Yowanu 8
8
1Ilaŋa Yesu wayili kumpidi yaOliveta.
2Hakwiŋila cheŋi muTembeli budidi yayeni; antu ejima hiyakwinza kudi yena, yena hakushakama nakuyitaŋisha.
3Ansoneki nawaFwarisewu hiyakumuletela mumbanda akwatawu dehi nakwila wuvumbi.
4Chanamushuwu mukachi hiyakumwila nawu, Eyi Ntaŋishi, mumbandiwu anamukwati nakwila wuvumbi, anamushintakeshi wakushintakesha.
5Kunshimbi yaMosi atuleja nawu muntu wudi ichi chiŋa #Lev 20:10; Kuhit 22:22kumwasa malola; indi eyi neyi tumwili ŋahi?
6Chahosheluwu chenochu alondeli #Mat 16:1; 19:3; Mak 10:2kumweseka, kulonda amoni hakumwinkela muloŋa. Ilaŋa Yesu hakubandama, hakusoneka namunu windi hamaseki.
7Chanamwihuluwu ihule-e, hakubanduka, hakuyila nindi, Muntu #Mat 7:1; Rom 2:1nabuli nshidi hakachi kenu asambili kunona ilola amwasi.
8Hakubandama cheŋi nakusoneka namunu windi hamaseki.
9Wena chanachitiyuwu, hiyakwidikamu, wumu, wumu, kutachikila kudi mukulumpi, ndo-o nikudi kansi. Yesu yoshala nikankawindi, namumbanda saŋa adiyi mukachi.
10Yesu hakubanduka, hakumwihula nindi, Eyi mumbanda, antu anakwinki muloŋa adi kudihi? Kwosi muntu nakuhishuku?
11Mumbanda nindi, Kwosi Mwanta. Yesu nindi, Hela ami hinakuhishuku; yaŋa kweyi, ilaŋa kufumisha kulelu bayi wufunta cheŋi #Yow 5:14munshiduku.]
Wunsahu waYesu walala
12Dichi Yesu hakuhosha cheŋi nawena, nindi, Ami yami #1:4chejeji champata yamunu mwishina, muntu wukunlondelami hakendela mumwidimaku, ilaŋa wakekala nachejeji chawumi.
13Dichi aFwarisewu hiyakumwila nawu, Wadishimunaŋa eyi aweni; wunsahu weyi hiwalalaku.
14Yesu hakuyakula nindi, Hela neyi nadishimunaŋa ami aweni, #Chim 1:5; 3:14wunsahu wami walala; muloŋa neluki #13:3; 16:28kunafumini nikunukuya, ilaŋa enu himweluka kunafumini hela kunukuyaku.
15Enu mwasompeshaŋa mwasompeshaŋawu antu. Ami hinasompeshaŋa muntuku.
16Chalala, hela neyi nasompeshaŋa, kusompesha kwami kwalala; muloŋa hinekala kankawamuku, nidi naTata wantemesheli.
17Chalala, hela munshimbi yenu anasoneki nawu,
#
Kuhit 17:6; 19:15-16; Mat 18:16 Wunsahu wawantu ayedi walala.
18Ami nadishimunaŋa ami aweni, niTata wantemesheli hakunshimuna wunsahu.
19Dichi hiyakumwihula nawu, Tata yeyi wekala kudihi? Yesu hakwakula nindi, Hela ami, hela Tata yami himwatwilukaku; neyi #14:7mwaŋilukami mwadi kwiluka niTata yami.
20Mazu awa wayihosheleli mwitala dakuswekela mali, chadiŋi nakutaŋishayi muTembeli. Hikwadiŋi muntu wamukwatiluku, muloŋa henohu mpinji yindi kanda yishiki.
21Dichi hakuyila cheŋi nindi, Ami hinukufumahu, enu mwakankeŋakeŋa, mwakafwa munshidi jenu. Kunukuyami himukutwesha kushika kwoku.
22AYudeya hiyakwila nawu, Chaneliyi nindi, Kunukuyami himukutwesha kushika kwoku, keŋa adijahi, tahindi?
23Yena hakuyila nindi, Enu mudi antu ampata yamunu mwishina, ami nidi wamwiwulu; enu mudi ampata yinu, ami hinidi wampata yinuku.
24Dichi chinayili nami, Mwakafwa munshidi jenu. Muloŋa neyi mukubula kunkuhwelela nenu, #v28; 4:26; 13:19Ami Yami, mwakafwa munshidi jenu.
25Dichi hiyakumwihula nawu, Ochu yeyinyi? Yesu hakuyila nindi, Nayileja dehi kufumisha kutachi.
26Nidi nayuma yayivulu yakuhosha yakuyisompeshenu; hakwila yena wantemesheli walala, ami nahoshaŋa nawantu ampata yamunu mwishina mazu inatiyili kudi yena.
27Wena hiyelukili nawu nateni Tata yinduku.
28Dichi Yesu hakuyila nindi, Chimwamba kanyamuna Mwana kaMuntu kwiwulu, henohu dihu mwamba kelukila nenu #v24Ami Yami; nenu hinelaŋa chuma chakankawamuku, ilaŋa nahoshaŋa mazu awa mwomwanlejeluwu kudi Tata.
29Yena wantemesheli nekala hamu nindi, hananshiyi kankawamuku; muloŋa nelaŋa yuma yamutiyishaŋa kuwaha mafuku ejima.
30Chadiŋi nakuhoshayi ochu antu amavulu #7:31amukuhwelela nikumukuhwelela.
