أَيُّكَنْ مَنْذَنِّے 15
15
مَجَلِسَرْ شُوغَبَنِّنْ جَمَعَرْ مَاسُبِے أَ عُرُوشَلِيمَ
1سَيْ كُمَ وَطَنْسُ مُتَنٜىٰ سُكَذُواْ أَنْتَكِيَ دَغَ يَنْكِنْ يَهُودِيَ سُنَ كُواْيَ وَ یَنْعُوَ مَاسُبِے، سُنَ ثٜىٰوَ «عِدَنْ بَ أَنْيِ مُكُ كَاثِيَ كَمَرْ يَدَّ أَلْعَادَرْ مُوسَٰى تَكٜىٰ بَ، بَذَاكُ عِيَ سَامُنْ ثٜىٰتُواْبَ؞»#لِـ ڢِرْ 12.3 2بَا ڧَرَمَرْ غَرْدَمَ بُلُسْ دَ بَرْنَبَ سُكَيِ دَ مُتَنٜىٰنَّنْ عَكَنْ وَنَّنْ مَغَنَبَ؞ سَيْ عَكَسَا بُلُسْ دَ بَرْنَبَ دَ كُمَ وَطَنْسُ سُجٜىٰ عُرُوشَلِيمَ وُرِنْ مَنْذَنِّے دَ دَتَّاوَنْ جَمَعَرْ مَاسُبِے دُواْمِنْ سُتَتَّوْنَ عَكَنْ وَنَّنْ مَغَنَ؞
3جَمَعَرْ مَاسُبِے تَرَكَسُ، سُكَ تَڢِے، سُكَبِے تَڧَسَرْ ڢِنِكِيَ دَ سَمَرِيَ، سُنَ بَادَ لَابَرِنْ يَدَّ وَطَنْدَ بَا يَهُودَاوَا بَ سُكَ بَادَ غَسْكِيَ؞ وَنَّنْ يَسَا دُكْ مَاسُبِے سُكَيِ ڢَضٍ ثِكِ سُواْسَيْ؞ 4دَ سُكَ إِسَ عُرُوشَلِيمَ، دُكَنْ جَمَعَرْ مَاسُبِے دَ مَنْذَنِّے دَ دَتَّاوَنْ جَمَعَرْ مَاسُبِے سُكَيِ مُسُ مَرَبَ؞ سَيْ بُلُسْ دَ بَرْنَبَ كُمَ سُكَ بَادَ رَهُواْتُوانْ دُكْ أَبِنْدَ اللَّهْ يَيِ تَوُرِنْسُ؞ 5عَمَّا وَطَنْسُ مَاسُبِے، یَنْ ڧُنْغِيَرْ ڢَرِسِيَاوَا، سُكَتَاشِ ڟَيٜىٰ سُكَثٜىٰ «دُواْلٜىٰنٜىٰ عَيِ وَمَاسُبِے وَطَنْدَ بَا يَهُودَاوَا بَ كَاثِيَ، عَكُمَسَاسُ دُواْلٜىٰ سُبِے كُواْيَرْوَرْ مُوسَٰى؞»
6مَنْذَنِّےنْ دَ دَتَّاوَنْ جَمَعَرْ مَاسُبِے سُكَ تَارُ دُواْمِنْ سُتَتَّوْنَ عَكَنْ وَنَّنْ مَغَنَ؞ 7بَايَنْدَ عَكَيِ تَ غَرْدَمَ سُواْسَيْ، سَيْ بِتْرُسْ يَتَاشِ ڟَيٜىٰ يَثٜىٰ مُسُ «یَنْعُوَ، كُنْ سَنِ تُنْ تُنِ اللَّهْ يَذَاٻٜىٰنِ عَثِكِنْكُ، ثٜىٰوَ تَوُرِينَ نٜىٰ وَطَنْدَ بَا يَهُودَاوَا بَ ذَاسُجِ لَابَرِ مَيْ دَاطِے، سُكُمَ بَادَ غَسْكِيَ؞#أَيُّكَنْ 10.1-43 8اللَّهْ كُوَ وَنْدَ يَسَنْ ذُوثِيَارْ كُواْوَ، يَنُونَ ثٜىٰوَ يَكَرْٻٜىٰسُ دَ يَبَاسُ رُوحُ مَيْ ڟَرْكِے، كَمَرْ يَدَّ يَبَامُ؞#أَيُّكَنْ 2.4؛ 10.44 9كُمَ بَيْ نُونَ بَمْبَنْثِ ڟَكَانِنْمُ دَسُوبَ، غَمَا يَا ڟَبْتَثٜىٰ ظُكَاتَنْسُ تَوُرِنْ بَنْغَسْكِيَرْسُ؞ 10سَبُواْدَ حَكَ دُوانْمٜىٰ كُكٜىٰ ڠُودَ اللَّهْ تَوُرِنْ سَا وَ أَلْمَجِرَنَّنْ غُنْغُمٜىٰنْ دَيَكٜىٰ دَنّٜىٰسُ، وَتُواْ دُواْكُواْكِنْ دَ مُو دَ كَاكَنِّنْمُ دُكَ بَمُ عِيَ طَوْكَوَبَ؟ 11عَمَّا مُنْ غَسْكَتَ ثٜىٰوَ تَوُرِنْ أَلْحٜىٰرِنْ عُبَنْغِجِ عِيسَىٰ نٜىٰ مُنْ سَامِ ثٜىٰتُواْ، كَمَرْ يَدَّ سُو مَا سُكَ سَامُ؞»
12سَيْ دُكْ تَارُوانْ مُتَنٜىٰنْ سُكَيِ شِضُ، سُكَ سَوْرَرِ بَرْنَبَ دَ بُلُسْ سَعَدَّ سُكَ بَادَ لَابَرِنْ عَلَمُ دَ أَيُّكَنْ بَنْ مَامَاكِنْ دَ اللَّهْ يَيِ تَوُرِنْسُ عَثِكِنْ وَطَنْدَ بَا يَهُودَاوَا بَ؞
13بَايَنْدَ سُكَ غَمَ مَغَنَ، سَيْ يَعْڧُوبَ يَأَمْسَ يَثٜىٰ «یَنْعُوَ، كُسَوْرَرَتَ؞ 14سِيمَنْ يَبَادَ لَابَرِ يَدَّ اللَّهْ يَڢَارَ نُونَ ڧَوْنَ غَ وَطَنْدَ بَا يَهُودَاوَا بَ، تَوُرِنْ كٜىٰٻٜىٰ وَتَ جَمَعَ دَغَ ثِكِنْسُ تَذَمَ تَاسَ؞ 15وَنَّنْ كُوَ يَيِ دَيْدَيْ دَ مَغَنَرْ أَنَّبَاوَا يَدَّ يَكٜىٰ أَرُبُوثٜىٰ ثٜىٰوَ
16« ‹بَايَنْ حَكَ ذَنْدَاوُاْ
إِنْسَاكٜىٰ غِنَا غِدَنْ دَاوُدَ دَ يَرُشٜىٰ؞
دَغَ ذَمَنْسَ كُڢَيْ، ذَنْسَاكٜىٰ غِنَاشِ،
إِنْكُمَ سَابُنْتَاشِ؞
17تَهَكَ ضَغُواْوَرْ مُتَنٜىٰ ذَاسُ نٜىٰمٜىٰنِ، نِے عُبَنْغِجِ،
وَطَنْدَ بَا يَهُودَاوَا بَ دَ نَذَاٻَا سُذَمَ نَوَ؞
18حَكَ عُبَنْغِجِ يَڢَطَا،
شِے دَ يَبَيَّنَ وَطَنَّنْ أَبُبُوَ تُنْ زَامَانِنْ دَا؞› »#عَمُواسْ 9.11-12
19«سَبُواْدَ حَكَ نَغَ بَيْ كَمَاتَ مُمَڟَاوَ وَطَنْدَ بَا يَهُودَاوَا بَ وَطَنْدَ سُكٜىٰ جُويُواْوَ غَ اللَّهْ؞ 20سَيْ دَيْ مُرُبُوتَ مُسُ وَسِيڧَ مُغَيَ مُسُ كَدَ سُثِ عَبِنْثِنْ دَ عَكَ مِيڧَا وَغُمَكَ، كَدَ سُيِ لَلَتَ كُواْ سُثِ نَامَنْ دَبَّرْ دَ عَكَ مُرْطٜىٰ دَ كُمَ نَامَ دَ جِنِ؞#ڢِتْ 34.15-17؛ لِـ ڢِرْ 17.10-16؛ 18.6-23 21غَمَا تُنْ زَامَانِنْ دَا، عَكُواْوَنٜىٰ غَرِ أَݣَويْ مَاسُ يِنْ وَعَظِ دَ كُواْيَرْوَرْ مُوسَٰى، أَنَ كُمَ كَرَنْتَتَ أَ مَجَمِعُ كُواْوَثٜىٰ رَانَرْ هُوتُ تَمَكُواْ؞»
