Malaki 1
1
Kukeŋa Yakoba kuhela Esawu
1Chisenda chaYehova chakuleja aIsarela kukanwa kaMalaki.
2Yehova nindi, Ami nayikeŋi,
Hakwila enu nenu, Wunatukeŋeli hadihi?
Yehova nindi, Esawu himanakwaYakobaku?
Hela chochu, ami #Rom 9:13nakeŋeli Yakoba;
3Naheleli Esawu,
#
Yer 49:16-18
Mpidi jindi najibalumwini kwamahembi hohu,
Wuswana windi nawinkeli anyumbu amuchinkalampata.
4Ochu chadi nakuhoshayi Edomi nindi, Kuhumuna anatuhumuni,
Ilaŋa etu kwetu tukufunta nakutuŋulula mumahembi;
Yehova Wamazaza nahoshi nindi,
Kutuŋulula akatuŋulula,
Ilaŋa ami nakahumuna.
Antu akayitena nawu, Hiŋinza yakubajama;
Nawu, Hiyantu anahililiyi Yehova chahayanyaka.
5Mwakachimona namesu,
Mwakahosha nenu,
Yehova ekali muneni kubadika nikwishinadi daŋinza yaIsarela.
Nyilambu yajilola
6Mwana walemeshaŋa tata yindi,
Nduŋu walemeshaŋa nkaka yindi.
Neyi ami nitata, himwanlemeshela hadihi?
Neyi ami ninkaka, himwantiyila woma hadihi?
Dimu mwanahoshiyi Yehova Wamazaza
Kudenu atupristu mwadiwulaŋa ijina dami.
Hakwila enu nenu, Ijina deyi tunadidiwili hadihi?
7Enu antu #Lev 21:6-8mwalambulaŋa yakudya yajilola hakameŋa kami kakulambwila,
Mwili nenu, Tunakujiloleli hadihi?
Ochu chimudi nakwila nenu,
Mesa yaYehova hichuma chamukunkulwayi.
8China chimwalambulaŋa #Kuhit 15:21chimuna champuta mesu,
Nenu aketuli, hichatamaku?
Chimwalambulaŋa yifwayi nayakata, hichatamaku?
Mulambuliyi ntahi nguvulu,
Wukukutiya kuwaha, tahindi?
Wukukwiteja, tahindi?
Dimu mwanahoshiyi Yehova Wamazaza.
9Yehova Wamazaza nehuli nindi,
Lembelelenu ntahi wuselewa kudi Nzambi, nenu atutoŋuhu.
Iku saŋa mwakwatila yumiyi kumakasenu,
Wukwitejahu ntahi wumwodihi?
10Hakachi kenu hadinyi wukwenzela yenzelu,
Hela kubutula kesi hakameŋa kami kakulambwila chakadi kumufweta chuma?
Yehova Wamazaza nindi,
Ami hinatiyi kuwaha nanenuku,
Hinakatambula mulambu kumakasenuku.
11Yehova Wamazaza nindi,
Kufumisha kwatuntukilaŋa itaŋwa nakushikija kudahuminaŋa,
Ijina dami datoha hohu mukachi kawaJentili;
Ijina dami adochelaŋa insensi kwejima kwejima,
Adilambulaŋa nimulambu wutooka,
Muloŋa ijina dami datoha mukachi kawaJentili.
12Ijina dami mwadijilolaŋa nanochu chimwahoshaŋa nenu,
Mesa yaYehova hiyajilaku,
Ninyikabu niyakudya yiduhu,
Nenu yamukunkulwayi.
13Yehova Wamazaza nindi,
Mwahoshaŋa nawa nenu, Yayo-o, O kukabakana!
Himukuyihumbahumba chakudiwula.
Munaleti yimuna yakubuwabuwa,
Niyawufwayi, niyakata, dichi mwanlambulaŋa;
Ami nukutwesha kutambula kumakasenu yumiyi, tahindi?
Dichi chanahoshiyi Yehova.
14Yehova Wamazaza nindi,
#
Lev 22:18-20
Mukwakudimbana, wukwila mwiyinda dindi mudi chizamba,
Hakudikana nindi nukumulambula,
Nkumininaku hakumuketwila Mwanta chuma chatama,
Ekali washiŋewa.
Muloŋa ami niMwanta muneni,
Niijina dami aditiya woma mukachi kanyunza yejima.
Currently Selected:
Malaki 1: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.