Luka 3

KWOLEKERERA KWA YOHANA. — HERODE NAMUBOHA.

1Mu mwaka gw’ekumi na katanu gw’obutware bwa Tiberiyo Kaizari, aho Ponsyo Pilato yalamulaga Buyahudi, Herode ali mukama wa Galilaya, Filipo, mutabani wabo, ali mukama wa Itureya na w’ensi za Trakonitidi, kandi Lisaniya ali mukama w’Abilina, 2Anna na Kaifa bali bakuru b’abasaserdoti, ekigambo ch’Omukama kikahulirwa Yohana, omwana wa Zakariya, ali mw’iswa#3, 2 Mungu nagambira Yohana kuruga mw’iswa no kutandika omulimo gwe.. 3Naiza mu nsi zona za Yordani, nayolekerera Batisimu yo kutamwa, bakizibwe mu bibi, 4nka nikwo chandikirwe mu kitabo ch’amagambo ga Izaiya omulagi, kiti: Ilaka ly’akuhamuka mu mbuga liti: Muchume amabarabara g’Omukama; mugoror’emihanda ze; 5amena gona galifulirwa, amabanga gona n’emigongo zilinganisibwa, kandi ebikikire biligororwa, ebitengene bilinganisibwa; 6kandi buli muntu wena alibona obuchunguzi bwa Mungu#3, 6 Omulimo gwa Yohana Omwebembezi gwaliga guli gwo kuchuma emyoyo z’abantu, bahiche kwanankula kuzima Omuchunguzi, nicho nabagambirira kutamwa ebiheno byabo no kuruga mu mihanda mibi.. 7Mbe nagambira embaga eyamwizahoga kubatizibwa ati: Bana b’enzoka mwe, ayabolekire kwiruka ebiniga ebiliza n’oha? 8Mbe nimurabe ebirabo bihikire byo kwenaranaza, kai mutatandika kugira muti: Tuli na tata Ibrahimu. Kuba nkubagambira okwo Mungu akuhicha kwiha mu mabale ganu abana ba Ibrahimu. 9Lora, ensena yaterwe ha muzi gw’amati: mbe bul’iti elitakuraba ebirabo bizima, likutemwa linagwe mu muliro. 10Embaga nemubuza negira eti: Kai tugire tuta? 11Nasubamo nabagira ati: Ali n’enkanzu ibili aheho atali nayo; kai ali n’ebilyo, wena nikwo agire atyo. 12Abasoroza bona nibeza kubatizibwa nibamugambira bati: Mwolekerezi, tugire tuta? 13Wenene nabagambira ati: Mutakora kukira nk’ebyo mulagirwe. 14Abasirikale bona nibamubuza nibagira bati: Kai n’etwe tugire tuta? Nabagira ati: Mutanyagaga muntu, kai mutabeherezaga, kai mubererega ha mpera yanu. 15Obw’abantu bona baliga nibatekateka mu mitima zabo nibachwa bati: Hamo Yohana niwe Kristu, 16Yohana akasubamo nagambira bona ati: Ine nkubatiza mu menzi, nawe alaiza ogwo ni mukuru kukira ine, kai hona ine timpikire kumusurumulira enkoba z’enketo ze: ogwo niwe alibabatiza mu Mwoyo Mutakatifu n’omuliro#3, 16 Lora Matayo 3, 11.. 17Alikukumba olukiri lwe n’elyeyo lye mu ngaro, alihunika engano mu kitara che, kandi amakumbi aligayocha mu muliro ogutalala. 18Yahanaga abantu nabolekerera Evanjeli n’ebigambo bindi bingi.

19Ka yahanire omukama Herode ha bwa Herodyadi, muka mutabani wabo, na ha bw’amabi gandi ago Herode yakozire gona, 20nata Yohana mw’ibohero#3, 20 Lora Matayo 14, 12 na Marko 6, 14–29., nayonger’entambala egyo ha zindi zona.

YEZU NABATIZIBWA YOHANA. — OLUGANDA LWA YEZU KRISTU.

21Mbe aho abantu bona babatizibwaga, na Yezu wena akabatizibwa, nalembereza, igulu nilikinguka; 22Omwoyo Mutakatifu namuhanantukira nasusana nk’eliba; n’elaka niliruga mw’igulu liti: Iwe n’iwe Mwana wange owe nkwenda, n’iwe nkusemererwaho.

23Wenene Yezu kutandika emilimo ze yaliga yahikize kuti myaka makumi asatu; bamuchwaga bati: ni mwende Yozefu wa Heli, wa Matati, 24wa Levi, wa Melki, wa Yona, wa Yozefu, 25wa Matatiya, w’Amosi, wa Nahumi, wa Hesli, wa Nage, 26wa Mahate, wa Matatiya, wa Semei, wa Yozefu, wa Yuda, 27wa Yohana, wa Leza, wa Zorobabeli, wa Salatyeli, wa Neri, 28wa Melki, w’Adi, wa Kozani, wa Elmadani, wa Heri, 29wa Yezu, wa Eliyezeri, wa Yorimu, wa Matati, wa Levi, 30wa Simeo, wa Yuda, wa Yozefu, wa Yona, wa Eliyakimu, 31wa Meleya, wa Mena, wa Matata, wa Natani, wa Daudi, 32wa Yese, wa Obedi, wa Bozi, wa Salmoni, wa Nasoni, 33w’Aminadabu, w’Aramu, wa Esroni, wa Falezi, wa Yuda, 34wa Yakobo, wa Izaki, wa Ibrahimu, wa Tare, wa Nakori, 35wa Saruga, wa Ragahu, wa Falegi, wa Heberi, wa Sale, 36wa Kainani, wa Alfakisadi, wa Semi, wa Noe, wa Lameki, 37wa Matuzale, wa Henoki, wa Yaredi, wa Malaleli, wa Kainani, 38wa Henosi, wa Seti, w’Adamu, wa Mungu.

Currently Selected:

Luka 3: KED1946

Highlight

Copy