أَيُّكَنْ مَنْذَنِّے 17

أَنْ يِتَاشِنْ حَنْكَلِ أَ تَسَلُواْنِكَ

1تُواْ دَ بُلُسْ دَ سِيلَ سُكَبِے تَ أَمْڢِبُواْلِسْ دَ أَڢُواْلُّواْنِيَ، سُكَ كَيْ تَسَلُواْنِكَ، عِنْدَ أَݣَويْ مَجَمِعَرْ يَهُودَاوَا؞ 2سَيْ بُلُسْ يَشِغَ وُرِنْسُ كَمَرْ يَدَّ يَسَابَا، رَانَرْ هُوتُ تَمَكُواْ غُدَا عُكُ أَ جٜىٰرٜىٰ يَنَ مُهَوَرَ دَسُو دَغَ ثِكِنْ رُبُوتَثِّيَرْ مَغَنَرْ اللَّهْ؞ 3يَنَيِ مُسُ بَيَانِ، يَنَ كُمَ تَبَّتَرْ مُسُ ثٜىٰوَ دُواْلٜىٰنٜىٰ أَلْمَسِيحُ يَشَا وَهَلَ، يَكُمَ تَاشِ دَغَ مَتَتُّو؞ بُلُسْ يَكُمَ ثٜىٰ ‏«‏عِيسَىٰ نَّنْ دَ نَكٜىٰ سَنَرْ مُكُ، شِينٜىٰ أَلْمَسِيحُ؞»‏ 4سَيْ وَطَنْسُ مُتَنٜىٰنْ يَهُودَاوَا دَ كُمَ هٜىٰلٜىٰنَاوَا مَاسُ بَوْتَرْ اللَّهْ حَطٜىٰ دَ مَنْيَنْ مَاتَا مَاسُيَوَ سُواْسَيْ، دُكْ سُكَ يَرْدَ دَ مَغَنَرْ بُلُسْ دَ سِيلَ، سُكَ كُمَ حَطَكَيْ دَسُو؞

5عَمَّا يَهُودَاوَا سُكَيِ كِيشِ، سَيْ سُكَ تَارَ وَطَنْسُ یَنْ إِسْكَ عَكَاسُوَ؞ دَ دُكَنْسُ سُكَ تَارُ سَيْ سُكَتَادَ حَنْكَلِنْ مُتَنٜىٰنْ غَرِنْ؞ سُكَ رُوغَ ثِكِنْ غِدَنْ يَسُوانْ سُنَ نٜىٰمَنْ بُلُسْ دَ سِيلَ دُواْمِنْ سُكَٰوُاْسُ غَبَنْ جَمَعَ؞ 6دَبَسُ سَامٜىٰسُبَ، سَيْ سُكَ جَٰوُاْ يَسُوانْ دَ وَطَنْسُ مَاسُبِے، سُكَ كَيْسُ حَرْ غَبَنْ مَاسُ شَرِيعَ، سُنَ إِيهُ سُنَ ثٜىٰوَ ‏«‏مُتَنٜىٰنَّنْ دَسُكٜىٰ تَادَ حَنْكَلِ عَكُواْعِنَ عَدُونِيَا، غَاسُ سُنْذُواْ حَرْ نَنْ مَا؞ 7حَرْ مَا يَسُوانْ يَبَاسُ مَسَوْكِ؞ دُكَنْسُ كُوَ سُنَ كَرْيَ دُواْكُواْكِنْ كَيْسَرْ، سُنَ ثٜىٰوَ أَݣَويْ وَنِ سَرْكِے، وَيْ سُونَنْسَ عِيسَىٰ؞»‏ 8دَ مُتَنٜىٰنْ غَرِنْ دَ شُوغَبَنِّنْ غَرِ سُكَجِ وَنَّنْ، سَيْ حَنْكَلِنْسُ يَتَاشِ؞ 9بَسُسَكِ يَسُوانْ دَ سَوْرَنْسُبَ، سَيْ دَ سُكَ كَرْٻِ كُطِنْ بٜىٰلِ أَ حَنُّنْسُ؞