Anyana kaAbarahama
31Yesu hakuhosha nawaYudeya anamukuhweleli nindi, Neyi mukushakama mwizu dami, mukwikala #15:8atumbanji twami chalala;
32mukwiluka walala, niwalala #v36; Rom 8:2; 2 Kor 3:17; Ŋal 5:1; 1 Pet 2:16wukuyikasununa.
33Wena hiyakumwakula nawu, Etu anyana kaAbarahama, kanda tushakamaŋahu dehi muwuduŋuku, indi eyi wunahoshi ŋahi neyi, Akuyikasununa?
34Yesu hakuyakula nindi, Chalala chalala, nukuyileja nami, antu ejima aputolaŋa, diwu anduŋu #Rom 6:16; 2 Pet 2:19janshidi.
35Nduŋu hashakamaŋa mwitala hayanyakaku; #Kutach 21:10; Ŋal 4:30mwana washakamaŋa hayanyaka.
36Dichi dinu, neyi Mwana wukuyikasununa, mukukasunuka chikupu.
37Neluki nami enu mudi anyana kaAbarahama; hela chochu, enu mwafwilaŋa kunjaha, muloŋa izu dami hidikweti hawushakaminu mudenuku.
38Ami nahoshaŋa yinamweni kudi Tata yami, enu mwelaŋa yuma yimwatiyili kudi tata yenu.
39Wena hiyakumwakula nawu, Tata yetu Abarahama. Yesu hakuyila nindi, Neyi mwadiŋi #Rom 9:7; Ŋal 3:7anyana kaAbarahama, mutenowu mwadi kwila nyidimu yaAbarahama.
40Ilaŋa dinu enu mwafwilaŋa kunjaha, ami muntu nayileja dehi mwalala múnatiyili kudi Nzambi; hidichi chelili Abarahamaku.
41Enu mwelaŋa nyidimu yatata yenu. Hiyakumwila nawu, Hitudi anyana amuchiputaku, tukweti #Isa 63:16; 64:8tata yetu wumu, yowu Nzambi.
Anyana kadiyabolu
42Yesu hakuyila nindi, Neyi Nzambi hitata yenu mwadi #1 Yow 5:1kunkeŋami, muloŋa ami nafumini kudi Nzambi, diku nenjili; ami hinadinjila ami awenuku, yena diyi #3:17; 17:8wantemesheli.
43Munakaŋenyidi kwiluka munahoshaŋa? Chinafumi hakubula kutiya izu dami.
44Enu tata yenu diyabolu; mwakeŋaŋa kwila mwafwilaŋayi tata yenu. Yena wadiŋi #1 Yow 3:8, 15mbanji kufumisha kutachi; yena hemanaŋa muwalalaku, muloŋa mudi yena himwekala #1 Yow 2:4walalaku. Chahoshaŋayi yakutwamba wahoshaŋa yindi yomweni, yena hintwambi, hitata yachu.
45Enu mwabulaŋa kunkuhwelela muloŋa nahoshaŋa walala.
46Mwinenwinyi wukunkonkolola nindi ami neli nshidi? Neyi nahoshaŋa walala mwalekelaŋadi kunkuhwelela?
47 #
1 Yow 4:6
Muntu waNzambi watiyaŋa mazu aNzambi. Chimunabuli kwikala antu aNzambi, dihu hanafumi kubula kutiya mazu indi.
Yesu chanaditeniyi
48AYudeya hiyakwakula nawu, Chitwakutenaŋa netu eyi wukaSamariya wudi #7:20nandemoni, hitwakutenaŋa mwalalaku?
49Kuchinka Yesu nindi, Hinikweti ndemonuku; ami nalemeshaŋa Tata yami, enu mwansawulaŋa.
50Ilaŋa hinakeŋi kudilemesha ami awenuku; wákeŋaŋa kunlemesha yowu mukwakusompesha.
51Chalala chalala, nukuyileja nami, muntu wahembaŋa izu dami hamba kamona kufwaku.
52AYudeya hiyakumwila nawu, Ichi dinu tuneluki netu wudi nandemoni. Abarahama wafwa dehi, niatuprofwetu nawa, hakwila eyi hiwukwila neyi, Muntu wahembaŋa izu dami hamba katompa kufwaku.
53Eyi wunabadiki tata yetu Abarahama niatuprofwetu afwili, tahindi? Wudi nakuditena neyi yeyinyi?
54Yesu hakwakula nindi, Neyi nukudilemesha ami aweni, kulema kwami kwamukunkulwayi. Tata yami diyi wanlemeshaŋa, iwu mwatenaŋa nenu Nzambi yenu.
55Enu himunamwilukuku, ilaŋa ami namwiluka. Neyi nukwila nami hinamwilukaku, nukwikala ntwambi neyi enu. Ilaŋa namwiluka, nahembaŋa izu dindi.
56Tata yenu Abarahama waluŋili #Heb 11:13chamweniyi ifuku dami; chadimweniyi hakuzaŋalala.
57Dichi aYudeya hiyakumwila nawu, Kanda wushiki munyaka makumi atanu (50), wunamoni dehi niAbarahama?
58Yesu hakuyila nindi, Chalala chalala, nukuyileja nami, hadiŋi Abarahama kanda avwaliki, #v24, 28; Kwi 3:14Ami Yami.
59Dichi hiyakunona #10:31malola nawu amwasi; ilaŋa Yesu hakubatama, edika nimuTembeli.
Currently Selected:
Yowanu 8: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
