ရူဝ်းမႃႉ 5
5
တြႃးဢၼ်ၶိုၼ်းလီၵၼ်တင်းၸဝ်ႈၽြႃး
1ပိူဝ်ႈၼႆလႄႈ ႁဝ်းမီးတၢင်းယုမ်ႇမၢတ်ႈလႄႈ ႁွတ်ႈထိုင်တၢင်းသိုဝ်ႈတေႃႇသေယဝ်ႉ၊ ၸၢမ်ႇၸႃးတၢင်းၼိမ်ၵႃႈတီႈၽၢႆႇၼႃႈၽြႃးပဵၼ်ၸဝ်ႈ ၵွပ်ႈပိူဝ်ႈၸဝ်ႈႁဝ်း ယေႇသူႉၶရိၸ်ႈဢေႃႈ။- 2ၵွပ်ႈပိူဝ်ႈၸဝ်ႈၼၼ်ႉၵူၺ်းလႄႈ ႁဝ်းမီးတၢင်းယုမ်ႇမၢတ်ႈယူႇသေလႄႈ လႆႈဢၶႂၢင်ႉဢၼ်ၸၢမ်ႇၸႃးၵျေးၸူးၸဝ်ႈ တီႈဢၼ်ႁဝ်းတႄႇယူႇၼၼ်ႉဢေႃႈ။ ၵွပ်ႈႁွႆးၼႆႉ ႁဝ်းမုင်ႈထႃႈမွင်းထႃႈမုၼ်ၽြႃးပဵၼ်ၸဝ်ႈလႄႈ ဢုပ်ႇဝၢဝ်းသိူဝ်းပျေႃႇဢေႃႈ။- 3လိူဝ်သေၼၼ်ႉဢမ်ႇၵႃး၊ ႁဝ်းၶၢမ်ႇတုၵ်ႉၶႃႉတၢင်းၽၢၼ်လႄႈ ဢုပ်ႇဝၢဝ်းသိူဝ်းပျေႃႇဢေႃႈ။ လွင်ႈမၼ်းၸမ်ႉ တုၵ်ႉၶႃႉတၢင်းၽၢၼ်ၼၼ်ႉၸၢင်ႈပွင်ၸၢင်ႈႁဵတ်းတၢင်းဢၼ်ယိူၼ်ႉၶၢမ်ႇဢေႃႈ။- 4တၢင်းဢၼ်ယိူၼ်ႉၶၢမ်ႇၵေႃႈ ၸၢင်ႈပွင်ၸၢင်ႈႁဵတ်းတၢင်းဢၼ်သၢၵ်ႈသေႇထၢင်ႇသႃးဢေႃႈ။ တၢင်းဢၼ်သၢၵ်ႈသေႇထၢင်ႇသႃးၵေႃႈ ၸၢင်ႈပွင်ၸၢင်ႈႁဵတ်း တၢင်းဢၼ်မုင်ႈထႃႈမွင်းထႃႈဢေႃႈ။- 5တၢင်းဢၼ်မုင်ႈထႃႈမွင်းထႃႈၼၼ်ႉ ၵၢင်းလွတ်ႈတင်းတၢင်းဢၼ်လီဢၢႆဢေႃႈ။ ၵွပ်ႈပိူဝ်ႈၸိူဝ်ႉၼင်ႇႁိုဝ်ဝႃႈၼႆၸမ်ႉ ဝီႉၺိၺ်ႇဢၼ်မူတ်းၸၢင်ႇၸဝ်ႈဢၼ်မၼ်းၸဝ်ႈပၼ်တီႈႁဝ်းၼၼ်ႉ ဢဝ်တင်းတၢင်းႁၵ်ႉမႅတ်ႈတႃႇၽြႃးပဵၼ်ၸဝ်ႈလႄႈ သွၼ်းလေႃႇၼႂ်းႁူဝ်ၸႂ်ႁဝ်းဢေႃႈ။
6ၼႂ်းမိူဝ်ႈဢၼ်ႁဝ်းယင်းတိုၵ်ႉဢမ်ႇမီးႁႅင်းယူႇၼၼ်ႉၸိုင် ၶိင်ႇမၼ်းထုၵ်ႇယဝ်ႉၸင်ႇ၊ ၸဝ်ႈၶရိၸ်ႈၶၢမ်ႇတၢင်းတၢႆ ပုၼ်ႈၶဝ်ၸိူဝ်းဢၼ်ဢမ်ႇတြႃးဢေႃႈ။- 7ၵေႃႉဢၼ်တၵ်းၶၢမ်ႇတၢင်းတၢႆပုၼ်ႈ ၵေႃႉဢၼ်သိုဝ်ႈတေႃႇၼၼ်ႉၸိုင် မီးဝႆႉဢေႃႈ၊ ၵေႃႉဢၼ်ႁတ်းၶၢမ်ႇတၢင်းတၢႆပုၼ်ႈ #5:7 ၵူၼ်းသူႇတေႃႇၵွင်း - ၵူၼ်းဢၼ်ၵမ်ၵျၢင်ႉၸွမ်းတြႃး ၵူၼ်းသူႇတေႃႇၵွင်းၼၼ်ႉၸိုင်ၸၢင်ႈၶႄးတၵ်းမီးဢေႃႈဝႃႈၼႆ၊ ႁႂ်ႈၸႂ်ႈသေလူးၵွၼ်ႇတႃႉ။- 8ၵွပ်ႈပိူဝ်ႈဢၼ် ၸဝ်ႈၶရိၸ်ႈၶၢမ်ႇတၢင်းတၢႆပုၼ်ႈႁဝ်း ၼႂ်းမိူဝ်ႈဢၼ်ႁဝ်းယင်းတိုၵ်ႉမီးဢပႅတ်ႈယူႇၼၼ်ႉလႄႈ ၽြႃးပဵၼ်ၸဝ်ႈၼႄပျႃးလွင်ႈဢၼ်မၼ်းၸဝ်ႈႁၵ်ႉႁဝ်းထၢၼ်ႇလႂ်ၼၼ်ႉထၢင်ႇထၢင်ႇသႃးသႃးတီႈႁဝ်းဢေႃႈ။- 9ပိူဝ်ႈၼႆလႄႈ တေႃႈလဵဝ်ၼႆႉ ႁဝ်းႁွတ်ႈထိုင်တၢင်းသိုဝ်ႈတေႃႇ ၵွပ်ႈပိူဝ်ႈလိူတ်ႈၸဝ်ႈယဝ်ႉၸင်ႇတၵ်းႁွတ်ႈထိုင် တၢင်းဢၼ်ၵႄႇၶျွတ်ႈဢဝ်သေၵႃႈၼႂ်း တေႃးသႃႉတၢင်းဢၼ်မၼ်းၸဝ်ႈၸႂ်မႆႈၼၼ်ႉ ၵွပ်ႈပိူဝ်ႈၸဝ်ႈၼၼ်ႉဝႃႈၼႆ ယဵင်ႈၶႅၼ်းမီးတီႈမုင်ႈထႃႈမွင်းထႃႈဢေႃႈ။- 10လွင်ႈမၼ်းၸမ်ႉ ပိၵ်ႉသမ်ႉႁဝ်းပဵၼ်ရၢၼ်ႇသူႇယူႇသေၵေႃႈ၊ ပေႃးႁဝ်းလႆႈၶၢမ်ႇမိၵ်ႉသႃႇႁႃယႃႉ တၢင်းဢၼ်ထုၵ်ႇၵၼ်တင်းၽြႃးပဵၼ်ၸဝ်ႈ ၵွပ်ႈပိူဝ်ႈတၢင်းဢၼ်လုၵ်ႈမၼ်းၸဝ်ႈၶၢမ်ႇတၢင်းတၢႆၼၼ်ႉၸိုင်၊ ႁဝ်းႁဵတ်းမိၵ်ႉသႃႇႁႃယႃႉတၢင်းဢၼ်ထုၵ်ႇၵၼ်ယဝ်ႉၸင်ႇ တၵ်းႁွတ်ႈထိုင်တၢင်းဢၼ်ၵႄႇၶျွတ်ႈဢဝ် ၵွပ်ႈပိူဝ်ႈဢသၢၵ်ႈၸဝ်ႈၼၼ်ႉဢေႃႈဝႃႈၼႆ၊ ယဵင်ႈၶႅၼ်းမီးတီႈမုင်ႈထႃႈမွင်းထႃႈဢေႃႈ။- 11လိူဝ်သေၼၼ်ႉဢမ်ႇၵႃး၊ တေႃႈလဵဝ်ၼႆႉ ႁဝ်းၶၢမ်ႇမိၵ်ႉသႃႇႁႃယႃႉတၢင်းဢၼ်ထုၵ်ႇၵၼ်ၵွပ်ႈပိူဝ်ႈၸဝ်ႈႁဝ်း ယေႇသူႉၶရိၸ်ႈၼၼ်ႉယဝ်ႉၸင်ႇ မီးတၢင်းဢၼ်ဢုပ်ႇဝၢဝ်းသိူဝ်းပျေႃႇၼႂ်းၽြႃးပဵၼ်ၸဝ်ႈ ၵွပ်ႈပိူဝ်ႈၸဝ်ႈၼၼ်ႉဢေႃႈ။
ဢႃႇတၢမ်ႇတင်းၸဝ်ႈၶရိၸ်ႈ
12ၸိူဝ်ႉၼင်ႇဢၼ်ဢပႅတ်ႈတြႃးၶဝ်ႈၼႂ်းလေႃးၵႃႉ ၵွပ်ႈပိူဝ်ႈၵူၼ်းၵေႃႉၼိုင်ႈလႄႈ တြႃးတၢင်းတၢႆၶဝ်ႈၼႂ်းလေႃးၵႃႉ ၵွပ်ႈပိူဝ်ႈဢပႅတ်ႈတြႃးၼၼ်ႉ၊ ၵူၼ်းတင်းသဵင်ႈတင်းလူင် ၵွပ်ႈပိူဝ်ႈဢၼ်မီးဢပႅတ်ႈလႄႈ၊ ႁွတ်ႈထိုင်တၢင်းတၢႆဢေႃႈ။- 13ၸူဝ်ႈဢၼ်ဢမ်ႇပႆႇဝႆႉပိင်းၺၢပ်ႈတြႃးၼၼ်ႉၸိုင်၊ ဢပႅတ်ႈမီးၼႂ်းလေႃးၵႃႉဢေႃႈ။ ၵူၺ်းၵႃႈပေႃးဢမ်ႇမီးပိင်းၺၢပ်ႈတြႃးလႃးလႃးၸိုင်၊ ဢပႅတ်ႈမီးဝႃႈၼႆတီႈတၵ်းမၢတ်ႈဢမ်ႇမီး။- 14ၼႂ်းဝႃႈၼၼ်သေၵေႃႈ ၸႃႉၸဵမ်ပၢၼ်ဢႃႇတၢမ်ႇတေႃႇထိုင်ႁွတ်ႈပၢၼ်မူဝ်းသေႇၼၼ်ႉ၊ တြႃးတၢင်းတၢႆလႆႈဢုပ်ႉပိူင်ႇဢေႃႈ။ ၵေႃႉဢၼ်ဢမ်ႇၽိတ်းပိူင်ႈမိူၼ်ၸိူဝ်ႉၼင်ႇဢၼ်ဢႃႇတၢမ်ႇၽိတ်းပိူင်ႈၼၼ်ႉၵေႃႈ လႆႈဢုပ်ႉပိူင်ႇဢေႃႈ။ ဢႃႇတၢမ်ႇၼၼ်ႉၸမ်ႉ၊ ပဵၼ်ပုင်ႇပမႃႇၵေႃႉဢၼ်တၵ်းမႃးၵမ်းလိုၼ်းဢေႃႈ။