بُلُسْ دَ سِيلَ عَبِرِيَ

10دَ دَرٜىٰ يَيِ، مَاسُبِے سُكَ سَلَّمِ بُلُسْ دَ سِيلَ سُتَڢِے بِرِيَ؞ دَ سُكَ كَيْ ثَنْ، سُكَ شِغَ مَجَمِعَرْ يَهُودَاوَا؞ 11تُواْ، وَطَنَّنْ يَهُودَاوَا سُنْڢِے نَ تَسَلُواْنِكَ حَنْكَلِ، دُواْمِنْ سُنْ كَرْٻِ مَغَنَرْ حَنُّ بِيُ بِيُ؞ سُنَ تَبِنْثِكٜىٰنْ رُبُوتَثِّيَرْ مَغَنَرْ اللَّهْ كُلُّمْ، سُغَنِ كُواْ أَبِنْدَ بُلُسْ يَڢَطِ غَسْكِيَ نٜىٰ؞ 12سَبُواْدَ حَكَ دَيَوَ دَغَ ثِكِنْ يَهُودَاوَا سُكَ بَادَ غَسْكِيَ، حَرْ دَ وَطَنْسُ مَاتَانْ هٜىٰلٜىٰنَاوَا مَاسُ مَڟَيِ دَ كُمَ مَظَا نَ هٜىٰلٜىٰنَاوَا دَيَوَ؞ 13عَمَّا دَ يَهُودَاوَنْ دَسُكٜىٰ أَ تَسَلُواْنِكَ سُكَجِ ثٜىٰوَ بُلُسْ يَنَ يِنْ شٜىٰلَرْ كَلْمَرْ اللَّهْ عَبِرِيَ مَا، سُكَجٜىٰ سُكَ ذُغَ جَمَعَ عَثَنْ سُنَ تَادَ حَنْكَلِنْسُ؞ 14نَنْ دَ نَنْ كُوَ مَاسُبِے سُكَسَا بُلُسْ يَتَڢِے بَاكِنْ تٜىٰكُ، عَمَّا سِيلَ دَ تِمُواْتِ سُكَ ڟَيَ تُكُنَ أَنَنْ؞ 15وَطَنْدَ سُكَيِ وَ بُلُسْ رَكِيَ كُوَ سُكَ كَيْ شِ حَرْ أَتِنَ؞ دَ ذَاسُ دَاوُاْ سَيْ بُلُسْ يَبَاسُ سَڧُواْ ذُوَا وُرِنْ سِيلَ دَ تِمُواْتِ ثٜىٰوَ سُذُواْ سُسَامٜىٰشِ دَسَوْرِ، سَيْ سُكَ تَڢِے؞

بُلُسْ أَعَتِنَ

16تُواْ، سَعَدَّ بُلُسْ يَكٜىٰ جِضَانْ سِيلَ دَ تِمُواْتِ أَعَتِنَ، يَيِ بَڧِنْ ثِكِ ڨُورَيْ دَ يَغَ غَرِنْ يَثِكَ دَ غُمَكَ؞ 17دُواْمِنْ حَكَ يَكَنْيِ مُهَوَرَ عَثِكِنْ مَجَمِعَ دَ يَهُودَاوَا دَ وَطَنْسُ هٜىٰلٜىٰنَاوَا مَاسُيِ وَ اللَّهْ سُجَّدَ؞ كُواْوَثٜىٰ رَانَ كُوَ يَكَنْيِ مُهَوَرَ دَ وَطَنْدَ يَكٜىٰ سَامُوَ عَكَاسُوَ؞ 18حَكَكُمَ وَطَنْسُ أَبِكُرِيَوَ دَ سِتُواْكِيَاوَا مَاسُ عِلِمِ سُكَيِ مُهَوَرَ دَشِ؞ وَطَنْسُنْسُ سُكَثٜىٰ ‏«‏مٜىٰنٜىٰنٜىٰ وَنَّنْ مَيْ سُورُوتُ يَكٜىٰسُواْ يَثٜىٰ؟»‏

