Popular Bible Verses from 1 ၵေႃးရိၼ်ႇထူႉ 6

Share

ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ သူ​ဢမ်ႇ​ႁူႉ​လွင်ႈ​ဢၼ်​တူဝ်​ၶၼ်ႇ​ထႃႇ​သူ ပဵၼ်​ပိၵ်ႈ​မၢၼ်ႇ​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ဢၼ်​ၵိင်း​ဝၢပ်ႈ​ယူႇ​ၵႃႈ​ၼႂ်း​သူ ဢၼ်​ၽြႃး​ပဵၼ်​ၸဝ်ႈ​ဢဵတ်း​လူ​ပၼ်​တီႈ​သူ ဢိၵ်ႇ​တင်း​လွင်ႈ​ဢၼ်​တူဝ်​ၸဝ်ႈ​ၵဝ်ႇ ဢမ်ႇ​ပိူင်ႇ​တူဝ်​ၸဝ်ႈ​ၵဝ်ႇ​ၼၼ်ႉ​ႁိုဝ်။- ပိူဝ်ႈ​ဢၼ်​သူ​ပဵၼ်​ၵေႃႉ​ဢၼ်​မၼ်း​ၸဝ်ႈ​ဢဝ်​တင်း​ၵႃႈ​မၼ်း​ၶၼ်​မၼ်း​သိုဝ်ႉ​ဢဝ်​လႄႈ ဢဝ်​တင်း​တူဝ်​ၶၼ်ႇ​ထႃႇ​သူ​ႁႂ်ႈ​မုၼ်​ၽုင်း​ၽြႃး​ပဵၼ်​ၸဝ်ႈ​ထၢင်ႇ​သႃး​သေ​ၵမ်း​တႃႉ။

သူ​ဢမ်ႇ​ႁူႉ​လွင်ႈ​ဢၼ်​ၶဝ်​ၸိူဝ်း​ဢၼ်​ဢမ်ႇ​တြႃး​ၼၼ်ႉ တၵ်း​ဢမ်ႇ​လႆႈ​ၶၢမ်ႇ​ဢမူၺ်ႇ​မိူင်း​ၽြႃး​ပဵၼ်​ၸဝ်ႈ​ၼၼ်ႉ​ႁိုဝ်။ ယႃႇ​ပေ​ဢဝ်​ၽိတ်း​ဢဝ်​ပိူင်ႈ။ ၵေႃႉ​ဢၼ်​ဢိင်​မေႇ​ထုင်ႇ​ဢၼ်​ဢမ်ႇ​တြႃး​လႂ်၊ ၵေႃႉ​ဢၼ်​ၵူဝ်း​ၵႂၢႆႇ​ရုၵ်ႈ​ထူႉ​လႂ်၊ ၵေႃႉ​ဢၼ်​ၽိတ်း​ပိူင်ႈ​မေး​ပိူၼ်ႈ​လႂ်၊ ၵေႃႉ​ဢၼ်​ႁဵတ်း​မေႇ​ထုင်ႇ​ၽူႈ​ၸၢႆး​ၼင်ႇ​ၵၼ်​လႂ်၊ ၵေႃႉ​ဢၼ်​ၶၢမ်ႇ​ဢဝ်​ဢမူႉ​ၼၼ်ႉ​လႂ်၊- ၵေႃႉ​ဢၼ်​လၵ်ႉ​ဢဝ်​ဢုၵ်ႉ​ၸႃႇ​ပိူၼ်ႈ​လႂ်၊ ၵေႃႉ​ဢၼ်​လေႃး​ၽႃႉ​ပူၼ်ႉ​လိူဝ်​လႂ်၊ ၵေႃႉ​ဢၼ်​ၵိၼ်​လဝ်ႈ​လႄႈ​မဝ်း​လႂ်၊ ၵေႃႉ​ဢၼ်​ၸၢင်ႈ​လႃႇ​ၸၢင်ႈ​လင်​လႂ်၊ ၵေႃႉ​ဢၼ်​ႁဵတ်း​ပႄႉ​ႁဵတ်း​ၼႅင်ႇ​လႄႈ​ႁိမ်​ဢဝ်​လႂ်​ၸိူဝ်း​ၼၼ်ႉ တၵ်း​ဢမ်ႇ​လႆႈ​ၶၢမ်ႇ​ဢမူၺ်ႇ​မိူင်း​ၽြႃး​ပဵၼ်​ၸဝ်ႈ​ၵူၺ်ႉ။

ဝႄႈ​ပႅတ်ႈ​မေႇ​ထုင်ႇ​ဢၼ်​ဢမ်ႇ​တြႃး​တႃႉ။ တူႉ​ၸရိူၵ်ႈ​ဢပႅတ်ႈ​တၢင်ႇ​ၸိူဝ်ႉ​တၢင်ႇ​ဢၼ် ဢၼ်​ၵူၼ်း​ၸၢင်ႈ​ႁဵတ်း​ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ၸိုင်​မီး​ၽၢႆႇ​ၼွၵ်ႈ​ၵူၼ်း​ဢေႃႈ။ ၵေႃႉ​ဢၼ်​ႁဵတ်း​မေႇ​ထုင်ႇ​ဢၼ်​ဢမ်ႇ​တြႃး​ၼၼ်ႉ​ၸမ်ႉ၊ ၽိတ်း​ပိူင်ႈ​တူဝ်​ၶၼ်ႇ​ထႃႇ​တူဝ်​ၸဝ်ႈ​ၵဝ်ႇ​ဢေႃႈ။

ၵဝ်​ယင်း​ဢမ်ႇ​ထုၵ်ႇ​ဢပႅတ်ႈ​လႄႈ ႁဵတ်း​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​လႆႈ​ဢေႃႈ။ ၵဝ်​ထုၵ်ႇ​လီ​ႁဵတ်း​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​ဢမ်ႇ​ၸႂ်ႈ။ ၵဝ်​ယင်း​ဢမ်ႇ​ထုၵ်ႇ​ဢပႅတ်ႈ​လႄႈ ႁဵတ်း​လွင်ႈ​တၢင်း​ၵႃႈ​မီး​တင်း​သဵင်ႈ​တင်း​လူင်​လႆႈ​ဢေႃႈ။ ၵူၺ်း​ၵႃႈ တီႈ​လွင်ႈ​တၢင်း​ဢၼ်​လႂ်​သေ​ဢမ်ႇ​ဝႃႈ၊ ၵဝ်​ဢမ်ႇ​ၶၢမ်ႇ​ႁဵတ်း​ၶႃႈ။

ၽြႃး​ပဵၼ်​ၸဝ်ႈ​ႁႂ်ႈ​ၸဝ်ႈ​ၽြႃး​လုၵ်ႉ​ၶိုၼ်း​လႄႈ ႁဝ်း​ၵေႃႈ​မၼ်း​ၸဝ်ႈ​တၵ်း​ႁႂ်ႈ​လုၵ်ႉ​ၶိုၼ်း​ၵွပ်ႈ​ပိူဝ်ႈ​တၼ်း​ၶူဝ်း​ၸဝ်ႈ​ဢေႃႈ။