Yowanu 18
18
Kumukwata Yesu
(Mat 26:30, 36-56; Mak 14:26, 32-50; Luk 22:39-53)
1Chanahoshiyi mazu awa, Yesu hakwidika nawatumbanji twindi, hakuya kwishinadi dakaloŋa #2 Sam 15:23Kidironi kwádiŋi itempa, hakwiŋilamu yomweni nawatumbanji twindi.
2Ilaŋa iwu Yudasi wámufukejeli, welukili kwenoku, muloŋa Yesu #Luk 21:37wayilaŋaku kakavulu nawatumbanji twindi.
3Yudasi chanatambuliyi chendu chamashidika nianhembi kudi akulumpi jawatupristu nikudi aFwarisewu, hakuya kwenoku namanoŋu niyimunyi niyitwa.
4Dichi Yesu weluka dehi yuma yejima yikukeŋa kumushikena, hakuyikinkilila. Hakuyihula nindi, Mukukeŋanyi?
5Hiyakumwakula nawu, Yesu wakuNazareta. Yesu hakuyila nindi, Ami Yami. NiYudasi wámufukejeli, nemani chimu nawu.
6Ochu chayililiyi nindi, Ami Yami; hiyakufunta mankinkanyima, adimbuka niheseki.
7Hakuyihula cheŋi nindi, Mukukeŋanyi? Nawu, Yesu wakuNazareta.
8Yesu hakuyakula nindi, Nayileji dehi nami, Ami Yami; dichi neyi yami mudi nakukeŋa, yilekenu awa adiyili kwawu;
9kulonda izu dahoshayi dehi dilumbuluki, deliliyi nindi, Awa #17:12wanyinkeli hinajimbeshuhu hela wumuku.
10Dichi Shimona Petulu wadiŋi nampoku yakabali, hakuyihola hakutapa nduŋu yakapristu muneni, kutapa kwakumuketula itu dindi dachidiilu. Ijina danowu nduŋu Malikusa.
11Dichi Yesu hakumwila Petulu nindi, Somekaku mpoku yeyi muchindalu chayu; lupasa lwananyinkiyi Tata nibuli kulwinwa?
Yesu hiyakumutwala kudi Anasi
(Mat 26:69-70; Mak 14:66-68; Luk 22:55-57)
12Ochu chendu, nimukulumpi wawanhembi, nianhembi awaYudeya, hiyakumukwata Yesu, hiyakumukasa.
13Asambilili kumutwala kudi #Luk 3:2Anasi, muloŋa diyi mukuwaKayafwasi wadiŋi kapristu muneni hamwakowu.
14Yena #11:49-51Kayafwasi diyi walejeli aYudeya maana akwila nindi, Chinawahi muntu wumu afwili awa antu.
Kudikala kwaPetulu kwatachi
(Mat 26:58, 69-70; Mak 14:54, 66-68; Luk 22:54-57)
15Shimona Petulu hakumulondela Yesu, nikambanji mukwawu nawa. Owu kambanji mukwawu amwiluka dehi kudi kapristu muneni, hakwiŋila naYesu muchipaŋu chakapristu muneni.
16Ilaŋa Petulu hakwimana hanzi kuchisu. Owu kambanji mukwawu elukawu kudi kapristu muneni, hakwidika, hakuhosha namumbanda wahembelaŋa kuchisu, hakumwiŋija Petulu.
17Dichi chaŋadima chamumbanda wahembelaŋa kuchisu, hakumwihula Petulu nindi, Nineyi nawa wukambanji kaniwu muntu, tahindi? Yena hakwila nindi, Nehi, hiyamuku.
18Henohu anduŋu nawanhembi adiŋi nakwimana kwenoku, abutula dehi kesi kamakala. Adiŋi nakwota kesi namashika adiŋuku, niPetulu nawa hakwimana nawu nakwota kesi.
Kapristu muneni hakumwihujola Yesu
(Mat 26:59-68; Mak 14:55-65; Luk 22:63-71)
19Dichi kapristu muneni hakumwihujola Yesu nsaŋu yawatumbanji twindi, nintaŋishilu yindi.
20Yesu hakumwakula nindi, Ami nahosheli hatooka kumesu awantu ejima. Nataŋishilaŋa mafuku ejima mumashikola nimuTembeli mwapompelaŋa aYudeya ejima. Hinahoshuhu dehi chuma hambaduku.