15ၼႂ်းဝႃႈၼၼ်သေၵေႃႈ သၽေႃးတၢင်းဢၼ်ၽိတ်းပိူင်ႈ တင်းသၽေႃးၵျေးၸူးၸဝ်ႈဢမ်ႇမိူၼ်ၵၼ်။ လွင်ႈမၼ်းၸမ်ႉ ၵွပ်ႈပိူဝ်ႈဢၼ်ၵူၼ်းၵေႃႉၼိုင်ႈၽိတ်းပိူင်ႈၼၼ်ႉလႄႈ ၵူၼ်းၼမ်ၼႃႇႁွတ်ႈထိုင်တၢင်းတၢႆဢေႃႈ။ ၵွပ်ႈပိူဝ်ႈၵူၼ်းၵေႃႉၼိုင်ႈဢၼ်ဝႃႈ ယေႇသူႉၶရိၸ်ႈၼၼ်ႉလႄႈ ၵျေးၸူးၽြႃးပဵၼ်ၸဝ်ႈ တင်းဢၵျူဝ်းၵျေးၸူးၼၼ်ႉ ယဵင်ႈၶႅၼ်းပျေႉၸုမ်ႇတဵမ်ဝႆႉၼႂ်းၵူၼ်းၼမ်ၼႃႇဢေႃႈ။
16လိူဝ်သေၼၼ်ႉ၊ လွင်ႈတၢင်းဢၼ်ပဵၼ်ၵွပ်ႈပိူဝ်ႈဢၼ် ၵူၼ်းၵေႃႉၼိုင်ႈၽိတ်းပိူင်ႈၼၼ်ႉ တင်းလွင်ႈတၢင်းသူႉၵျေးၸူးၸဝ်ႈ ဢမ်ႇမိူၼ်ၵၼ်၊ လွင်ႈမၼ်းၸမ်ႉ ၼႂ်းလွင်ႈတၢင်းဢၼ်ၸီႇယၢင်ႇတြႃးၸိုင်၊ ၵွပ်ႈပိူဝ်ႈဢပႅတ်ႈဢၼ်ၼိုင်ႈလႄႈ တၵ်းလႆႈၶၢမ်ႇတၢမ်ႇဝႃႈၼႆ ၸီႇယၢင်ႇဢေႃႈ။ ၼႂ်းလွင်ႈသူႉၵျေးၸူးၸဝ်ႈၸိုင်၊ မီးဢပႅတ်ႈၼမ်ၼႃႇယူႇသေၵေႃႈ၊ ႁႂ်ႈလွတ်ႈတႃႉဝႃႈၼႆ ၸီႇယၢင်ႇဢေႃႈ။- 17လိူဝ်သေၼၼ်ႉ၊ ၵွပ်ႈပိူဝ်ႈဢၼ်ၵူၼ်းၵေႃႉၼိုင်ႈၽိတ်းပိူင်ႈလႄႈ ပေႃးတြႃးတၢင်းတၢႆလႆႈဢုပ်ႉပိူင်ႇၵွပ်ႈပိူဝ်ႈၵူၼ်းၵေႃႉၼိုင်ႈၼၼ်ႉၸိုင်၊ ၶဝ်ၸိူဝ်းဢၼ်လႆႈၶၢမ်ႇဢဝ် တၢင်းဢၼ်ၵျေးၸူးၸဝ်ႈၼမ်ၵိုၼ်းၼႃႇ ဢိၵ်ႇတင်းတၢင်းဢၼ်မၼ်းၸဝ်ႈသႂၢင်းသႂ်ႇပၼ် ၼႂ်းတၢင်းဢၼ်သိုဝ်ႈတေႃႇၼၼ်ႉ၊ ယဵင်ႈၶႅၼ်းဢသၢၵ်ႈတၵ်းလိပ်းယူႇလႄႈ ၸၢမ်ႇၸႃးၵွပ်ႈပိူဝ်ႈၵေႃႉၼိုင်ႈဢၼ်ဝႃႈ ယေႇသူႉၶရိၸ်ႈၼၼ်ႉဢေႃႈ။
