Luka 2

YEZU NAZALIRWA BETLEHEMU. — ABALISYA NIBAMUHABUDU.

1Mbe mu naku ezo omuku niguruga hali Kaizari Ogusto, gwo kwandik’abantu b’ensi yona. 2Kwandika okwo kwo kutandika kukagirwa Sirino, omutware wa Siriya. 3Bona nibagenda kwandikwa, buli muntu mu busi bwabo. 4Yozefu wena naruga Galilaya mu charo cha Nazareti nanegera Buyahudi mu charo cha Daudi, izina lyacho Betlehemu, kuba yaliga ali w’elembo n’oluganda lwa Daudi, 5ayandikwe na Maria, omukazi we, ayaliga ali n’enda#2, 5 Maria yaliga aswerwe Yozefu, nawe mu bulame bwe bwona akekara ali mubikira; omwana we akamuzara n’amani g’Omwoyo Mutakatifu.. 6Mbe aho baliga bali okwo, enaku ze zo kuzara nizihika. 7Nazara omwana we w’obwozo w’obuzigezo#2, 7 Lora Matayo 1, 25., namusemba mu bisato by’emyenda, namunyamya mu kato ako ente ziliramo, kuba baliga batabwene aho kulala mu nzu y’abageni#2, 7 Yozefu na Maria, bakiba bali bantu bahango, bakubwene kulala mu nzu y’abageni. Nawe Yezu akayenda atyo kuzalirwa mu buhabi n’obuzuka. Omukama w’igulu, Omuhicha wa byona, akanyamibwa mw’isabuzo lyo kulisizamo ebitunganwa, abanaluganda be kumukumaho pai. Mbe akwenda kutwolekerera kugaya ebintu by’ensi..

8Mu nsi egyo haliga haliho abalisya nibakesy’obwire nibabaranwa mu kiro kulinda ekihyo chabo. 9Aho mumalaika w’Omukama nababonekera, omusana gwa Mungu nigubayakira nigubazingiriza, nibatina muno. 10Mbe mumalaika nabagambira ati: Muleke kutina; kuba lora, nkubagambira kusemererwa kuhango okulizira abantu bona: 11kuba lero Omuchunguzi yabazalirwa, niwe Kristu Omukama, mu charo cha Daudi. 12N’olunyamo lwo kubamanyisya nilwo lunu: mulasanga kanamuto kasembire mu bisato by’emyenda, bamumamize mu kato k’ente ako ziliramo. 13Kachwi n’abo bamalaika bengi bo mw’igulu hamo na mumalaika ogwo nibakuza Mungu nibagamba bati: 14Akuzibwe Mungu mw’igulu, n’omulebo gube mu nsi ha bantu bo kwenda kuzima. 15Mbe bamalaika ka barugireho bakaza mw’igulu, abalisya nibagambirana bati: Tugende Betlehemu, tulore ekigambo echo echagirwa, ech’ Omukama yatwoleka. 16Nibeza bwangu, nibasanga Maria na Yozefu n’akana kamamire mu kato k’ente ako zikuliramo. 17Ka babwene, nibamanya ekigambo echo bagambirwe ha mwana ogwo. 18Bona abahulire nibakumisibwa ebigambo ebyo bagambirwe abalisya. 19Nawe ebigambo ebyo byona Maria nabibika nabyetegereza mu mutima gwe. 20Abalisya nibasubayo nibalamiriza nibakuza Mungu muli byona ebyo bahulire n’ebyo babwene, nka nikwo bagambirwe. 21Mbe ka zahikire naku munana zo kusar’omwana, nibamuruka izina lye Yezu, elyo yarukirwe mumalaika atakatwalirw’enda.

KUYEZIBWA KWA MARIA NO KUHEREZIBWA KWA YEZU.

22Mbe enaku zo kuyezibwa kwe ka zahikire, nk’okwo bili mu bilagiro bya Musa, nibamusagara Yeruzalemu, bamuhereze ha Mukama, 23nk’okwo chandikirwe mu bilagiro by’Omukama, kiti: Buli mwana museza akuzigezwa alyetwa mutakatifu wa Mungu; 24bahereze n’ekitambo, nk’okwo chandikirwe mu bilagiro by’Omukama, ch’entunguruziba ibili hamo amana g’ameba abili#2, 24 Maria na Yezu baliga batengene kurub’ekilagiro cha kara echo, kuba Maria akekara ali mubikira, naho yamazire kuzara. Yezu kai niwe Omwana wa Mungu kimo; bakayenda kutwolekerera obwekehya n’obuhulizi..

