Oseas 8
8
Israele' xot kinta'an tumen cu kultic beetbil kuob
1Jóops le paaxo', je'el bix u beetic le u j canan caajal Yuumtzile'.
Tumen ma' tu dzo'ocbesajo'ob in nup t'aan
ma' xan tu tzicajo'ob in ca'anbesajo'obi'.
2Ba'ale' cu taalo'ob u yawat a'alo'ob: ¡Kamiquech bey u Kuil Israel!
3Ba'ale' Israele' tu cúulpachcuntaj ba'ax utz,
le t o'olal bíin ch'a'apachta'ac tumen u aj p'eeco'ob.
4Leti'obe' tu dzajo'ob ajawo'ob, ba'ale' ma' teen j yéeyo'obi',
tu ya'alajo'ob máaxo'ob u nuuquilo'ob, ba'ale' ma' tu dzajo'ob in wojéelti'.
Tu ch'a'ajo'ob u plata yéetel u oro u ti'al u beetico'ob kuob,
u ti'al u xu'ulsicuba'ob tu báilo'ob.
5¡Samaria, cu taaccuntic in xej le chan wacax ca kultico'!
In p'u'uja'anile' cu léequel tu yo'olal.
¿Israelitaex, ba'ax kiin bíin utzac a wanile'ex?
6¡Le u chan wacax Samariao' ma' Kui'!
U meyaj jun túul máac, j beeta'ab tumen jun túul aj meyaj,
le kuobo' bíin xe'exet'a'aco'ob.
7Tumen leti'obe' tu pakajo'ob iiko'ob, bíin u jocho'ob chac ikalo'ob;
ma' bíin yanac cool u jocho'obi', mix sacan u pakachto'obi',
wa ca páatac u beetico'obe' táanxel j lu'umilo'ob bíin jaantic.
8¡Israele' dzo'oc u lu'ukul!
Le u láak caajo'obo' cu yilico'ob bey mix ba'al u biilale',
9tu yo'olal j bin u áantaj ti' Asiria bey jun túul j káaxil tzíimine'.
¡Efraine' tu majan bo'otaj u weeyo'ob!
10Ba'ale' quex ca u kub siibalo'ob ti' múuch' caajo'obe',
tene' bin in ca'aj in ki'itbese'ex,
bíin máanac dze'edzec kiino'ob mina'an u ajawilo'ob mix u nuuquilo'ob.
11Tumen Efraine' cu beetic ya'ab u multuunilo'ob kultaj,
chéen u ti'al j kebanchajal u biilalo'ob.
12Quex tumen tin dzíibtaj ya'abcach ca'anbesajo'ob u ti'al leti'e',
leti'e' tu yilaj bey mix ba'al u biilale'.
13Leti'obe' qui' tu chi'ob le quiimsbil ba'alche'obo', le t o'olal cu táanbesico'ob,
cu jaantico'ob u bakel le quíimsbil ba'alche'ob;
ba'ale', teen Yuumtzile' ma' qui'imac in wóol yéetelo'obi';
bíin in ka'ajes le loob tu beetajo'obo',
bíin in jadzo'ob tu yo'olal u kebano'ob
bíin in beet u suuto'ob Egipto.
14Israele' cu beetic jalach najo'ob,
ba'ale' cu tu'ubsico'ob máax tu dzáa u cuxtal.
Judae' cu líikesic ya'abcach caajo'ob tuulumta'ano'ob,
ba'ale' tene' bíin in beet u jáabalo'ob ich káak
le bíin xan in beet u jáabal u jalach najo'ob.
Currently Selected:
Oseas 8: MAYABI
Highlight
Share
Copy
Want to have your highlights saved across all your devices? Sign up or sign in
Texto Maya © Sociedades Bíblicas Unidas, 1992