1 ၵေႃးရိၼ်ႇထူႉ 5

လွင်ႈဢၼ်ႁၢႆႉမိူၵ်ႈၼႂ်းၸိူဝ်းၸဝ်ႈ

1လွင်ႈဢၼ်ၵေႃႉဢၼ်ဢိင်မေႇထုင်ႇဢၼ်ဢမ်ႇတြႃးဢိတ်းဢီႈၵူၺ်းဢမ်ႇၸႂ်ႈ။ ဢိင်မေႇထုင်ႇဢၼ်ဢမ်ႇၸၢင်ႈလႆႈငိၼ်းၵႃႈၼႂ်းၵူၼ်းသႃႇသၼႃႇပႃႉတင်းလၢႆ ဢၼ်ဝႃႈတၢင်းဢၼ်သိမ်းဢဝ်မေးပေႃႈတူဝ်ၸဝ်ႈၵဝ်ႇၼၼ်ႉ မီးယူႇၵႃႈၼႂ်းသူၼၼ်ႉၸိုင်ၸွတ်ႇတူဝ်ႈၵူႈတီႈၵူႈလႅၼ်ဢေႃႈ။- 2သူၸိုင်ႁဵတ်းၸႂ်ဢၼ်သုင်ယူႇလႄႈ ယင်းဢမ်ႇမႆႈၸႂ်ၶီၸႂ်ၶၢင်းၶီၶၢင်းၽၢၼ်ႁႂ်ႈလႆႈႁေႃႈၵေႃႉဢၼ်ႁဵတ်းၸိူဝ်ႉၼင်ႇၼၼ်ၼၼ်ႉဢွၵ်ႇပႅတ်ႈၵႃႈၼႂ်းသူလူင်ပႄႇ။- 3ပိူဝ်ႈၼႆၸင်ႇ၊ ပိၵ်ႉသမ်ႉတူဝ်ၶၼ်ႇထႃႇၵဝ်ၽၢတ်ႇယၢၼ်ၵၼ်တင်းသူယူႇသေၵေႃႈ၊ ၸႂ်ဝီႉၺိၺ်ႇၵဝ်ဢမ်ႇၽၢတ်ႇဢမ်ႇယၢၼ်။ တေႃႈလဵဝ်ၼႆႉ ၵဝ်ၸီႇယၢင်ႇၵေႃႉဢၼ်ၵမ်ၵျၢင်ႉၸိူဝ်ႉၼင်ႇၼၼ်ၼၼ်ႉမိူၼ်ၸိူဝ်ႉၼင်ႇဢၼ်ၵဝ်မီးယူႇလူၺ်ႈၵၼ်တင်းသူၼၼ်ႉယဝ်ႉ။- 4တၢင်းဢၼ်ၵဝ်ၸီႇယၢင်ႇၸမ်ႉ၊ သူဢိင်ဢၶႂၢင်ႉၸဝ်ႈႁဝ်းယေႇသူႉၶရိၸ်ႈသေလႄႈ ၸူႉတုမ်လူၺ်ႈၵၼ်တင်းဝီႉၺိၺ်ႇၵဝ်ယဝ်ႉၸင်ႇ ဢိင်တၼ်းၶူဝ်းၸဝ်ႈႁဝ်း ယေႇသူႉၶရိၸ်ႈသေလႄႈ၊- 5ဢဝ်မၼ်းဢၢပ်ႈပၼ်ၼႂ်းမိုဝ်းၸႃႇတၢၼ်ႇ ပုၼ်ႈဢၼ်တူဝ်ၶၼ်ႇထႃႇမၼ်းတၵ်းလူႉၵႂႃႇ ႁႂ်ႈဝီႉၺိၺ်ႇမၼ်းလႆႈႁွတ်ႈထိုင်တၢင်းဢၼ်ၵႄႇၶျွတ်ႈဢဝ် ၼႂ်းဝၼ်းယေႇသူႉၶရိၸ်ႈပုၼ်ႉၼၼ်ႉတႃႉ။

