Yowanu 7
7
Yesu hakuya kuchawija chayisolu
1Kulondela hayumiyi, Yesu hakwenda muŊaliliya; walekeli kwenda muYudeya muloŋa aYudeya akeŋeli #5:18; 8:37; 11:53kumujaha.
2Henohu #Lev 23:34chawija chawaYudeya chamuyisolu chashika dehi kwakwihi.
3Dichi #Mak 3:31anakwindi hiyakumwila nawu, Fumaku kunu, yaŋa kweyi muYudeya kulonda atumbanji tweyi niwena akamoni nyidimu yeyi yiwelaŋa.
4Muntu wakeŋa kutiyakana, helilaŋa yuma kumbaduku. Neyi eyi welaŋa yumiyi, kadimwekeshi eyi aweni kudi antu.
5Muloŋa hela anakwindi niwena hiyamukuhweleleluku.
6Dichi Yesu hakuyila nindi, #v30; 2:4Mpinji yami kanda yishiki; hakwila enu mpinji jejima jenu hohu.
7Antu ampata yamunu mwishina hiyanatweshi kuyihela enuku; hakwila ami anhelaŋa, muloŋa yami nayishimunaŋa nami nyidimu yawu yatama.
8Enu kwenu yenu kuchawija, ami kwami kukanduka kuchawijichi kanda, muloŋa mpinji yami kanda yishiki chikupu.
9Chanayilejiyi yumiyi hakushakama tuhu muŊaliliya.
10Chanakandukuwu anakwindi kuchawija, niyena nawa hakuya kwenoku; hayili hatookaku, ilaŋa chakumbadi hohu.
11Dichi aYudeya hiyakumukeŋakeŋa kuchawija, nawu, Wudi kudihi?
12Hamazaza awantu hadiŋi kumunyinyita nankashi; amu nawu, Himuntu muwahi; amakwawu nawu, Nehi, wudi nakuluwisha antu.
13Hela chochu, hikwadiŋi muntu wamuteneni hatookaku, #9:22; 12:42; 19:38nawoma wawaYudeya.
Yesu hakutaŋisha kuchawija
14Chihanashiki hakachi kachawija, Yesu hakukanduka ayi muTembeli nakutaŋisha.
15Dichi aYudeya hiyakuhayama nawu, Muntu iwu neluki ŋahi kutaŋa chakadi kudiza?
16Dichi Yesu hakuyakula nindi, Ntaŋishilu yami hiyamami awenuku, yambala yanona wantemesheli.
17Neyi kudi muntu nakeŋi kwila mwaya muchima windi, #Mas 25:14wakeluka ntaŋishilu iyi, neyi yinafumi kudi Nzambi, hela neyi nahoshi chakumuchima wamami aweni.
18Wáhoshaŋa chakumuchima windi yomweni, diyi walondaŋa kudilemesha yomwenindi; ilaŋa iwu wakeŋaŋa #8:50, 54kulemesha wámutemesheli, diyi walala, mudi yena himwekala kuheŋaku.
19 #
1:17
Mosi wayinkeli nshimbi, ilaŋa hikwekala mwinenu wahembaŋa nshimbuku. Mudi nakukeŋa kunjahiladi?
20Izaza hidikumwakula nawu, Eyi wudi #8:48; 10:20nandemoni. Anakeŋi kukujaha kudinyi?
21Yesu hakuyakula nindi, Nela mudimu wumu, himukuhayama wejima wenu.
22Dichi chayinkeliyi Mosi #Kutach 17:10kwalama; hichafumini kudi Mosuku, chafumini kudi ankakulula; mwalamishaŋa antu haSabata.
23Neyi muntu amwalamisha haSabata kulonda nshimbi yaMosi abuli kuyimotoka, indi enu muzuwaŋa nanami nanichi chinakoleshi muntu chikupu haSabata?
24Bayi musompeshaŋa chakumesuku, chiŋa musompeshaŋa #8:15; Lev 19:15. Isa 11:3,4; Zek 7:9kusompesha kwaloŋa.
Yesu hiKristu tahindi?
25Dichi antu akuYerusalema amakwawu hiyakwila nawu, Hidiyi adi nakukeŋa kujahawuku, tahindi?
26Iwu wukuhosha hatooka iwu; izu nidimu dakumwilawu kwosi. Anyuuli aneluki dehi chalala nawu diyi Kristu, tahindi?
27Hakwila etu tuneluki kwafumayi iwu iyala. Chamba #v41kenzayi Kristu hikwakekala muntu wakeluka kwakufumayuku.
