Malaki 2
2
Kukonkomwena atupristu
1Ichi dinu enu atupristu,
Nshimbi iyi yenwenu,
2Yehova Wamazaza nindi,
Neyi kwonti kwenu kushaku muchima,
Neyi kwonti kwenu kulemesha ijina dami,
Komana ami nukuyikunkwila ishiŋu,
#
Kuhit 28:16-20
Nukushiŋa ninkisu jenu,
Eŋa, najishiŋa dehi kwami,
Nanochu chimwabulaŋa kushaku muchima.
3Tiyenu, nukutamisha mbutu jenu hansaŋu jenu,
Nukuyimwaŋila tuji kumesu enu,
Twotuji twayimuna yenu yimwaketulaŋa,
Akayifumishila kumu ninenu aweni.
4Mwakeluki nenu, nayitemesheli dehi nshimbi iyi
Kulonda #Kuch 3:45chitiyaŋenu chami chakekali naLevi.
Dimu mwanahoshiyi Yehova Wamazaza.
5Chitiyaŋenu chami chinatiyaŋeni nindi, chadiŋi chawumi #Kuch 25:12nakuwunda;
Namwinkelichu nami atiyi woma,
Ninochu wantiyili woma,
Hakwakama niijina dami.
6Kukanwa kindi kwadiŋi nshimbi yawalala,
Kunyivumbu yindi hikwamwekeni kuheŋaku;
Nendeli nindi mukuwunda nakwoloka,
Wabalumwini antu amavulu aleka nikuluwa.
7 #
Lev 10:11; Kuhit 17:8-9 Nyivumbu yakapristu chiŋa yihembaŋa maana,
Antu chiŋa ehulaŋa nshimbi kukanwa kindi;
Muloŋa yena diyi ntemesha yaYehova Wamazaza.
8Ilaŋa enu munasenuki munjila,
Munadimbwishi antu amavulu munshimbi;
Munatamishi chitiyaŋenu chaLevi.
Dimu mwanahoshiyi Yehova Wamazaza.
9Chimunabuli kuhemba njila jami,
Nichimunaakami antu kumesu awu nansaŋu yanshimbi,
Dichi chinayibalumuni dehi kwikala antu adiwulewa,
Akadi kulema, kumesu awantu ejima.
Kuluwa kwaYuda
10Wejima wetu hitukweti tata yetu yowumuku?
Hiyatuleŋeli kudi Nzambi yowumuku?
Indi twadikwatilaŋadi makasu dinu,
Iwu nakukwatila manakwindi makasu,
Iwu nakukwatila manakwindi makasu,
Hitukujilola #Kwi 19:4-6; 24:3, 7, 8chitiyaŋenu chawankakulula jetuku?
11Yuda nakwatili akwawu makasu,
Anashimani dehi nimuIsarela nimuYerusalema;
Yuda najiloli dehi malala aYehova akeŋeliyi,
#
Ezera 9:1-2
Nasumbuli dehi mwana kamukishi wakwacheŋi.
12Yehova wukufumisha mumatenti aYakoba iyala wakoŋaŋa chumichi,
Hela himukwakukonkama, hela himukwakwakula,
Hela himukwakulambula Yehova Wamazaza.
13Tiyenu nawa cheŋi chimwelaŋa,
Mwabutaŋa kameŋa kakulambwila kaYehova namadilu,
Nakudila, nakwaboka,
Mwaka enzi abuli kwiteja cheŋi mulambu wenu,
Mwaka enzi abuli kutiya kuwaha kuwutambula kuchikasa chenu.
14Hela chochu, enu nenu, Wukulekeladi?
Muloŋa Nzambi neli dehi chinsahu chahakachi keyi naŋodeyi wahawukwenzi weyi iwunakwatili makasu,
Kutoŋa diyi mukwenu wadikunda nindi,
Kutoŋa diyi iŋodeyi wachitiyaŋenu chiwatiyaŋeni nindi.
15Yehova #Kutach 2:24; Mat 19:4-6hanayilishi wumuku?
Nimumusunyi nimuspiritu ambala indi hohu.
Kulondadi? Kulonda akavwali anyana ajila.
Dichi babelenu nyichima yenu,
Bayi hamwekana muntu wukukwatila iŋodindi wahawukwenzi windi makasuku.
16Muloŋa Yehova, Nzambi yaIsarela, nahoshi nindi,
Nsaŋu jakuseŋaŋana najitiyaŋa kutama nankashi.
Nahelaŋa nimuntu wadivwikaŋa madombu.
Dimu mwanahoshiyi Yehova Wamazaza.
Dichi babelenu nyichima yenu,
Kulonda mubuli kukwatila aŋodijenu makasu.
17Munamuzeyeshi Yehova namazu enu.
Enu nenu, Tunamuzeyeshi hadihi?
Nachina chimwahoshaŋa nenu,
Antu ejima ahoshaŋa chatama anawahi kumesu aYehova;
Nenu, Diwu anatiyiyi kuwaha;
Hela chimwahoshaŋa nenu,
Nzambi wawuhaku wudi kudihi?
Currently Selected:
Malaki 2: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.