Lucas 3

I ma Wan chi Ajqajsanel Ya o pa tz'inilik jyub' chaqij

1Che jo'lajuj junab' re u'atb'al tzij ma atz laj atol tzij Tiberio César, are uri che i junab' le ma Poncio Pilato are aj-ok'al utzam i jyub' Judea, xaq i ma Herodes are aj-ok'al utzam chke aj Galilea; xaq i ucha' chi ma Felipe, are aj-ok'al utzam chke aj Iturea xaq chke aj Traconite; xaq i ma Lisanias are aj-ok'al utzam chke aj Abilinia. 2Xaq che i junab' le, i mam Anás xaq i mam Caifás, je are i atz laj rajpatan i Dios. Che taq i ij le i Dios xu'ijla i ma Wan Ajqajsanel Ya chi uk'ojol mam Zacarías pa tz'inilik jyub' chaqij. 3Are uri i ma Wan x-e che i jyub' chuchi' i ya Jordán; are xupon chila, xok chub'ixkil chke i winaq chi o uchak kkijalwachij kino'oj chi utz taj chwach i Dios chi xaq o uchak kqajsax ni ya pkiwi k'utb'al re chi kijalwachim chik kino'oj xaq o chik i kikuyb'al mak chwach i Dios. 4Xe'eloq pacha ub'im kan i profeta, mam Isaías, chupam uwuj ujer. Ire utz'ib'am kan i tziji:

“Ktataj ni uch'awb'al i jun ksik'in che i tz'inilik jyub' chaqij; chi kub'ij:

¡Ya kpe i Ajwal! Chiyijb'a ub'e chwach.

Chisuk'b'a i ub'e i Ajwal.

5Ni'pa i uxol taq jyub' kenojsaxik;

xaq ni'pa i utzam taq jyub' xaq i ral taq jyub', kjunamsax ni kijunamil.

Ni'pa i b'e kotkaq, ksuk'b'ax na;

ni'pa i b'e tanalaq, kjos ni uwach.

6Te'uri konojel i winaq is kkil na wach i tob'al ke uyijb'am i Dios.”#3.6 Are i tzij ile utz'ib'am kan i mam Isaías ujer, xaq keje ile xe'eloq.

7Lik je k'i i winaq xek'un ru' i ma Wan, kkitz'onoj uqajsaxik ya pkiwi. Ire xub'ij chke: ¡Yix xa ix rak'al kumatz! ¿Pachin xb'in chiwe chi kixtotaj chwach i tojpen chi ktijin li piwi? 8Chi'ana i utz xaq i chom, aljinsab'al re we ijalwachim chik inojb'al chi utz taj chwach i Dios. Mich'ob' yix pijolom lik oj utz man oj umuq uxikin kan i mam Abraham, —kixcha. Ile nti k-ono. Man chiwila i ab'aji; i Dios wetene kraj, ktiki chuyijb'axik je k'i umuq uxikin i mam Abraham che. 9Chita pe', i Dios yij chik chukojik pa tojpen ni'pa i umuq uxikin i mam Abraham chi utz ti kki'ano. Lik yij chik chupetsaxik i tojpen le pacha ku'an jun achi yij chik ru' i rikaj k'atzb'al re jun che'. Ni'pa i che' chi kuya ti utz laj echa', kk'atzix na; te'uri koksax pa a'. Keje ile xub'ij i ma Wan chke i winaq.

10Are uri i winaq xkitz'onoj che:

—¿Wach rajwaxik uri kqa'ano? —Xecha.

11Ma Wan xula' uwach chke:

—Pachin o keb' ukamix, chusipaj jun che i jun chi nti ukamix. We o katijo, chaya uri re i jun chi nti kutijo —keje ile xub'ij chke.

12Xaq je o jujun ajtz'onol alkawal xek'un ru' i ma Wan, kkitz'onoj uqajsaxik ya pkiwi i xkitz'onoj che:

—Tijonel, chab'ij chqe ¿wach nawi rajwaxik kqa'an yoj? —Xecha che.

13Ire xub'ij chke:

—Mitz'onoj mas pwaq chke i winaq, xwi chitz'onoj chke pacha kub'ij i atb'al tzij —xcha.

14Xaq o i achiyab' chi je yij che i ch'oj xek'un ru', i kkitz'onoj che:

—¿Wach rajwaxik kqa'an yoj, oj achiyab' oj yij che i ch'oj? —Xecha.

—Are uri ma Wan xub'ij chke: Meixib'ij i winaq xaq mimaj kipwaq; mikoj kimak we nti kimak; chixkikot ru' iwajil chi kich'ako; mirayij mas.

15I aj Judío winaq, is koy-em chik uk'unik i Cristo; xkijeq uch'ob'ik pkik'ux chi i ma Wan moq are i Cristo. 16Ire xub'ij uri chke konojel: Yin nti Cristo chi iwoy-em. Yin, qatzij kinqajsaj ya piwi, xwiri, i jun chi kk'un chwijil yin kuqajsaj li Lo'laj Utewal i Dios piwi; xaq i a' piwi. Ire mas nim ni u'ij chinwach yin; chi lik kmajaw ti chwe kin-an mokom che wib' chrij, mitene kintor uwach uxajab', rumal nim u'ij. 17Kolu'ata tzij pkiwi i winaq, pachin i je utz, xaq pachin i ne te utz. Ire yij chik pacha ku'on i jun ru' pub'al uwach u-trigo. Are i utz kel che u-trigo kumolo xaq kuya puk'olb'al. I rij chi utz ti chik kuporoj pa a' chi nti uchupik. Xcha ma Wan chke.

