YouVersion Logo
Search Icon

সখরিয় 13

13
1-2মুই বেগত্তুন্ খেমতাবলা লগেপ্রভু কঙর্, সেদিন্যে দায়ূদো বংশর আর যিরূশালেম আদাম্মেগুনোর পাপ আর অসিজিগান ধোই ফেলেবাত্তে এক্কো পয়নালা খুলো অবঅ। সেদিন্যে দেজত্তুন্ মূত্তিগুন দূর গুরি দিয়্যে অবঅ আর তারার্ নাঙানিয়ো আর কারঅ মনত্ ন-থেবঅ। মুই দেজত্তুন্ তারার্ ভাববাদীগুনোরে দূর্ গুরি দিম আর ভান্ন্যেই আত্মাগুনোরেয়ো দূর্ গুরি দিম। 3তো যুনি কনজনে ভাববাদী ইজেবে কধা কন্ সালে তা নিজোর্ মা-বাবে তারে কবাক্, তত্তুন্ মরা পুরিবো, কিত্যে তুই লগেপ্রভুর নাঙে মিজে কধা কোইয়োচ্। তে ভাববাদী ইজেবে কধা কলে পরেদি তা নিজো মা-বাবে তারে আত্যের্‌লোই মারে ফেলেবাক্।‌‌‌
4“পত্তি ভাববাদী সেদিন্যে তার দর্শনান পৌইদ্যেনে লাজেবাক্। ছলনা গুরিবাত্তে তে ভাববাদীগুনো ধোক্ক্যেন কেশ পোজাক্ ন-উরিদো। 5তে কবঅ, ‘মুই ভাববাদী নয়, মুই এক্কো চাষাবলা; চিগোন অক্তত্ মরে দাস ইজেবে বেজা ওইয়্যে।’ 6যুনি কনজনে তারে পুযোর্ গরন, ‘তঅ কিয়্যেত্ সিয়েনি কিয়োর্ দাগ্?’ তে জোব্ দিবো, ‘মঅ সমাজ্যেগুনো ঘরত্ যেদক্কানি আঘাত পেইয়োং ইয়েনি সেই দাগ্।’ ”
গরগরে আঘাত্ গরানা
7বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম। 8গোদা দেজ্‌‌‌‌‌‌ছানর তিন ভাগর্ দ্বিভাগ মান্‌‌‌‌‌‌জ্যরে মারে ফেলা অবঅ, মাত্তর্ মুই লগেপ্রভু কঙর্, তিন লম্বর্ ভাগ্‌‌‌‌‌‌কো সে ভিদিরে বাঁজি থেবঅ। 9এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

Currently Selected:

সখরিয় 13: CBT

Highlight

Share

Copy

None

Want to have your highlights saved across all your devices? Sign up or sign in

Video for সখরিয় 13