ရူဝ်းမႃႉ 4
4
ဢႃႇပြႃႇႁၢမ်ႇပဵၼ်ပုင်ႇသၢၵ်ႈသေႇ
1ပေႃးပဵၼ်ၸိူဝ်ႉၼင်ႇၼႆၸိုင်၊ ပေႃႈႁဝ်းဢႃႇပြႃႇႁၢမ်ႇၼၼ်ႉ ၸွမ်းၼင်ႇၸႃႇတီႉပၵတီႉၼၼ်ႉလႄႈ လႆႈဢၵျူဝ်းၵႃႈသင်။- 2ပေႃးဢႃႇပြႃႇႁၢမ်ႇၼၼ်ႉ ႁွတ်ႈထိုင်တၢင်းဢၼ်သိုဝ်ႈတေႃႇ ၵွပ်ႈပိူဝ်ႈတၢင်းၵမ်တၢင်းၵျၢင်ႉၸိုင်၊ မီးလွင်ႈတၢင်းဢၼ်ဢုပ်ႇဝၢဝ်းဢေႃႈ၊ ၵူၺ်းၵႃႈ ၵႃႈတီႈၽၢႆႇၼႃႈၽြႃးပဵၼ်ၸဝ်ႈ ဢမ်ႇပဵၼ်ၸိူဝ်ႉၼင်ႇၼၼ်။- 3ၼႂ်းၵျၢမ်းလိၵ်ႈမႃးၸိူဝ်ႉၼင်ႇႁိုဝ်။ ဢႃႇပြႃႇႁၢမ်ႇၼၼ်ႉ ယုမ်ႇမၢတ်ႈၽြႃးပဵၼ်ၸဝ်ႈလႄႈ မၼ်းၸဝ်ႈမၢတ်ႈတၢင်းယုမ်ႇမၢတ်ႈမၼ်းၼၼ်ႉ ပဵၼ်ၸိူဝ်ႉၼင်ႇတၢင်းသိုဝ်ႈတေႃႇဢေႃႈ။- 4ၵေႃႉဢၼ်မီးတၢင်းၵမ်တၢင်းၵျၢင်ႉၼၼ်ႉၸမ်ႉ လႆႈဢၵျူဝ်းၵွပ်ႈပိူဝ်ႈၵျေးၸူးၸဝ်ႈဢမ်ႇၸႂ်ႈ၊ လႆႈၵွပ်ႈပိူဝ်ႈဢၼ်ထိူၵ်ႈလႆႈၶၢမ်ႇၼၼ်ႉဢေႃႈ။- 5ၵေႃႉဢၼ်ဢမ်ႇမီးတၢင်းၵမ်တၢင်းၵျၢင်ႉၸမ်ႉ၊ ပေႃးယုမ်ႇမၢတ်ႈၵေႃႉဢၼ်ၽေႇဢပႅတ်ႈၶဝ်ၸိူဝ်းဢၼ်ဢမ်ႇတြႃးၼၼ်ႉၸိုင်၊ တၢင်းယုမ်ႇမၢတ်ႈမၼ်းၼၼ်ႉ မၢတ်ႈဝႆႉပဵၼ်ၸိူဝ်ႉၼင်ႇတၢင်းဢၼ်သိုဝ်ႈတေႃႇဢေႃႈ။- 6မိူၼ်ၼင်ႇၼႆ၊ တႃႇဝိတ်ႈဢိင်မင်ႇၵလႃႇၵူၼ်းဢၼ်လႆႈတၢင်းသိုဝ်ႈတေႃႇ ဢၼ်ၽြႃးပဵၼ်ၸဝ်ႈယင်းဢမ်ႇတူၺ်းတၢင်းၵမ်တၢင်းၵျၢင်ႉလႄႈ ပၼ်ၼၼ်ႉသေလႄႈဝႃႈၸမ်ႉ၊- 7ၶဝ်ၸိူဝ်းဢၼ်ႁွတ်ႈထိုင် တၢင်းဢၼ်ၵၢင်းလွတ်ႈသေၵႃႈၼႂ်းဢပႅတ်ႈ ဢိၵ်ႇတင်းတၢင်းဢၼ်သုမ်ႇႁူမ်ႇတူႉၸရိူၵ်ႈဢပႅတ်ႈဝႆႉၼၼ်ႉမီးမင်ႇၵလႃႇဢေႃႈ။- 8ၵေႃႉဢၼ်ၵၢင်းလွတ်ႈတင်း တၢင်းဢၼ်ထႃႇဝရႃႉၽြႃးတၢင်ႇဢပႅတ်ႈၼၼ်ႉ မီးမင်ႇၵလႃႇဢေႃႈ၊ ဝႃႈၼင်ႇၼႆဢေႃႈ။
9ၶဝ်ၸိူဝ်းဢၼ်ၶၢမ်ႇတၢင်းဢၼ်ထိူဝ်ႁိမ်းၼၼ်ႉၵူၺ်း လႆႈမင်ႇၵလႃႇၼႆႁိုဝ်။ ဢမ်ႇၼၼ်လႄႈ ၶဝ်ၸိူဝ်းဢၼ်ဢမ်ႇၶၢမ်ႇတၢင်းဢၼ်ထိူဝ်ႁိမ်းၼၼ်ႉၵေႃႈလႆႈႁိုဝ်။ ႁဵတ်းသင်လႄႈထၢမ်ၸိူဝ်ႉၼင်ႇၼၼ်ဝႃႈၼႆၸမ်ႉ၊ ႁဝ်းဝႃႈတၢင်းယုမ်ႇမၢတ်ႈၸိုင်၊ မၢတ်ႈပဵၼ်ၸိူဝ်ႉၼင်ႇတၢင်းသိုဝ်ႈတေႃႇ ၵႃႈတီႈဢႃႇပြႃႇႁၢမ်ႇဢေႃႈ၊ ဝႃႈၼင်ႇၼႆဢေႃႈ။- 10ပေႃးဝႃႈၸိူဝ်ႉၼင်ႇၼႆၸိုင်၊ မၢတ်ႈၸိူဝ်ႉၼင်ႇႁိုဝ်။ မၼ်းၼၼ်ႉၶၢမ်ႇတၢင်းဢၼ်ထိူဝ်ႁိမ်းၼၼ်ႉယဝ်ႉၸင်ႇမၢတ်ႈႁိုဝ်။ ဢမ်ႇၼၼ်မၢတ်ႈၸူဝ်ႈဢၼ်မၼ်းဢမ်ႇပႆႇၶၢမ်ႇၼၼ်ႉႁိုဝ်။ မၼ်းၶၢမ်ႇယဝ်ႉၸင်ႇ မၢတ်ႈဢမ်ႇၸႂ်ႈ။ မၢတ်ႈဝႆႉၸဵမ်မိူဝ်ႈဢၼ်မၼ်းဢမ်ႇပႆႇၶၢမ်ႇၼၼ်ႉဢေႃႈ။- 11မၼ်းၼၼ်ႉလႆႈၶၢမ်ႇလၢၵ်ႈၶၼႃႇ တၢင်းဢၼ်ထိူဝ်ႁိမ်းဢၼ်ဝႃႈ တၼ်းသိၵ်ႈတၢင်းသိုဝ်ႈတေႃႇ ဢၼ်ၸၢပ်ႈသႅင်ႇၵၼ်တင်းတၢင်းယုမ်ႇမၢတ်ႈ ဢၼ်မၼ်းမီးၸဵမ်မိူဝ်ႈဢၼ်မၼ်းဢမ်ႇပႆႇၶၢမ်ႇတၢင်းဢၼ်ထိူဝ်ႁိမ်းၼၼ်ႉ ႁႂ်ႈလႆႈပဵၼ်ပေႃႈၶဝ်ၸိူဝ်းဢၼ်ဢမ်ႇပႆႇၶၢမ်ႇတၢင်းဢၼ်ထိူဝ်ႁိမ်းသေၵေႃႈ ယုမ်ႇမၢတ်ႈၼၼ်ႉတင်းသဵင်ႈတင်းလူင် ပုၼ်ႈလွင်ႈၼင်ႇႁိုဝ်ၶဝ်တၵ်းလႆႈၶၢမ်ႇတၢင်းဢၼ်မၢတ်ႈပဵၼ်ၸိူဝ်ႉၼင်ႇ မီးတၢင်းသိုဝ်ႈတေႃႇႁႂ်ႈလွင်ႈတီႈတၵ်းမၢတ်ႈ 12ဢိၵ်ႇတင်း ႁႂ်ႈလႆႈပဵၼ် ပေႃႈတၢင်းဢၼ်ထိူဝ်ႁိမ်းတီႈၶဝ်ၸိူဝ်းဢၼ်ၶၢမ်ႇတၢင်းဢၼ်ထိူဝ်ႁိမ်းၼၼ်ႉ ဢမ်ႇၵႃးတီႈၶဝ်ၸိူဝ်းဢၼ်ၸွမ်းႁွႆးတိၼ်တၢင်းယုမ်ႇမၢတ်ႈပေႃႈႁဝ်း ဢႃႇပြႃႇႁၢမ်ႇဢၼ်မၼ်းမီး ၸဵမ်မိူဝ်ႈဢမ်ႇပႆႇၶၢမ်ႇတၢင်းဢၼ်ထိူဝ်ႁိမ်းၼၼ်ႉဢေႃႈ။
ၵတီႉၸဝ်ႈဢၼ်လႆႈၵွပ်ႈတၢင်းယုမ်ႇမၢတ်ႈ
13လိူဝ်သေၼၼ်ႉ ၵတီႉၸဝ်ႈဢၼ်ဝႃႈ တၵ်းႁႂ်ႈလႆႈၶၢမ်ႇဢမူၺ်ႇလေႃးၵႃႉၼႆႉဢေႃႈ၊ ဝႃႈၼင်ႇၼႆၼၼ်ႉၸိုင်၊ ၸႃႉၸဵမ်ဢႃႇပြႃႇႁၢမ်ႇလႄႈၸိူဝ်ႉၶိူဝ်းမၼ်းတင်းလၢႆလႆႈၵွပ်ႈပိူဝ်ႈပိင်းၺၢပ်ႈတြႃးဢမ်ႇၸႂ်ႈ၊ လႆႈၵွပ်ႈပိူဝ်ႈတၢင်းသိုဝ်ႈတေႃႇ ဢၼ်ၸၢပ်ႈသႅင်ႇၵၼ်တင်းတၢင်းယုမ်ႇမၢတ်ႈဢေႃႈ။- 14လွင်ႈမၼ်းၸမ်ႉ ပေႃးၶဝ်ၸိူဝ်းဢၼ်ၸၢပ်ႈသႅင်ႇၵၼ်တင်းပိင်းၺၢပ်ႈတြႃးၼၼ်ႉ ပဵၼ်ၵေႃႉဢၼ်ၶၢမ်ႇဢမူၺ်ႇၸိုင်၊ တြႃးတၢင်းဢၼ်ယုမ်ႇမၢတ်ႈ လႆႈၶၢမ်ႇတၢင်းဢၼ်ပႄႇပႅတ်ႈယဝ်ႉ။ ၵတီႉၸဝ်ႈၵေႃႈပဵၼ်ဢၼ်လၢႆလၢႆဢမ်ႇပွင်ႇလွင်ႈၵႃႈသင်ၵႂႃႇဢေႃႈ။- 15ပိင်းၺၢပ်ႈတြႃးၸမ်ႉ၊ၸၢပ်ႈသႅင်ႇၵၼ်တင်းတေႃးသႃႉ တၢင်းၸႂ်မႆႈဢေႃႈ။ ပေႃးဢမ်ႇမီးပိင်းၺၢပ်ႈတြႃးၸိုင်၊ ဢပႅတ်ႈတၢင်းဢၼ်ပူၼ်ႉလိူဝ်ဢမ်ႇမီး။- 16ၵွပ်ႈႁွႆးၼႆႉလႄႈ၊ ၼင်ႇႁိုဝ်ၵတီႉၸဝ်ႈ တၵ်းပျေႉၸုမ်ႇတီႈၸိူဝ်ႉၶိူဝ်းတင်းသဵင်ႈတင်းလူင်ဢၼ်ဝႃႈ ၸိူဝ်ႉၶိူဝ်းဢၼ်ၸၢပ်ႈသႅင်ႇၵၼ်တင်းပိင်းၺၢပ်ႈတြႃးၵူၺ်းဢမ်ႇၵႃး တီႈၸိူဝ်ႉၶိူဝ်းဢၼ်ၸၢပ်ႈသႅင်ႇၵၼ်တင်းတြႃးတၢင်းယုမ်ႇမၢတ်ႈဢႃႇပြႃႇႁၢမ်ႇ ဢၼ်ပဵၼ်ပေႃႈႁဝ်း တင်းသဵင်ႈတင်းလူင်ၼၼ်ႉၸိုင်၊ ပဵၼ်ၵွပ်ႈပိူဝ်ႈတြႃးတၢင်းယုမ်ႇမၢတ်ႈ ႁႂ်ႈလႆႈပဵၼ်ၵွပ်ႈပိူဝ်ႈၵျေးၸူးၸဝ်ႈဢေႃႈ။- 17ၵႃႈၼင်ႇဢၼ်မႃးၼႂ်းၵျၢမ်းလိၵ်ႈလႄႈဝႃႈ ၵဝ်တၵ်းႁႂ်ႈမႂ်းပဵၼ်ပေႃႈၵူၼ်းမဵဝ်းၼမ်ၼႃႇဢေႃႈ၊ ဝႃႈၼင်ႇၼႆၼၼ်ႉ၊ ဢႃႇပြႃႇႁၢမ်ႇၼၼ်ႉၸမ်ႉ၊ ပဵၼ်ပေႃႈႁဝ်းတင်းသဵင်ႈတင်းလူင် ၵႃႈတီႈၽၢႆႇၼႃႈၽြႃးပဵၼ်ၸဝ်ႈ ဢၼ်မၼ်းယုမ်ႇမၢတ်ႈဢၼ်ဝႃႈ ၸဝ်ႈဢၼ်ႁႂ်ႈၶဝ်ၸိူဝ်းဢၼ်တၢႆၵႂႃႇယဝ်ႉၼၼ်ႉၶိုၼ်းလိပ်း၊ ဢၼ်ဢဝ်လွင်ႈတၢင်းဢၼ်ဢမ်ႇပႆႇပဵၼ်တင်းလၢႆသင်ႇလၢတ်ႈဝႆႉ ၸိူဝ်ႉၼင်ႇဢၼ်ပဵၼ်မႃးယဝ်ႉၼၼ်ႉဢေႃႈ။- 18မၼ်းယင်းဢမ်ႇမီးတီႈတၵ်းမုင်ႈထႃႈမွင်းထႃႈ လွင်ႈဢၼ်တူဝ်ၸဝ်ႈၵဝ်ႇတၵ်းပဵၼ်ပေႃႈၵူၼ်းမဵဝ်းၼမ်ၼႃႇလႄႈ မုင်ႈထႃႈမွင်းထႃႈယူႇသေလႄႈ ယုမ်ႇမၢတ်ႈၸွမ်းၵႃႈၼင်ႇဢၼ်ပျႃႇတိၵ်ႈၸဝ်ႈမီးဝႆႉလႄႈဝႃႈ ၸိူဝ်ႉၶိူဝ်းမႂ်းတၵ်းပဵၼ်ၸိူဝ်ႉၼင်ႇၼၼ်ဢေႃႈ၊ ဝႃႈၼင်ႇၼႆၼၼ်ႉဢေႃႈ။- 19ပိူဝ်ႈဢၼ်တၢင်းယုမ်ႇမၢတ်ႈမၼ်းဢမ်ႇလဵၵ်ႉဢမ်ႇၵေႇ၊ မၼ်းယင်းဢမ်ႇၶုၵ်းၸႂ်လႆႈၶႆႈၸႂ်ထူပ်း လွင်ႈဢၼ်ဢသၢၵ်ႈမၼ်းလႆႈပၢၵ်ႇၼိုင်ႈလႄႈ တူဝ်မၼ်းပဵၼ်ၸိူဝ်ႉၼင်ႇတူဝ်တၢႆၼၼ်ႉယူႇ ဢိၵ်ႇတင်းလွင်ႈဢၼ်တွင်ႉမေးမၼ်းၸႃႇရႃႇ တၢႆယူႇၼၼ်ႉလႄႈ၊- 20ၵၢင်းလွတ်ႈတင်းၸႂ်ဢၼ်ဢမ်ႇယုမ်ႇလႄႈ ယင်းဢမ်ႇမီးတၢင်းဢၼ်ၶႆႈၸႂ်ဝူၼ်ႉၸႂ်လူၺ်ႈလွင်ႈဢၼ်ၵတီႉၽြႃးပဵၼ်ၸဝ်ႈၼၼ်ႉ ၸႂ်ႈႁိုဝ် ဢမ်ႇၸႂ်ႈႁိုဝ်ၼၼ်ႉလႄႈ ယွင်ႈယေႃးၽြႃးပဵၼ်ၸဝ်ႈ ၵွပ်ႈပိူဝ်ႈတၢင်းယုမ်ႇမၢတ်ႈဢၼ်ယႂ်ႇၼႃႇယူႇသေလႄႈ၊- 21တူၵ်းၵၢင်ၸႂ်လွင်ႈဢၼ်ၸဝ်ႈဢၼ်ဝႆႉၵတီႉၼၼ်ႉ တၢတ်ႈၼိူင်ႇၵႃႈၼင်ႇဢၼ် ၵတီႉၸဝ်ႈမီးၼၼ်ႉလႆႈယူႇၼၼ်ႉဢေႃႈ။- 22ပိူဝ်ႈၼႆလႄႈတၢင်းယုမ်ႇမၢတ်ႈမၼ်းၼၼ်ႉၸိုင် မၼ်းၸဝ်ႈမၢတ်ႈပဵၼ်ၸိူဝ်ႉၼင်ႇတၢင်းသိုဝ်ႈတေႃႇဢေႃႈ။
23မၼ်းၸဝ်ႈမၢတ်ႈပဵၼ်ၸိူဝ်ႉၼင်ႇၼၼ်ဝႃႈၼႆ၊ တႅမ်ႈဝႆႉၼႂ်းၵျၢမ်းလိၵ်ႈပုၼ်ႈဢၵျူဝ်းဢႃႇပြႃႇႁၢမ်ႇၵူၺ်းဢမ်ႇၸႂ်ႈ။- 24ပုၼ်ႈဢၵျူဝ်းႁဝ်းၵေႃႈ တႅမ်ႈဝႆႉဢေႃႈ။ ပေႃးႁဝ်းယုမ်ႇမၢတ်ႈၵေႃႉဢၼ်ႁႂ်ႈၸဝ်ႈႁဝ်းယေႇသူႉ လုၵ်ႉၵႃႈတၢင်းတၢႆၶိုၼ်းလိပ်းၼၼ်ႉၸိုင်၊ မၼ်းၸဝ်ႈတၵ်းမၢတ်ႈတၢင်းယုမ်ႇမၢတ်ႈၼၼ်ႉ ပဵၼ်ၸိူဝ်ႉၼင်ႇတၢင်းသိုဝ်ႈတေႃႇဢေႃႈ။- 25ၸဝ်ႈယေႇသူႉၼၼ်ႉ ၶၢမ်ႇတၢင်းဢၢပ်ႈၵွပ်ႈပိူဝ်ႈဢပႅတ်ႈႁဝ်းလႄႈ သမ်ႉလုၵ်ႉၶိုၼ်းႁႂ်ႈႁဝ်းလႆႈႁွတ်ႈထိုင် တၢင်းသိုဝ်ႈတေႃႇဢေႃႈ။
Currently Selected:
ရူဝ်းမႃႉ 4: CBMS
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
