Ebikorwa 7

EBIGAMBO BYA STEFANO: IBRAHIMU NA YOZEFU. — MUSA N’OBUTUMWA BWE.

1Omukuru w’abasaserdoti nagira ati: Nikwo bili bityo? 2Wenene nagira ati: Imwe baseza, bana betu, lubazu batata, muhulirize#7, 2 Stefano akumanyisya okwo bamubehereze chonka. Tiyazumire Mungu, nawe Abayahudi bakwenda kumunaza nk’okwo banalize Musa n’abandi batyo.. Mungu w’ikuzo akabonekera tata Ibrahimu, aho yaliga ali Mesopotamiya, atakatwire Karana, 3namugambira ati: Ruga mu nsi yanu na ha banaluganda bawe, oize mu nsi eyo ndakwoleka. 4Aho naruga mu nsi y’Abanakaldeya naba wo kutura Karana; kandi, ise ka yafwire, Mungu namwihayo namufururira mu nsi eyo mutwiremo hati; 5tiyamuhereyo ekihunguro, n’ekigere kimo nangu, nawe nalaga kukimuha obusy’okwo, kibe che n’ech’abana be, wenene k’aliba atakiliho, kai kunu atali na mwana. 6Mungu akamugambira okw’abana be balitura bali bageni mu nsi etali yabo, balibagira beru, kai balibakolera kubi myaka magana ana. 7Kandi ihanga elyo bakolere, ndililamula, nikwo Omukama yagambire; kumara balirugayo, kai bankolere mu buturo bunu. 8Kandi namuha omulago gwo kusarwa; atyo nazara Izaki, namusara lunaku lwo munana; Izaki nazara Yakobo, Yakobo nazara batatenkuru ikumi na babili. 9Batatenkuru bakachubira Yozefu, nibamutunda Misri; kandi Mungu yaliga ali nage, 10akamuchungula mu naku ze zona, namuha omugisa n’obwenge mu meso ga Farao, omukama wa Misri, ogwo namugira mukuru wa Misri n’eka ye yona. 11Enzala neiza muli Misri yona na Kanani, no kunaranara kwingi; batata nibaburwa ebilyo. 12Yakobo ka yahulire okwo Misri haliyo engano, natuma batata olwo kutandika; 13olwa kabili Yozefu namanywa batabani babo, n’oluganda lwabo nilumanywa Farao. 14Aho Yozefu nasindika kufurura ise Yakobo n’oluganda lwabo lwona, bantu makumi musanzu na batanu. 15Mbe Yakobo nalengetuka Misri, nafwerayo, na batata bona. 16Nibabasagara Sikemu nibabanaga mu kituro echo Ibrahimu yaliga yaguzire empiliya ningi ha bana ba Hemori, mwende Sikemu. 17Enaku ka zahikire hehi z’omulago ogwo Mungu yaliga alagene na Ibrahimu, abantu nibakana Misri, nibaba kingaha, 18natamwa natwara omukama ondi Misri, atamanyaga Yozefu. 19Ogwo nateraho obukeruke oluganda lwetu, nanaza batata, nayenda kumaraho abana babo, batalama.

20Mu naku ezo nizo Musa nazalirwamo, nabona gubande hali Mungu. Akayonkibwa mezi asatu mu nzu y’ese. 21Ka bamunagire, muhara wa Farao namutwara namulera, namugira mwana we. 22Musa nayolekererwa obwenge bwona bw’Abanamisri, yaliga ali mubuya mu bigambo na mu milimo zabo. 23Ka yabere mukuru w’emyaka makumi ana, naizirwa mu mutima gwe ebitekateko byo kuza kulora batabani babo, abana ba Israeli. 24Ka yabwene omo muli abo nibamunaza muno, namukingiriza, namalir’enzigu owe banaranazaga ogwo, naita Omunamisri. 25Yachwaga ati: Abana betu bakusombokerwa okwo Mungu alabachunguza omukono gwange; nawe bonene tibasombokerwe. 26Bwire kucha nasanga abandi nibaboya, nabagambira ebyo kugorozanya no kubasubya mu mulebo, nagira ati: Imwe baseza, muli b’oluganda lumo; mukuhenanira ki? 27Nawe ayagiriraga owezabo kubi namusindika nagira ati: Akutereho kutukulira no kutulamula ni ga? 28Nangu okwenda kunita, nk’okwo negoro oisire Omunamisri? 29Musa nairukibwa ekigambo echo; naza kuba mugeni mu nsi ya Madyani, niyo yazalire abana b’obwozo babili.

