ZEKHARIAH 5
5
A Zuangmi Cazual
1Cunglei kha ka hun zoh ṭhan i a zuangmi cazual kha ka hmuh. 2“Zeidah na hmuh,” tiah a ka hal i, “A zuangmi cazual, dong kul a sau i dong hra a kaumi,” tiah ka leh. 3“Mah hihi ram pumpi a cultu chiatserhnak a si; khattelei kam i ṭialmi hin mifir vialte kha hloh dih an si lai i khattelei kam i aa ṭialmi hin lih in chiat a sermi vialte kha hloh dih an si lai. 4Ralkapbu Bawipa nih, ‘Ka thlah cang i mifir hna inn kip ah le ka min in lih in chiat a sermi vialte hna inn kip ah a lut lai, khi inn chungah a um lai i a thing he a lung he a hrawh dih hna lai,’ a ti,” tiah a ti.
Bawm Chung Minu
5Bia a ka ruahtu vancungmi cu a hung chuak i a ka thawh i, “A hung chuakmi thil khi hei zohhmanh,” tiah a ti. 6Zeidah a si? tiah ka hal i, “Bawm nganpi,” a ti; A sullam cu, ram chung dihlak sualnak, ti a si. 7Bawm cu suan i sermi chin a ngei i ka zoh ko lioah cun a chin cu an hun i a chungah cun minu pakhat kha a ṭhu ko. 8Cun vancungmi nih cun aa thawh i, “Hi nu sullam cu ṭhat lonak a si,” a ti i minu cu bawm chungah khan a vun nam chih i suan tlap cu bawmka ah khan a chinh. 9Cun khua ka hei zoh ṭhan i nu pahnih an ra chuak i khulrang in an zuan kha ka hmuh, vaca bantukin thla an ngei i bawm kha van le vawlei karah an zuanpi. 10Bia a ka ruahtu vanmi kha, khuazei ah dah bawm cu an kalpi lai, tiah ka hal i, 11“Shinar ram#5.11 Shinar ram cu Babilonia ram a si. ah an kalpi i cuka ah cun a caah inn pakhat an sak lai i cu inn cu lim a si tikah a chungah cun bawm cu an chiah lai i an biak lai,” tiah a ka leh.
Currently Selected:
ZEKHARIAH 5: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
