Met 33

Yakob ba Esô ba beta late ngbwa

(Met 32)

1Yakob a nga bete mis a yen ane Esô a zu baa be bôt ntet be too nsamba. Ane a nga kabe *bon e zañe Léa, Rachél a bebo bisaé be binga bebaé. 2A nga telé bebo bisaé be binga ôsu a bone bap, Léa a bone bé be nga tôñe valé, Rachél a Yôsep be nga tele mvus. 3Yakob émien a nga lôte be ôsu, ve kute meboñe si biyoñe zamgbwa akekui a nga kui monyañe bebé. 4Esô a nga mate mbile ya ke tôbane nye; a nga wubane nye, a bi nye *tyiñ a latane nye anyu; a be nga yôn. 5Eyoñ Esô a bete mis, a nga yene binga a *bon, nye na: Beza be ne e ba ô bili ba? Yakob a nga yalane na: Be ne bone Zambe a veya mbo ésaé wôé e mvame jé été. 6Bebo bisaé be binga be nga zu bebien a bone bap a kute meboñe si. 7Léa a bone bé be nga zu fe bebé a kute meboñe si; wôna Yôsep a Rachél be nga zu bebé a kute meboñe si.

8Esô a nga jô na: Za wo lôme nsamba ôse ma te tôbane wô? Yakob a nga yalane na: Asu ya nyoñe *mvam e be masa wom. 9Esô nye na: A mojañ, me ngunu abui akum été, ba'ale'e biôme bi ne émbiôé. 10Ane Yakob a nga yalane na: Momo, ma ye'elane wo, nge me yeneya mvame be wo, kañese'e nyoñe mvaka jam e mo mam été, amu ajô te e nde ma te fombô asu dôé ane ba fombô asu Zambe a wo te nyoñe ma abeñ. 11Nyoñe ñhe mvaka jam é ne wo mveban, amu Zambe a jaléya ma a mame ya mvame jé, a na me mbili jôm ése ja yiane ma. Mbôlô a nga dañe yemete nye, ane Esô a nga kañese.

12Esô nye na: E nkean, e nté'ane dulu; ma ye ke wo ôsu. 13Yakob a nga yalane nye na: Masa wom a yeme na *bon be ne biye'e, a na me bili beyale mintômba a beyale benyak ba nyaa bon; nge ba yemete be dulu môse wua, mbame bone biyem wo ye mane wu. 14Masa wom a kele mbo ésaé wé ôsu; a ma ye tôñ ôte'etek mvus avale mbame biyem wo wulu ma ôsu avale fe bone ba wulu, akekui ma ye kui e be masa wome Séyir. 15Esô nye na: Ma kômbô li'i wo to'o ve ngab éziñe ya bôte bam. Yakob a nga yalane na: Amu jé nalé? Me tame fo'o yene ve *mvam e be Masa wom! 16Môse te ôbien, Esô a nga bulan e zene ya Séyir.

Yakob a kui Kanaan

(Yas 24:32; Yo 4:5,12)

17Yakob a nga kôlô a ke Sukôt. A nga lôñ émiene *nda a lôñe bibem asu mbame biyeme wé. Ajô te be nga yôlé vôm ate na Sukôt. 18Yakob a nga kui *mvo'é e tisone Sikem e nje é ne Kanaan. A nga vule minkan ôsu ya tison éyoñ a nga kui Padañ-Aram. 19A nga kus e be bone be Hamor, ésaa Sikem, éfuse si e vôm a nga lame *nda éndelé jé, tañe bekésita ntet. #33:19 Késita: bi nji yem tañ adite ya késita é mbe. 20A nga telé ata'a metuna'a valé e nde a nga yôlé na: Zambe a ne Zambe ya Israél. #33:20 Zambe a ne Zambe ya Israél, nge na El-Elohé-Israél.

Currently Selected:

Met 33: BDCB

Highlight

Copy