प्रकाश 15
15
सात स्वर्गदूतहरूसँग सात विपत्तिहरू
1मैले स्वर्गमा अर्को ठूलो र आश्चर्यजनक चिन्ह देखें: सातओटा अन्तिम विपत्तिहरू लिएका सात स्वर्गदूतहरू थिए। यी अन्तिम विपत्तिहरू हुन्, किनकि यीसँगै परमेश्वरको क्रोध पूरा हुनेछ। 2अनि मैले आगोसित मिसिएको काँचको समुद्रझैं देखें; अनि समुद्रको किनारमा त्यो पशु र त्यसको मूर्ति अनि त्यसको नाउँको संख्यामाथि विजयी भएकाहरूलाई देखें। तिनीहरूले परमेश्वरले दिनुभएका वीणाहरू लिएका थिए। 3तिनीहरूले परमेश्वरको सेवक मोशाको र थुमाको गीत गाए:
“हे सर्वशक्तिमान परमप्रभु परमेश्वर,
तपाईंका कामहरू महान् र अचम्मका छन्।
राष्ट्रहरूका राजा,
तपाईंका मार्गहरू न्यायपूर्ण र सत्य छन्।
4हे प्रभु, तपाईंको डर कसले मान्दैन?
अनि तपाईंको नाउँको महिमा कसले गर्दैन र?
किनकि तपाईं मात्र पवित्र हुनुहुन्छ।
सबै राष्ट्रहरू आएर तपाईंको सामु
दण्डवत् गर्नेछन्,
किनकि तपाईंका धार्मिक कामहरू प्रकट भएका छन्।”#15:4 भजन 111:2, 3; व्यव 32:4; यर्मिया 10:7; भजन 86:9; 98:2
5त्यसपछि मैले स्वर्गमा मन्दिर उघारिएको देखें, जुनचाहिँ गवाहीको पाल हो। 6त्यस मन्दिरबाट सात स्वर्गदूतहरू सात विपत्तिहरू लिएर बाहिर आए। तिनीहरूले सफा र चम्किलो मलमलको वस्त्र पहिरेका थिए, अनि छातीमा सुनका पेटी बाँधेका थिए। 7तब ती चार जीवित प्राणीहरूमध्ये एक जनाले ती सात स्वर्गदूतहरूलाई सदा-सर्वदा जिउनुहुने परमेश्वरको क्रोधले भरिएका सातओटा सुनका कचौराहरू दिए। 8अनि परमेश्वरको महिमा अनि उहाँको शक्तिबाट आएको धूवाँले मन्दिर भरियो; र ती सात स्वर्गदूतहरूका सात विपत्तिहरू पूरा नभएसम्म कोही पनि मन्दिरभित्र पस्न सकेन।
Currently Selected:
प्रकाश 15: NCV
Highlight
Share
Copy
Want to have your highlights saved across all your devices? Sign up or sign in
पवित्र बाइबल, नेपाली समकालीन संस्करण™
प्रतिलिपि अधिकार © 1998, 2006, 2021 Biblica, Inc.
अनुमतिसहित प्रयोग गरिएको छ। सम्पूर्ण अधिकार विश्वव्यापी रूपमा सुरक्षित रहनेछ।
Nepali Contemporary Version™, New Testament
Copyright © 1998, 2006, 2021 by Biblica, Inc.
Used with permission. All rights reserved worldwide.