6တၢင်းဢၼ်သူဢုပ်ႇဝၢဝ်းၼၼ်ႉၸိုင် ပဵၼ်ဢၼ်ဢမ်ႇလီဢမ်ႇထုၵ်ႇဢေႃႈ။ သူဢမ်ႇႁူႉလွင်ႈဢၼ်ၸိူဝ်ႉပႅင်ႈဢိတ်းၼိုင်ႈၵူၺ်း ၸၢင်ႈႁႂ်ႈၶဝ်ႈမုၼ်းလိပ်းတင်းၵွင်ပွင်းၶိုၼ်ႈၼၼ်ႉႁိုဝ်။- 7ၼင်ႇႁိုဝ်သူတၵ်းပဵၼ်ၶဝ်ႈမုၼ်းလိပ်းၵွင်ၼိုင်ႈဢၼ်မႂ်ႇၸိူဝ်ႉၼင်ႇဢၼ်ဢမ်ႇပႃးၸိူဝ်ႉပႅင်ႈၼၼ်ႉၸိုင် ၽဵဝ်ႈပႅတ်ႈၸိူဝ်ႉပႅင်ႈဢၼ်ၵဝ်ႇၼၼ်ႉမူတ်းမူတ်းတႃႉ။ လွင်ႈမၼ်းၸမ်ႉၸဝ်ႈၶရိၸ်ႈ ဢၼ်ဝႃႈသူဝ်းဢွၼ်ႇပႃႉသၶႃႇႁဝ်းၼၼ်ႉ ပဵၼ်ယိတ်ႈတၢင်းဢၼ်ပုၵ်ႈၸေႃႇပုၼ်ႈႁဝ်းဢေႃႈ။- 8ပိူဝ်ႈၼႆလႄႈ ပႄႇပႅတ်ႈၸိူဝ်ႉပႅင်ႈဢၼ်ၵဝ်ႇ ဢိၵ်ႇတင်းၸိူဝ်ႉပႅင်ႈတၢင်းဢၼ်ႁၢႆႉမိူၵ်ႈ၊ တၢင်းဢၼ်ၵူဝ်ႈၵိူၵ်ႇၸိူဝ်းၼၼ်ႉသေလႄႈ ဢွၼ်ၵၼ်ဢဝ်တင်းၶဝ်ႈမုၼ်းဢၼ်ဢမ်ႇပႃးၸိူဝ်ႉပႅင်ႈ ဢၼ်ဝႃႈတၢင်းဢၼ်ၶၢဝ်ၸၢင်ႇ၊ တၢင်းဢၼ်ပႂ်ႉသဵတ်ႈၸႃႇၼၼ်ႉၶၢမ်ႇပွႆးတႃႉႁဝ်း။