21Wukuŋihujoleladi? Yihuli antu adiŋi nakuntiya chinahoshelaŋa. Wena eluka chinahosheli.
22Chanahoshiyi mwenimu, nhembi wemenuku #19:3; Yil 23:2-5hakumweta Yesu mbaŋala, nindi, Kapristu muneni wumwakuli chenochu?
23Yesu hakumwakula nindi, Neyi nahoshi chatama, shimunaku chinatamishi, ilaŋa neyi chachiwahi wunaŋetelidi?
24Anasi hakumutemesha kudi kapristu muneni Kayafwasi chochamukasawu.
Kudikala kwaPetulu kwamuchiyedi nikwamuchisatu
(Mat 26:71-75; Mak 14:69-72; Luk 22:57-62)
25Henohu Shimona Petulu saŋa emenayi nakwota kesi. Dichi hiyakumwihula nawu, Nineyi nawa wukambanji kindi? Yena hakudikala nindi, Nehi, hiyamuku.
26Kuchinka kambanji wumu wakapristu muneni, ntaŋa yanowu muntu aketulawu itu kudi Petulu, nindi, Ami hinakumona chimu nindi mwitempaku?
27Dichi Petulu hakudikala cheŋi; ikombu etiyila nihohenohu.
Yesu kumesu aPilatu
(Mat 27:1-14; Mak 15:1-5; Luk 23:1-3)
28Dichi hiyakumufumisha Yesu kudi Kayafwasi kwadiŋiyi, hiyakumwiŋija mwitala dakusompela. Henohu kunachi dehi. Ilaŋa awenawu kwiŋila mwitala dakusompela nehi, akenda #11:55kadijilola, kulonda atweshi kudya Chipandakenu.
29Dichi Pilatu hakwidika hanzi hadi wena nindi, Iwu muntu munamuholokeli namuloŋanyi?
30Hiyakumwakula nawu, Neyi yeniwu muntu hadiŋi mukwakutamishaku, twadi kumuleta kudeyi?
31Pilatu hakuyila nindi, Mutambulenu mumusompeshi enu aweni mwaya nshimbi yenu. AYudeya hiyakumwila nawu, Etu kujaha muntu chinjila;
32kulonda mazu ahosheliyi Yesu, ashimwiniyi #3:14; 8:28; 12:32mwakafwilayi alumbuluki.
33Dichi Pilatu hakufunta cheŋi mwitala dakusompela, hakumutambika Yesu, hakumwila nindi, Eyi komana wuMwanta wawaYudeya?
34Yesu hakwakula nindi, Wunahoshi mwenimu eyi aweni, tahindi anakulejumu kudi antu acheŋi?
35Pilatu hakwakula nindi, Ami nikaYudeya, tahindi? Munza weyeyi aweni niakulumpi jawatupristu, diwu anakuleti kudami. Wunelidi?
36Yesu hakwakula nindi, #6:15; Mat 26:53Wanta wami hiwampata yamunu mwishinaku; neyi wanta wami wadiŋi wampata yamunu mwishina, ambuŋami adi kulwa, kulonda abuli kunlubula kudi aYudeya; wanta wami hiwamunuku.
37Dichi Pilatu hakumwila nindi, Eyi komana wumwanta? Yesu hakumwakula nindi, Wunahoshi eyi aweni neyi nimwanta; dichi chinavwalikilili, dichi chinenjilili mumpata yamunu mwishina, kulonda nakeli chinsahu chawalala. Akwawalala ejima atiyaŋa izu dami.
38Pilatu hakumwihula nindi, Walala hichumanyi? Chanahoshiyi mwenimu hakwidika cheŋi hadi aYudeya, hakuyila nindi, Ami kwami hinamumoni nachitelaku.
39Ilaŋa mukweti chaaku chakwila chiŋa #Mat 27:15-18; Mak 15:6-15; Luk 23:18-25niyumbiluku muntu wumu haChipandakenu. Dichi munakeŋi niyumbiluku Mwanta wawaYudeya, tahindi?
40Dichi hiyakuvwakuka nakubidika cheŋi naŋovu nawu, Bayi yeniwuku, chiŋa Baraba. Yena Baraba wadiŋi kapondu.
Currently Selected:
Yowanu 18: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.