ZEKHARIAH 4
4
Meiinn Tung Langhnak
1Bia a ka ruahtu vancungmi kha a ra kir ṭhan i i hngilhnak i vun hlauh bantuk khin a ka hlauh. 2“Zeidah na hmuh?” tiah a ka hal i, “Sui in sermi meiinn tung pakhat,” ka ti. “Cu meiinn tung cu a lu ah chiti chiahnak kheng pakhat a um. Cun meiinn tung ah cun meiinn pasarih an um i pakhat nih meica pasarih cio an ngei. 3Meiinn tung pawngah cun kam khat ah pakhat veve in oliv kung pahnih an um. #Biat 11.3 4Cun vancungmi cu, “Hi thil hna hi an sullam zeidah a si, bawipa?” tiah ka ti. 5Cun a ka leh i, “Na hngal lo maw? a ka ti i, “Ka hngal lo, bawipa,” ka ti.
10bVancungmi nih cun, “Meiinn pasarih hna cu vawlei vialte a zoh dihtu Bawipa mit pasarih an si,” tiah a ti.#4.10b Ahme 10b-14 tiang ahme 5-6 karlak ah chiah a si. #Biat 5.6 11Cun ka hal ṭhan i, “Meiinn tung kap veve i a ummi oliv kung pahnih hna hi tah zeidah an sullam a si?” ka ti. #Biat 11.4 12Cun oliv nge pahnih, oliv chiti toihnak peng pahnih hna pawng i a ummi hna hi tah zeidah an sullam a si?” ka ti. 13“Na hngal lo maw?” tiah a ka hal. “Ka hngal lo, bawipa,” tiah ka leh. 14Cun a ka thawh i, “Vawlei dihlak Bawipa a simi Pathian nih a thimmi hna pahnih an si,” tiah a ti.
Zerubbabel Sin Biakam
6Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap ṭhawnnak in a si lai lo, nangmah ṭhawnnak zongin a si lai lo, ka thlarau tu in a si lai. #Ezr 5.2 7Dawntu, tlang tia pipi kha na hmai in an lo lai. Biakinn cu na sak ṭhan lai i lung hmanung bik na vun khin ah khin mizapi nih, “Aa dawh, aa dawh,” tiah an au lai. 8Bawipa sinin bia dang pakhat a ra ṭhan: 9Zerubbabel nih Biakinn hram cu a bunh cang. Mah hihi a si tikah ka mi hna nih an sinah nangmah aan thlahtu cu keimah ka si kha an hngalh lai. 10Rian kha a kal khawh lo caah an hnabei a rak dong; sihmanhsehlaw Zerubbabel nih Biakinn cu a sak peng ko ti kha an hmuh lai i an lung aa lawm lai.
Currently Selected:
ZEKHARIAH 4: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006