أَيُّكَنْ مَنْذَنِّے 14

بُلُسْ دَ بَرْنَبَ عَ إِيكُواْنِيَ

1تُواْ، عَ إِيكُواْنِيَ، بُلُسْ دَ بَرْنَبَ سُكَ شِغَ مَجَمِعَرْ يَهُودَاوَا كَمَرْ يَدَّ سُنْ سَابَا؞ سُكَيِ وَعَظِ، حَرْ مُتَنٜىٰ مَاسُيَوَ، يَهُودَاوَا دَ وَطَنْدَ بَا يَهُودَاوَا بَ، سُكَ بَادَ غَسْكِيَ؞ 2عَمَّا يَهُودَاوَنْ دَ سُكَڧِ غَسْكَتَاوَا، سُكَ ذُغَ وَطَنْدَ بَا يَهُودَاوَا بَ، سُكَ ٻَاتَ ڟَكَانِنْسُ دَ یَنْعُوَ مَاسُبِے؞

3سَيْ بُلُسْ دَ بَرْنَبَ سُكَ دَطٜىٰ أَنَنْ سُواْسَيْ، سُنَ وَعَظِ بَابُ ڟُواْرُواْ بِسَغَ إِيكُوانْ عُبَنْ‌غِجِ؞ عُبَنْ‌غِجِ كُوَ يَيِ شَيْدَرْ كَلْمَرْ أَلْحٜىٰرِنْسَ تَوُرِنْ بَادَ إِيكُواْ عَيِ عَلَمُ دَ أَيُّكَنْ بَنْ مَامَاكِ تَهَنُّنْسُ؞

4عَمَّا مُتَنٜىٰنْ غَرِنْ سُكَ رَبُ كَشِ بِيُ، وَطَنْسُ سُنَ غُواْيُوانْ بَايَنْ يَهُودَاوَا، وَطَنْسُ كُمَ سُنَ غُواْيُوانْ بَايَنْ مَنْذَنِّےنْ؞ 5سَيْ يَهُودَاوَا دَ وَطَنْدَ بَا يَهُودَاوَا بَ، تَرٜىٰدَ شُوغَبَنِّنْسُ سُكَيِ شِرِ دُواْمِنْ سُوُلَڧَنْتَ مَنْذَنِّےنْ، سُجٜىٰجّٜىٰڢٜىٰسُ دَ دُوَڟُو؞

6دَ مَنْذَنِّےنْ سُكَجِ حَكَ، سَيْ سُكَ غُدُ ذُوَا بِرَنٜىٰنْ لِكُواْنِيَ، وَتُواْ لِسْتِرَ دَ دَرْبٜىٰ دَ كُمَ كٜىٰوَيٜىٰنْسُ؞ 7أَوُرِنْ سُكَ ثِيغَبَدَ وَعَظِنْ لَابَرِ مَيْ دَاطِے؞

بُلُسْ يَيِ وَعَظِ أَ لِسْتِرَ

8أَ لِسْتِرَ كُوَ أَݣَويْ وَنِ مُتُمْ وَنْدَ شِ غُرْغُ نٜىٰ، بَيْتَٻَيِنْ تَڢِيَ بَ تُنْدَ عَكَ حَيْڢٜىٰشِ؞ يَنَ ظَوْنٜىٰ، 9يَنَ سَوْرَرُوانْ وَعَظِنْ بُلُسْ؞ سَيْ بُلُسْ يَظُبَ مَسَ عِدُواْ؞ دَ بُلُسْ يَغَ مُتُمِنْ يَنَدَ بَنْ‌غَسْكِيَرْ دَ ذَاعَ وَرْكَرْ دَشِ، 10سَيْ يَطَغَ مُرْيَ دَ ڧَرْڢِے يَثٜىٰ ‏«‏تَاشِ كَڟَيَ كَنْ ڧَڢَاڢُنْكَ؞»‏ مُتُمِنْ كُوَ يَتَاشِ يَڢَارَ تَڢِيَ؞ 11دَ تَارُوانْ سُكَغَ أَبِنْدَ بُلُسْ يَيِ، سُكَ طَغَ مُرْيَ غَبَاطَيَ سُنَ ثٜىٰوَ دَ يَرٜىٰنْ لِكُواْنِيَ ‏«‏لَلَّيْ، أَلُّواْلِ سُنْ سَوْكُواْ مَنَ دَ صِڢَّرْ مُتَنٜىٰ!‏»‏ 12سَيْ سُكَ بَا بَرْنَبَ سُنَ ظٜىٰيُسْ، بُلُسْ كُوَ سُكَثٜىٰ دَشِ هٜىٰرْمٜىٰسْ، دُواْمِنْ شِينٜىٰ شُوغَبَنْ مَغَنَ؞ 13سَيْ ڢِرِسْتِ نَڟَاڢِنْ ظٜىٰيُسْ، وَنْدَ طَاكِنْ غُنْكِنْسَ يَكٜىٰ عَبَايَنْ غَرِ، يَكَٰوُاْ شَانُو دَ أَدُوانْ ڢُلَوَ عَڧُواْڢَرْ غَرِ؞ سَرْكِنْ ڟَاڢِنْ دَ جَمَعَ سُنَسُواْ سُيِ وَمَنْظَنِّنْ هَدَايَ؞