30Ka harabireho myaka makumi ana, mumalaika namubonekera mw’iswa ly’ebanga lya Sinai, mu kisaka nichaka omuliro. 31Musa akakuma muno ka yabwene echo; nairira hehi kuza kwetegereza, nahulira ilaka ly’Omukama nilimugambira liti: 32Nine Mungu wa baso, Mungu wa Ibrahimu, Mungu wa Izaki na Mungu wa Yakobo. Musa nachundw’olumazi, tiyahikize kwetegereza. 33Omukama namugambira ati: Zura enketo mu maguru gawe, kuba ah’oimerere aho ni nsi ntakatifu. 34Kubona nabwene enaku z’abantu bange abali Misri, nahulira no kulira kwabo, mbe nimpanantuka kwiza kubachungula. Mbe hati iza, nkutume Misri. 35Musa onu, owe bayangire nibagira bati: Akutereho kutukulira no kutulamura ni ga? niwe Mungu natuma kuba mukuru wabo n’omuchunguzi wabo, n’omukono gwa mumalaika ayamubonekere mu kisaka. 36Akabehayo nakol’amahano n’enyamo mu nsi ya Misri na mu nanza Mutuku na mw’iswa, mu myaka makumi ana. 37Niwe Musa ogwo ayagambire abana ba Israeli ati: Mungu alibehira omulagi nk’ene mu batabani banu; mukeze kumuhulira. 38Niwe ogwo ayaliga ali h’ikobero mw’iswa na mumalaika, ayafumorere h’ebanga lya Sinai na batata; ayayanankwire ebigambo by’obulame, atuhe. 39Batata bayangire kumuhulira, nawe nibamusindika nibahindukira emitima zabo kulora Misri, 40nibagambira Aroni bati: Notugirire ebimungu byo kutwebemberera; kuba Musa onu, ayatwihire Misri, titukumanya echo yabayo. 41Nibagira enana mu naku ezo; nibatambira ekimungu ekitambo, nibasemererwa mu mulimo gw’emikono zabo. 42Nawe Mungu nabateg’omugongo, nabaleka kukoler’ embaga yo mw’igulu#7, 42 Abanaisraeli bakatandika kwetongereza enana y’ezahabu, kai kumara nibetongereza enenezi zo mw’igulu., nk’okwo hayandikirwe mu kitabo ch’abalagi hati: Si mukampereza emiherezo n’ebitambo mw’iswa myaka makumi ana, iwe nzu ya Israeli? 43Mukategula enzu ya Moloki n’enenezi y’ekimungu chanu Remufamu, ensuso ezo mwakozire kuzetongereza. Nicho ndibafurulira ha lubazu lundi lwa Babiloni.

EBYARUBIRE MUSA KUHIKA HATI. — STEFANO NIBAMULASY’AMABALE.

44Ihema ly’omulago lyaliga lili na batata mw’iswa, nk’omwo Mungu yabalagirire, nagambira Musa kulikora, nilisusana nk’okwo yabwene. 45Ihema elyo batata nibalyanankura nibaza nalyo na Yozwe aho basingire ensi y’abasenzi, abo Mungu yerukize obusyo ya batata, kuhika mu naku za Daudi, 46ayabwene ekisa mu meso ga Mungu, nasaba kubonera Mungu wa Yakobo enzu. 47Nawe Salomoni niwe yamwombekere enzu. 48Nawe si Asingire mw’igulu takutura mu byakozirwe emikono, nk’omwo omulagi akugambira ati: 49Obuturo bwange n’igulu, nawe ensi ni buhumuzo bw’amaguru gange. Omukama akagira ati: Mulinombekera enzu eta, hamo ni mwanya ki ogwo kuhumuliraho ine? 50Si ebyo byona tibyakozirwe omukono gwange? 51B’emitwe zigumire mwe, abatasazirwe emitima n’amatwi, mukuhagarikana naku zona na Mwoyo Mutakatifu; nk’okwo baso baliga bali, nikwo n’emwe muli. 52Mulagi ki owe baso batanaraneze? Baketa abalagire kwiza kw’Arongire, owe imwe hati mwatunzire, mukamwita; 53imwe abayanankwire Ekilagiro mu butumwa bwa bamalaika, kai mukabura kukihicha.

54Ka bahulire ebyo, nibasara mu mitima, nibamunener’ameno. 55Yaliga aizwire Mwoyo Mutakatifu, nalalamira mw’igulu, nabona ikuzo lya Mungu, na Yezu aimerere ha bulyo bwa Mungu; 56nagira ati: Lora, nkubona igulu likingwire, n’Omwana w’omuntu aimerere ha bulyo bwa Mungu. 57Nibayomba n’amalaka mahango, nibaziby’amatwi gabo, nibamuchumiraho bona hamo. 58Ka bamuhurukize mu kikale, nibamulasy’amabale; embona nizitaho emyenda zabo mu maguru g’omusigazi ogwo, izina lye Sauli. 59Aho balasize Stefano amabale, yalemberezaga nagira ati: Mukama wange Yezu, yanankura omwoyo gwange. 60Ka yateliz’ebizwi, nahamuka n’ilaka ihango nagira ati: Rugaba, otababalira ekiheno echo. Ka yamazire kufumora atyo, nanagira mu Mukama. Sauli yaliga naikiriza bamwite.

Currently Selected:

Ebikorwa 7: KED1946

Highlight

Copy