أَمْسَرْ شُوغَبَنِّنْ جَمَعَرْ مَاسُبِے
22سَيْ مَنْذَنِّےنْ دَ دَتَّاوَنْ جَمَعَرْ مَاسُبِے، تَرٜىٰدَ دُكَنْ یَنْ جَمَعَرْ مَاسُبِے، سُكَغَ يَيِݣَوْ سُذَاٻِ وَطَنْسُ دَغَ ثِكِنْسُ، سُأَيْكٜىٰسُ ذُوَا أَنْتَكِيَ تَرٜىٰدَ بُلُسْ دَ بَرْنَبَ؞ سَيْ سُكَ ذَاٻِ يَهُودَ، وَنْدَ عَكٜىٰثٜىٰ دَشِ بَرْسَبَ دَ كُمَ سِيلَ، وَطَنْدَ سُو شُوغَبَنِّنٜىٰ ثِكِنْ مَاسُبِے؞ 23سُكَبَاسُ وَسِيڧَرْ دَتَكٜىٰثٜىٰوَ
«دَغَ یَنْعُوَنْكُ مَنْذَنِّے دَ دَتَّاوَنْ جَمَعَرْ مَاسُبِے، ذُوَاغَ مَاسُبِے وَطَنْدَ أَصَلِنْكُ بَا يَهُودَاوَا بَنٜىٰ، أَعَنْتَكِيَ دَ ڧَسَرْ سُورِيَ دَ تَ كِلِكِيَ؞ مُنَ غَيْسُوَا؞
24«مُنْ سَامِ لَابَرِ ثٜىٰوَ وَطَنْسُ دَغَ ثِكِنْمُ سُنْ تَيَرْ مُكُ دَ حَنْكَلِ دَ مَغَنْغَنُنْسُ، سُنَ رِكِتَرْ دَكُو، كُواْدَيَكٜىٰ بَمُبَاسُ عُمَرْنِ سُيِ حَكَبَ؞ 25دُواْمِنْ حَكَ، بَايَنْدَ مُكَ تَتَّوْنَ سَيْ مُكَغَ يَيِݣَوْ مُذَاٻِ وَطَنْسُ مُعَيْكَ مُكُسُ، تَرٜىٰدَ أَبُواْكَنْمُ، وَتُواْ بَرْنَبَ دَ بُلُسْ، 26وَطَنْدَ سُكَ بَادَ رَنْسُ سَبُواْدَ سُونَنْ عُبَنْغِجِنْمُ عِيسَىٰ أَلْمَسِيحُ؞ 27دُواْمِنْ حَكَ مُنْ عَيْكُواْ مُكُ يَهُودَ دَ سِيلَ؞ سُو دَ كَنْسُ ذَاسُ تَبَّتَرْ مُكُ وَطَنَّنْ أَبُبُوَ دَ بَاكِنْسُ؞
28«غَمَا رُوحُ مَيْ ڟَرْكِے يَغَ يَيِݣَوْ، حَكَكُمَ مُكَغَ يَيِݣَوْ، كَدَ أَ سَا مُكُ وَنِ نَوْيِ ڢِيٜىٰدَ نَوَطَنَّنْ أَبُبُوَنْ دَ سُكَ ذَمَ دُواْلٜىٰ، 29وَتُواْ، كُكِيَايٜىٰ كَنْكُ دَغَ أَبِنْدَ عَكَ مِيڧَا وَغُنْكِ دَ ثِنْ نَامَ تَرٜىٰدَ جِنِ دَ ثِنْ نَامَنْ دَبَّرْ دَ عَكَ مُرْطٜىٰ دَ كُمَ لَلَتَ؞ عِدَنْ كُنْ كِيَايٜىٰ كَنْكُ دَغَ وَطَنَّنْ أَبُبُوَ، كُنْيِ أَبِنْدَ يَكٜىٰدَ ݣَوْ كٜىٰنَنْ؞