9ၼင်ႇႁိုဝ်သူတၵ်းဢမ်ႇႁဵတ်းၵေႃႉႁဵတ်းသေႈလူၺ်ႈၵၼ် တင်းၶဝ်ၸိူဝ်းဢၼ်ဢိင်မေႇထုင်ႇဢၼ်ဢမ်ႇတြႃးၼၼ်ႉၸိုင်၊ ၵဝ်ၸီႇယၢင်ႇတႅမ်ႈဝႆႉၼႂ်းလိၵ်ႈဢေႃးဝႃႇတႃႉၽိုၼ်ဢွၼ်တၢင်းၼၼ်ႉယဝ်ႉ၊- 10မိူဝ်ႈဢၼ်တႅမ်ႈဝႃႈၸိူဝ်ႉၼင်ႇၼၼ်ၼၼ်ႉၸိုင်၊ တၵ်းဢမ်ႇလႆႈႁဵတ်းၵေႃႉႁဵတ်းသေႈလူၺ်ႈၵၼ်တင်းၵူၼ်းလေႃးၵီႇ ဢၼ်ႁဵတ်းတၢင်းဢၼ် ဢိင်မေႇထုင်ႇဢၼ်ဢမ်ႇတြႃး၊ တၢင်းဢၼ်လေႃးၽႃႉပူၼ်ႉလိူဝ်၊ တၢင်းဢၼ်ႁဵတ်းပႄႉႁဵတ်းၼႅင်ႇလႄႈႁိမ်ဢဝ်၊ တၢင်းဢၼ်ၵူဝ်းၵႂၢႆႇရုၵ်ႈထူႉၸိူဝ်းၼၼ်ႉလႃးလႃးဝႃႈၼႆၵဝ်ဢမ်ႇၶႂ်ႈဝႃႈ၊ ပေႃးဝႃႈၸိူဝ်ႉၼင်ႇၼၼ်ၸိုင်၊ သူတၵ်းလႆႈဢွၵ်ႇသေၵႃႈၼႂ်းလေႃးၵႃႉၼႆႉၵႂႃႇဢေႃႈ။- 11တေႃႈလဵဝ်ၼႆႉၸမ်ႉ၊ ပေႃးၵေႃႉဢၼ်လႆႈႁွင်ႉဝႃႈပီႈၼွင်ႉၼၼ်ႉႁဵတ်းၸႃႉၸဵမ်တၢင်းဢၼ်ဢိင်မေႇထုင်ႇဢၼ်ဢမ်ႇတြႃး၊ တၢင်းဢၼ်လေႃးၽႃႉပူၼ်ႉလိူဝ်၊ တၢင်းဢၼ်ၵူဝ်းၵႂၢႆႇရုၵ်ႈထူႉ၊ တၢင်းဢၼ်ၸၢင်ႈလႃႇၸၢင်ႈလင်၊ တၢင်းဢၼ်ၵိၼ်လဝ်ႈမဝ်းၵမ်၊ တၢင်းဢၼ်ႁဵတ်းပႄႉႁဵတ်းၼႅင်ႇလႄႈႁိမ်ဢဝ်ၸိူဝ်းၼၼ်ႉၸိုင် သူဢမ်ႇလႆႈႁဵတ်းၵေႃႉႁဵတ်းသေႈလူၺ်ႈၵၼ်တင်းမၼ်းဢမ်ႇၵႃး၊ တၢင်းဢၼ်ၵိၼ်ဢၼ်ၶူပ်းလူၺ်ႈၵၼ်တင်းမၼ်းၵေႃႈသူဢမ်ႇလႆႈႁဵတ်းဝႃႈၼႆ ၵဝ်တႅမ်ႈပၼ်ဢေႃႈ။

12ၵဝ်ၸၢပ်ႈသႅင်ႇၵၼ်တင်းဢမူႉတၢင်းဢၼ်ၸီႇယၢင်ႇၵူၼ်းၵႃႈၼွၵ်ႈတင်းလၢႆၸိူဝ်ႉၼင်ႇႁိုဝ်။ သူလႆႈၸီႇယၢင်ႇၵူၼ်းၵႃႈၼႂ်းတင်းလၢႆယူႇဢမ်ႇၸႂ်ႈႁိုဝ်။ ၵူၼ်းၵႃႈၼွၵ်ႈၸိူဝ်းၼၼ်ႉၸိုင်၊ 13ၽြႃးပဵၼ်ၸဝ်ႈတၵ်းၸီႇယၢင်ႇဢေႃႈ။ ပိူဝ်ႈၼႆလႄႈ ႁေႃႈၵူၼ်းႁၢႆႉၵူၼ်းမိူၵ်ႈၼၼ်ႉဢွၵ်ႇပႅတ်ႈသေၵႃႈၼႂ်းသူတႃႉ။

Currently Selected:

1 ၵေႃးရိၼ်ႇထူႉ 5: CBMS

Highlight

Copy