Oseas 7
7
1le quéen in wóolt in dzac in caajale', Efraín yéetel samariae', cu chíicpajal u keban yéetel u loobil.
Tumen tuláacalo'ob ma' tu tzelico'ob tu chi'ob le tuuso';
beyo'ob oocolo'obe', cu yoclo'ob ichil najo'ob
cu toc ocoltico'ob xan le máaco'ob xíimbalo'ob te j bejo'obo'.
2Ma' tu máan tu tuuculo'ob, ti' tene' kaja'an tuláacal u loobilo'ob.
Bejela'e' kala'ano'ob tumen u kasa'anil u cuxtalo'ob,
amal yanil tu táan in wicho'ob.
U kaakas cuxtal le méektáano'obo'
3pa'ate' u loobil yéetel u tuuse' in caajale'
cu qui'imacunsico'ob u yóol ajaw yéetel u nuuquilo'ob u j meyajo'ob.
4Tuláacalo'obe' j pak kebano'ob;
beyo'ob chujcabe'; le quéen ma'alob t'a'aba'aque'
cu jáawal u táacnáajche'eta'al ca'aliquil u pajtal u sacanil le waajo'.
5Ti' u kiinil dzaabic u p'óoquint le péet jo'ol ti' ajawe',
le u nuuquilo'ob le j meyajo'obo' tu beetajo'ob u koja'anchajal yéetel u chocoil le vinoo',
¡Leti'e' tu tich'aj u kab tu tojil máaxo'ob che'ejtico'!
6U pucsi'ikalo'obe' chocochaja'ano'ob ti' x mucul men yaj,
bey je'el bix u t'abico'ob jun p'éel chujcabe';
bul áakabe' cu wenel máax táanlic u káakil,
ba'ale' le quéen sáaschajaque' láili' t'aba'ane'.
7Tu jaajile', tuláacalo'ob t'aba'an yanilo'ob
beyo'ob chujcab tu léedz káaktaj u j méektáano'obe'.
Tuláacal u ajawilo'obe' j lúubo'ob,
mina'an mix jun túul cu payalchi'itiqueni'.
Jun p'éel caaj tu jun páaycuntubáa ti' u Ku
8Efraine' cu pa'ate'cunsicubáa yéetel u láak caajo'ob
Efraine' bey jun p'éel sacpet waaj póoca'an chéen jun tzéele'.
9Pa'ab u muuk tumen jela'an wíinico'ob, leti'e' ma' tu yojéeltaji'.
¡Ma' tu yilaj wa dzo'oc u sactal u tzo'otzel u pooli'!
10U j ca'anal ichil Israele' leti' taquic pool.
Mix beyo', ma' j suunajo'ob mix tu caxantajo'ob Yuumtzil u Kuobi'.
11Efraine' bey jun túul sacpacal saatal u yóole':
mina'an u na'at, cu káatic áantaj ti' Egipto,
cu dzo'ocole' cu káatic áantaj ti' Asiria.
12Ba'ale' le quéen xi'ico'ob te'elo',
bíin in pul in léech tu yóokolo'ob,
bíin in beet u lúubulo'ob bey u ch'íich'il j ca'ane',
bíin in lap'o'ob tu yo'olal u kasa'anilo'ob.
13¡Óotzilo'ob tu yo'olal tu tzelajuba'ob ti' teen!
Le xu'ulsajilo' bíin talac tu yóokolo'ob
tumen líiko'ob u beeto'ob kaas ti' teen.
Tene' in káat in toco'ob, ba'ale' leti'obe'
cu taquico'ob in pool yéetel tuuso'ob.
14Quex cu yawato'ob chilicbalo'ob tu kaano'ob,
ma' tu payalchi'ob ti' teen yéetel u jaajil u yóolo'ob.
U ti'al u káatico'ob trigo yéetel vinoe', cu kilicuba'ob,
¡ma' u káato'ob u yu'ubo'ob in t'aan!
15Tene' dzo'oc ca'ach in ca'anbesico'ob
tin dzaj ca'ach muuk u kabo'ob,
ba'ale' leti'obe' tu tucultajo'ob u beetico'ob loob ti' teen.
16Suunajo'ob u kulto'ob beetbil kuob;
beyo'ob jun p'éel x p'úunche' lo'oloche',
Tu yo'olal lelo' u julubile' ma' tu tza'ayal.
Tu yo'olal cu t'aano'ob yéetel pooch'ilo'obe'
bíin lúubuco'ob yéetel u yej máascab,
bíin p'a'asta'aco'ob tu caajil Egipto.
Currently Selected:
Oseas 7: MAYABI
Highlight
Share
Copy
Want to have your highlights saved across all your devices? Sign up or sign in
Texto Maya © Sociedades Bíblicas Unidas, 1992