FAARSO 29
29
DAAWITI FAARSO
KAALIIQI HUURO WOLQAATAAMETE
1Ki'ne gordu kalaqami, Kaaliiqira galata abbe;
ayirrinyisinna wolqasi daafira galata shiqishshesi;
2Kaaliiqira su'misi ayirrinye abbe;
Ayirrado Qullaawa dargasi Kaaliiqira kumbuulle.
3Kaaliiqi huuro lowo baari aana macciishshantanno;
ayirradu Magani banqote gede beleqanno;
huurosino lowo wayi aana macciishshantanno.
4Kaaliiqi huuro wolqaataamete;
Kaaliiqi huuro ayirrinyu wo'minote.
5Kaaliiqi huuro daguwa hiiqqaqqitanno;
Kaaliiqi Libaanoosi daguwa cancananno.
6Libaanoosi Ilaali siitimma burraaqanno gede,
Hermooni Ilaali woraamimma xerembi'ranno gede assanno.
7Kaaliiqi huuro banqote gede xadhitanno.
8Kaaliiqi huuro molo baatto shaffanno;
Kaaliiqi Qaadesita molo baatto tenqe assanno.
9Kaaliiqi huuro qilxoota shashshaffanno;
daro giggishshite dubbo fano gatisanno.
Baalunku Qullaawa Minesi,
«Ayirrinyu Maganoho ikko» yaanno.
10Kaaliiqi waaho iimaanni ofollanno;
Kaaliiqi hegerera moohe hee'ranno.
11Kaaliiqi mannisira wolqa aanno;
Kaaliiqi mannasi maassi're keere woranno.
Currently Selected:
FAARSO 29: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