وَطَنْسُ سُكَثٜىٰ ‏«‏كَمَرْ مَيْيِنْ وَعَظِنْ وَطَنْسُ أَلُّواْلِ نٜىٰ دَبَ نَنَنْبَ؞»‏ سُنْ ڢَطِ حَكَ غَمَا بُلُسْ يَنَ يِنْ وَعَظِ عَكَنْ عِيسَىٰ دَ كُمَ تَاشِنْسَ دَغَ مَتَتُّو؞ 19سَبُواْدَ حَكَ سُكَ كَيْ شِ تُدُنْ أَرَسَ، عِنْدَ مَجَلِسَرْسُ تَكٜىٰ تَارُوَ، سُكَثٜىٰ مَسَ ‏«‏كُواْ ذَاكَ بَيَّنَ مَنَ وَنَّنْ سَابُوَرْ كُواْيَرْوَرْ دَ كَكٜىٰيِ؟ 20دُوانْ بَمُ تَٻَجِنْ إِرِنْ وَطَنَّنْ مَغَنْ‌غَنُبَ؞ مُنَسُواْ مُسَنْ أَبِنْدَ سُكٜىٰ نُڢِ؞»‏ 21دُكْ أَتِنَاوَا دَ بَڧِنْ دَسُكٜىٰ ذَمَ أَعَتِنَ كُوَ سُنْڢِيسُواْ سُجِ سَابُوانْ أَبُ سُكُمَيِ مَغَنَ عَكَيْ، ڢِيٜىٰدَ كُواْمٜىٰ؞

22سَيْ بُلُسْ يَتَاشِ ڟَيٜىٰ أَغَبَنْ مَجَلِسَرْ، يَثٜىٰ ‏«‏كُو مُتَنٜىٰنْ أَتِنَ، نَلُورَ ثٜىٰوَ كُو مَاسُسُوانْ بِنْ أَدِّينِ نٜىٰ سُواْسَيْ تَكُواْوَنٜىٰ غٜىٰڢٜىٰ؞ 23لُواْكَثِنْ دَ نَكٜىٰ ذَاغَاوَ ثِكِنْ غَرِنْ، نَدُوبَ أَبُبُوَنْ دَ كُكٜىٰيِوَ سُجَّدَ، نَاكُوَ غَا وَنِ بَغَدٜىٰنْ هَدَايَ دَ رُبُوتُو عَكَنْسَ مَيْ ثٜىٰوَ ‏‹‏دُواْمِنْ اللَّهْ وَنْدَ بَعَسَنِبَ؞›‏ تُواْ، شِے وَنَّنْ دَ كُكٜىٰيِوَ سُجَّدَ دَبَكُ سَنْشِيبَ، شِينٜىٰ نَكٜىٰ سَنَرْ مُكُ؞ 24اللَّهْ نَّنْ دَ يَحَلِثِّ دُونِيَا دَ دُكَنْ أَبِنْدَ يَكٜىٰ ثِكِنْتَ، شِينٜىٰ عُبَنْ‌غِجِنْ سَمَ دَ ڧَسَا، بَايَ كُمَ ذَمَ أَ هَيْكَلِنْ دَ مُتُمْ يَغِنَ؞ 25حَكَكُمَ بَايَ نٜىٰمَنْ تَيْمَكُواْ دَغَ وُرِنْ مُتُمْ، بَايَ بُڧَاتَرْ وَنِ أَبُ، تُنْدَيَكٜىٰ شِينٜىٰ يَكٜىٰبَا دُكَنْ مُتَنٜىٰ رَيْ دَ نُمْڢَشِ دَ دُكَنْ أَبُبُوَنْ دَسُكٜىٰ بُڧَاتَ؞#1 سَرْ 8‏.27؛ عِشـ 42‏.5؛ أَيُّكَنْ 7‏.48 26شِينٜىٰ كُمَ يَحَلِثِّ دُكَنْ أَلْعُمَّ دَغَ مُتُمْ غُدَا، دُواْمِنْ سُذَوْنَ أَدُكَنْ ڢُسْكَرْ دُونِيَا؞ يَشِرْيَ إِيَاكَرْ لُواْكَثِنْسُ دَ كُمَ وُرَارٜىٰنْ دَ كُواْوَثٜىٰ أَلْعُمَّ ذَاتَ كَسَنْثٜىٰ؞ 27اللَّهْ يَيِ حَكَ دُواْمِنْ سُنٜىٰمٜىٰشِ، كُواْ وَتَڧِيلَ ذَاسُ لَلُبَ سُسَامٜىٰشِ، كُواْدَيَكٜىٰ بَيْيِنٜىٰسَ دَ كُواْوَنّٜىٰنْمُبَ؞ 28أَيْ،

