Malaki 3
3
1Yehova Wamazaza nindi,
Tiyenu, hinukutemesha #Mat 11:10; Mak 1:2; Luk 7:27ntemesha yami,
Akaloŋeshaŋahu dehi njila kunakaya,
NiMwanta mwakeŋakeŋaŋa,
Wakenza kuTembeli yindi chakukasumwisha;
Diyi ntemesha yachitiyaŋenu imwatiyaŋa kuwaha,
Tiyenu, hakwinza.
2Hinyi #Isa 33:14wakekala naŋovu ifuku dakenzayi?
Hinyi wakemana hakamwekanayi?
Muloŋa yena wudi neyi #Isa 48:10; Zek 13:9; 1 Kor 3:13-15kesi kamukwakuzakasa,
Wudi neyi mulola wamukwakutookesha mahina.
3Wakashakama neyi mukwakuzakasa,
Neyi mukwakutookesha siliva,
Wakatookesha anyana kaLevi,
Wakayizakasa neyi chazakasaŋawu wuru nasiliva,
Nichakamulambulawu Yehova nyilambu yakuloŋa.
4Henohu mulambu waYuda naYerusalema
Wakamutiyisha Yehova kuwaha,
Neyi hamafuku akumwaka,
Neyi kunyaka yakusambila.
5Yehova Wamazaza nindi,
Ami nakakundama kwakwihi nanenu kulonda kusompesha,
Nakekala chinsahu chakuyinyakela akwakupanda,
Niayivumbi, niakwakusanyika chakutwamba,
Niakwakudiila aŋamba wulooku wawukombi,
Niamfwila, nianshona,
Nakanyakela niashinjekaŋa mwenyi kumbadi,
Abulaŋa kuntiya woma.
Kumwiya Nzambi
6Muloŋa ami Yehova #Kuch 23:19; Yak 1:17hinabalumukaŋaku,
Dichi chimunabulili kunoŋa,
Enu anyana kaYakoba.
7Yehova Wamazaza nindi,
Kufumisha kumafuku adiŋuwu ankakulula jenu,
Enu kwakwambuka munshimbi jami hohu,
Kujihembaŋa nehi.
Funtenu cheŋi kudami,
Ami nawa nifunti kudenu.
Enu nenu, Tukufunta ŋahi?
8Muntu amwiyi Nzambi?
Eŋa, mwaŋiyaŋa.
Enu nenu, Tunakwiyidi?
Munaŋiyi niyamwikumi, ninyilambu.
9Enu anayishiŋi ishiŋu;
Muloŋa mwaŋiyaŋa, munziwu wejima.
10Yehova Wamazaza nindi,
Letenu yamwikumi yejima mwitala dakuswekela yuma,
Kulonda mwitala dami mwikali yakudya,
#
Lev 26:3-5; Yish 3:9 Muŋeseki dinu nachu,
Mutali neyi nukubula kuyenzulwila njanina jamwiwulu,
Nakayihuŋunwina nkisu yayivulu yakukaŋanya nihakuyitambwila.
11Yehova Wamazaza nindi,
Ninami nakazuwila mukwakukisaŋana,
Kulonda akabuli kuyitamishila yuma yenu yamumaha;
Hela nyivinyu yenu yibuli kuwulumuka hiyichidi kanda yishiki hachilaaka chayu.
12Yehova Wamazaza nindi,
Antu akunyunza yejima akayitenenu nawu, Mwakooleka;
Muloŋa ituŋa denu dakekala dadiwahi nankashi.
13Yehova nindi, Mazu enu anekali akudikaŋa nanami;
Enu nenu, Tunakuhoshi chatama ŋahi?
14Munahoshi nenu,
Kumukalakela Nzambi hichuma chamukunkulwayi.
Nenu, Chitunahembi nshimbi jindi,
Chitunendi nakudishonashona kumesu aYehova Wamazaza,
Tunadiilumu chumanyi?
15Nenu, Katataka tudi nakutena adinka wanta netu diwu amonaŋa kuwaha,
Mwalala, ákoŋaŋa yakuluwa diwu atuŋaŋa nyikala;
Mwalala, ámwesekaŋa Nzambi apulukaŋa.
16Henohu amutiyili Yehova woma ahanjikili mpanji jawu wumu namukwawu;
Yehova watiyililuku, wachitiyili,
Asonekeli #Dan 12:1; Chim 21:27mukanda wakuvuŋa wakwanukaŋa nachu kumesu indi,
Wanawa amutiyilaŋa Yehova woma,
Atoŋojokelaŋa ijina dindi.
17Yehova Wamazaza nindi,
#
Kwi 19:5-6; Kuhit 7:6; 1 Pet 2:9 Akekala amami ifuku dinamba kaloŋeja yozelu yami yakudihetela;
Diwu nakatiyila wushona wudi neyi watiyilaŋa iyala mwanindi weyala wamukalakelaŋa.
18Henohu mwakafunta cheŋi,
Mwakashinshika nakwambula niwaloŋa niwatama,
Niwamukalakelaŋa Nzambi,
Niwabulaŋa kumukalakela.
Currently Selected:
Malaki 3: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
