JOB 35
35
1Cun Elihu nih a bia cu a peh
ṭhan i:
2-3“Naa thawh i, ‘Zei ṭhathnemnak
dah ka hmuh?
Rak sual hmanh ning law,
atu ah hin tah cu nakcun
ṭhathnemnak zei ka hmu hlei
kun maw?’ na ti tikah hin,
Mah hihi a ṭhami bia a si tiah ruat in
Pathian hmaiah ka ding ko, tiah
na ti maw?
4Cucaah nangmah le na sin i a ummi
na hawile hna cu keimah nih
kan leh tuah hna lai.
5Van khi hei zoh law ruat tuah,
Nangmah cungpi i a ummi
khuadawm khi zoh tuah hna.
6Na sual a si ah, zeidah amah ralchanh
in na tuah khawh?
Cun na phungbuarnak cu a tam chin
zongah, amah cu zeitindah
na ti khawh hlei? #Job 22.2-3
7Na din a si ah, amah cu zei ṭhatnak
dah na pek?
Asiloah, na kut in amah nih
a hmuhmi zeidah a um?
8Na ṭhat lonak nih cun nangmah
bantuk mi lawng hi pei
a tongh khawh ko hna cu,
Na dinnak zong nih mi fapa hna
lawng hi pei a ṭhathnem khawh
ko hna cu.
9“Rialnak a tam tuk caah mi cu an au,
A ṭhawngmi hna baan ruangah
bawmhnak hal in an au.
10Sihmanhsehlaw ahohmanh nih,
‘A ka Sertu Pathian, zan ah
him tein a kan zohkhenh i,
11Vawlei cung saram nakin fimnak
tam deuh a kan pe i
Van i a zuangmi va nakin fim deuh in
a kan sertu kha
khuazei ah dah a um?” an ti lo.
12Annih cu anmah nawl lawng kha
a duh i aa porhlawmi an si caah
An au tikah a let hna lo.
13Pathian nih au sawhsawhnak cu
a thei lo i
Lianngan Bik nih mah cucu
zeihmanh ah a rel lo.
14‘A ka hmu lo,’ tiah na ti tikah hin
na caah a ṭha lo chinchinmi a si.
15Sihmanhsehlaw atu cu, Pathian cu
a thin a hung lo i mi kha
dan a tat hna lo i
Hruhnak cu zeirello in a lanhter
ko caah
16Job nih bia lolak chim in a ka aa an i
hngalh set ṭung loin bia kha
a karhter luaimai ko hna,” a ti.
Currently Selected:
JOB 35: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
