Popular Bible Verses from 1 ၵေႃးရိၼ်ႇထူႉ 5

Share

တေႃႈ​လဵဝ်​ၼႆႉ​ၸမ်ႉ၊ ပေႃး​ၵေႃႉ​ဢၼ်​လႆႈ​ႁွင်ႉ​ဝႃႈ​ပီႈ​ၼွင်ႉ​ၼၼ်ႉ​ႁဵတ်း​ၸႃႉ​ၸဵမ်​တၢင်း​ဢၼ်​ဢိင်​မေႇ​ထုင်ႇ​ဢၼ်​ဢမ်ႇ​တြႃး၊ တၢင်း​ဢၼ်​လေႃး​ၽႃႉ​ပူၼ်ႉ​လိူဝ်၊ တၢင်း​ဢၼ်​ၵူဝ်း​ၵႂၢႆႇ​ရုၵ်ႈ​ထူႉ၊ တၢင်း​ဢၼ်​ၸၢင်ႈ​လႃႇ​ၸၢင်ႈ​လင်၊ တၢင်း​ဢၼ်​ၵိၼ်​လဝ်ႈ​မဝ်း​ၵမ်၊ တၢင်း​ဢၼ်​ႁဵတ်း​ပႄႉ​ႁဵတ်း​ၼႅင်ႇ​လႄႈ​ႁိမ်​ဢဝ်​ၸိူဝ်း​ၼၼ်ႉ​ၸိုင် သူ​ဢမ်ႇ​လႆႈ​ႁဵတ်း​ၵေႃႉ​ႁဵတ်း​သေႈ​လူၺ်ႈ​ၵၼ်​တင်း​မၼ်း​ဢမ်ႇ​ၵႃး၊ တၢင်း​ဢၼ်​ၵိၼ်​ဢၼ်​ၶူပ်း​လူၺ်ႈ​ၵၼ်​တင်း​မၼ်း​ၵေႃႈ​သူ​ဢမ်ႇ​လႆႈ​ႁဵတ်း​ဝႃႈ​ၼႆ ၵဝ်​တႅမ်ႈ​ပၼ်​ဢေႃႈ။

ၼင်ႇ​ႁိုဝ်​သူ​တၵ်း​ပဵၼ်​ၶဝ်ႈ​မုၼ်း​လိပ်း​ၵွင်​ၼိုင်ႈ​ဢၼ်​မႂ်ႇ​ၸိူဝ်ႉ​ၼင်ႇ​ဢၼ်​ဢမ်ႇ​ပႃး​ၸိူဝ်ႉ​ပႅင်ႈ​ၼၼ်ႉ​ၸိုင် ၽဵဝ်ႈ​ပႅတ်ႈ​ၸိူဝ်ႉ​ပႅင်ႈ​ဢၼ်​ၵဝ်ႇ​ၼၼ်ႉ​မူတ်း​မူတ်း​တႃႉ။ လွင်ႈ​မၼ်း​ၸမ်ႉ​ၸဝ်ႈ​ၶရိၸ်ႈ ဢၼ်​ဝႃႈ​သူဝ်း​ဢွၼ်ႇ​ပႃႉသၶႃႇ​ႁဝ်း​ၼၼ်ႉ ပဵၼ်​ယိတ်ႈ​တၢင်း​ဢၼ်​ပုၵ်ႈ​ၸေႃႇ​ပုၼ်ႈ​ႁဝ်း​ဢေႃႈ။

ၵဝ်​ၸၢပ်ႈ​သႅင်ႇ​ၵၼ်​တင်း​ဢမူႉ​တၢင်း​ဢၼ်​ၸီႇ​ယၢင်ႇ​ၵူၼ်း​ၵႃႈ​ၼွၵ်ႈ​တင်း​လၢႆ​ၸိူဝ်ႉ​ၼင်ႇ​ႁိုဝ်။ သူ​လႆႈ​ၸီႇ​ယၢင်ႇ​ၵူၼ်း​ၵႃႈ​ၼႂ်း​တင်း​လၢႆ​ယူႇ​ဢမ်ႇ​ၸႂ်ႈ​ႁိုဝ်။ ၵူၼ်း​ၵႃႈ​ၼွၵ်ႈ​ၸိူဝ်း​ၼၼ်ႉ​ၸိုင်၊ ၽြႃး​ပဵၼ်​ၸဝ်ႈ​တၵ်း​ၸီႇ​ယၢင်ႇ​ဢေႃႈ။ ပိူဝ်ႈ​ၼႆ​လႄႈ ႁေႃႈ​ၵူၼ်း​ႁၢႆႉ​ၵူၼ်း​မိူၵ်ႈ​ၼၼ်ႉ​ဢွၵ်ႇ​ပႅတ်ႈ​သေ​ၵႃႈ​ၼႂ်း​သူ​တႃႉ။