14عَمَّا دَ مَنْذَنِّےنَّنْ بَرْنَبَ دَ بُلُسْ سُكَجِ حَكَ، سَيْ سُكَ يَيَّاغٜىٰ رِيغُنَنْسُ دُوانْ ٻَثِنْ رَيْ، سُكَ شِغَ ثِكِنْ تَارُوانْ دَ غُدُ، سُنَ طَغَ مُرْيَ سُنَ ثٜىٰوَ 15‏«‏دُوانْمٜىٰ كُكٜىٰيِنْ حَكَ؟ أَيْ، مُو مَا مُتَنٜىٰنٜىٰ كَمَرْكُ، مُنْ دَيْ كَٰوُاْ مُكُ لَابَرِ مَيْ دَاطِے نٜىٰ، دُواْمِنْ كُجُويَا وَ أَبُبُوَنْ بَنْظَنَّنْ بَايَ، كُكُمَ جُويُواْ غَ اللَّهْ مَيْ رَيْ، وَنْدَ يَحَلِثِّ سَمَ دَ ڧَسَا دَ تٜىٰكُ دَ كُمَ دُكَنْ أَبِنْدَ يَكٜىٰ ثِكِنْسُ؞ #ڢِتْ 20‏.11؛ زَبُو 146‏.6 16أَ زَامَانِنْ دَا، يَبَرْ دُكَنْ أَلْعُمَّيْ سُيِ تَڢِيَ أَ هَنْيُواْيِنْ دَ سُكَغَ دَامَ؞ 17دُكْدَهَكَ كُوَ بَيْتَٻَ بَرِنْ كَنْسَ بَابُ شَيْدَبَ، سَبُواْدَ يَنَ يِنْ أَلْحٜىٰرِنْ بَاكُ ضُوً سَمَ دَ دَامِنَ مَيْ أَلْبَرْكَ؞ يَنَ ڧُواْسَرْدَكُو دَ عَبِنْثِ أَدَيْدَيْ لُواْكَثِ، يَنَ كُمَسَا كُيِ ڢَضٍ ثِكِ؞»‏ 18دُكْ دَ وَطَنَّنْ مَغَنْ‌غَنُ مَا دَݣَرْ سُكَ حَنَ جَمَعَرْ نَنْ سُيِ مُسُ هَدَايَ؞

19عَمَّا وَطَنْسُ يَهُودَاوَا سُكَذُواْ دَغَ أَنْتَكِيَ دَ إِيكُواْنِيَ سُكَ رِنْجَيِ تَارُوانْ، سُكَ جٜىٰجّٜىٰڢِ بُلُسْ، سُكَ جَاشِ ذُوَا بَايَنْ غَرِ، سُنَ ڟَمَّنِ يَمُتُ؞ 20عَمَّا دَ مَاسُبِے سُكَ كٜىٰوَيٜىٰشِ، سَيْ يَتَاشِ يَكُواْمَ ثِكِنْ بِرْنِ؞ وَشٜىٰغَرِ كُمَ يَتَڢِے دَرْبٜىٰ تَرٜىٰدَ بَرْنَبَ؞

كُواْمَاوَا أَنْتَكِيَ تَ سُورِيَ

21بَايَنْدَ بُلُسْ دَ بَرْنَبَ سُكَيِ وَعَظِنْ لَابَرِ مَيْ دَاطِے أَ دَرْبٜىٰ، سُنْ كُمَ سَامِ أَلْمَجِرَيْ دَيَوَ، سُكَ كُواْمَ لِسْتِرَ دَ إِيكُواْنِيَ دَ كُمَ أَنْتَكِيَ تَ بِسِيدِيَ؞ 22سُنَ ڧَرْڢَڢَ مَاسُبِے، سُنَيِ مُسُ غَرْغَطِے سُڟَيَ دَ ڧَرْڢِے ثِكِنْ بَنْ‌غَسْكِيَ؞ سُنَ ثٜىٰوَ ‏«‏سَيْ تَرٜىٰدَ عَذَابَ مَيْ يَوَ ذَامُ شِغَ مُلْكٍ اللَّهْ؞»‏ 23بَايَنْدَ سُكَ كُمَ ذَاٻَا مُسُ دَتَّاوَا عَكُواْوَثٜىٰ جَمَعَرْ مَاسُبِے، تَرٜىٰدَ أَدُّعَ دَ أَظُمِ سُكَ مِيڧَسُ غَ عُبَنْ‌غِجِ وَنْدَ سُكَ غَسْكَتَادَشِ؞

24سَعَنً سُنْبِے تَڧَسَرْ بِسِيدِيَ ذُوَا ڢَمْڢِيلِيَ؞ 25دَ كُمَ سُكَ ڢَطَا كَلْمَرْ اللَّهْ أَ ڢٜىٰرْغَ، سَيْ سُكَ تَڢِے أَتَلِيَ؞ 26دَغَ نَنْ كُمَ سُكَ شِغَ جِضْغٍ ضُوَ سُكَ كُواْمَ أَنْتَكِيَ، عِنْدَ تُنْدَا عَكَيِ مُسُ أَدُّعَ ثٜىٰوَ أَلْحٜىٰرِنْ اللَّهْ يَكِيَايٜىٰسُ ثِكِنْ عَيْكِنَّنْ يَنْذُ دَ سُكَ غَمَ؞

27دَ سُكَ إِسُواْ، سُكَ تَارَ جَمَعَرْ مَاسُبِے سُكَ بَادَ لَابَرِنْ دُكَنْ أَبِنْدَ اللَّهْ يَيِ تَوُرِنْسُ دَ كُمَ يَدَّ يَبُوطٜىٰ وَ وَطَنْدَ بَا يَهُودَاوَا بَ ڧُواْڢَرْ بَنْ‌غَسْكِيَ؞ 28سُنْ طَنْ دَطٜىٰ عَثَنْ تَرٜىٰدَ مَاسُبِے؞

Currently Selected:

أَيُّكَنْ مَنْذَنِّے 14: hauAS

Highlight

Copy