JOB 34
34
Elihu Nih Pathian Cu Thiam A Phawt
1Cun Elihu nih a bia cu a peh i:
2“Ka bia hi thei tuah u,
nannih mifim hna,
Nan hna ka chit tuah u, nannih saupi
hngalhnak a ngei cangmi hna;
3Dang nih rawl kha a teh bantukin hna
nih bia kha an hneksak ve hna. #Job 12.11
4A dikmi kha kanmah tein
i hneksak u sih,
A ṭha taktakmi kha kannih nih
i khiak sih.
5Zeicahtiah Job nih aa thawh i, ‘Kei cu
sualnak ka ngei lo i Pathian nih
ka dinnak kha a ka lakpiak;
6Ka ding ko nai kei cu lihchim ah
rel ka si;
Ka hma cu damh khawh ding a si lo,
phungbuarnak zeihmanh ka tuah lo nain,’ a ti.
7Job bantuk hi mi zeital an um
bal maw?
Holh dawh lo kha tihal in a haal i
8Hawikom ṭhalo he khual tlawn
a duh i miṭhalo hna he
a kal ṭi tawnmi kha?
9Zeicahtiah amah nih cun aa thawh i,
‘Pathian cung i i lawmh nih hin
minung caah zeihmanh
ṭhathnemnak a tuah lo,’ a ti.
10“Cucaah ka bia thei tuah u, nannih
hngalhthiamnak a ngeimi hna,
Pathian nih cun ṭhat lonak a tuah
naisai lai lo i
Lianngan Bik nih cun palhnak a tuah
naisai lai lo.
11Zeicahtiah mi cu an rianṭuanning
bantukin a lehrulh hna i
An ziaza ning bantukin an cungah
a tlunter. #Slm 62.12
12Biangai tein, Pathian nih ṭhat lonak
a tuah lo i
Lianngan Bik nih dinnak cu
a merh lo.
13Aho nih dah amah cu vawlei hi
na zohkhenh lai tiah nawl an pek i
a cungah vawlei pumpi hi
an khinh?
14A thlarau kha amah sinah
a kirter ṭhan i
nunnak petu thaw kha sinah
a kawh ṭhan ahcun,
15Titsa vialte cu hmunkhat ah
an rawk dih lai i minung cu
leidip ah a kir ṭhan ko lai.
16“Cucaah Job, hngalhthiamnak
na ngeih zinpan ahcun,
mah hi thei tuah;
ka chimmi cu ngai tuah.
17Dinnak a huatu nih cun uktu a si kho
bal hnga maw?
18A ukning a ṭhat tuk caah, bawi hmanh
kha, ‘Santlai lo,’ a ti kho i,
Tuavon hmanh kha,
‘Zei ṭhahnem lo,’ tiah
an hmai hrimhrim ah a ti ngam i,
19Bawi kha a duhdanh hna lo i
mirum kha misifak hna nakin
a upat hlei lomi siangpahrang cu,
Nangmah nih sual na phawt ko maw?
Zeicahtiah annih cu an dihlak in
Pathian sermi an si,
20Hmakhatte ah zanṭim ah a thi khomi an si;
A tawngh hna tikah mirum cu
an lo ko,
Miṭhawng hna cu minung kut in
si loin an lo ko.
21A mit in minung an lam cu a zoh i
an kehlan vialte cu a hmuh dih.
22Thil ṭhalo tuahtu hna an i thuh
khawhnak dingah
Thihnak thladem a um lo i a thukmi
muihnak zong a um lo.
23Pathian hmai i biaceih awk i
chuah awk ah minung ca i
tinhmi ni a um lo.
24Dothlatnak kha zeihmanh a tuah lo,
sihmanhsehlaw a ṭhawngmi kha
a hrawh hna i an hmun ah
midang a chiah hna.
25Cucaah an tuahmi vialte kha
pakpalawng ah a canter i
Zan ah khan a merhnawh hna i
an kuai dih.
26An ṭhat lo ruangah a tuk hna i zapi
hmuh hngan ah a chimhhrin hna.
27Zeicahtiah amah nawl ngaih kha
an ngol i a lam kha zei ah an rel lo.
28Khi tikah sifakmi aunak kha a hna
chungah a phan i hremmi hna
aunak kha a theih.
29-30Dai tein a um zongah aho nih dah
sual an phawt khawh lai?
A hmai kha a thuh tikah aho nih dah
an mawhchiat khawh lai?
Lung a khongmi miphun le
a mi vialte hna cungah,
Pathian zei i a rel lomi siangpahrang
kha an bawi i a ser bel ah zeitindik
a si hnga?
31“Abiana ah, Pathian cu
hei i thawh law,
Ka luan cang, ṭhat lonak cu ka tuah ti lai lo;
32Santlai lomi misual ka si ko,
nangmah nih lam ka hruai,
Ṭhat lonak ka tuahmi paohpaoh kha
zeihmanh ka tuah ti lai lo,’
hei ti law
33Hi na bia thawng hin amah
na hlawtnak cu
an ngaihthiam lai maw?
Keimah nih si loin, nangmah nih
naa khiah awk a si;
Sihmanhsehlaw zeitindah na leh
khawh lai?
34Mifim mi nih cun hitin an ti lai i
Ka chimmi a theitu mifim hna
nih cun hitin an chim lai.
35‘Job nih hin hngalhnak ngei loin
a chim, a chimmi ah hin
sullam a um lo.
36Bialehnak a chimmi hi miṭhalo
mi hna bialehnak bantuk a si ve
caah hin
Zawnruah lo tein hneksak si ko seh.
37Zeicahtiah sualnak ah hin
ralthawhnak a chapchih i
Pathian kha dong loin
a thangchiat,’ ” tiah a ti.
Currently Selected:
JOB 34: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