18ပိူဝ်ႈၼႆလႄႈ ၸိူဝ်ႉၼင်ႇဢၼ်ၵူၼ်းတင်းသဵင်ႈတင်းလူင်ထူပ်းတၢင်းၸီႇယၢင်ႇဢပႅတ်ႈ ၵွပ်ႈပိူဝ်ႈတၢင်းဢၼ်ၵေႃႉၼိုင်ႈ ၽိတ်းပိူင်ႈၼၼ်ႉ၊ ၵူၼ်းတင်းသဵင်ႈတင်းလူင်လႆႈဢၶႂၢင်ႉဢၼ်ႁွတ်ႈထိုင်တၢင်းဢၼ်သိုဝ်ႈတေႃႇ ဢၼ်ၸၢပ်ႈသႅင်ႇၵၼ်တင်းဢသၢၵ်ႈ ၵွပ်ႈပိူဝ်ႈတၢင်းဢၼ်ၵေႃႉၼိုင်ႈသိုဝ်ႈတေႃႇၼၼ်ႉဢေႃႈ။- 19လွင်ႈမၼ်းၸမ်ႉ ၸိူဝ်ႉၼင်ႇဢၼ်ၵူၼ်းၼမ်ၼႃႇႁွတ်ႈထိုင်ဢပႅတ်ႈ ၵွပ်ႈပိူဝ်ႈတၢင်းဢၼ်ၵေႃႉၼိုင်ႈဢမ်ႇထွမ်ႇၼၼ်ႉ၊ ၵူၼ်းၼမ်ၼႃႇတၵ်းလႆႈႁွတ်ႈထိုင်တၢင်းဢၼ်သိုဝ်ႈတေႃႇ ၵွပ်ႈပိူဝ်ႈတၢင်းဢၼ်ၵူၼ်းၵေႃႉၼိုင်ႈထွမ်ႇဢေႃႈ။
20လိူဝ်သေၼၼ်ႉ၊ ပိင်းၺၢပ်ႈတြႃးသမ်ႉ ၶဝ်ႈထႅင်ႈႁႂ်ႈဢပႅတ်ႈဢၼ်ၽိတ်းပိူင်ႈလႆႈယႂ်ႇမႃးၼမ်မႃးဢေႃႈ။ ၼႂ်းဝႃႈၼၼ်သေၵေႃႈ ၼႂ်းလွင်ႈဢၼ်ဢပႅတ်ႈယႂ်ႇမႃးၼမ်မႃးၼၼ်ႉ၊ ၵျေးၸူးၸဝ်ႈယဵင်ႈၶႅၼ်းပျေႉၸုမ်ႇၼမ်ၵိုၼ်းၼႃႇဢေႃႈ။- 21ပေႃးပဵၼ်ၸိူဝ်ႉၼင်ႇၼႆၸိုင်၊ ၸိူဝ်ႉၼင်ႇဢၼ်ဢပႅတ်ႈတြႃးလႆႈဢုပ်ႉပိူင်ႇၵွပ်ႈပိူဝ်ႈတၢင်းတၢႆၼၼ်ႉ၊ ၵျေးၸူးတြႃးတၵ်းလႆႈဢုပ်ႉပိူင်ႇၵွပ်ႈပိူဝ်ႈတၢင်းဢၼ်သိုဝ်ႈတေႃႇ ဢၼ်ၸၢပ်ႈသႅင်ႇၵၼ်တင်းထႃႇဝရႃႉဢသၢၵ်ႈ ၵွပ်ႈပိူဝ်ႈၸဝ်ႈႁဝ်းယေႇသူႉၶရိၸ်ႈၼၼ်ႉဢေႃႈ။
Currently Selected:
ရူဝ်းမႃႉ 5: CBMS
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