28Dichi Yesu hakubidika muTembeli, iku wudi nakutaŋisha, nindi, Mwaŋiluka, mweluka nikunafumini. Ami hinadinjila ami awenuku, ilaŋa yena wantemesheli diyi walala, himwamwilukaku.
29Ami #8:55; 17:25; Mat 11:27namwiluka, muloŋa diku kunafumini, yena diyi wantemesheli.
30Dichi hiyakukeŋa #v44; Mak 12:12kumukwata, ilaŋa hikwadiŋi muntu wakumwolwela chikasaku, muloŋa henohu mpinji yindi kanda yishiki.
31Ilaŋa antu amavulu amwizaza #8:30; 10:42; 12:11, 42hiyakumukuhwelela, nawu, Chakenzayi Kristu, wakela yinjikijilu yakubadika yaneliyi iwu iyala, tahindi?
32AFwarisewu hiyakutiya mwadiŋi nakumunyinyita izaza. Akulumpi jawatupristu niaFwarisewu atemesha nianhembi amukwati.
33Dichi Yesu hakwila nindi, Nichidi nanenu mafuku antesha, #8:21; 13:33; 16:16-19hinakaya kudi yena wantemesheli.
34Mwakankeŋakeŋa, kunwana nehi; iku kunakekalami, himwakatwesha kushika kwoku.
35AYudeya hiyakuhosha mukachi kawu, nawu, Iyaliwu keŋa ayi kudihi kutukubula kumuwana? Wukuya kudi aYudeya amakwawu #Yak 1:1; 1 Pet 1:1apalaŋena dehi mukachi kawaGriki nakutaŋisha aGriki, tahindi?
36Idi izu danahoshiyi dakwila nindi, Mwakankeŋakeŋa, kunwana nehi; iku kunakekalami, himwakatwesha kushika kwoku; daya mudihi?
37Hefuku dakukuminina, dodifuku dalemena #Lev 23:36chawija, Yesu hakwimana nakubidika, nindi, Neyi kudi muntu natiyi mpwila, enzi kudami anwi.
38Muntu wukunkuhwelela, mumuchima windi mukufumaŋa tuloŋa #4:10, 14; Isa 44:3; 55:1twamenji akweti wumi, mwomunahoshi mukanda wajila.
39Chahosheliyi ochu wateneni #1:33; Yoweli 2:28; Yil 2:4, 33Spiritu, akukeŋa kutambulawu antu akumukuhwelela; henohu Spiritu wuchidi kanda enzi, muloŋa Yesu wuchidi kanda #13:31-32; 17:1amulemeshi.
40Amakwawu amwizaza chatiyiluwu mazu owu hiyakwila nawu, Chalala diyi owu kaprofwetu.
41Amakwawu nawu, Diyi Kristu. Ilaŋa amakwawu nawu, Aka! Kristu afumi muŊaliliya, tahindi?
42Mukanda wajila wunahoshi nawu, Kristu wukufuma kumutaŋa waDavidi, nikuBetelemi, kumukala kwadiŋiyi Davidi.
43Izaza dambuka nihansaŋu yindi.
44Amakwawu akeŋeli nawu amukwati; ilaŋa hikwadiŋi muntu wakumwolwela makasaku.
Ntadi yawanlomboli jawaIsarela
45Anhembi hiyakufunta kudi akulumpi jawatupristu nawaFwarisewu; wena hiyakuyihula nawu, Munabulilidi kumuleta?
46Anhembi hiyakwakula nawu, Hikudi muntu wahoshahu dehi neyi iwuku.
47Kuchinka aFwarisewu nawu, Ninenu nawa anayidimbi dehi, tahindi?
48Kunamwekani nyuuli wumu hela kaFwarisewu namukuhweleli, tahindi?
49Ilaŋa antu awa amavulu anabuli kwiluka nshimbi ashiŋewa.
50 #
3:1
Nikodemu, owu wenjili dehi kudi Yesu, wadiŋi mwinawu niyena,
51hakuyila nindi, Nshimbi yetu #Kuhit 17:6; 19:15yasompeshaŋa muntu chakadi kusambila kutiya mwakuhoshayi yomweni, hela kwiluka mwakwilayi, tahindi?
52Wena hiyakumwakula nawu, Komana nineyi nawa wumuntu wakuŊaliliya, tahindi? Talatalaku munyikanda yajila, wiluki kuŊaliliya hikwafumaŋa kaprofwetuku.
53[Ayili wejima wawu, iwu kwitala dindi, iwu kwitala dindi.
Currently Selected:
Yowanu 7: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