18Ru' taq i tzij le xaq ru' taq jub'an chik pixb'anik, xeupixb'aj i winaq. Keje xu'an ire ile, are ktijin chub'ixkil i utz laj tzij k'ak' re i Dios chke i winaq. 19Xwi ta la ile xaq xuyaj i ma Herodes chi kaj-atzil i aj Galilea, rumal i utz ti ktijin chu'anik, man ire umajom i ati Herodías, chi rixoqil ucha' chi are i ma Felipe, xaq o jub'an chik umak u'anom. 20Are xyaj rumal i ma Wan, xpe roywal; rumali xutz'apij prexil. Are jun chiki umak ile xu'ano.

I Jesús xqajsax ya puwi

21I Jesús, are xqajsax ya pkiwi konojel i winaq xaq xqajsax ya puwi Ire. Are ktijin Ire chutz'onoxik che i Dios, xjaqtaj i kaj, 22Xaq xqaj li Lo'laj Utewal i Dios puwi, lik x-iltajik pacha uk'exwach jun palomax. Xaq xtataj jun ch'awb'al chikaj chi xub'ij:

—Yet lik at ink'ojol, chi lik k'ax katinna'o xaq lik kinkikot awumal —xcha.

I je ratit umam i Jesucristo

23I Jesús, are xujeq uchak, kolo o chik lajuj juwinaq (30) junab' che. Ire, are uk'ojol i ma José kkib'ij i winaq. I ma José le, are uk'ojol i ma Elí. 24I ma Elí are uk'ojol i ma Matat, i ma Matat are uk'ojol i ma Leví, i ma Leví are uk'ojol i ma Melqui, i ma Melqui are uk'ojol i ma Jana, i ma Jana are uk'ojol i ma José, 25i ma José are uk'ojol i ma Matatías, i ma Matatías are uk'ojol i ma Amós, i ma Amós are uk'ojol i ma Nahum, i ma Nahum are uk'ojol i ma Esli, i ma Esli are uk'ojol i ma Nagai, 26i ma Nagai are uk'ojol i ma Maat, i ma Maat are uk'ojol i ma Matatías, i ma Matatías are uk'ojol i ma Semei, i ma Semei are uk'ojol i ma José, ma José are uk'ojol i ma Judá, 27i ma Judá are uk'ojol i ma Joana, i ma Joana are uk'ojol i ma Resa, i ma Resa are uk'ojol i ma Zorobabel, i ma Zorobabel are uk'ojol i ma Salatiel, i ma Salatiel are uk'ojol i ma Neri, 28i ma Neri are uk'ojol i ma Melqui, i ma Melqui are uk'ojol i ma Adi, i ma Adi are uk'ojol i ma Cosam, i ma Cosam are uk'ojol i ma Elmodam, i ma Elmodam are uk'ojol i ma Er, 29i ma Er are uk'ojol i ma Josué, i ma Josué are uk'ojol i ma Eliezer, i ma Eliezer are uk'ojol i ma Jorim, i ma Jorim are uk'ojol i ma Matat, 30i ma Matat are uk'ojol i ma Leví, i ma Leví are uk'ojol i ma Simeón, i ma Simeón are uk'ojol i ma Judá, i ma Judá are uk'ojol i ma José, i ma José are uk'ojol i ma Jonán, i ma Jonán are uk'ojol i ma Eliaquim, 31i ma Eliaquim are uk'ojol i ma Melea, i ma Melea are uk'ojol i ma Mainán, ma Mainán are uk'ojol i ma Matata, i ma Matata are uk'ojol i ma Natán, 32i ma Natán are uk'ojol i ma David, i ma David are uk'ojol i ma Isaí, i ma Isaí are uk'ojol i ma Obed, i ma Obed are uk'ojol i ma Booz, i ma Booz are uk'ojol i ma Salmón, i ma Salmón are uk'ojol i ma Naasón, 33i ma Naasón are uk'ojol i ma Aminadab, i ma Aminadab are uk'ojol i ma Aram, i ma Aram are uk'ojol i ma Esrom, i ma Esrom are uk'ojol i ma Fares, i ma Fares are uk'ojol i ma Judá, 34i ma Judá are uk'ojol i ma Jacob i ma Jacob are uk'ojol i ma Isaac, i ma Isaac are uk'ojol i ma Abraham, i ma Abraham are uk'ojol i ma Taré, i ma Taré are uk'ojol i ma Nacor, 35i ma Nacor are uk'ojol i ma Serug, i ma Serug are uk'ojol i ma Ragau, i ma Ragau are uk'ojol i ma Peleg, i ma Peleg are uk'ojol i ma Heber, i ma Heber are uk'ojol i ma Sala, 36i ma Sala are uk'ojol i ma Cainán, i ma Cainán are uk'ojol i ma Arfaxad, i ma Arfaxad are uk'ojol i ma Sem, i ma Sem are uk'ojol i ma Noé, i ma Noé are uk'ojol i ma Lamec, 37i ma Lamec are uk'ojol i ma Matusalén, i ma Matusalén are uk'ojol i ma Enoc, i ma Enoc are uk'ojol i ma Jared, i ma Jared are uk'ojol i ma Mahalaleel, i ma Mahalaleel are uk'ojol i ma Cainán, 38i ma Cainán are uk'ojol i ma Enós, i ma Enós are uk'ojol i ma Set, i ma Set are uk'ojol i ma Adán, i ma Adán are uk'ojol i Dios.

Currently Selected:

Lucas 3: ACHICUB

Highlight

Copy