Ebikorwa 6

ABADYAKONI NIBASORWA. — STEFANO MW’ILAMULIRO LY’ABAYAHUDI.

1Mu naku ezo olubaro lw’abahemba ka lwakanire, Abagereki nibarundumira Abayahudi, obwo bakifwerwa beba babo babayebwaga mu bugabi bwa buli lunaku#6, 1 Buli lunaku bagabiraga abahabi n’abanaku ebilyo, kai enaku abandi baliga nibalebererwa, nicho barundumirire.. 2Ikumi na babili nibayeta embaga y’abahemba, nibabagambira bati: Tikingene itwe kuleka ekigambo cha Mungu, kai tukaza kuhereza h’eliro. 3Mbe, bana betu, nimusoremo abantu musanzu mul’imwe ab’entungwa nzima, abezwire Mwoyo Mutakatifu n’obwetegereza, niho tubate ha mwanya ogwo. 4Nawe itwe tugume mu kulembereza na mu butumwa bw’ekigambo. 5Ekigambo echo nikisemereza embaga yona; nibasora Stefano, omuntu wo kwikiriza kwingi, aizwire Mwoyo Mutakatifu, na Filipo, na Prokoro, na Nikanori, na Timoni, na Parmena, na Nikola, omusomi Munantyokiya. 6Aho nibabaleta mu meso g’Entumwa, nizilembereza nizibataho emikono. 7Ekigambo ch’Omukama nikikura, n’olubaro lw’abahemba nilweyongera muno muli Yeruzalemu. N’embaga ningi y’abasaserdoti neruba ebyo kwikiriza.

8Stefano yaliga aizwire enema n’amani, yakoraga amahano n’enyamo mu bantu. 9Niharugayo abandi b’isomero elyayetwaga ely’Abachunguki, Abanasirene n’Abalekisanderi n’abaliga bali ba Silisiya n’Aziya, nibahakana na Stefano; 10nawe batakuhicha kusinga obwenge n’Omwoyo, ebyo yafumoraga nabyo. 11Aho nibatuma abantu nibagiraga bati: Twamuhulira nagamba ebizumi hali Musa na hali Mungu. 12Nibagomesya embaga n’abagurusi n’abandiki; niberukira hamo nibamukwata, nibamusagara ha balamuzi. 13Nibalet’embona z’obubehi, nizigira ziti: Omuntu onu takwosa kufumora ebigambo byo kuzuma ahantu hatakatifu n’Ekilagiro; 14kuba tumuhulire nagira ati: Yezu Omunazareti alimaraho omwanya gunu, kai alihindura amasigirane ago Musa yatusigire. 15Bona abaliga bekere mw’ilamuliro nibamwetegereza, nibabona obusyo bwe, nk’obusyo bwa mumalaika.

Currently Selected:

Ebikorwa 6: KED1946

Highlight

Copy