Yowanu 17
17
Kulombela kwaYesu
1Yesu chanahoshiyi mwenimu, hakufumbula mesu kwiwulu, hakwila nindi, Tata, mpinji yinashiki dehi. Lemeshaku Mwaneyi, kulonda Mwana #13:31-32akulemesheyi.
2Chiwunamwinki wanta hadi antu ejima, kulonda ana ejima wunamwinki ayinki wumi wahayanyaka.
3 #
1 Kor 8:6; 1 Yow 5:20 Wumi wahayanyaka woweniwu, wakukwiluka eyi Nzambi walala wumu hohu, niYesu Kristu wátemesheli.
4Ami nakulemeshi hamaseki, namanishi dehi mudimu wanyinkeli kwila.
5Ichi dinu, eyi Tata, anlemesheli kumu naneyi aweni #Fwi 2:6nalubanji lwakulema lunadiŋi nalu hadiŋi mpata yamunu mwishina yichidi kanda.
6Namwekeshi ijina deyi kudi antu wanyinkeli mukachi kawakwampata yamunu mwishina; adiŋi eyeyi, yeyi wanyinkeluwu, niwena anahembi izu deyi.
7Ichi dinu aneluki dehi nawu yuma yejima yiwunanyinki yinafumi kudeyi;
8muloŋa mazu wanyinkeli ami nayinki wena; niwena anayitambuli; aneluki chalala nawu ami nafumini kudeyi, anakuhweleli nawu yeyi wantemesheli.
9Ami #Luk 22:32; Rom 8:34; Heb 7:25nukuyilombelela wena; hinukulombelela akwampata yamunu mwishinaku, chiŋa wowu antu wunanyinki, muloŋa wena hiyantu eyi.
10Yuma yamami yejima yeyeyi, niyeyi diyi yamami; ninami hinukulemena mudi wena.
11Hinukwikala nawa cheŋi mumpata yamunu mwishinaku, ilaŋa awa adi mumpata yamunu mwishina; ami hinukwinza kudeyi. Eyi Tata Wajila, #Fwi 4:7yihembi mwijina deyi awa wunanyinki, kulonda ekali #v21; Ŋal 3:28wumu neyi chitwekaletu.
12Chinadiŋi nawu, nayihembeli awa wunanyinki mwijina deyi. Nayihembi; kwosi niwumu #18:9nakisikuku, chiŋa yowu #6:70; Mas 41:9mukwakunoŋa, kulonda mukanda wajila wulumbuluki.
13Ichi dinu hinukwinza kudeyi. Hinukuhosha mwenimu hinichidi mumpata yamunu mwishina, kulonda #15:11muzaŋalu wami wuwanini mudi wena.
14Ami nayinki izu deyi; akwampata yamunu mwishina anayiheli nanichi chanabuluwu kwikala ampata yamunu mwishina, neyi chineli ami nawa hinidi wampata yamunu mwishinaku.
15Hinalombi nami wuyifumishi mumpata yamunu mwishinaku, ilaŋa nami wuyihembi kudi #Mat 6:13wátama.
16Wena hiyadi nawa ampata yamunu mwishinaku, neyi chineli ninami hinidi wampata yamunu mwishinaku.
17Yijiliki nawalala. Izu deyi diwu walala.
18Chiwantemeshelami mumpata yamunu mwishina, dichi #20:21chinayitemeshi niwena mumpata yamunu mwishina.
19Ami hinukudijilikila wena, kulonda awenawu akekali ajila nawalala.
20Hinukukumina dakuyilombelela wena hohuku; ilaŋa nukulombelela niwena akunkuhwelela namazu awu;
21kulonda wejima wawu akekali #v11wumu, neyi chiwekala eyi Tata mudami ninami mudeyi; kulonda niwena akekali mudetu, kulonda akwampata yamunu mwishina akakuhweleli nawu yeyi wantemesheli.
22 #
1:14; 2 Kor 3:18 Nilubanji lwakulema luwunanyinki nayinki wena, kulonda akekali wumu neyi chitwekaletu wumu.
23Ami mudi wena nineyi mudami, kulonda chakwikalawu wumu hohu eli alala chikupu, kulonda akwampata yamunu mwishina akeluki nawu yeyi wantemesheli, akeluki nawu wayikeŋeli neyi chiwankeŋelami.
24Tata, nakeŋi nami antu wunanyinki #Fwi 1:23; 1 Tes 4:17akekali chimu nanami kunakekalami, kulonda akabanjilaŋa lubanji lwakulema kwami luwunanyinki, nanochu chiwankeŋeli helili chikuku champata yamunu mwishina chichidi kanda.
25Eyi Tata waloŋa, antu ampata yamunu mwishina hiyakwilukiluku, ilaŋa ami nakwilukili; ninawa aneluki nawu yeyi wantemesheli.
26Nayilumbulwili ijina deyi kulonda adiluki, nakayilumbulwilaŋadu nawa kulonda akadiluki; kulonda kukeŋa kuwankeŋeli nachu kwakekali mudi wena ninami nakekali mudi wena.
Currently Selected:
Yowanu 17: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.