‏«‏ ‏‹‏تَغَرٜىٰشِينٜىٰ مُكٜىٰ رَايُوَا،

مُكٜىٰ مُواْڟِ، مُكَ كُمَ كَسَنْثٜىٰ؞›‏

‏«‏يَدَّ وَطَنْسُ مَوَاڧَنْكُ مَا سُكَ ڢَطَا ثٜىٰوَ ‏‹‏حَڧِيڧَ، مُو مَا ذُرِيَرْسَثٜىٰ؞›‏

29‏«‏تُواْ دَيَكٜىٰ مُو ذُرِيَرْ اللَّهْ نٜىٰ، أَيْ، بَيْ كَمَاتَ مُيِ ڟَمَّنِ اللَّهْ يَنَ كَمَ دَ وَتَ صِڢَّرْ ظِينَارِيَ، كُواْ تَأَظُرْڢَا، كُواْ تَدُوڟٜىٰبَ، وَدَّ مُتُمْ يَڧٜىٰرَ دَ دَبَرَرْسَ؞ 30أَ دَا كَمْ، اللَّهْ يَكَوَرْدَ ڢُسْكَ دَغَ أَيُّكَنْ جَاهِلْثِ؞ عَمَّا يَنْذُ يَعُمَرْثِ دُكَنْ مُتَنٜىٰ عَكُواْعِنَ سُتُوبَ، 31غَمَا يَا شِرْيَ رَانَرْ دَ ذَيْذُواْ يَيِ وَدُونِيَا شَرِيعَ تَغَسْكِيَ تَوُرِنْ مُتُمِنْدَ يَذَاٻَا؞ اللَّهْ يَبَادَ تَبَّثِنْ وَنَّنْ غَ دُكَنْ مُتَنٜىٰ تَوُرِنْ تَادَ مُتُمِنَّنْ دَغَ مَتَتُّو؞»‏

32دَسُكَجِ مَغَنَرْ تَاشِ دَغَ مَتَتُّو، سَيْ وَطَنْسُ سُكَيِ مَسَ بَعَ، عَمَّا وَطَنْسُ سُكَثٜىٰ ‏«‏مُنَسُواْ مُسَاكٜىٰجِنْ أَبِنْدَ ذَاكَڢَطَا غَمٜىٰدَ وَنَّنْ مَغَنَ؞»‏ 33أَ نَنْ نٜىٰ بُلُسْ يَرَبُ دَسُو؞ 34عَمَّا وَطَنْسُنْسُ سُكَ كُواْمَ وَجٜىٰنْ بُلُسْ، سُكَ بَادَ غَسْكِيَ؞ عَثِكِنْسُ أَݣَويْ دِيُواْنِسِيُسْ، طَنْ مَجَلِسَ دَ وَتَ مَثٜىٰ مَيْ سُونَ دَمَرِسْ دَ وَطَنْسُ كُمَ تَرٜىٰدَسُو؞

Currently Selected:

أَيُّكَنْ مَنْذَنِّے 17: hauAS

Highlight

Copy