25Omuntu ogwo yaliga ali Yeruzalemu, izina lye Simeo, ali muntu muronge n’omutini wa Mungu, yaliga nalindirira ekihumuzo cha Israeli, kai Mwoyo Mutakatifu ali muli wenene. 26Kai yaliga agambirwe Mwoyo Mutakatifu okw’atalifwa atakabwene Kristu w’Omukama. 27Naletwa Omwoyo mw’ eklezia. Abazere b’Omwana Yezu ka bamutahizemo, bamugirire nk’okwo baliga bamanyire kugira ha bw’ebilagiro, 28wenene namwanankura mu ngaro ze, nakuza Mungu, nagira ati:

29Mukama wange, hati noleke omwiru wawe kugenda mu mulebo, nk’okwo wangambire:

30kub’ameso gange gabwene obuchunguzi bwawe,

31obwo wasemeze obusyo y’abantu bona:

32olumuli lwo kumulikira amahanga, kandi ikuzo ly’ihanga lyawe Israeli.

33Ise na nina baliga nibakumisibwa ebyo bamugambahoga. 34Hatyo Simeo nabaha omugisa, nagambira Maria nina ati: Ngugu ayalesirwe kusingaricha no kukiza bengi mul’Israeli, abe kuti lunyamo lwo kuhakanwa#2, 34 Yezu akeza mu nsi kuchungula abantu bona, nawe abandi balimwanga, bamuhate bamurwane, abandi balimwikiriza, niho bachunguke. Balibonwa buchabucha abantu bo kuhakanisya edini ya Yezu Kristu, nawe ni ntambala yabo., 35kai iwe, embanda elichumita omwoyo gwawe, ebitetateko by’emitima mingi bisokoke#2, 35 Maria, Nina Yezu, alibona obuzune obulisasy’omutima gwe nk’embanda elobonzwere omutima gw’omuntu, k’alibona omwana we nalegwa ha musalaba. Hatyo ebitekateko by’abantu bilisururuka, bisokore abazima n’ababi..

36Hona haliga haliho omulagikazi, izina lye Anna, muhara wa Fanweli, w’oluganda lw’Azeri; yaliga alamire muno, yaliga atwire n’eba myaka musangu ha buhara bwe. 37Kumara yaliga amazire myaka makumi munana n’ena kuruga yafwererwe iba; atakuruga mw’eklezia, nahereza Mungu, nasiba, nalembereza mu kiro na musana. 38Mbe ogwo wena naiza mu katungu ako konene, nalamiriza Omukama, namugamba mu bantu bona abalindiriraga obuchunguzi bwa Israeli.

39Ka bamazire byona ebyalagirwe Omukama, nibasuba Galilaya mu charo cha Nazareti. 40Nawe Omwana nakura, naguma, aizwire obwenge, enema ya Mungu eli muli wenene.

YEZU MU BOLEKEREZI B’EDINI.

41Abazere be baliga nibagenda buli mwaka Yeruzalemu ha lunaku lukuru lwa Paska. 42Ka yahikize emyaka ikumi n’ebili, nibanegera Yeruzalemu nk’okwo bagiraga buli lunaku lukuru; 43enaku ka zahwereho, nibasuba, nawe omwana Yezu nasigara Yeruzalemu, abazere be batakumanya. 44Nibachwa bati: Ali n’abezasu, nibalibata lunaku lumo, nibamuronda mu babo na mu bezabo. 45Ka babuzire kumubona, nibasuba Yeruzalemu, nibamuhiga. 46Mbe enaku ka zarabireho isatu, nibamusanga mw’eklezia, aikere hagati y’abolekerezi, nabahuliriza nababuza. 47Nawe abamuhuliraga bona bakumisibwaga obwenge bwe n’ebyo yabasubiramoga. 48Ka bamubwene, nibakuma. Nina namugambira ati: Mwana wange, watugirire ki otyo? Lora, iso n’ene twakuronzire tubihirirwe. 49Nabagambira ati: Kai imwe sanga nimundondera ki? Si timukumanya okwo ndagirwe kuruba ebya Tata? 50Nawe bonene tibasombokerwe ekigambo echo yabagambire. 51Hatyo nalengetuka nabo, naza Nazareti; nabahulira. Kandi nina nabika ebyo byona mu mutima gwe. 52Yezu nayonger’obwenge n’emyaka n’enema mu meso ga Mungu na mu bantu.

Currently Selected:

Luka 2: KED1946

Highlight

Copy