏

31سُو كُوَ سُكَثٜىٰ ‏«‏كَغَسْكَتَادَ عُبَنْ‌غِجِ عِيسَىٰ، كَيْ دَ عِيَلِنْكَ ذَاكُسَامِ ثٜىٰتُواْ؞»‏ 32سَعَنً سُكَ غَيَ مَسَ كَلْمَرْ عُبَنْ‌غِجِ، شِے دَ مُتَنٜىٰنْ دَسُكٜىٰ غِدَنْسَ دُكَ؞ 33عَثِكِنْ دَرٜىٰنَّنْ يَطَوْكٜىٰسُ، يَوَنْكٜىٰ مُسُ مِيكِنْسُ؞ نَنْ دَ نَنْ كُوَ عَكَيِ مَسَ بَڢْتِسْمَ دَ دُكَنْ عِيَلِنْسَ؞ 34سَعَنً يَشِغُواْ دَسُو ثِكِنْ غِدَنْسَ، يَكَٰوُاْ مُسُ عَبِنْثِ؞ شِے دَ عِيَلِنْسَ دُكَ سُكَ ثِكَ دَ ڢَضٍ ثِكِ دُوانْ دُكَنْسُ سُنْبَادَ غَسْكِيَ غَ اللَّهْ؞

35دَغَرِ يَوَايٜىٰ، أَلْڧَلَنْ سُكَ عَيْكُواْ یَنْ سَنْدَا دَ عُمَرْنِ ثٜىٰوَ ‏«‏أَسَكِ مُتَنٜىٰنَّنْ؞»‏ 36سَيْ مَيْغَادِنْ یَنْ كُرْكُكُنْ يَكَٰوُاْ وَ بُلُسْ سَڧُوانْ يَثٜىٰ ‏«‏أَلْڧَلَيْ سُنْ عَيْكُواْ أَسَكٜىٰكُ؞ دُواْمِنْ حَكَ يَنْذُ سَيْ كُڢِتُواْ كُتَڢِے لَاڢِيَ؞»‏

37عَمَّا بُلُسْ يَثٜىٰمُسُ ‏«‏أَيْ، أَغَبَنْ مُتَنٜىٰ سُكَيِ مَنَ بُلَلَ، بَاتَرٜىٰدَ أَنْيِ مَنَ شَرِيعَبَ، كُواْدَيَكٜىٰ مُو رُواْمَاوَا نٜىٰ؞ سُكَ كُمَ جٜىٰڢَمُ ثِكِنْ كُرْكُكُ، يَنْذُ كُمَ ذَاسُڢِتَرْ دَمُو عَٻُواْيٜىٰ؟ إِنَا!‏ سَيْ دَيْ سُذُواْ دَكَنْسُ سُڢِتَرْ دَمُو؞»‏

38سَيْ یَنْ سَنْدَنْ سُكَجٜىٰ سُكَ ڢَطَا وَ أَلْڧَلَنْ وَنَّنْ مَغَنَ؞ أَلْڧَلَنْ كُوَ سُكَجِڟُواْرُواْ دَ سُكَجِ وَيْ بُلُسْ دَ سِيلَ رُواْمَاوَا نٜىٰ؞ 39سَعَنً سُكَذُواْ سُكَ ضُواْڧِ غَاڢَرَ أَوُرِنْ بُلُسْ دَ سِيلَ؞ بَايَنْ حَكَ سَيْ سُكَ ڢِتَرْ دَسُو سُكَ ضُواْڧٜىٰسُ سُبَرْ غَرِنْ؞ 40بَايَنْدَ بُلُسْ دَ سِيلَ سُكَ ڢِتُواْ دَغَ كُرْكُكُنْ، سَيْ سُكَ تَڢِے وُرِنْ لِدِيَ؞ بَايَنْدَ سُكَغَ مَاسُبِے، سُكَ كُمَ ڧَرْڢَڢَ مُسُ ذُوثِيَا، سَيْ سُكَ تَڢِے؞

Currently Selected:

أَيُّكَنْ مَنْذَنِّے 16: hauAS

Highlight

Copy