Mk 8

Yésus a ve toyini bôt bidi

(Mt 14:32-39; 15:32-39; Mk 15:30-44; Lk 9:10-17; Yo. 6:1-15)

1E nde ñhe, e mimôs mite, mbôl bôt be mbe abui, teke be bili jôme ya di, ane a nga loone beyé'é bé a jô be na: 2Ma wô'ô bôte bana éngôngo, amu bia be be bi ntoo den tañe melu mela, ve be nji bi jôme ya di. 3Nge ma suu be na be bulane menda map, zaé e mebum, ba ye ke ba ku som e zene *zen. Amu bevo'o ya été ba so ôyap. 4Ane beyé'é bé be nga yalane nye na: E môt a ne ve abim abui bôte dina bidi, e fé été va, bi mane yiane be, a ye so vé' 5Ane a nga sili be na: Mi bili belet tañ aya? be na: Zamgbwa. 6E nde a nga jô bôte na be tabee si. A nyoñe ñhe belete zamgbwale nyuna, a mane ve akéva, ane a nga be'e je a ve beyé'é bé na be ke ba kabe bôt; ane be nga kabe je bôt. 7Be nga bili fe ayôme kos. E nde fe a nga mane botane je a jô na be ke fe ba kabe je. 8Ane bôte be nga di a jaé. Be nga kee fe bifus bi nga buk, tañe minkoé zamgbwa. 9Bôte be mbe bebé toyini ényin. Ane a nga suu be na be ke. 10E nde fe a nga dañ éfunga été été baa beyé'é bé, a ke éfas ya Dalmanutha.

Ndem fé Befarizieñ ba beta sili

(Mt 12:38-39; Mt 16:1-4; Lk 11:16-29; Lk 11:54-56; 12:54-56)

11Ane Befarizieñ be nga zu, baa be nye be nga sañetane nkobô, be sili'i nye ndem éziñ ya yôp, *zen ya bôbôlô nye. 12Asuu a nga suu abuk, e nde a zu jô na: Ndeme fé nje fo'o miaé bôt wu wo sili? Ma jô fo'o mia bebela na, teke ndem éziñ ja ye veban e be miaé bôte wu. 13Ane a nga li'i be a beta dañ éfunga été a ke kindi'i yat.

Ye fek é ne fo'o beyé'é mebum

(Mt 16:5-12; Lk 12:1)

14E nde beyé'é be nga vuane nyoñe belet, be li'iya be bili éfunga été va, fo'o ve belete jijia. 15Ane a nga bendé be na: Mi kale'e, tuka'a tabane ntye a mvusu Befarizieñ a nyô Hérôde. 16E nde be nga ke ba fas e zañe jab bebien, môt ase a jô'ô nyô mbo'o na: Bi nji bi belet. 17Eyoñ Yésus a yemeya nalé, e nde a jô be na: Amu jé mia ke mia fas a kobô na mi nji bi belet? E nde mi ngenane fo'o teke yem a teke wôk? Ye minlem mienan mi ngenan ayet'

18nde mi be'e mis

ve teke yen,

nde mi be'e melo

ve teke wôk'

ye mi ne *te fek'

19Eyoñe me nga be'e belet étan asu bôt toyini étan, minkoé mi afufus tañ aya mi nga kee mie njalan? Ane be nga jô na: Awôm a mibaé. 20Eyoñe ke me nga be'e belet zamgbwa asu bôt toyini ényin, mi nga kee minkoé bitune *mebuka'a, tañ aya? Ane be nga jô na: Zamgbwa. 21E nde a nga jô be na: Ye mi ngenan teke tu'a wôk'

Yésus a bo ndindim mvo'é

22Ane be nga ke kui e Bétsayida. E nde bôt be nga zuu ndindim e be nye, a ye'elane nye na a nambe nye. 23Ane a nga bi ndidime wo a kee wô atan, éyoñ a tuiiya wô mendene mis a beté fe wô mo, e nde a sili nye na: Ye wo yene jôm éziñ' 24Akui a nga kui mis, e nde a nga jô na: Me lôô bôt, ma yene be be funa'ane bilé, ba ke ba wulu. 25E mvuse valé, e nde a nga beta beté nye mo e mis, môt a nga fombô ne fonaaa, ane a nga bulane bo *mvo'é, a nga yene fe biôme bisese'e ne sañe sañ. 26Ane Yésus a nga bulane lôme nye e *nda jé a jô na: Te ñhe wo ve'ele ke nyiine nlam.

Pierre *a mem na Yésus nye a ne Krist

(Mt 16:13-20; Lk 9:18-21)

27E nde Yésus a nga téé baa beyé'é bé, be nga ke mfa'a minlame ya Sézaré Filip. E zene zañe wé ane a nga sili beyé'é bé na: Bôte ba jô na me ne za' 28Ane be nga yalane nye a jô na: Bana na Yôanes Babtist, bevo'o na Elie, e ba bevo'o ke na, wua éziñ ya bekulu mejô. 29E nde ñhe a zu sili be na: Mfa'a wônan, mi mia jô na me ne za? Ane Pierre a nga yalane nye a jô na: Ô ne *krist. 30Ane a nga tu'a bendé be na, be bo teke kate to'o môt éziñ jam éziñ e tina'ane nye.

Yésus a kulu mejô ya awu dé a ñwômane wé

(Mt. 16:21-23; Lk. 9:22)

31E nde a nga taté ye'ele be na, Mone Môt a yiane tôbane mintaé abui. Bemvendé, a Betuni Benen a Beyeme Bekalate ba ye bene nye, ba ye fe wôé nye, ve mvuse *môs milal, a ye wômô. 32A nga kobô ajô di ne sañe sañ bôte bese be wô'ôk. Ane Pierre a nga nyoñe nye a kee nye émo'o, a tebe ñhe na a komekane nye. 33Ve Yésus a nga veñesan a fombô beyé'é bé, a nga bame Pierre a jô na: Kele m'ôyab mfa'a ya mvus, a Satan, amu ô nji bi asimesane Zambe, ve di bôt.

Fulu ntôñe Krist

(Mt 16:24-28; Lk 9:23-27)

34E nde a nga loone jama bôt a beyé'é bé na be zu, a jô be na: Nge môt éziñ a kômbô tôñe ma, a taté'é nyum émiene mam, a beke'e *krôa jé a tôñe ma. 35E môt ase a kômbô nyii ényiñe jé, a ye jañele je; ve nyô ase ki a ye jañele ényiñe jé amu ajô dam a ajô Mbamba Foé, e nye a ye nyii je. 36Da ye volô môte jé na a bi ngume si ôse, nge a viane jañele ényiñe jé' 37A za jômô môt a ye ve, e tañ ényiñe jé' 38Amu na, nge môt éziñ a ye wô'ô m? ôson, nge ke mejô mam, e be miaé bôt bijabô wu a bebo *abé, Mone Môt fe a ye wô'ô nye ôson, éyoñ a ye zu étôto'o Esaa wé été, baa be mimfufub b'éngele.

Currently Selected:

Mk 8: BDCB

Highlight

Copy