«كُهُوتَ لَاڢِيَ؞»
30سَيْ عَكَ عَيْكٜىٰسُ، سُكَ تَڢِے أَنْتَكِيَ؞ دَ سُكَ تَارَ جَمَعَرْ مَاسُبِے، سَيْ سُكَ بَادَ وَسِيڧَرْ؞ 31دَ جَمَعَرْ سُكَ كَرَنْتَ وَسِيڧَرْ كُوَ، سُكَيِ ڢَضٍ ثِكِ سَبُواْدَ ڧَرْڢَڢَاوَرْ دَسُكَ سَامُ؞ 32يَهُودَ دَ سِيلَ كُمَ، دُواْمِنْ سُو أَنَّبَاوَا نٜىٰ، سُكَيِ وَیَنْعُوَ غَرْغَطِے دَ مَغَنْغَنُ مَاسُيَوَ، سُكَ كُمَ ڧَرْڢَڢَاسُ؞
33بَايَنْدَ سُكَيِ یَنْ ݣُونَكِے أَوُرِنْ، سَيْ عَكَ سَلَّمٜىٰسُ لَاڢِيَ، سُكَ كُواْمُواْ وُرِنْ وَطَنْدَ سُكَ عَيْكُواْسُ؞ 34عَمَّا سِيلَ يَغَ يَيِݣَوْ يَذَوْنَ أَنَنْ تُكُنَ؞#15.34 وَطَنْسُ رُبُوثٜىٰ رُبُوثٜىٰ نَدَا بَاسُدَ وَنَّنْ أَيَ؞ 35بُلُسْ دَ بَرْنَبَ كُوَ سُكَيِ یَنْ ݣُونَكِے أَعَنْتَكِيَ؞ سُو دَ وَطَنْسُ مُتَنٜىٰ دَيَوَ سُنَ كُواْيَرْوَا سُنَ كُمَيِنْ شٜىٰلَرْ كَلْمَرْ عُبَنْغِجِ؞
بُلُسْ دَ بَرْنَبَ سُنْ رَبُ
36بَايَنْ یَنْ ݣُونَكِے، بُلُسْ يَثٜىٰ وَ بَرْنَبَ «ذُواْ مُكُواْمَ دُكْ غَرُضُوً دَ مُكَيِ شٜىٰلَرْ كَلْمَرْ عُبَنْغِجِ أَدَا، مُظِيَرْثِ یَنْعُوَ، مُغَ يَدَّ سُكٜىٰ؞» 37بَرْنَبَ يَسُواْ سُطَوْكِ يَحْيَى وَنْدَ عَكٜىٰثٜىٰ دَشِ مَرْكُسْ يَتَڢِے تَرٜىٰدَسُو؞ 38عَمَّا بُلُسْ يَغَ بَيْيِݣَوْ سُتَڢِے دَ مَرْكُسْ بَ سَبُواْدَ أَدَا يَا بَرْسُ عَڧَسَرْ ڢَمْڢِيلِيَ، يَكُمَڧِ يَثِيغَبَدَ يِنْعَيْكِ تَرٜىٰدَسُو؞#أَيُّكَنْ 13.13 39رَشِنْ يَرْدَرْ يَيِ ذَاڢِ حَرْ يَكَيْسُ غَ رَبُوَ؞ بَرْنَبَ يَا طَوْكِ مَرْكُسْ، سُكَ شِغَ جِضْغٍ ضُوَ ذُوَا سَيِڢُرُسْ؞ 40عَمَّا بُلُسْ يَذَاٻِ سِيلَ، سُكَتَاشِ، بَايَنْدَ مَاسُبِے سُكَ مِيڧَسُ غَ أَلْحٜىٰرِنْ عُبَنْغِجِ يَكِيَايٜىٰسُ؞ 41سُكَبِے تَڧَسَاشٜىٰنْ سُورِيَ دَ كِلِكِيَ، سُنَ ڧَرْڢَڢَ دُكَنْ جَمَعَرْ مَاسُبِے؞
Currently Selected:
أَيُّكَنْ مَنْذَنِّے 15: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020