ZEKHARIAH 6
6
Rangleng Pali Langhnak
1Cunglei ka hun zoh ṭhan i tlang pahnih karlak in rangleng pali an chuah kha ka hmuh i tlang cu dar sen in sermi tlang an si. 2Rangleng pakhatnak nih cun rangtum sen a ngeih hna, pahnihnak nih rangtum nak a ngeih hna, #Biat 6.4,5 3pathumnak nih rangtum rang a ngeih hna i palinak nih rangtum pawl a ngeih hna. #Biat 6.2 4Bia a ka chimtu vanmi cu, “Bawipa, mah hihi zeidah an si?” tiah ka hal i, 5Mah hna hi vawlei cung dihlak Bawipa a tuammuaitu vancung thlitu pali cu an si i atu cu chuah an i zal cang. #Biat 7.1 6Rangtum nak a ngeimi rangleng hi chaklei ram ah a kal lai, rangtum rang a ngeimi hi nitlaklei ah a kal lai, rangtum pawl a ngeimi hi thlanglei ah a kal lai i rangtum sen a ngeimi hi nichuahlei ah a kal lai,” tiah a ka leh. 7Kal i vawlei cung dihlak cul kha an duh tuk hringhran i cucaah, “Va kal u law vawlei kha va cul dih u,” tiah a ti i cu bang cun rangleng hna nih cun an tuah. 8Cun hei zohhmanh, tiah a ka auh i, “Chaklei ram i a kalmi hna nih khin chaklei ram ah ka thlarau cu dinhnak an pek,” tiah a ti.
9 Bawipa bia cu ka sinah a ra i, 10“Babilon in a ra kir ṭhanmi raltang hna Heldai, Tobiah, Jedaiah le Zefaniah fapa Josiah sin khan sui le ngun la hna. 11La hna law bawiluchin pakhat in ser law Jehozadak fapa Tlangbawi Ngan Joshua lu ah khan chin tuah. 12Cun amah cu na thawh lai i, ‘Mah hihi ralkapbu Bawipa bia a si: Hi pa hi Thing Nge timi cu a si lai; a umnak vawlei khan a hung ṭhang lai i Bawipa biakinn kha a sak lai. #Jer 23.5; 33.15; Zek 3.8 13Bawipa biakinn a satu ding cu amah a si lai, siangpahrang sunparnak a hmu ding cu amah cu a si lai, a bawiṭhutdan cungah a ṭhu i a orhlei kamah tlangbawi he a uktu ding cu amah a si lai; cun an karlak ah remnak a um lai,’ na ti lai,” tiah a ti. 14Bawiluchin cu Heldai, Tobiah, Jedaiah le Zefaniah fapa Josiah nih an zohkhenh lai i biakinn chungah khan hngalh camcinnak thil ah an um lai. 15Ram hlapi i a ummi hna kha an ra lai i Bawipa biakinn saknak ah cun rian an ra ṭuan lai, cucaah ralkapbu Bawipa nih keimah cu nan sinah a ka thlah ti kha nan hngalh lai. Bawipa nan Pathian cu a nawl nan ngaih ahcun hi thil cu a tlung ko lai!
Currently Selected:
ZEKHARIAH 6: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006